Matiə 5:4 - LAWA A BOO SONBORE 2011

⁴ Kanaa kɛ a sii bɛ́ yɔrɔ kɔsiɛ diɛ min mɛnɛn ganaa, Lawa á re barka diɛ bɛn ganaa, a giala Lawa á die ǹ foo basɛ̃!

LAWA A BOO SONBORE

⁴ Kanaa kɛ a sii bɛ́ yɔrɔ kɔsiɛ diɛ min mɛnɛn ganaa, Lawa á re barka diɛ bɛn ganaa, a giala Lawa á die ǹ foo basɛ̃!

Matiə 5:4 ပူးပေါင်းရင်းမြစ်များ

Izayii 12:1

Bɛa pinaa kɛ nɛ, n tá re pii: «Dɛnaa Lawa, ma á zɔɔ diɛ n nɛ, a giala, n foo na á goã yoo-n ma li, sɛnɛ, n foo waa, n ma foo taã.

Izayii 25:8

Dɛnaa Lawa á re gɛ̀ papaɛ̃ duduu. Á re min tumaa yii mu tuturi. Á re a zaman tumaa a sìi nyɛɛ a bɔ ǹ ganaa. Dɛnaa Lawa na á pɛ.

Izayii 30:19

Nsɛ *Siɔn a zaman, nsɛ mɛn bɛ́ giã-n Zeruzalɛmu, n ba re wuu pii doo wa. Bɛ̀ n nə n lɛ dɛ Dɛnaa Lawa ganaa á re a bǐɛ̃baa nyɛɛ n nɛ. Bɛ̀ á n lɛ ma lɔn gɔrɔ, á re n lɛ sii.

Izayii 35:10

Dɛnaa Lawa min mɛnɛn kirisibaa, bɛn man die wusii ǹ daa. Maǹ die woe *Siɔn ka foo kɔɔ̃nbaa ǹ lɛ-dɛ nɛ. Ǹ yɔrɔ koa ǹ gɔn nə foo kɔɔ̃n lɛa, foo kɔɔ̃nbaa mɛn bɛ́ a nyɛɛ wa. Foo kɔɔ̃nbaa gole n die goɛ̃ ǹ li. Nɔmaa laanka ginii á re papaɛ̃.

Izayii 57:18

Má a giã ǹ gɔn yɛ, sɛnɛ, ma á re a kaka koe, ma a foo taã, asɛ nɛ ka min mɛnɛn bɛ́ gɛ̀ koɛ.

Izayii 66:10

Kasɛn mɛnɛn bɛ́ Zeruzalɛmu n kɔɔ̃n ka ganaa, ka n nyɛnyɛɛ kun ni. Ka goã foo kɔɔ̃n kɔ gole la kun ni. Kasɛn mɛnɛn nə goã gɛ̀ koɛ a koen kɛn taman yii, ka foo kɔɔ̃n gole kɛ gii kɔn nɛ kanna kəni!

Izayii 66:2

Bɛa mànan kɛn tumaa, ma din gɔn nɛ á ǹ zɛnaa. Ǹ tumaa n ma din wɔn lɛa. Masɛ Dɛnaa Lawa a da ǹ boo ne. Sɛnɛ, ma yii bɛ́ doa-n min mɛn la ka makara-doɛ̃ nɛ, nɔmaa-wɔle kɛ nɛ, a foo n ziziɛ̃ nɛ, ka min mɛn bɛ́ n too koe maa boo ganaa, a n nyɛ́ɛ biɛ ma yii ni.

Ezekieli 7:16

Min mɛnɛn bɛ́ re liɛ, bɛn tá re baa sii ǹ wo kelen la. Ǹ tá re puri ka kɔlɔn bɛ́ lɔn, ǹ sii baraa taman yii.

Ezekieli 9:4

á pɛ nɛ: «Kiɛ̃ n nə n bibiə̃ Zeruzalɛmu kiwi lɛ gɔ́ɔ̃ nɛ. Giĩn mɛnɛn bɛ́ gini, ǹ nə́ wuu pii sii bɔbɔnɛɛn kɛn tumaa taman yii minin nə́ zɛnɛɛ kiwi lɛ gɔ́ɔ̃ nɛ, nyaǹ da bɛa giĩn lɛn nyanlɛ ganaa.»

Zakarii 12:10

Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

Luku 16:25

Abrahamu pɛ nɛ: «Maa nɛ, n yiri gisĩ a nɛ, ń gɔn màn gigiã yɛ kanaa, Lazaarɛ sɛ na á goã á nɔmaa gole yɛ. Sisia Lazaarɛ dɔ na a yii-nyɛɛ ǹ bǎã nɛ, bɛ̀ n dɔ á fuu yii.

Luku 6:21

Kasɛn mɛnɛn bɛ́ bòo tá ka ganaa sisia, Lawa á re barka diɛ ka ganaa, á re màn-bii koe ka la ka bii ka kã. Kasɛn mɛnɛn bɛ́ wuu pii sisia, Lawa á re barka diɛ ka ganaa á re ka foo kɔɔ̃n koe ka yaa wɔ.

Luku 6:25

Kasɛn mɛnɛn nɔ̀ bɛ́ kiɛ̃-n sisia, bɔ̀ndɛnan man ka kasɛn nɛ, bòo á re ka kuĩ. Kasɛn mɛnɛn bɛ́ yaa we sisia, bɔ̀ndɛnan man ka kasɛn nɛ, gɛ̀ yɔrɔ kɔsiɛ á re doe ka ganaa, ka á re wuu pii.

Luku 7:38

Lɔ lɛ nə́ n zuməə Yezu kio a gòãn li, bɛ̀ a n wuu pii, á n yii mu kiɛ Yezu gòãn ganaa. Bɛ kio a ná a narɛ ǹ sii zɛnaa, á n mìi ka kũ a ná a gòãn lɛn tuturu ni, á nyɔɔ gìĩ kɔɔ̃n lɛ kaa ǹ ganaa.

Luku 7:50

Yezu wusoo á pɛ lɔ lɛ nɛ: «N din a goleemali na á n kirisibaa. Wo ka nyɛnyɛɛ nɛ.»

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Sii-nyaan 21:4

Á re ǹ yii mu tumaa tuturi a bɔ ǹ yɔrɔ nɛ, gɛ̀ ná a banban doo wa, gɛ̀-koa banban doo wa, duwəə ka là-paparɛɛ banban doo wa. Màn zizin kɛn nə́ papaã ǹ nə́ nya.»