Matiə 6:1 - LAWA A BOO SONBORE 2011

¹ Ka bɛ́ Lawa a zii tɔ wɔ ǹ siin mɛnɛn zɛnɛɛ minin yɔrɔ-a, ka tá n dinin nyɛɛ ǹ nɛ, ka n parabaa ka bɛ nɛ. Bɛ̀ ka á zɛnɛɛ miɛ̃, ka a re saraa yii a bɔ kaa Díi Lawa li lon wa.

LAWA A BOO SONBORE

¹ Ka bɛ́ Lawa a zii tɔ wɔ ǹ siin mɛnɛn zɛnɛɛ minin yɔrɔ-a, ka tá n dinin nyɛɛ ǹ nɛ, ka n parabaa ka bɛ nɛ. Bɛ̀ ka á zɛnɛɛ miɛ̃, ka a re saraa yii a bɔ kaa Díi Lawa li lon wa.

Matiə 6:1 ပူးပေါင်းရင်းမြစ်များ

Kiin2 10:16

á pɛ nɛ: «Da kun ka masɛ nɛ, n masɛ a gɔ̀nɔn da ma din-a kɛ yɛ Dɛnaa Lawa a sii wɔ paǹ li.» Bɛ kio, Zewu tɔ́n kiɛ̃ ka Zonaadaabu ni a wotoro lɛ la, á woo ne.

Kiin2 10:31

Sɛnɛ, Zewu nə n din tamaa á Izirayeli a Lawa, Dɛnaa Lawa lɛ a dí-pɛ zii tɔ wɔ ka a foo din tumaa-n wa. Zeroboamu goã á Izirayeli minin kaa sii baraan mɛnɛn zɛnaa ganaa, Zewu nə n bɔ bɛn wɔlɔ li wa.

Loen 112:9

A nə n gɔn lɛ buĩ á doobaan goe ka màn nɛ. A sii pepere zɛnaa n goɛ̃ yǎa duduu. A n die tɔ golebaa yii, ka gugurubaa nɛ.

Ezekieli 33:31

Ǹ tá re die ma li ka zaman kɛa lɛsɔkɔn pinaa bɛ́ lɔn. Maa minin lɛn tá re die giɛ̃ tán ma yɔrɔ-a. Ǹ tá re n too koe maa boon li, sɛnɛ, ǹ ba re ǹ sii wa. A giala, boo kɔɔ̃n nə soe ǹ lɛ-n, sɛnɛ, ǹ foo kɛ nɛ, maǹ nə ǹ dinin là kio.

Danayeli sɛ́wɔ 4:27

Á n toa walan á pɛ: «Baabilonii kiwi gole lɛ á ke! Masɛ din nə má dɔ, maa kiibaa ǹ bǎã lɛa. Bɛ lɛ n die toɛ minin nə dɔ̃ mà pàã gole tá masɛ lon, mà gugurubaa tá masɛ a kiibaa lɛ nɛ.»

Zakarii 13:4

Bɛa waáraa, sìi á re Lawa a boo gii-dali soɛ-bɔlen kuĩ ǹ Lawa a boo gii-dalibaa laanka ǹ sii-yɛn kɛn laakalaa a lɛa. Ǹ yii á re we doo ǹ maa zaman sã ka Lawa a boo gii-dalin ki mɔnaa kɛa wɔ-n wa.

Zakarii 7:5

«Boo da zaman tumaa nɛ ka Lawa a wúlu-bɔlen ne n pɛ ǹ nɛ: A lɛ̀ pɔsɔbaa n ka kɛ nɛ, ka nə n lɛ-sɔɔ, ka n gɛ̀ loen loe, mui sooro laanka a sɔbaabaa ǹ wɔ li. Taãn nə n pɛ, ka n bɛa lɛ soɛ lɛ zɛnɛɛ masɛ tɔ la?

Matiə 16:27

A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Matiə 16:6

Yezu tɔ́n pɛ ǹ nɛ: «Haya, ka n parabaa Fariziɛ̃n ǹ yɔ bù ganaa, ka n parabaa Sadusɛɛ̃n ǹ yɔ bù ganaa!»

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Matiə 23:5

Ǹ zɛnaa ǹ siin dinin tumaa n din nyaa sii lɛa. Bɛ lɛ na á toa, bɛ̀ ǹ Lawa a boo bǎãn kɔnɔn kiɛ̃, bɛ̀ ǹ kìri dadaran zumu ǹ ganaa a tɔ-a, bɛ̀ ǹ wɔ ǹ mìi-a hinlaa ǹ gɔn ganaa, pàsa mɛn bɛ́ ǹ tá kiɛ ǹ mɔnaa lɛkoron ganaa, bɛn man sɔsɔrɔ taãn-taãnɛ.

Matiə 25:40

Kii lɛ á die pii ǹ ni: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa ma dɔɔ̃nɔn kɛn mɛn nɛ, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ din ni.»

Matiə 5:16

Kaa bólon fúlu doamaa nɛ a kũ minin yɔrɔ-a miɛ̃, màn mɛn bɛ́ toɛ minin nə kaa zɛnaa ǹ sii sonboren yɛ, ǹ boo la ǹ kaa Díi Lawa guguru kɔ.

Matiə 5:46

Bɛ̀ n tá n narɛɛ wolen dininsɔɔ̃nɔn narɛ, ma nə n yii diɛ wàa mɛn saraa la a bɔ Lawa li doo? Wusuru-silin mɛnɛn dinin bɛ́ ǹ tá baraabaa koe ǹ ganaa, bɛn dɔn man zɛnɛɛ miɛ̃ le!

Matiə 5:48

Bɛ lɛ taman yii, ka toa ka lɛ pã ka ka Di Lawa lɛ bɛ́ piɛ̃-n lɔn.

Matiə 6:16

Bɛ̀ ka n lɛ sɔɔ, ka baran n yɔrɔ kɔsɛ ka gɔ́ɔ̃ tì-an kɛn bɛ́ zɛnɛɛ lɔn wa. Maǹ nə́ n yɔrɔ kɔsɛ, mà min din tumaa dɔ̃ mà ǹsɛn man nə́ n lɛ sɔɔ. Masɛ n pii ka nɛ, sonbore ne, ǹ nə́ ǹ saraa yɛ á nya.

Matiə 6:9

Ka doamaa nɛ ka Lawa nyankɔ kɛnɛn: Wɔ Di mɛn bɛ́ lon, toa n tɔ gole kɔ.

Marki 8:15

Yezu tɔ́n nə n gɔn waa ǹ nɛ kɛnɛn: «Haya, ka n parabaa Fariziɛ̃n yɔ bù ni, ka n parabaa kii Erɔdi a yɔ bù ni.»

Luku 11:35

Bɛ lɛ nɛ, didie nə n foo lɛ bũ, a toa bolon fúlu kɛ wɔ a nɛ, màn mɛn bɛ́ toɛ, a gɔ́ɔ̃ baran tii wa.

Luku 12:1

Bɛa biikoo kɛ lɛ li, min gigigã nə́ n lɛ sɔkɔn ka ǹ daa ǹ tɔ wɔ kɔn gòã la. Yezu ná a giala kɔ á pɛ a kialandɛnan man bɔrɔ: «Ka n parabaa *Fariziɛ̃n yɔ bù kɛ nɛ, bɛ giala mà ǹ boo da ka ǹ lɛ-n ke, a ná a ba ǹ gɔ́ɔ̃-n wa.

Luku 12:15

Á pɛ ǹ tumaa nɛ: «Ka n dinin kũ dɛ! Ka n parabaa ka ga màn li baraa nɛ. Min a yiikoonaabaa giala bie doa-n a gɔn màn-a wa, ta bɛa gɔn màn lɛ din na á mɔnaa lɔn.»

Luku 16:15

Yezu pɛ ǹ nɛ: – Kasɛn, ka n nyɛɛ minin yɔrɔ-a mà ka tá pepere, sɛnɛ, Lawa tá ka foon doɛ̃. Sii mɛn bɛ́ sii gole lɛa minbuiin nɛ yɔrɔ-a, bɛ tìĩ n boe-n Lawa nyin ni.

Zaã a sɛ́wɔ 12:43

A giala, minbuiinin nə ǹ tɔ bɔ, bɛ́ kɔɔ̃n kɔ ǹ ganaa á la Lawa wɔ nɛ.

Zaã a sɛ́wɔ 5:44

Ka n siɛ lɔn ka tɔn golee masɛ li, kasɛn mɛnɛn bɛ́ giɛ tɔ li kɔn li, a da yaa tɔ mɛn bɛ́ boe Lawa dinsɔɔ̃ li ka a giɛ bɛ li wa?

Nya ǹ dín 3:12

Piɛrɛ bɛ́ á zaman lɛ yɛ, á pɛ ǹ nɛ: – Izirayeli minin lɛn, wàa na á baa ka tá n kaãbiɛ sii kɛ ganaa? Ka baran taasɛ mà wɔsɛn dinin pàã nɛ, hinlaa mà wɔsɛn dinin nyɛ́ɛbaa Lawa yii-n na á toa, giĩ kɛ tɔ wɔ wa.

Galaasi minin 6:12

Min mɛnɛn bɛ́, minbuiinbaa a din nyaa sii nə́ ǹ ganaa, bɛn lɛn man ke mà yǎa ka n kuri. Sɛnɛ, a zɛnaa miɛ̃ giala n ka kɛ dinsɔɔ̃ nɛ: Zuifun baran bɔ ǹsɛn yii ni, Krita a dere ǹ gɔn kɛ a lɛa wa.

Timəə dí-pɛn 24:13

Bɛ̀ wasa mɛ, n doamaa nɛ n wo a giɔ̀mɔ lɛ koa ǹ màn lɛ kɔ la. Á die wɛɛ tán ka a mɔnaa nɛ a ganaa, bɛ̀ á n barka diɛ n nɛ. Ka bɛ dɔ nɛ, kaa Lawa, Dɛnaa Lawa yɔrɔ-a, n nə ń sii sonbore zɛnaa.

Ebrəə 11:26

Lawa bɛ́ re a din a min mɛn boe diɛ, Muizu ga a ganaa, mà asɛ tɔ ziziɛ̃ bɛa lɛa, mà bɛ á naforo gole lɛa á la Ezipti gána a naforon kɛn manɛ, a giala, a yii na á goã doa-n saraa kɛ la.

Ebrəə 2:1

Bɛ lɛ na á toa, wɔ sonboren mɛnɛn ma, ka daa wɔ n gɔn paraa bɛn ganaa ka kaka, màn mɛn bɛ́ toɛ, wɔ baran wusoo wɔ papaã wa.

Ebrəə 6:10

Sonbore, Lawa a kɔkɔrɔ wa. A yiri a boe la a bɔ ka kaa nya ǹ dín ni wa. Ká Lawa din tɔ kɛ narɛ, ká dí nya ka dɔɔ̃n Lawa-nyankɔlen man lɛlɛ. Ka n tɔn nyɛɛ miɛ̃ ka pelo yii ni, Lawa lɛ yiri a boe bɛ dɔ-n wa.

Zaã2 1:8

Ka n yiri kɔ ka dinin li, màn mɛn bɛ́ toɛ kaa tɛ̀fuu giɔ̀mɔ baran papaã wa, sɛnɛ, ka kaa saraa lɛ piɛ̃maa yɛ.