Matiə 7:21 - LAWA A BOO SONBORE 2011

²¹ Min mɛn din tumaa bɛ́ masɛ bíi: «Dɛnaa, Dɛnaa,» bɛ tumaa bie re we lon a kiibaa-n wa. Ma Di Lawa foo sii zɛnaalin dininsɔɔ̃nɔn man die we.

LAWA A BOO SONBORE

²¹ Min mɛn din tumaa bɛ́ masɛ bíi: «Dɛnaa, Dɛnaa,» bɛ tumaa bie re we lon a kiibaa-n wa. Ma Di Lawa foo sii zɛnaalin dininsɔɔ̃nɔn man die we.

Matiə 7:21 ပူးပေါင်းရင်းမြစ်များ

Matiə 12:50

A giala, min mɛn bɛ́ masɛ Di Lawa foo sii zɛnɛɛ, bɛ lɛ n masɛ dɔɔ̃ngiĩ lɛa, bɛ lɛ n masɛ miãnɛn lɛa, bɛ lɛ n masɛ dan lɛa.»

Matiə 16:17

Yezu tɔ́n pɛ a dɔ nɛ: – Zonaasi a nɛgiĩ Simɔn ganaa, n wɔ na á bǐɛ̃ kɔ. A giala minbuiin nɛ bie á kɛ nyaa n nɛ wa, ma Di Lawa na á nyaa n nɛ.

Matiə 18:10

Ka n dinin kũ, ka nyan toa ka golee masɛ li wole tiin kɛn kɔn yii puusə kɔ wa. A giala masɛ n pii ka nɛ, ǹ lon a dia dí-a wolen tá n toɛ̃ ka ǹ mìi gɔ́ɔ̃ ǹ sii ni baraabaraa masɛ Di lon a Lawa yɔrɔ-a. [

Matiə 18:19

Masɛ n pii ka-n dɔn, bɛ̀ min paa yɛ ka bii kanaa kɛ gɔ́ɔ̃ nɛ, ǹ nə́ n lɛ kaa kun ǹ nə́ màn mɛn nyankɔ masɛ Di Lawa lon, á die bɛ koe ǹ la.

Matiə 18:3

á tɔ́n pɛ: «Man pii ka nɛ, sonbore ne: Bɛ̀ ka kaa tɔ wɔ ǹ gɔn bɔyaa ka n dinin kiɛɛrɛ kɔ ka nɛnyaanan bɛ́ lɔn wa, ka a re we lon a kiibaa-n wa.

Matiə 18:35

Yezu tɔ́n pɛ ǹ nɛ: «Bɛ̀ min mɛn ba ǹ miã zɛ̀rɛ toɛ nɛ ka a foo din tumaa-n wa, maa Díi Lawa n die bɛa dɛnaa biɛ miɛ̃.»

Matiə 19:24

Masɛ n pii ka-n doo: Nyɔɔmaa a wɔ mɛ́sɛn yala-n tá naanaa pàãma a wɔ Lawa a kiibaa-n nɛ.»

Matiə 25:10

Baãnaan lɛn bɛ́ nyɔɔ pii ǹ bǎã nɛ, lɔ tii ǹ zuũ lɛ daa ǹ kio. Nɛniɛ sooro mɛn bɛ́ ǹ nə́ n yii toa koo, bɛn nə́ kaa kun ni kɔn wɔ ǹ kion, ǹ nə́ kiɛnlɛ kũ ǹ nə́ sɔɔ.

Matiə 25:21

A mìinaa tɔ́n pɛ nɛ: «Á siĩni, dí-nyali sonbore, bɔlɔgoondɛnaa. Ma n nə́ n bɔlɔgoondɛnaa baa sii boɛɛn nɛ, bɛ lɛ taman yii, masɛ á die n koɛ sii gole mìi la. Da n nyɛnyɛɛ kun ka masɛ nɛ.»

Matiə 26:39

Á n zɔ̃ á woo nyɛɛn boɛɛn nɛ, á na á kaa tán-a, á n mìi kuməə, á Lawa nyankɔ bɛ̀ a n pii: «Maa Díi! Bɛ̀ n tá boe la n zɛnaa, n là-paparɛɛ kɛ wɔlɔ lui ma ganaa. Sɛnɛ, masɛ foo sii baran n zɛnaa wa, n din wɔ nə n zɛnaa.»

Matiə 26:42

Á n zɔ̃ á n bɔ ǹ ganaa doo, ka a gunyin paabaa ǹ wɔ nɛ, á Lawa nyankɔ bɛ̀ a n pii: «Maa Díi, bɛ̀ masɛ á boe la ma kanbaa là-paparɛɛ kɛ lɛ-a wa, n din foo sii nə n zɛnaa!»

Marki 3:35

A giala, min mɛn bɛ́ Lawa foo sii zɛnɛɛ, bɛ lɛ n masɛ dɔɔ̃ngiĩ lɛa, bɛ lɛ n masɛ miãnɛn lɛa, bɛ lɛ n masɛ dan lɛa.»

Marki 9:47

Bɛ̀ n yii goon tá n diɛ sii baraa nɛ, a gɔsɛ n bɔ n yɔrɔ nɛ. A giala, n wo giã Lawa a kiibaa ǹ bǎã nɛ ka n yii goon ne, bɛ á sóɛ, n nə n yiin paanan toa ǹ yɔrɔ nɛ n wo ǹ ne tɛ-n.

Luku 11:28

Sɛnɛ, Yezu pɛ: «Haayii! Min mɛnɛn bɛ́ n too koe Lawa a boo-a, ǹ nə́ tɔ we á kɔnpii-n kaa, barka á re n diɛ bɛn ganaa!»

Luku 13:25

Bɛ̀ kiondɛnaa yoo á kiɛnlɛ tã, bɛ̀ ǹsɛn nə́ kanaa, maǹ die a giala koe ǹ kiɛnlɛ dɛ, bɛ̀ ǹ nə́ pii: «Dɛnaa, kiɛnlɛ bũ wɔsɛn manɛ.» Bɛa waáraa, kiondɛnaa lɛ n die ǹ lɛ sii mà asɛ ba ǹ bɔ ǹ bǎã doɛ̃ wa.

Luku 18:25

Hiĩ, nyɔɔmaa a wɔ mɛsɛn yala-n tá re goɛ̃ naanaa pàãma a wɔ Lawa a kiibaa ǹ bǎã-n nɛ.»

Luku 6:46

Yezu pɛ: – Bɛ̀ ka a masɛ Di Lawa a boo sii ka n zɛnɛɛ wa, wàa mɛn là na a nɛ ka nə n lɛ paparɛ koe masɛ tɔ li, mà «Dɛnaa, Dɛnaa»?

Zaã a sɛ́wɔ 14:7

Bɛ̀ ka ǹ masɛ doɛ̃, ka á re maa Díi dɔ doɛ̃. A kũ sisia ganaa, ká dɔ̃, ká yɛ dinin.»

Zaã a sɛ́wɔ 15:23

Min mɛn bɛ́ masɛ biɛ zɔ́ɔ, bɛa dɛnaa n masɛ a Díi dɔ biɛ zɔ́ɔ.

Zaã a sɛ́wɔ 3:5

Yezu tɔ́n pɛ nɛ: «Masɛ n pii n ni, sonbore ne: Bɛ̀ min mɛn bie a wusoo a yɛ Lawa wɔ baa-n ka mu laanka Yiri Fu pàã-n wa, ǹ dɛnaa a boe la a wɔ Lawa a kiibaa-n wa.

Zaã a sɛ́wɔ 5:17

Sɛnɛ, Yezu tɔ́n pɛ ǹ nɛ: «Haalɛ tɔn pelo, masɛ Di Lawa gɔn nə dí ganaa, masɛ dɔ gɔn nə dí ganaa.»

Zaã a sɛ́wɔ 6:40

Maa Díi foo sii lɛ n ke sonbore: Bɛ̀ min mɛn ná a Nɛgiĩ yɛ, yǎa a golee li, bɛa dɛnaa nyin nyabaã yɛ. Masɛ dɔ n die bɛa dɛnaa yii kiɛ kanaa a nya pinaa.»

Zaã a sɛ́wɔ 7:17

Bɛ̀ min mɛn tá li a Lawa foo sii zɛnaa, bɛa dɛnaa á die doɛ̃ bɛ̀ maa doɛ̃ lɛ n boe Lawa li, hinlaa masɛ dinmaa li.

Nya ǹ dín 14:22

Ǹ nə́ Lawa-nyankɔlen foo taã bɛa kiwin lɛn nɛ, ǹ nə́ ǹ nyankɔ mà ǹ nə n doa ǹ wo nyɛɛnɛ golee Lawa li gɔ́ɔ̃ nɛ. Ǹ nə́ pɛ ǹ nɛ, mà ǹsɛn doamaa nɛ ǹ nɔmaa gigiã bii wɔsɔ ǹ kiɛ̃, ǹ tɔn wɔ Lawa kiibaa ǹ bǎã lɛ nɛ.

Rɔmu minin 12:2

Ka baran tɔ wɔ, a kɔnpɛ ka kanaa minin sii zɛnaan nɛ wa. Ka toa Lawa ka bɔyaa, a yiri dii kɔ ka la, màn mɛn bɛ́ toɛ, ka Lawa dùũ sii dɔ̃, bɛ giala mà sii bǐɛ̃, sii mɛn bɛ́ kɔɔ̃n a ganaa, sii mɛn lɛ piɛ̃ bɛ́ nɛ.

Rɔmu minin 2:13

Bɛ̀ min tá giɛ li a boo la, a n baa min pepere lɛa Lawa yɔrɔ-a, dí-pɛn kɛn doɛ̃ dinsɔɔ̃ bie boe wa, yǎa a tɔ we a kɔnpii ka Lawa a zii kɛ nɛ.

Efɛɛzi minin 6:6

Ka baran zɛnaa miɛ̃, bɛ̀ ǹ tá ka genli biikoo mɛn dinsɔɔ̃ li, ń giɛ ka á kiɛ ǹ foo la wa. Sɛnɛ, ka Lawa foo sii zɛnaa ka ka foo tumaa nɛ, ka Krita a bɛ̀rɛn bɛ́ lɔn.

Kolɔɔsi minin 4:12

Epafrasi mɛn bɛ́ á bɔ ka dinin li, bɛ dɔ á fòo diɛ ka nɛ. A n Yezu Krita a bɛ̀rɛ lɛa; biikoo tumaa li, a n yɔ boe kaa lɛa ka Lawa-nyankɔ nɛ, màn mɛn bɛ́ toɛ, ka goã doa nɛ, kaa sii yii lɛ n piɛ̃ nɛ, ka n golee-n Lawa dùũ li, ka n koe lɛ.

Tesaloniki1 4:3

Lawa bɛ́ giɛ màn mɛn li bɛ ǹ ka kɛ nɛ, ka kɔrɔbaa lɛ da, ka goã *yoreen ne.

Tesaloniki1 5:18

Ka barka da Lawa-n sii din tumaa a lɛa, a giala, Lawa n giɛ li mà ka bɛ lɛ zɛnaa, kaa tá kun Yezu Krita-n gɔ́ɔ̃ nɛ.

Tiitii 1:16

Maǹ pii mà ǹsɛn tá Lawa doɛ̃, sɛnɛ, ǹ sii-zɛnaan man piã ka Lawa nɛ ǹ siin lɛa. Ǹ tìĩ n boe ne, maǹ piã-wɔlen lɛa, ǹ ba boe la ǹ tá sii sonbore kɔ́n zɛnɛɛ wa.

Ebrəə 13:21

máa a die a pàã kɔ ka la, ka boo la ka a din dùũ sii sonbore kɛ yii zɛnaa. A din die a na a din dùũ siin zɛnaa wɔsɛn ganaa, ka Yezu Krita barka nɛ. Gugurubaa goã a din wɔ lɛa yǎa duduu! A n miɛ̃.

Ebrəə 4:6

Bɛ n nyɛɛ mà ǹ tɛnɛn gii ba bɛa susui kɛ lɛ-n wa, ǹ dinin Lawa bɔlɔ tii a lɛa, haalɛ ta ǹ nə́ Lawa a lɛ-kɔ ǹ boo lɛ ma dinin. Sɛnɛ, a n nyɛɛ dɔn mà gialakunun tá re we a nɛ.

Zaaki 1:22

Ka toa ka tɔ wɔ, a kɔnpɛ ka Lawa a boo lɛ-n ka tɛrɛɛnɛ. Ka baran n too kɔ a ganaa kooro, ka ka dinin bebele wa.

Piɛrɛ1 2:15

A giala, a n Lawa dùũ lɛa, ka bǐɛ̃ zɛnaa, ka baãnaanan sii doɛ̃baã kɛ kii yiɛ nɛ.

Piɛrɛ1 4:2

Biikoo gialakun mɛn bɛ́ ka gɔn, ka n die zɛnɛɛ kanaa, ka baran bɛ zɛnaa doo a kɔnpɛ ka minbuiinin dùũ sii babaraan kɛn nɛ wa, sɛnɛ, ka zɛnaa a kɔnpɛ ka Lawa dùũ ni.

Sii-nyaan 22:14

Min mɛnɛn bɛ́ wusii ǹ siin kio, ǹ nə́ goɛ̃ *yoreen ne, bɛn foo á re kɔɔ̃n koe, a giala masɛ n lɛ koe ǹ la, ǹ yiikoonaabaa ǹ da nɛ bii, ǹ tá re we ka kiwi lɛ a kiɛnlɛn nɛ.

Sii-nyaan 3:5

Min mɛn bɛ́ re gɔ̀lɔ̀ biɛ, ǹ tá re mɔnaa fufun we miɛ̃. Ma a re ǹ tɔ tuturi ma bɔ yiikoonaa baa ǹ sɛ́wɔ kɛ-n wa. Ma á re pii maa Díi yɔrɔ-a, ka a lon a dia dí-a wolen ne, máa ma din wɔn manɛ.