Matiə 5:9 - LAWA A BOO SONBORE 2011

⁹ Min mɛnɛn bɛ́ dí nyɛɛ là nyantoro a lɛa, Lawa á re barka diɛ bɛn ganaa, a giala ǹ tá re ǹ bíi Lawa a nɛnyaanan!

LAWA A BOO SONBORE

⁹ Min mɛnɛn bɛ́ dí nyɛɛ là nyantoro a lɛa, Lawa á re barka diɛ bɛn ganaa, a giala ǹ tá re ǹ bíi Lawa a nɛnyaanan!

Matiə 5:9 ပူးပေါင်းရင်းမြစ်များ

KZS1 12:17

Bɛnzamɛn tɔrɔ kɔsɔn laanka Zudaa tɔrɔn nə́ woo Davida li a duru ǹ bǎã lɛ nɛ.

Loen 120:6

Là nyantoro bɛ́ a kɔɔ̃n min mɛnɛn ganaa wa, má giã bɛn li, má belebɔ á la yii ni.

Loen 34:12

Ka da n too kɔ, maa nɛnyaanan lɛn, man die ka darɛɛ Dɛnaa Lawa guguru-kɔ ganaa.

Matiə 5:45

Ka zɛnaa miɛ̃, bɛ lɛ n nyɛɛ mà ka n ka Di Lawa a nɛnyaanan lɛa. A giala, a bɛ́ a wasa lɛ boe min sonboren la lɔn ke, a n boe min baraan dɔn la miɛ̃. A bɛ́ la mu koe sii bǐɛ̃ zɛnaalin la lɔn, a n koe sii baraa-zɛnaalin dɔn la miɛ̃.

Matiə 5:48

Bɛ lɛ taman yii, ka toa ka lɛ pã ka ka Di Lawa lɛ bɛ́ piɛ̃-n lɔn.

Luku 20:36

Bɛn ba boe la ǹ gã doo wa. Maǹ goon ka lon a dia dí-a wolen ne. Maǹ Lawa a nɛnyaanan lɛa, a giala, ǹ yii kaa ǹ nə́ n bɔ geren bii.

Luku 6:35

Sɛnɛ, bɛ̀ ka tá li ka n baa Lon a Lawa Gole a nɛnyaanan lɛa sonbore, ka saraa gole yɛ, ka siin kɛn zɛnaa: Ka kaa zɔ́ɔn narɛ, ka bǐɛ̃ zɛnaa, min mɛnɛn bɛ́ pàã ba ǹ lon ǹ giɔ̀mɔ dòo saraa wa, ka giɔ̀mɔ da bɛn-a, a giala Lawa lɛ sɛ n bǐɛ̃ zɛnɛɛ bǐɛ̃-doɛ̃ baãnaan laanka min baraan manɛ.

Nya ǹ dín 7:26

A lɛawaa, á woo Izirayeli minin min paa yaa zia diɛ. Á wɔ ǹ bii ni, mà a nə ǹ kiɛ kun, á pɛ ǹ nɛ: «Maa giaáran lɛn! Wàa na á baa ka tá fuu nyɛɛ kɔn nɛ, táa ka n dɔɔ̃nɔn lɛa.»

Rɔmu minin 12:18

Bɛ̀ á boe la a n zɛnaa, bɛ̀ a bɔ ka dinin li wa, ka n doa là nyantoro goã ka bii ka min tumaa nɛ.

Rɔmu minin 8:14

Min mɛnɛn bɛ́ tɔ we á kɔnpii ka Lawa Yiri dùũ siin ni, bɛn man Lawa a nɛnyaanan lɛa.

Rɔmu minin 8:16

a Yiri lɛ din nə pii kun ka wɔ yiri ni, mà wɔ na a nɛnyaanan lɛa.

Rɔmu minin 8:19

Kanaa màn din tumaa la n kakaɛ̃, mà Lawa na a nɛnyaanan lɛn nyaa fufuu bɛa gugurubaa kɛ lɛ nɛ.

Korɛnti1 6:6

Á siĩni, dɔɔ̃n min paa wo kɔn bíi, golee Lawa li baãnaan yɔrɔ-a?

Korɛnti2 13:11

Ma dɔɔ̃nɔn lɛn, ka n nyanyaa. Ka toa ka lɛ-piɛ̃maa goã goleemali gɔ́ɔ̃ nɛ, ka kɔn foo taã, ka toa ka kɔn bɔlɔ ma, ka goã ka là nyantoro ne. Lawa mɛn bɛ́ minin narɛ, a n là nyantoro koe, bɛ á re goɛ̃ kun ka nɛ.

Korɛnti2 5:20

Man boo kɛ diɛ ka nɛ Krita bǎã nɛ, ka n pɛ mà Lawa dinmaa lɛ lɛ n boe ka bíi ka masɛ lɛ nɛ: Man ka gòã kuĩ ka Krita tɔ nɛ, ka lɛ kɔ ka n dinin kaa kun ka Lawa nɛ.

Galaasi minin 5:22

Sɛnɛ, Yiri Fu bɛ́ sii mɛn zɛnɛɛ wɔ nɛ, bɛ dɔ á ke: kɔn-narɛɛ nɛ ka nyɛnyaa nɛ, là nyantoro ne ka foo-kũ ni, min bǐɛ̃baa nɛ ka yiri kɔ sii li ni, ka bɔlɔgoondɛnaabaa nɛ,

Efɛɛzi minin 4:1

Masɛ n kòso nɛ lɛa, maa Dɛnaa Yezu a dí-nyalibaa a lɛa. Man ka nyankoe, máa ka giã doɛ̃, a kɔnpɛ ka Lawa á ka bíi ǹ mìi kɛ nɛ.

Filipi minin 4:2

Nsɛ Evoodii laanka Sintisi ni, man ka nyankoe, man ka gòã kuĩ, máa kaa tá kun ka Dɛnaa-n kɛ gɔ́ɔ̃ nɛ, ka n doa ka kɔn ma.

Kolɔɔsi minin 3:13

Ka toa ka kɔn a sii si ka ganaa. Bɛ̀ min tá taasɛ mà ǹ miã sã á wɔ a lon, ka kɔn a sã toa kɔn nɛ. Ka Dɛnaa din bɛ́ á kaa sii baraan toa ka-n lɔn, ka dɔn nə zɛnaa miɛ̃.

Ebrəə 12:14

Ka n doa ka ga là nyantoro li ka bii ni, ka min din tumaa nɛ, ka *yoreenbaa nɛ. Bɛ̀ bɛ gòɛ̃ ba a-n wa, min kɔ́n ba Dɛnaa yii wa.