Matiə 9:8 - LAWA A BOO SONBORE 2011

⁸ Zaman lɛ bɛ́ á bɛ yɛ lɔn, nyɛ́ɛ nə́ ǹ kũ parsiini. Ǹ nə́ goã Lawa guguru koe, bɛ miã pàã kɛ lɛ a kɔ minbuiinin la taman yii.

LAWA A BOO SONBORE

⁸ Zaman lɛ bɛ́ á bɛ yɛ lɔn, nyɛ́ɛ nə́ ǹ kũ parsiini. Ǹ nə́ goã Lawa guguru koe, bɛ miã pàã kɛ lɛ a kɔ minbuiinin la taman yii.

Matiə 9:8 ပူးပေါင်းရင်းမြစ်များ

Matiə 12:23

Zaman lɛ din tumaa nə́ n kaãbaa a ganaa, ǹ nə́ pɛ: «Davida a Nɛgiĩ mɛn lɛ bɛ́ wɔsɛn tá n yii diɛ la, a din lɛ bie ke wa le?»

Matiə 15:31

Minin bɛ́ ǹ nə́ lɛ tere-an yɛ boo diɛ, ǹ bɛ́ ǹ nə́ wɔ̀lɔ̀dɛnan yɛ ǹ nə́ kaka kɔ, gɔ̃naan nə́ tɔ we telee ne, yii tere-an yii n wɔlɔ yii, ǹ nə́ n kaãbaa parsiini, ǹ ná a giala kɔ ǹ nə́ Izirayeli minin Lawa guguru kɔ.

Matiə 28:18

Yezu nə́ n zɔ̃ á dɔ, á pɛ ǹ nɛ: «Lawa pàã tumaa kɔ ma la lon, á kɔ ma la tán.

Matiə 5:16

Kaa bólon fúlu doamaa nɛ a kũ minin yɔrɔ-a miɛ̃, màn mɛn bɛ́ toɛ minin nə kaa zɛnaa ǹ sii sonboren yɛ, ǹ boo la ǹ kaa Díi Lawa guguru kɔ.

Matiə 9:7

Giĩ lɛ yoo á woo piɛ.

Marki 2:12

Giĩ lɛ yoo, a ná a piì saa gɔrɔ, á soo min tumaa yii ni, á woo. Á kaãbaa da ǹ tumaa ganaa parsiini, ǹ tumaa goã Lawa guguru koe, ǹ nə́ pii: «Wɔsɛn nə tɔn kɛ miã yɛ duduu wa.»

Marki 7:37

Minin nə́ goã n kaãbiɛ a zɛnaa ǹ siin ganaa á la yii ni. Bɛ lɛ nɛ, ǹ nə́ goã pii: «E, ka ga a zɛnaa ǹ siin ganaa dɛ! Ǹ tumaa n siĩn sɔɔ̃nɛ. A n too tere-an dinin diɛ boo ma ganaa, a n lɛ tere-an dɔn diɛ boo diɛ ganaa.»

Luku 13:13

Á n gɔn da la. A din bǎã-n gɔrɔ, lɔ lɛ wusoo á n tele ka perepere. Á yoo á n Lawa tɔ boe.

Luku 17:15

Ǹ goon bɛ́ á yɛ mà asɛ a busu nya, á wusoo á zii kũ, á n bɔyaa bɛ̀ á n Lawa tɔ boe ka lɛn gole ne.

Luku 17:18

Mà ǹ kɔ́n nə n taasɛ á wusoo á daa barka da Lawa-n wa, yǎa bɛa tii kɛ lɛ.

Luku 18:43

A din bǎã-n gɔrɔ, a yii boo la á wɔlɔ yɛ, á goã koe Yezu lɛ bɛ̀ a n Lawa tɔ boe. Zaman lɛ tumaa bɛ yɛ, ǹ dɔn nə́ yoo ǹ nə́ barka diɛ Lawa nɛ.

Luku 2:20

Bɛ kio, tɔɔn-lɛduə̃lin lɛn nə́ wusoo ǹ nə́ woo ǹ bǎã nɛ. Ǹ màn mɛn ma, ǹ nə ǹ mɛn dɔ yɛ, ǹ nə́ goã Lawa a golebaa boo diɛ, ǹ ná a tɔ boe bɛa lɛa. Bɛ din tumaa na á n zɛnaa á kɔnpɛ ka lon a dia dí-a wole lɛ a boo pɛ nɛ.

Luku 23:47

Sɔraasin goledɛnaa lɛ bɛ́ á bɛa sii kɛ lɛ yɛ, á Lawa guguru kɔ bɛ̀ á n pii: «Liere ba a-n wa, giĩ kɛ na á goã min pepere lɛa!»

Luku 7:16

Nyɛ́ɛ min tumaa kũ, ǹ nə́ goã Lawa tɔ boe bɛ̀ ǹ nə́ pii: «Lawa a boo gii-dali gole na á bɔ wɔsɛn bii. Lawa na á daa n dɔ a din a tɔrɔ boe kɛ lɛ.»

Zaã a sɛ́wɔ 15:8

Bɛ̀ ka á sii gigiã zɛnɛɛ, ka n nyɛɛ mà ka n masɛ a kialandɛnan lɛa, bɛ lɛ n maa Díi tɔ guguru koe.

Nya ǹ dín 11:18

Min mɛnɛn bɛ́ n too koe Piɛrɛ lon, ǹ bɛ́ ǹ nə́ boo kɛ ma, ǹ foo waa. Ǹ nə́ barka da Lawa-n kɛnɛn: «Á ke, Lawa zii kɔ tɔrɔ kɔsɔn kɛn dɔn la, ǹ nə́ wusoo ǹ sii baraan kio, ǹ nə́ golee Lawa li. Bɛa tɔ wɔ ǹ gɔn bɔyaa kɛ nə ǹ kiɛ yiikoonaabaa taãn-taãn nɛ.»

Nya ǹ dín 21:20

Min mɛnɛn nə n too kɔ Pooli lon, bɛn nə́ Lawa tɔ bɔ. Bɛ kio ǹ nə́ pɛ nɛ: «Wɔ dɔɔ̃ngiĩ ganaa, n yii tá a ganaa Zuifu gigiã gigiã Lawa-nyankɔle baa, ǹ tumaa dɔ n Lawa a dí-pɛn lɛn kuĩ ka ǹ foo ne.

Nya ǹ dín 4:21

Ǹ nə́ wusoo doo ǹ nə́ n gòon pepere ǹ yii li, ǹ nə́ ǹ kaa. Ǹ dɔlɔ da ǹ mìi ni ǹ gòã kɔ́n yɛ wa. Ǹ nə́ nyɛ́ɛ baa zaman lɛ nɛ, a giala min tumaa na á goã Lawa tɔ boe sii kɛ a zɛnaa taman yii.

Korɛnti2 9:13

Ka bɛ́ n doe min mɛnɛn lɛ, ǹ gigiã á re Lawa tɔ gole koe. Ka bɛ́ dí nyɛɛ ka bɔlɔgoondɛnaabaa-n ka yɔrɔ mɛn nɛ, *Krita a Boo Tii Kɔɔ̃n kɛ gɔ́ɔ̃ nɛ, bɛ á re toɛ, ǹ barka da Lawa nɛ. Ka bɛ́ ka gɔn mànan gii kɔn-a ǹ nɛ, a n doe min kɔsɔn dɔn ganaa, ǹ tá re barka diɛ Lawa-n bɛ dɔ a lɛa.

Galaasi minin 1:24

Ǹ nə́ goã Lawa tɔ gole koe masɛ a lɛa.

Piɛrɛ1 2:12

Ka toa kaa tɔ wɔ ǹ gɔn siĩn kɔ Lawa-nyankɔle baãnaan bii, màn mɛn bɛ́ toɛ, tà maǹ ka tɔ ziziɛ̃, mà ka n baraa-zɛnaalin lɛa ka sii mɛn nɛ, kaa nya ǹ dí sonboren kɛn doɛ̃ nə n baa pàã lɛa ǹ ganaa, ǹ boo la ǹ Lawa guguru kɔ a din nyaa ǹ nɛ pinaa.