Matiə 7:2 - LAWA A BOO SONBORE 2011

² Ka bɛ́ ka miãn zɛ̀rɛ biɛ lɔn ke, Lawa n die ka dɔn zɛ̀rɛ biɛ miɛ̃. Ka bɛ́ ka miãn wɔ zoɛ̃ màn mɛn ganaa, Lawa n die ka dɔn wɔ zoɛ̃ bɛ lɛ ganaa.

LAWA A BOO SONBORE

² Ka bɛ́ ka miãn zɛ̀rɛ biɛ lɔn ke, Lawa n die ka dɔn zɛ̀rɛ biɛ miɛ̃. Ka bɛ́ ka miãn wɔ zoɛ̃ màn mɛn ganaa, Lawa n die ka dɔn wɔ zoɛ̃ bɛ lɛ ganaa.

Matiə 7:2 ပူးပေါင်းရင်းမြစ်များ

Samayeli2 21:5

Ǹ nə́ pɛ kii ni: «Sayulu na á goã giɛ li a wɔsɛn papaã. A na á goã a taasiɛ nɛ, a wɔsɛn dɛ, wɔa min kɔn ná a goɛ̃ Izirayeli gána lɛ paǹ kɔn nɛ wa.

Loen 109:17

Minin koe boo na á goã kɔɔ̃n a ganaa, bɛ lɛ die a wusoo, a na a din yɛ. Minin barka dama-a ǹ boo goã kɔɔ̃n a ganaa wa, a dɔ baran barka dama-a yɛ wa.

Bɔ bɛ̀rɛbaa nɛ 21:24

Yii wɔ n ka yii ni, sɔ wɔ n ka sɔ nɛ, gɔn wɔ n ka gɔn nɛ, gòã wɔ n ka gòã nɛ.

Izayii 33:1

Nsɛ mɛn bɛ́ basaã koe, n wɔ n ka bɔ̀n nɛ, nsɛ mɛn bɛ́ basaã tɔn nə n yɛ wa, nsɛ mɛn bɛ́ minin yiri siɛ̃ ǹ nə́ ǹ tɔn nə nsɛ yiri sã wa! Bɛ̀ n basaã kɔ n nya ǹ mɛn waáraa, ǹ tá re basaã koe n ne. Bɛ̀ n minin yiri sã n nya biikoo mɛn li, ǹ tá re n dɔ yiri siɛ̃.

Zeremii 34:17

Bɛ lɛ nɛ Dɛnaa Lawa á kɛ pii: – Ka ma lɛ si wa, min kɔn nə ǹ dɔɔ̃n da á bɔ bɛ̀rɛbaa-n wa. Masɛ Dɛnaa Lawa n kɛ pii: «Man die yui zia-n ka ganaa, piɛ̃ busu ni ka bòo ne. Bɛa waáraa kəni, tán a tɔrɔn tumaa gɔ̀nɔn tá re bìn diɛ ka nyɛɛnɛ.

Zeremii 51:24

Sɛnɛ, sii mɛn bɛ re ka yii, á ke, Baabilonii gána laanka Baabilonii minin nə sii mɛn tɔrɔ nyaa Siɔn nɛ, ma dɔ n die bɛ lɛ tɔrɔ nyɛɛ ǹ dɔn nɛ. Masɛ Dɛnaa Lawa a da ǹ boo ne.

Abdiasi 1:15

Á re bǐɛ̃ koe! Dɛnaa Lawa a dɔlɔ bɔ ǹ lɛawaa diri. Tɔrɔn tumaa sii tá a nɛ. Ka dɔn nə zɛnaa lɔn, a n die n zɛnɛɛ ka dɔn man miɛ̃. Ka baraa mɛn zɛnaa, a sii n die kuĩ ka dinin mìi ni.

Matiə 6:14

A giala, bɛ̀ ka tá kaa wɔmalon wolen zɛ̀rɛ toɛ ǹ nɛ, ka Di Lawa á die ka dɔn zɛ̀rɛ toɛ ka nɛ.

Marki 4:24

Yezu tɔ́n pɛ ǹ nɛ doo: «Ka bɛ́ boo mɛn miɛ, ka n yiri kɔ bɛ li parsiini. Lawa n die a gii ǹ màn zoɛ̃ a kɔ ka la a kɔnpɛ ka ka dinin too kɔ ǹ gɔn nɛ, a màn da li a kɔ ka la.

Luku 6:38

Ka kɔn gɔ ka màn nɛ, ka zɔɔ̃ a dɔ, ka zɔɔ̃ ka munyəə, ka zɔɔ̃ ka zuzuu. Lawa wɔ a zɛnaa ǹ gɔn nɛ ka bɛ nɛ. Ka bɛ́ ka miãn gɔ ǹ màn zoɛ̃ màn mɛn ganaa, Lawa á die ka dɔn wɔ zoɛ̃ ka bɛ lɛ nɛ.»

Korɛnti2 9:6

Ka n yiri koa kɛ li: bɛ̀ min màn tɔrɔ boɛɛn da, a n màn boɛɛn kuri. Bɛ̀ min màn tɔrɔ gigiã da, a n màn gigiã kuri.

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.

Sii-nyaan 18:6

A ka kũ lɔn, a dɔ die a n kũ miɛ̃. A sii mɛn zɛnaa ka nɛ, bɛ miã màn paa die a n zɛnaa a dɔ nɛ. A yɔ kaka mɛn kaa ka lon, bɛ miã nə n kaa a dɔ lon, a n kaka á la a wɔ-n gunyin paa.

Sii yɔrɔ-bɔlen 1:7

Bezɛkin kii tɔ́n pɛ: «Kii pɔsɔbaa na á goã màn-bii bisin goɛ masɛ a màn bii ǹ goo giulun, ǹ gɔn a gòon mìi golen laanka ǹ gòãn wɔn nə́ kurii ni. Ma sii mɛn zɛnaa, a din lɛ n ke Lawa ma saraa nɛ.» Ǹ nə́ woo ne Zeruzalɛmu, á gã walan.

Sii yɔrɔ-bɔlen 5:27

Á n munu tán Zayeli giulun, á mɛnaa, á n lɛ bɔ tán, á mɛnaa á n lɛ bɔ tán a giulun. A mɛnaa bǎã mɛn nɛ, á n munu tán a giulun walan, á gã.

Samayeli1 15:33

Samayeli pɛ: «A saa lɔn, n dɔ minin nɛnyaanan nyin bɔ ka gɔya nɛ, ǹ daanan gɔn kooro goã, n dɔ dan gɔn kooro á re goɛ̃ pelo, lɔn bii.» Bɛ kio, Samayeli tɔ́n Agaagi dɛ á pɔpɔsɛ Dɛnaa Lawa yɔrɔ-a Gilgaali.