Misee 1:1 - LAWA A BOO SONBORE 2011

¹ Dɛnaa Lawa a boo n ka kɛ nɛ, á pɛ Moresɛtin Misee ne. Zudaa tɔrɔn kiin kɛn, Zoatamu ni, Ahaazi ni ka Ezekiasi ni, bɛn gogoonmaa a wasa nɛ, Misee sii-nyaa yɛ Samarii laanka Zeruzalɛmu wɔ paǹ li.

LAWA A BOO SONBORE

¹ Dɛnaa Lawa a boo n ka kɛ nɛ, á pɛ Moresɛtin Misee ne. Zudaa tɔrɔn kiin kɛn, Zoatamu ni, Ahaazi ni ka Ezekiasi ni, bɛn gogoonmaa a wasa nɛ, Misee sii-nyaa yɛ Samarii laanka Zeruzalɛmu wɔ paǹ li.

Misee 1:1 ပူးပေါင်းရင်းမြစ်များ

Kiin2 15:32

Remalia a nɛgiĩ Pekaa lɛ, Izirayeli gána a kii lɛa, bɛa kiibaa lɛ̀ paabaa ǹ wɔ, Oziasi a nɛgiĩ Zoatamu Zudaa gána a kii baa.

Kiin2 15:5

Dɛnaa Lawa gɔ̀nɔn ki busu babaraa da kii lɛ-a, á nɔmaa á giã a gɔrɔn kion goon ne. A na á goã gɔ̀nɔn ki busu babaraadɛnaa lɛa, yǎa á woo kaa a gɛ̀ pinaa lɛ. Zoatamu mɛn nə́ ke kii a nɛgiĩ lɛa, bɛ na á goã kii a sumu laanka zaman lɛ mìi la.

Kiin2 16:1

Remalia a nɛgiĩ Pekaa a kiibaa lɛ̀ fulusɔbaabaa ǹ wɔ, Zoataamu a nɛgiĩ Ahaazi Zudaa gána a kii baa.

Kiin2 18:1

Elaa a nɛgiĩ Ozee lɛ Izirayeli gána a kii lɛa, bɛa kiibaa lɛ̀ sɔɔbaa ǹ wɔ, Ahaazi a nɛgiĩ Ezekiasi Zudaa gána a kii baa.

KZS2 28:1

Ahaazi bɛ́ kii biɛ, bɛ̀ a lɛ̀ fuə ne. Á kii baa Zeruzalɛmu lɛ̀ fulusɔrɔ. Sii mɛn bɛ́ a siĩn Dɛnaa Lawa yii li wa, a na á bɛ lɛ zɛnaa, ǹ digolo Davida a siin kɛn làfu lɛa.

KZS2 29:1

Ezekiasi á kii biɛ bɛ̀ a lɛ̀ fuəwensooro ne, á kii baa Zeruzalɛmu lɛ̀ fuəwenmanangɔrɔ. Ǹ dan tɔ n Aabii, Zakarii a nɛlɔ nɛ.

Izayii 1:1

Boon kɛn man Amɔsi a nɛgiĩ Izayii a sii yɛn lɛa, Zudaa gána laanka Zeruzalɛmu kiwi a paǹ li. Bɛa sii yɛn lɛn biikoo na á kɔnpɛ kii Oziasi a biikoo ne, Zoatamu wɔ nɛ, Ahaazi ni ka Ezekiasi wɔ nɛ, Zudaa gána mìi la.

Izayii 1:2

Lon, n too kɔ! Tán, n dɔ nə n too da! Dɛnaa Lawa n kɛ pii: «Man nɛnyaanan too, ǹ nə́ dadara kɔ, sɛnɛ, ǹ nə́ n gòãn dii ma ganaa.

Izayii 7:1

Oziasi a nɛgiĩ Zoatamu a nɛgiĩ Ahaazi a kiibaa biikoo li Zudaa gána nɛ, Siiriin kii Resini laanka Remalia a nɛgiĩ Izirayelin kii Pekaa daa zia baa Zeruzalɛmu ganaa. Sɛnɛ, ǹ gɔ̀lɔ̀baa yɛ wa.

Izayii 7:9

Samarii kɛ dɔ Efrayimu tɔrɔn kiwi gole lɛa, Remalia a nɛgiĩ sɛ n kii lɛa walan. Bɛ̀ ka n foo doa Dɛnaa Lawa ganaa wa, ka a re yii-nyɛɛ yii wa.

Zeremii 26:18

Ezekiasi a kiibaa waáraa Zudaa gána mìi la, Lawa a boo gii-dali goon goã a tan Moresɛti min lɛa a tɔ n Misee. Á pɛ Zudaa zaman tumaa-n kɛnɛn: Dɛnaa Lawa Pàãyiidɛnaa n kɛ pii: «*Siɔn nə die n biɛ ka wuru gɔ́ɔ̃ kooro bɛ́ lɔn, hiĩ, Zeruzalɛmu n die kɛbɔlɔ biɛ. Lawa a kion a tenten ke, bɛ n die nyan tewon biɛ.»

Ozee 1:1

Kɛ n Dɛnaa Lawa a boo lɛa, á pɛ Beeri a nɛgiĩ Ozee ne, Izirayelin kii Zoasi a nɛgiĩ Zeroboamu a kiibaa biikoo li. A na á kɔnpɛ ka Zudaa gána a kiin kɛn dɔn gogoonmaa a kiibaa biikoo ne: Oziasi wɔ nɛ, Zoatamu wɔ nɛ, ka Ahaazi laanka Ezekiasi wɔ nɛ.

Ozee 4:15

Izirayeli minin lɛn, bɛ̀ ka á kaa kɔrɔbaa lɛ zɛnɛɛ, ka zɛnaa! Sɛnɛ kasɛn Zudaa minin lɛn, ka baran n saa ǹ li wa! Ka nyan wo *wúlu bɔ ǹ bǎã kɛ nɛ Gilgaali wa, ka nyan wo Bɛti-Avɛn wa, sii baraa zɛnaa ǹ kion ke. Ka nyan nə n liɛ ka ka Dɛnaa Lawa Yiikoonaa tɔ-n wa!

Ozee 8:14

Izirayeli minin kɛn yiri bɔ ka ǹ zɛnaali ni, ǹ nə́ kion sonboren dɔdɔ. Zudaa minin kɛn, bɛn nə́ kungɔn dɔ, ǹ nə́ ǹ kiwi gigiã lɛnpɛnɛ nɛ. Sɛnɛ, ma á re tɛ diɛ ǹ kiwin lɛn ganaa, tɛ á re ǹ duru ǹ bǎã kakan kɛn kuĩ.

Amɔɔsi 1:1

Boon kɛn man Amɔɔsi a boon lɛa, tɔɔn-tooli lɛa Tekoa. Lawa siin mɛnɛn nyaa nɛ Izirayeli tɔrɔn wɔ paǹ li, bɛn lɛn man ka kɛn nɛ. Bɛa biikoo li, bɛ̀ Oziasi n Zudaa minin kii lɛa, kii Zoasi a nɛgiĩ Zeroboamu n Izirayeli minin kii lɛa. Bɛa siin lɛn zɛnaa kio ne lɛ̀ paa, tán tɔn bìn da.

Amɔɔsi 6:1

Amɔɔsi tɔn pɛ: Kasɛn mɛnɛn bɛ́ giã-n *Siɔn, yii-nyɛɛ la, kasɛn mɛnɛn bɛ́ là nyantoro gɔ́ɔ̃ nɛ, Samarii kele kɛ la, bɔ̀n na á ka yɛ. Ka dinin lɛn man tɔrɔn tumaa a nyɛɛnaandɛnan goledɛnan lɛa. E, Izirayeli tɔrɔn man baa sii die kasɛn kɛn lɛn miãn li!

Misee 1:5

Zakɔba tɔrɔn kɛn bɔlɔ-tii taman yii ni, kɛ tumaa á die n zɛnɛɛ. Izirayeli minin lɛn sii baraa a lɛa nɛ, kɛ tumaa á die n zɛnɛɛ. Izirayeli gána a bɔlɔ-tii kɛ na á bɔ die li? Samarii kiwi kɛ lɛ sii ni. Zudaa gána a dì wúlu bɔ kɛ na á bɔ die li? Zeruzalɛmu kiwi kɛ lɛ sii ni.

Misee 3:9

Zakɔba tɔrɔn goledɛnan lɛn, ka bǐɛ̃ kɔ, ka n too kɔ kɛ li! Izirayeli mìilandɛnan lɛn, sii pepere a kɔɔ̃n ka ganaa wa. Ka n sii pepere din tumaa kɔrɛ.

Abakuku 1:1

Dɛnaa Lawa a boo á ke á da a boo gii-dali Abakuku ni sii-nyaa gɔ́ɔ̃ nɛ.

Piɛrɛ2 1:21

A giala, Lawa a boo gii kɛ lɛ kɔ́n bie boe minbuiin nɛ dùũ-n wa. Sɛnɛ, Yiri Fu na á minin nyɛɛnaan bɔ, ǹ nə́ Lawa wɔ gii lɛ da.