Matiə 9:11 - LAWA A BOO SONBORE 2011

¹¹ *Fariziɛ̃n bɛ́ ǹ nə́ bɛ yɛ, ǹ nə́ tɔ́n pɛ a kialandɛnan lɛn manɛ: «Wàa na á baa kaa Mìinaa lɛ tá màn bii kun ka wusuru-silin ni, ka sii baraa-zɛnaalin gialakunun kɛn nɛ?»

LAWA A BOO SONBORE

¹¹ *Fariziɛ̃n bɛ́ ǹ nə́ bɛ yɛ, ǹ nə́ tɔ́n pɛ a kialandɛnan lɛn manɛ: «Wàa na á baa kaa Mìinaa lɛ tá màn bii kun ka wusuru-silin ni, ka sii baraa-zɛnaalin gialakunun kɛn nɛ?»

Matiə 9:11 ပူးပေါင်းရင်းမြစ်များ

Izayii 65:5

Maǹ pii minin manɛ: «Ka nyan nə n mɔrɔ ma ganaa wa, ka nyan nə n gɔn da ma ganaa wa. A giala, man Dɛnaa Lawa a bɔ a koa wole lɛa.» Ka bɛ sii mɛn tumaa zɛnɛɛ, a n ma foo yui, a n ma kuĩ baraabaraa ka tɛ bɛ́ lɔn.

Matiə 11:19

Min a Nɛgiĩ dɔ na á daa, asɛ n màn bii, a n màn mii, minin man a gialaa pii: «Ka ga, giĩ kɛ-a, nàndɛnaa nɛ, a ba kiɛ̃ ka duvɛ̃ dɔ-n wa, wusuru-silin man a giaáran lɛa ka sii baraa-zɛnaali kɔsɔn dɔn nɛ!» Sii bǐɛ̃ mɛn nə yɛ wɔsɛn nya ǹ dín gɔ́ɔ̃ nɛ, bɛ lɛ n Lawa a yiridɛnaabaa nyɛɛ.

Matiə 5:46

Bɛ̀ n tá n narɛɛ wolen dininsɔɔ̃nɔn narɛ, ma nə n yii diɛ wàa mɛn saraa la a bɔ Lawa li doo? Wusuru-silin mɛnɛn dinin bɛ́ ǹ tá baraabaa koe ǹ ganaa, bɛn dɔn man zɛnɛɛ miɛ̃ le!

Matiə 9:10

Yezu bɛ́ màn bii Matiə a kion, wusuru-sili gigiã daa giã tán, kun ka min kɔsɔn dɔn nɛ, ǹ tɔ baraa n minin lɛ-n. Ǹ nə́ màn bii kun ni, a laanka a kialandɛnan nɛ.

Marki 2:16

*Fariziɛ̃n landa sii-daraalin nə́ Yezu yɛ màn bii kun ka sii baraa-zɛnaalin laanka wusuru-silin ni, ǹ nə́ tɔ́n pɛ a kialandɛnan lɛn manɛ: «Wàa na á baa ka á màn bii kun ka wusuru-silin ni ka sii baraa-zɛnaalin gialakunun kɛn nɛ?»

Luku 19:7

Minin mɛnɛn tumaa bɛ yɛ, bɛn nə́ goã zùzùũ sii, ǹ nə́ pii mà giĩ kɛ na á woo n yu sii baraa-zɛnaali la.

Luku 5:30

Fariziɛ̃n lɛn, sanparɛ a landa sii-daraalin kɛn nə́ goã boo zuzuũ diɛ, bɛ̀ ǹ nə́ pii Yezu a kialandɛnan manɛ: «Wàa na á baa ka á màn bii, ka n màn mii kun ka wusuru-silin ni, ka sii baraa-zɛnaalin gialakunun kɛn nɛ?»

Nya ǹ dín 11:3

Ǹ nə́ pɛ Piɛrɛ nɛ: «Táa ma nə́ n woo tɔrɔ kɔsɔn li, ń màn bii kunun ǹ ni!»

Galaasi minin 2:15

Wɔsɛn man wɔ́ yɛ Zuifun lɛa. Wɔ bie tɔrɔ kɔsɔ sii baraa-zɛnaalin lɛa, ka Zuifun dinin bɛ́ pii lɔn wa.

Ebrəə 5:2

Minin mɛnɛn bɛ́ ǹ nə́ sii baraa zɛnaa, ǹ sii-doɛ̃baã gɔ́ɔ̃ nɛ, wúlu-bɔlen kiã lɛ á boe la, a bɛn sii lɛ giala ma, a giala, a dinmaa lɛ dɔ n pàã wɛɛnaa lɛa a paǹ din tumaa ganaa.

Zaã2 1:10

Bɛ̀ min daa ka ganaa, a ná a da ka bɛa daraa ǹ gɔn kɛ-n wa, ka baran n yɔrɔ da la wa, ka baran fòo din da-n wa.