Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matiə 6:2 - LAWA A BOO SONBORE 2011

2 Bɛ̀ ka á doobaan goe ka wɔrɔ nɛ, ka baran n dinin nyaa minin yɔrɔ-a buəbuə, ka gɔ́ɔ̃ tì-an bɛ́ zɛnɛɛ Zuifun lɛsɔkɔn kionən laanka zii giala-an nɛ lɔn wa. Maǹ zɛnɛɛ miɛ̃ mà minin nə ǹsɛn laakalaa. Masɛ n pii ka nɛ, sonbore ne, ká kaa saraa yɛ á nya.

အခန်းကိုကြည့်ပါ။ ကော်ပီ

LAWA A BOO SONBORE

2 Bɛ̀ ka á doobaan goe ka wɔrɔ nɛ, ka baran n dinin nyaa minin yɔrɔ-a buəbuə, ka gɔ́ɔ̃ tì-an bɛ́ zɛnɛɛ Zuifun lɛsɔkɔn kionən laanka zii giala-an nɛ lɔn wa. Maǹ zɛnɛɛ miɛ̃ mà minin nə ǹsɛn laakalaa. Masɛ n pii ka nɛ, sonbore ne, ká kaa saraa yɛ á nya.

အခန်းကိုကြည့်ပါ။ ကော်ပီ




Matiə 6:2
56 ပူးပေါင်းရင်းမြစ်များ  

A nə n gɔn lɛ buĩ á doobaan goe ka màn nɛ. A sii pepere zɛnaa n goɛ̃ yǎa duduu. A n die tɔ golebaa yii, ka gugurubaa nɛ.


Min baraa n giɔ̀mɔ siɛ, a sarɛɛ wa. Sɛnɛ, min sonbore n min kɔsɔ makara doɛ̃, a gɔ ka màn nɛ.


Min mɛn bɛ́ doobaa goe, a n giɔ̀mɔ diɛ Dɛnaa Lawa ganaa. Dɛnaa Lawa á re sarɛɛ.


Min gigiã n pii mà ǹsɛn man yiridɛnan lɛa, sɛnɛ, die n boe la a min bɔlɔgoondɛnaa yɛ a nyaa.


Ka bɛ dɔ nɛ, n gɔn màn gii kɔn ka min gigiã nɛ, a giala, koe sii mɛn bɛ́ boe la, a n zɛnaa kanaa kɛ nɛ, n ba bɛ doɛ̃ wa.


Man Asiirii a sɔraasin diɛ tɔrɔ bɔlɔgoonbaãdɛnaa gialaa. Tɔrɔ mɛn bɛ́ ma foo yui, maǹ nə n yɔrɔ diɛ bɛn la, ǹ nə ǹ kokoo, ǹ nə ǹ naforon goa! Ǹ nə́ ǹ tɔtɔrɔ ka zii gialaa ǹ bɛrɛɛ bɛ́ lɔn.


Ka kaa màn-bii gii kɔn ka bòonaa nɛ, ka kiɛnlɛ bũ doobaan manɛ, ǹ mɛnɛn kion bɛ́ a banban ka mɔnaa wɔ mɔnaa wɛɛnaa ganaa, ka nyan nə n dɔ̀ɔ̃ wɔ ka dɔɔ̃n nɛ wa.


Sonbore, baraabaa n kuĩ ka tɛ bɛ́ lɔn, a n nyan tɔrɔ tumaa kuĩ daã gòã li ǹ da bisin tumaa nɛ, a tɛmaa n dii lon kurukuru.


Ka bɛn pɛ! Bɔ̀n nə́ n tele á die Dɛnaa Lawa a kion lɛ gialaa, ka giogialatã bɛ́ lɔn. A giala, ǹ nə́ maa lɛ kɔ kɔn la lɛ ziziɛ̃, ǹ nə́ n piã ka maa dí-pɛn kɛn nɛ.


Gɔ́ɔ̃ tì-an kɛn! Sonbore tá Izayii lon, bɛ̀ a bɛ́ á pɛ kaa wɔ gɔn la kɛnɛn:


Baayɛlɛ yiisoone, ka n pii, mà la á re die pelo, a giala labara n tã birəə ne. Ka n lon gɔ̀nɔn doɛ̃, sɛnɛ, biikoon sii a kɔnboen kɛn, ka a bɛn doɛ̃ wa!


Sɛnɛ, Yezu bɛ́ á ǹ gɔ́ɔ̃ a baraabaa dɔ̃, á tɔ́n pɛ ǹ nɛ: «Gɔ́ɔ̃ tì-an kɛn! Wàa na á baa ka tá ǹ diɛ masɛ gɔ́ɔ̃ li?


Ǹ zɛnaa ǹ siin dinin tumaa n din nyaa sii lɛa. Bɛ lɛ na á toa, bɛ̀ ǹ Lawa a boo bǎãn kɔnɔn kiɛ̃, bɛ̀ ǹ kìri dadaran zumu ǹ ganaa a tɔ-a, bɛ̀ ǹ wɔ ǹ mìi-a hinlaa ǹ gɔn ganaa, pàsa mɛn bɛ́ ǹ tá kiɛ ǹ mɔnaa lɛkoron ganaa, bɛn man sɔsɔrɔ taãn-taãnɛ.


Màn-bii dadara bǎãn nɛ, giã ǹ bǎã sonboren man kɔɔ̃nɛ ǹ ganaa. Lɛsɔkɔn kion, giã nyɛɛn nə kɔɔ̃nɛ ǹ ganaa.


Á die dɔlɔ babaraa boe dí-nyali lɛ ganaa, ka gɔ́ɔ̃ tì-an dɔlɔ kɛ tɔrɔ bɛ́ lɔn. Á re wuu pii bɛa bǎã lɛ nɛ, a sɔ kere bɔ.


Man pii ka nɛ, sonbore, bɛ̀ lon laanka tán nə papaã duduu wa, landa sɛ́wɔ gɔ́ɔ̃gɔ́ɔ̃ ǹ dí-pɛn kɛn mɛn din bɛ́ ka a diɛ sii li wa, ǹ ba sàabiɛ wa, a boo kɔ́n dɔ a sàabiɛ wa, yǎa a tumaa lɛ piɛ̃.


Bɛ̀ ka n lɛ sɔɔ, ka baran n yɔrɔ kɔsɛ ka gɔ́ɔ̃ tì-an kɛn bɛ́ zɛnɛɛ lɔn wa. Maǹ nə́ n yɔrɔ kɔsɛ, mà min din tumaa dɔ̃ mà ǹsɛn man nə́ n lɛ sɔɔ. Masɛ n pii ka nɛ, sonbore ne, ǹ nə́ ǹ saraa yɛ á nya.


Bɛ̀ ka á doobaan goe ka wɔrɔ nɛ, ka nyan toa ka gɔsɛ a gɔn nə bɔ ka gusin a gɔn a sii zɛnaa siére-a wa.


Bɛ̀ ka á Lawa nyankoe, ka nyan nə n baa ka gɔ́ɔ̃ tì-an kɛn bɛ́ lɔn wa. Bɛ̀ ǹ tá lɛsɔkɔn kion hinlaa zii giala-a, golee lon a Lawa nyankɔ lɛ n kɔɔ̃nɛ ǹ ganaa. Maǹ giɛ li mà min din tumaa nə ǹsɛn yɛ. Masɛ n pii ka nɛ, sonbore ne, ǹ nə́ ǹ saraa yɛ á nya.


Din-koali ke! N mɛn lɛ bɔ n din yii lɛ-n bɔrɔ, bɛ kio, n yii á die wɔlɔ yii sɔnbɔraanɛ, n nə n dɔɔ̃n lɛ a buun lɛ bɔ a yii ni.


Bɛ̀ ǹ nə́ woo lɛsɔkɔn kion, bǎãn mɛnɛn bɛ́ yii, bɛn lɛn giãman nə kɔɔ̃nɛ ǹ ganaa. Màn-bii dadara bǎãn nɛ, giã ǹ bǎã sonboren man kɔɔ̃nɛ ǹ ganaa.


Yezu tɔ́n pɛ ǹ nɛ: – Gɔ́ɔ̃ tì-an kɛn, Izayii lon á Lawa a boo gii da kaa wɔ paǹ li, ka a bɛ á n kiɛ̃ kɛnɛn lɔn: «Lawa mà minin kɛn man ma guguru koe ka ǹ lɛ nɛ, sɛnɛ, ǹ gɔ́ɔ̃ wɔlɔ á lui-n ma ganaa.


Bɛ̀ ka tá kaa paanan laanka kaa kununun lɛn gɔ́ɔ̃gɔ́ɔ̃ ǹ mànan koe doobaan la, kaa màn din tumaa á die yoreen koe: Kaa paanan nɛ, kaa kununun ni, ka ka dininmaan foon dɔn nɛ.


Fariziɛ̃n lɛn, kaa wɔ n ka bɔ̀n nɛ. Nyɛɛnaa ǹ bǎãn lɛn man kɔɔ̃n ka ganaa, lɛsɔkɔn kionən ne. Bɛ̀ minin tá guguru kɔ ǹ fòo diɛ ka nɛ pii ni, bɛ dɔ n kɔɔ̃n ka ganaa.


Ka n gɔn mànan sã, ka a wɔrɔ kɔ doobaan la. Gɔn màn kaa ǹ bǎã mɛn bɛ́ a ziziɛ̃ wa, a n Lawa li, ka ga bɛ li. Gɔn màn ba papaɛ̃ walan wa, wurumu a doe a li wa, nimii dɔ a kuĩ wa.


Ka gɔ́ɔ̃ n baraa! A n siɛ lɔn ka tá tán laanka lon gɔ̀nɔn ganaa ǹ siin doɛ̃, Lawa bɛ́ siin mɛnɛn zɛnɛɛ ka bii kanna, ka a bɛn giala miɛ wa?


Dɛnaa tɔ́n ná a lɛ si kɛnɛn: «Gɔ́ɔ̃ tì-an kɛn, ka dinin die ne, susu ǹ pii pinaa, a ba a dii, hinlaa a dundun fore, a bɔ tɔɔn màn bii ǹ bǎã nɛ, a wo mu kɔ la wa?


«Ka n dinin kũ landa sii-daraalin kɛn ganaa. Bibiə̃ ka mɔnaa dadaran nɛ n kɔɔ̃nɛ ǹ ganaa. Ǹ fòo da ǹ nɛ, ǹ nə ǹ guguru kɔ, bɛ n kɔɔ̃nɛ ǹ-a zaman bǎãn nɛ. Lɛsɔkɔn kionən ne ka zɔ́n màn bii ǹ bǎãn nɛ, maǹ giɛ nyɛɛnaa ǹ bǎãn li, màn mɛn bɛ́ toɛ, ǹ nə ǹ yɛ.


Sɛnɛ, gɔn màndɛnan, bɔ̀ndɛnan man ka kasɛn nɛ, a giala ka kaa là yii bii gɔrɔ, ka a re kɔsɔ yii doo wa.


Man boe la lɔn n pɛ n dɔɔ̃n nɛ mà a golee nsɛ buun bɔ a yii ni, a da yaa n din yii na a ba mɛn kɛ ganaa n wɔ-n wa? Gɔ́ɔ̃ tì-a ke, n mɛn lɛ bɔ n din yii-n bɔrɔ! Bɛ kio, n yii á die wɔlɔ yii n buun lɛ bɔ n dɔɔ̃n wɔ nɛ.»


Ǹ wɔrɔ màn bɛ́ á goã Zudaasi din gɔn, bɛ lɛ nɛ, ǹ tɛn goã taasɛ, mà Yezu na á pɛ nɛ mà a wo ǹsɛn laadoo màn pii zɔ́n lɛ taman yii, hinlaa, mà a màn kɔ́n kɔ doobaan la.


Masɛ bie giɛ li minbuiinin nə tɔ golebaa kɔ ma la wa.


Ka n siɛ lɔn ka tɔn golee masɛ li, kasɛn mɛnɛn bɛ́ giɛ tɔ li kɔn li, a da yaa tɔ mɛn bɛ́ boe Lawa dinsɔɔ̃ li ka a giɛ bɛ li wa?


Bɛ̀ min mɛn tá boo diɛ a din gɔn wìi a lɛa, bɛa dɛnaa n giɛ tɔ li. Sɛnɛ, min mɛn bɛ́ giɛ li mà a dia wole tɔ bɔ, bɛa dɛnaa n sonbore pii, gɔ́ɔ̃ tìbaa ba a lon wa.


Á goã Lawa a sii kuĩ ka a foo ne, a laanka a kion minin tumaa goã woe Lawa guguru koe lɛsɔkɔn bǎã nɛ. A din goã Zuifu lɛa wa, sɛnɛ, á goã bǐɛ̃ gigiã zɛnɛɛ Zuifun doobaan manɛ, á goã Lawa nyankoe dɔn biikoo tumaa li.


Á pɛ ma-n kɛnɛn: «Nsɛ Kɔrnɛyi, Lawa nə́ n nyankɔ lɛ yɛ ka n bǐɛ̃ zɛnaan kɛn nɛ doobaan manɛ.


Kɔrnɛyi nə́ n yiin doa la ka gongon. Nyɛ́ɛ bɛ́ a ganaa, a ná a lɛ si: «Wàa mɛn nɛ, Dɛnaa?» Lon a dia dí-a wole lɛ pɛ: «Lawa nə́ n yiri kɔ n nyankɔ lɛ li, ka n bǐɛ̃n kɛn nɛ n nə́ ǹ zɛnaa doobaan manɛ.


Lawa-nyankɔlen lɛn Antiɔsi kiwi, ǹ nə́ da kɔn nɛ mà ǹsɛn dɔɔ̃nɔn mɛnɛn bɛ́ Zudee gána nɛ, mà ǹsɛn man die màn boboe a kɔnpɛ ka didie pàã nɛ, ǹsɛn nə dia bɛa dɔɔ̃nɔn lɛn la.


Lɛ̀ gigiã á kiɛ̃ kio, má wusoo má daa dɔmalɛ ǹ màn kɔ ma tɔrɔ minin la, má daa dɔn, má *wúlu màn bɔ má kɔ Lawa la Zeruzalɛmu.


Lɔ goon na á goã Zoopee kiwi, a na á goã Lawa-nyankɔle lɛa, a tɔ n Tabita, ka Grɛki bɔlɔ nɛ mà Dɔrkaasi, bɛ giala mà "Wore". Á goã zɛnaa ǹ sii sonboren zɛnɛɛ parsiini, á goã doobaan dɔn goe ka màn nɛ.


Bɛ̀ minin foo taã n min mɛn wɔ lɛa, bɛ dɔ minin foo taã. Bɛ̀ Lawa wɔ gii bɔ n min mɛn wɔ lɛa, bɛ dɔ bɛ zɛnaa ka foo sonbore ne. Bɛ̀ min mɛn dɔ n minin nyɛɛnaan boe, bɛa dɛnaa dɔ bɛ zɛnaa sɔnbɔraanɛ. Bɛ̀ min mɛn dɔ n doobaan goe màn nɛ, a zɛnaa ka foo kɔɔ̃n nɛ.


Ta má n gɔn màn tumaa gii bòonaan manɛ, ta má n gɔ̀nɔn da tɛ-n, bɛ̀ kɔn-narɛɛ ba ma lon wa, ma a màn kɔ́n yii a-n wa.


Ǹ boo n ka kɛ dinsɔɔ̃ nɛ, ǹ nə́ da wɔ nɛ. Mà wɔ n yiri koa ǹsɛn Lawa a sɔmɔ a doobaan li Zeruzalɛmu. Masɛ dɔ́ ga bɛ lɛ walan sɔnbɔraanɛ má zɛnaa.


Bɛ̀ min mɛn tá wurumu biɛ, a wurumubaa lɛ da, a dí nya ka a din gɔnɔn nɛ, a n din too ne peperebaa la, a màn yɛ a doobaan dɔn gɔ.


Wɔ bin ga tɔ li min kɔ́n li wa, haalɛ ka li, haalɛ min kɔsɔn li.


A pɛ ǹ nɛ, mà ǹ sii bǐɛ̃ zɛnaa, ǹ naforodɛnan baa sii sonbore zɛnaa gɔ́ɔ̃ nɛ. Ǹ toa bǐɛ̃baa ǹ foo yɛ ǹ lon, ǹ min kɔsɔn gɔ ka màn nɛ.


Ma dɔɔ̃n-giĩ Filemɔn, n dɔɔ̃nɔn narɛɛ lɛ foo kɔɔ̃nbaa gole laanka foo tãbaa sonbore kɔ ma la. Bɛa kɔn-narɛɛ lɛ na á dɔɔ̃nɔn lɛn tumaa foo kɔɔ̃n kɔ.


Ka yiri baran bɔ bǐɛ̃ zɛnaa kɔn nɛ laanka dɔkɔnlɛ-n wa. A giala, bɛ miã siin lɛn zɛnaa á kɔɔ̃n Lawa ganaa, maǹ ka wúlu mànan bɛ́ lɔn.


Bɛ̀ ka mɛn nə boo-laakalaali lɛa, ǹ dɛnaa toa a Lawa a boo kɛ laakalaa. Bɛ̀ min mɛn dɔ n dí yɔrɔ boe, a toa a zɛnaa ka pàã kɛ nɛ Lawa n koe la. A n zɛnaa miɛ̃, màn mɛn bɛ́ toɛ, sii din tumaa gɔ́ɔ̃ nɛ, tɔ-bɔ goã Lawa nɛ ka Yezu Krita barka nɛ. Gugurubaa laanka mìinaabaa n bɛa Lawa lɛ wɔ lɛa yǎa duduu. A n miɛ̃!


Sayulu wusoo á pɛ: «Má sii baraa zɛnaa. Sisia, ma nə n nyankoe, n zín wɔ masɛ nɛ, maa zaman lɛ a min golen laanka Izirayeli minin yɔrɔ-a. Samayeli wusoo n da ti kun ka ma nɛ, ma á re Dɛnaa Lawa guguru koe, n Lawa lɛ.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ