Matiə 7:25 - LAWA A BOO SONBORE 2011

²⁵ La kaa, pɛrɛn nə́ pã ǹ nə́ toɛ̃, piɛ̃ gole yoo, sɛnɛ, kion lɛ kaa wa, a giala a gòã na á n daa tataã la.

LAWA A BOO SONBORE

²⁵ La kaa, pɛrɛn nə́ pã ǹ nə́ toɛ̃, piɛ̃ gole yoo, sɛnɛ, kion lɛ kaa wa, a giala a gòã na á n daa tataã la.

Matiə 7:25 ပူးပေါင်းရင်းမြစ်များ

Suusun 10:25

Koe n sii baraa-zɛnaali bii. Sɛnɛ min mɛn bɛ́ sii bǐɛ̃ zɛnɛɛ, bɛ goã n we tán miɛ̃ duduu.

Malakii 3:3

A n die die a yisi boe ka *gɔ̀ nɛ, ká ǹ bɛ́ sana laanka wɔrɔ yoe bɛ̀ ǹ na a yoreen kɔ lɔn. *Levii tɔrɔn kɛn Lawa a wúlu-bɔlen lɛa, á re ǹ tumaa yoreen koe. Bɛn tá re ǹ *wúlu mànan koe Dɛnaa Lawa la a zii li.

Matiə 16:18

Bɛ lɛ taman yii, man pii n dɔ Piɛrɛ nɛ: «Ma n Piɛrɛ lɛa (bɛ giala mà gɛ̀taã). Masɛ n die maa sɔmɔ giala koɛ bɛa gɛtaã lɛ la. Haalɛ gɛ̀ din ba re màn kɔ́n zɛnɛɛ a minin man wa.

Matiə 7:24

Ma boon mɛnɛn da, bɛ̀ min mɛn nə́ n too kɔ ǹ ganaa, á ǹ si, bɛa dɛnaa n kɔnboe ka yiridɛnaa mɛn bɛ́ a ná a kion dɔ tataã la.

Matiə 7:26

Masɛ bɛ́ má boon mɛnɛn da, bɛ̀ min mɛn nə́ n too kɔ ǹ ganaa, á n piã a ǹ si wa, bɛa dɛnaa n kɔnboe ka yiribaãnaa mɛn bɛ́ a ná a kion dɔ nyɔɔsɔ̃ la.

Matiə 7:27

La kaa, pɛrɛn nə́ pã ǹ nə́ toɛ̃, piɛ̃ gole yoo, á nyanaa á kaa. A ziziɛ̃ ǹ gɔn nə baraa kɔ á la yii ni.

Nya ǹ dín 14:22

Ǹ nə́ Lawa-nyankɔlen foo taã bɛa kiwin lɛn nɛ, ǹ nə́ ǹ nyankɔ mà ǹ nə n doa ǹ wo nyɛɛnɛ golee Lawa li gɔ́ɔ̃ nɛ. Ǹ nə́ pɛ ǹ nɛ, mà ǹsɛn doamaa nɛ ǹ nɔmaa gigiã bii wɔsɔ ǹ kiɛ̃, ǹ tɔn wɔ Lawa kiibaa ǹ bǎã lɛ nɛ.

Efɛɛzi minin 3:17

A die a toa doo, Krita goã ka foo ne goleemali pàã ganaa. A die a toa dɔn ka gòã wɔ tán kaka kɔn-narɛɛ gɔ́ɔ̃ nɛ.

Kolɔɔsi minin 2:7

Ka toa ka goã golee-n taãn-taãn a din li, ka kaa sii tumaa zɛnaa, ka doa a din ganaa. Ka toa ka wo nyɛɛnɛ, ka golee a din li taãn-taãnɛ, a kɔnpɛ daraa kɛ nɛ ǹ nə́ kɔ ka la. Ka toa ka bǐɛ̃ dɔ̃ Lawa nɛ parsiini.

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Piɛrɛ1 1:5

Maǹ koa-n ka dinin manɛ. Bɛ̀ ka á golee-n Lawa li, a din tá re ka tamaɛ ká a din pàã nɛ, màn mɛn bɛ́ toɛ, ka kirisibaa yɛ giala-nyɔmiɛ biikoo li, giala-nyɔmiɛ biikoo mɛn bɛ́ die kànaa ka boɛɛn nɛ.

Piɛrɛ1 1:7

Bɛa fuun kɛn lɛn mìi n ke: Lawa n giɛ kaa golee a din li lɛ pàã lɛ ganaa. Sana n màn lɛa á n nyɛɛ, sɛnɛ, maǹ diɛ tɛ-n, ǹ ga a sanabaa ganaa. A da yaa kaa golee Lawa li lɛ a soɛ sana-n lenlen. Bɛa yɔrɔ kɛ lɛ la, bɛ̀ Lawa ga ka dɔn golee a din li lɛ ganaa, á woo yaa a taãn lɛa, Krita bɛ́ re die ǹ mɛn pinaa, Lawa á re toɛ ka tɔ-bɔ yɛ, ka gugurubaa nɛ, ka zín ni.

Zaã1 2:19

Bɛa minin kɛn lɛn man nə́ soo wɔ dinin li, sɛnɛ ǹ bie ǹ nə́ goã wɔa wɔn lɛa wa. Taãn nɛ, bɛ̀ maǹ nə́ goã wɔa wɔn lɛa, bɛ̀ ǹ nə́ goã kun ka wɔ nɛ. Sɛnɛ, ǹ na a bɔ wɔ ganaa kɛ lɛ na á nyaa foaãnɛ, mà ǹ kɔ́n ba wɔa wɔ lɛa sonbore wa.