Matiə 8:4 - LAWA A BOO SONBORE 2011

⁴ Bɛ kio, Yezu tɔ́n pɛ nɛ: «N too kɔ doɛ̃, n nyan toa n kɛ laakalaa min kɔ́n yii-n wa. Wo n din nya wúlu-bɔle ne, bɛ ga n ganaa bɔrɔ, bɛ kio, Lawa wúlu mɛn boo da Muizu ni, n bɛ lɛ bɔ n nyaa min din tumaa nɛ mà n busu nya.»

LAWA A BOO SONBORE

⁴ Bɛ kio, Yezu tɔ́n pɛ nɛ: «N too kɔ doɛ̃, n nyan toa n kɛ laakalaa min kɔ́n yii-n wa. Wo n din nya wúlu-bɔle ne, bɛ ga n ganaa bɔrɔ, bɛ kio, Lawa wúlu mɛn boo da Muizu ni, n bɛ lɛ bɔ n nyaa min din tumaa nɛ mà n busu nya.»

Matiə 8:4 ပူးပေါင်းရင်းမြစ်များ

Izayii 42:21

Dɛnaa Lawa a peperebaa taman yii, a na á goã li a na a dí-pɛn baa gole, a ǹ siĩn kɔ.

Lawa a wúlu-bɔlen 13:49

bɛ̀ a sulii bǎã lɛ yii nə́ n baa ka buu buruu bɛ́ lɔn, hinlaa ka a n die tã koe, gɔ̀ babaraa nɛ. Ǹ doamaa nɛ ǹ wo bɛ nyaa Lawa a wúlu-bɔle ne a ga a ganaa.

Matiə 10:18

Masɛ tɔ taman yii, ǹ tá re woe ka nɛ tɔrɔ kɔsɔn pàãdɛnan laanka kiin yɔrɔ-a ka n bɔlɔ pɛ. Bɛ lɛ n die toɛ ka siére baa bɛn laanka ǹ minin yɔrɔ-a.

Matiə 16:20

Bɛ kio, Yezu nə́ n gɔn waa a kialandɛnan manɛ mà ǹ nyan toa ǹ pɛ min kɔ́n yii ni, mà asɛ n Minin Nyin-sili lɛa wa.

Matiə 17:9

Ǹ bɛ́ gisĩ ǹ boe kele lɛ la ǹ mɛn waáraa, Yezu nə́ n gɔn waa ǹ nɛ: «Sii mɛn nə́ n nyaa ka-n ke, ka nyan toa ka a boo da min kɔ́n yii-n wa, yǎa Min a Nɛgiĩ yii kiɛ a n boe geren bii.»

Matiə 3:15

Yezu tɔ́n pɛ nɛ: «A giala, wɔ doamaa nɛ wɔ Lawa foo sii zɛnaa miɛ̃.» Zaã nɔmaa á lɛ kɔ.

Matiə 5:17

Muizu ka daraa landa siin mɛnɛn ganaa, hinlaa Lawa a boo gii-dalin nə ka daraa boon mɛnɛn ganaa, ka nyan toa ka taasɛ ka masɛ n má daa bɛn sàabaa wa dɛ! Masɛ n má daa ǹ yɔrɔ nyaa ka nɛ, máa ka ǹ giala ma taãnɛ, ma bie má daa ǹ sàabaa wa.

Matiə 6:1

Ka bɛ́ Lawa a zii tɔ wɔ ǹ siin mɛnɛn zɛnɛɛ minin yɔrɔ-a, ka tá n dinin nyɛɛ ǹ nɛ, ka n parabaa ka bɛ nɛ. Bɛ̀ ka á zɛnɛɛ miɛ̃, ka a re saraa yii a bɔ kaa Díi Lawa li lon wa.

Matiə 9:30

Ǹ yiin nə́ n bũ. Yezu nə́ n gɔn waa ǹ nɛ, á pɛ ǹ nɛ: «Haya! Ka nyan toa min kɔ́n bɔ a siére-a wa.»

Marki 13:9

Sɛnɛ, kasɛn nə yiri bɔ ka dinin li. A giala, minin tá re ka kuĩ ǹ wo kiri wɔ ka ganaa Zuifun lɛsɔkɔn kionən gɔ́ɔ̃ nɛ, ǹ ka duduwəə. Ǹ tá re woe ka nɛ pàãdɛnan laanka kiin yɔrɔ-a masɛ tɔ taman yii, bɛ lɛ n die toɛ ka masɛ boo da ǹ yɔrɔ-a.

Marki 3:12

Sɛnɛ, Yezu nə́ n gɔn waa ǹ nɛ taãn-taãnɛ: «Ka nyan toa minin nə maa Lawa a Nɛbaa dɔ̃ wa.»

Marki 5:43

Sɛnɛ, Yezu nə́ n gɔn waa ǹ nɛ taãn-taãnɛ mà ǹ nyan toa ǹ na a boo da min kɔ́n yii-n wa. Bɛ kio á tɔ́n pɛ ǹ nɛ: mà ǹ màn-bii kɔ la a bii.

Marki 6:11

Bɛ̀ bǎã mɛn a minin nə́ n piã, mà ka baran n yu ǹsɛn la wa. Bɛ̀ ǹ nə́ n piã, ǹ nə n too kɔ ka lon wa, ka n gòã gusuũ duduu, ka soo ka n bɔ walan: Bɛ n gɔn waa ǹ sii lɛa ǹ wɔ paǹ li.»

Marki 7:36

Yezu nə́ n gɔn waa min din tumaa nɛ, mà ǹ nyan toa ǹ na a boo da min yii-n wa. Sɛnɛ, a bɛ́ ǹ gɔn wɛɛ ǹ nɛ lɔn, ǹ dɔn man màn diɛ a pɛ li miɛ̃.

Marki 8:30

Yezu tɔ́n nə n gɔn waa ǹ nɛ mà ǹ nyan toa ǹ na a boo da min kɔ́n yii-n wa.

Marki 9:9

Ǹ bɛ́ gisĩ ǹ boe kele lɛ la ǹ mɛn waáraa, Yezu nə́ n gɔn waa ǹ nɛ á pɛ: «Ka sii mɛn yɛ ka ka yii ni, ka nyan toa ka a laakalaa min kɔ́n yii-n wa, yǎa Min a Nɛgiĩ yii kiɛ a n boe geren bii.»

Luku 17:14

Yezu nə́ ǹ yɛ, á pɛ ǹ nɛ mà ǹ wo n dinin nyaa Lawa a kion wúlu-bɔlen manɛ. Ǹ bɛ́ zii la woe walan, ǹ busu nya.

Luku 21:13

Bɛ á re n biɛ biikoo lɛa ka lon ka siére baa ǹ boo pɛ.

Luku 4:41

Nɔ̀ɔnɔn dɔn nə́ goã n boe gigiã ganaa, bɛ̀ ǹ nə́ n lɛ dii Yezu ganaa: «Ma n Lawa a Nɛ lɛa!» Sɛnɛ, Yezu goã sɛ̀ pii ǹ-a, a goã toɛ ǹ boo kɔsɔ da wa, a giala nɔ̀ɔnɔn lɛn nə́ goã Yezu lɛ doɛ̃ Minin Nyin-sili lɛ lɛa.

Luku 5:14

Yezu pɛ nɛ doo: «N baran kɛ pɛ min kɔ́n nɛ wa. Sɛnɛ, wo Lawa a kion a wúlu-bɔle li, bɛ ga n ganaa. Bɛ kio, Muizu wúlu mɛn boo da, wo bɛ bɔ, n nyaa min tumaa nɛ mà n busu nya.»

Luku 8:56

Nɛ lɛ a yɛ wolen nə́ n kaãbaa parsiini, sɛnɛ, Yezu laa ǹ ganaa, mà sii mɛn bɛ́ á n zɛnaa, mà ǹ baran bɛ boo da min ni wa.

Luku 9:21

Yezu nə́ n gɔn waa ǹ nɛ, mà ǹ baran a boo da min kɔ́n nɛ wa.

Zaã a sɛ́wɔ 5:41

Masɛ bie giɛ li minbuiinin nə tɔ golebaa kɔ ma la wa.

Zaã a sɛ́wɔ 7:18

Bɛ̀ min mɛn tá boo diɛ a din gɔn wìi a lɛa, bɛa dɛnaa n giɛ tɔ li. Sɛnɛ, min mɛn bɛ́ giɛ li mà a dia wole tɔ bɔ, bɛa dɛnaa n sonbore pii, gɔ́ɔ̃ tìbaa ba a lon wa.

Zaã a sɛ́wɔ 8:50

Masɛ dinmaa bie giɛ tɔ li wa. Min tan, a tá masɛ tɔ boe, a din lɛ dɔ n kiri kuri.