Minin nimi 10:2 - LAWA A BOO SONBORE 2011

² «Bɛn màn paa zɛnaa. Wɔrɔ dɛ n nə ǹ zɛnaa nɛ. Bɛa bɛnɛn kɛn lɛn manɛ, ka tá re zaman lɛ soekɔn nɛ, ka gòon dɔ yiɛ minin ganaa nɛ, bɛ̀ ka tá re yui n boe giã ǹ bǎãn nɛ biikoo mɛn li.

LAWA A BOO SONBORE

² «Bɛn màn paa zɛnaa. Wɔrɔ dɛ n nə ǹ zɛnaa nɛ. Bɛa bɛnɛn kɛn lɛn manɛ, ka tá re zaman lɛ soekɔn nɛ, ka gòon dɔ yiɛ minin ganaa nɛ, bɛ̀ ka tá re yui n boe giã ǹ bǎãn nɛ biikoo mɛn li.

Minin nimi 10:2 ပူးပေါင်းရင်းမြစ်များ

Kiin2 12:13

Ǹ nə́ goã kion-dɔlen dɔn laanka kɔlɔ-bɔlen sarɛɛ nɛ. Ǹ nə́ goã gɔn dɔ laanka kɔlɔ sɛlɛɛ pii ka paa lɛ nɛ, màn mɛn bɛ́ toɛ ǹ Dɛnaa Lawa a kion lɛ zɛnaa nɛ. Maǹ nə́ goã kion lɛ a zɛnaa ǹ mìi gɔ́ɔ̃ ǹ sii tumaa siɛ ka bɛa paa lɛ nɛ.

KZS2 5:12

Levii tɔrɔn kɛn sàn-kɔlen lɛa, Azaafu ni, Eman nɛ, Yedutunu ni ka ǹ nɛnyaanan nɛ, ka ǹ tanlɛ min gialakunun ni, bɛn man nə́ mɔnaa guguru sonbore wɔ. Ǹ nə́ gole wúlu bɔ ǹ bǎã lɛ a lɛ̀giala gɔn la, ka dindin ni tùtùn ni ka kɔnkoɛɛ̃nɛn nɛ. Ǹ genli, wúlu-bɔle paabiɛ ka fuə (120) n bii-a bɛn pii.

Loen 81:3

Ka sàn kɔ, ka maà dɛ, ka tùtun wuu da li.

Loen 89:15

N kiibaa lɛ giala n we-n peperebaa la, a giala n we-n dí-pɛn tamaa dɔ la. Kɔn-narɛɛ laanka biɛ̃ duduu nə n din lon, sii tumaa gɔ́ɔ̃ nɛ.

Bɔ bɛ̀rɛbaa nɛ 25:18

N sana dɛ, n lon màn yiikoonaa nyín màn paa zɛnaa nɛ, n nə ǹ zɛnaa n nə ǹ doa Goo lɛpii lɛ a lɛkoron paanan ganaa.

Bɔ bɛ̀rɛbaa nɛ 25:31

Bɛ kio kəni, n bolon da ǹ bǎã zɛnaa ka sana yoreen yoreen ne. N sana dɛ, n zɛnaa nɛ. A giala nɛ, a bàlà nɛ, a tàanan nɛ, a kòròn ne ka a nyaǹan kɛn nɛ ka da buũn bɛ́ lɔn, bɛn tumaa nə n zɛnaa kɔn, ka a din sana goon lɛ nɛ.

Izayii 1:13

Kaa Lawa gɔ ǹ màn ke, ka n susu ka bɛa koe ne. A là banban. A tɛmaa gìĩ kɔɔ̃n ke, bɛ tìĩ bɔ ma nyin ni. A giala, kaa mui dii zɔ́nɔn kɛn bɛ̀ ka ǹ zɛnaa, kaa susu ǹ piin kɛn nɛ, ka kaa zɔ́n dadaraan kɛn nɛ, ka n sii baraan zɛnɛɛ bɛn li. Ma a bɛ sii ma ganaa duduu wa.

Zeremii 4:5

Ka boo kɛ pɛ Zudaa gána nɛ, ka sawaa Zeruzalɛmu. Ka sère gɔ̀lɔ̀ bɛn pɛ gána lɛ nɛ, ka n lɛ dɛ ka lɛn gole ne ka pɛ: «Ka n sɔsɔkɔn kiwi tamaa wolen ne!»

Ozee 8:1

Ka bɛn pɛ! Bɔ̀n nə́ n tele á die Dɛnaa Lawa a kion lɛ gialaa, ka giogialatã bɛ́ lɔn. A giala, ǹ nə́ maa lɛ kɔ kɔn la lɛ ziziɛ̃, ǹ nə́ n piã ka maa dí-pɛn kɛn nɛ.

Zowɛli 1:14

Ka lɛawaa bɔ, ka n lɛ sɔɔ bɛ li. Ka zaman bii a tɔ-a, ka min golen lɛ sɔkɔn, ka gána lɛ a minin tumaa nɛ, Dɛnaa, kaa Lawa a kion kɛ nɛ, ka goã-kũ da Dɛnaa Lawa ganaa.

Zowɛli 2:1

Ka bɛn pɛ *Siɔn nɛ, ka pɛ gole, maa kele sonbore kɛ la. Gána lɛ a minin tumaa gɔ̀nɔn nə bìn diɛ. A giala Dɛnaa Lawa a lɛawaa lɛ n die. A lɛawaa lɛ diri.

Minin nimi 10:1

Dɛnaa Lawa boo da Muizu ni, á pɛ:

Minin nimi 10:7

Sɛnɛ, bɛ̀ ǹ tá re zaman lɛ soekɔn, ǹ bɛn pɛ, ǹ nə́ ǹ ba toɛ a wuu bɔ kɔsɛkɔsɛ wa.

Efɛɛzi minin 4:5

A din Dɛnaa goon nə wɔ tumaa wɔ lɛa. Wɔ n golee-n boo goon li, *batɛmu goon ne wɔ tumaa yɛ.