Matiə 5:22 - LAWA A BOO SONBORE 2011

²² Sɛnɛ, masɛ n pii ka nɛ, bɛ̀ min mɛn foo yoo ǹ miã li, ka doamaa nɛ ka dɔlɔ bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «N là banban,» ka doamaa nɛ ka dɔlɔ gole bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «Gàãnaa nə n nɛ!» ka doamaa nɛ ka bɛa dɛnaa da bɔ̀nbaa ǹ tɛ gole ne.

LAWA A BOO SONBORE

²² Sɛnɛ, masɛ n pii ka nɛ, bɛ̀ min mɛn foo yoo ǹ miã li, ka doamaa nɛ ka dɔlɔ bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «N là banban,» ka doamaa nɛ ka dɔlɔ gole bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «Gàãnaa nə n nɛ!» ka doamaa nɛ ka bɛa dɛnaa da bɔ̀nbaa ǹ tɛ gole ne.

Matiə 5:22 ပူးပေါင်းရင်းမြစ်များ

Siin Giala 37:4

Ǹ golon lɛn nə́ yɛ, mà Zozɛfu sii a kɔɔ̃nɛ ǹsɛn di lɛ ganaa, á la ǹsɛn tumaa nɛ. Ǹ golon lɛn nə́ da ǹ gɔ́ɔ̃ nɛ, ǹ boo la ǹ nə́ boo da-n doo ka bɔlɔ bǐɛ̃-n wa.

Siin Giala 37:8

Ǹ golon lɛn nə́ tɔ́n a lɛ si ǹ nə́ pɛ: «A nə n yiri ni, mà n nə ǹ die giɛ̃ wɔsɛn mìi la kii lɛa kən le?» Bɛa narɛɛn lɛn taman yii, ka a bɛ́ boon mɛnɛn dɔn diɛ, a tìĩ wusoo á bɔ ǹ golon lɛn nyin ni doo, á la lɛlɛ wɔ nɛ.

Samayeli2 16:7

Simeyii goã màn mɛn diɛ a lɛn babaraa bíi lɛ gɔ́ɔ̃ nɛ, bɛ n ka kɛ nɛ: «Woo n nə n bɔ kànaa, woo n nə n bɔ kànaa, min babaraa, gɛ̀-dɛle.

Samayeli2 6:20

Davida kanaa á wɔ kion, mà a n barka diɛ a kion minin ganaa. Sayulu a nɛlɔ Mikaali soo á daa n da Davida lɛ, á n lɛ dɛ a ganaa á pɛ: «Izirayelin kii lɛ gugurubaa yɛ pelo koe! Á ke á n sɔlɔ a bɛ̀rɛgiĩn laanka a bɛ̀rɛlɔn yɔrɔ-a ka min kooro mɛn din bɛ́ ke a ná a sìi doɛ̃ wa.»

Kiin1 21:4

Zizereyɛli min Naabɔti bɛ́ á pɛ mà asɛ ba ǹ digolon kíɛ̃ koe Akaabu la wa, Akaabu woo piɛ ka foo ziziɛ̃ laanka foo yoo ne. A bɛ́ á dɔ piɛ, á waa tán á n yɔrɔ bɔyaa á dia kɛ gɔ̀nɔn la, a màn kɔn bii wa.

KZS2 16:10

Azaa foo yoo Lawa a boo gii-dali Anaanii li, á kũ á da kòso-n. A foo yoo Anaanii a boon kɛn li Parsiini. Bɛa waáraa kɛ lɛ nɛ, Azaa nə n bɔyaa á kakaarɛ kɔ zaman lɛ a min tɛn ganaa.

KZS2 19:5

Á kiri-kurulin bɔ á n koa Zudaa gána a kiwi tamaa wole din tumaa nɛ.

Nehemii 5:8

Má pɛ ǹ nɛ: «Ǹ wɔ dɔɔ̃n Zuifun mɛnɛn sã tɔrɔ kɔsɔn la, táa wɔ dininmaan lɛn man wɔ́ bɛn nyin si á kɔnpɛ ka wɔ pàã nɛ. Sɛnɛ, kasɛn man ka dɔɔ̃nɔn siɛ̃, ka n li ka ǹ sã wɔ dininmaan dɔn la!» Ǹ nə́ golee ka kiĩkə́ə̃n, ǹ yii din ba boo ganaa ǹ tá diɛ wa.

Loen 109:3

Ǹ boon lɛn man zɔ́ɔbaa boon lɛa, ǹ nə́ ma lɛnpɛnɛ nɛ. Maǹ yui ma gialaa kooro kooro.

Loen 14:1

Loe-saalin goledɛnaa loe mɛn lɔ. Davida a loe n ke. Baãnaan man pii ǹ dinin gɔ́ɔ̃ nɛ mà Lawa banban. Bɛa minin kɛn nə́ ziziɛ̃, maǹ sii bɔnɛɛ zɛnɛɛ, ǹ kɔn ba sii bǐɛ̃ zɛnɛɛ wa.

Loen 25:3

Min mɛn tumaa bɛ́ n foo doɛ n ganaa, sìi ba re bɛ kɔn kuĩ wa. Sɛnɛ, min mɛnɛn bɛ́ n piɛ̃ n nɛ, mìi ná a ba la wa, bɛn wɔ n ka sìi ni.

Loen 35:19

Min mɛnɛn bɛ́ ma biɛ zɔ́ɔ kooro, n nyan toa bɛn nə yaa wɔ ma-a wa. Ma tìĩ bɛ́ á bɔ min mɛnɛn nyin ni kooro, n nyan toa bɛn nə n yii kɛmɛ ma li, bɛ̀ ǹ woɛn da ma-a wa.

Loen 37:8

Foo-yoo lɛ da, n kakaarɛbaa toa walan. Bɛ̀ n foo busu, bɛ lɛ n die ka sii baraa zɛnaa nɛ.

Loen 49:10

Min tá boe la a goã a yii n koo yǎa duduu? Min tá boe la a goã a ná a giɛ̃ wa?

Loen 69:4

Má n lɛ dɛ má nɔmaa, ma lɛn nə́ tã, má n yii da maa Lawa la, ma yii wɔ̃.

Loen 7:4

Dɛnaa Lawa, maa Lawa, maǹ pii mà ma zɛ̀rɛ nɛ. Bɛ̀ má zɛnaa ka ǹ bɛ́ pii lɔn, bɛ̀ ma din gɔn kɛ sii la sonbore,

Loen 92:6

Dɛnaa Lawa, n nya ǹ dín lɛn tá dadara dɛ. N taasiɛn lɛn tá zuzulu, á la yii ni.

Suusun 14:16

Sii-dɔ̃li n nyɛ́ɛ biɛ sii baraa nɛ a nə́ n nyɛnɛɛ nɛ. Sɛnɛ, baãnaa n woe nyɛɛnɛ, a n waa nɛ a din la.

Suusun 18:6

Baãnaa a boon man zia yiɛ. A bɛ́ boo mɛn diɛ, bɛ n die ka mandɛ nɛ.

Zeremii 17:11

Min mɛn bɛ́ pàãma biɛ yɔrɔ baraa la, bɛa dɛnaa na á kɔnbɔ ka koo dan nɛ, á waa gìi la, a ná a gìi dɔ da wa. A toa a yii n koo foo kɔɔ̃n la, naforo lɛ nə n gɔn boe a ganaa. A nə n gɔn nyɔmiɛ̃ baãnaa lɛa.

Busii pɛ 3:52

Min mɛnɛn nə ma baa zɔ́ɔ mìi ná a ba la wa, ǹ nə́ bɔ ǹ nə́ kaa ma kio, ka bàan wɔ bɛ́ lɔn.

Danayeli sɛ́wɔ 3:13

Bɛ lɛ taman yii, Nebukadenezɔɔrɔ foo yoo, a yɔrɔ yii n tɛmaa boe. Á tɔ́n pɛ mà ǹ Sadraki kũ ǹ da nɛ, ka Mesaki laanka Abɛdi-Negoo ne. Ǹ nə́ bɛa minin lɛn kũ, ǹ nə́ daa ǹ nɛ kii li.

Danayeli sɛ́wɔ 3:19

Nebukadenezɔɔrɔ bɛ ma lɔn, a foo yoo á la yii ni, a yɔrɔ ziziɛ̃ Sadraki laanka Mesaki li, ka Abɛdi-Negoo ne. Á tɔ́n pɛ ǹ nɛ, mà ǹ màn kaa tɛ lɛ nɛ, a kũ a la babaraa wɔ kɛ nɛ gunyin sɔbaa.

Abdiasi 1:10

Ka kakaarɛbaa ǹ sii mɛnɛn zɛnaa, ka dɔɔ̃n Zakɔba tɔrɔn kɛn manɛ, bɛ lɛ n ke, sìi gole á die ka kuĩ. Ǹ tá re ka dii, ǹ ka nya lenlen.

Abdiasi 1:12

A da yaa, ka dɔɔ̃nɔn lɛn bɛ́ koe ne ǹ mɛn pinaa, bɛ̀ ka doamaa bie ka golee ka ga ǹ ganaa wa. Zudaa tɔrɔn kɛn bɛ́ bɔ̀n biɛ ǹ mɛn pinaa, bɛ̀ ka doamaa bie ka golee, ka yaa wɔ ǹ ganaa wa. Ǹ bɛ́ nɔmaa gɔ́ɔ̃ nɛ ǹ mɛn pinaa, bɛ̀ ka doamaa bie ka n lɛ wɔ ǹ ganaa wa.

Matiə 10:17

Ka yiri bɔ dɛ, a giala minin tá re ka kuĩ, ǹ wo ka kɔ kiri-kurulin la, bɛn nə ka duwəə ka sɛ̌n nɛ ǹ lɛsɔkɔn kionən ne.

Matiə 10:28

Min mɛnɛn bɛ́ boe la ǹ gɔ̀nɔn siĩ dɛ, ǹ nə́ ǹ ba boe la ǹ telenboen dɛ wa, ka baran nyɛ́ɛ baa bɛn man wa. Lawa mɛn bɛ́ boe la a gɔ̀nɔn siĩ laanka telenboen din tumaa naa kɔn-a a ǹ kaa bɔ̀nbaa ǹ tɛ gole ne, ka nyɛ́ɛ baa bɛ nɛ.

Matiə 12:24

Fariziɛ̃n bɛ́ ǹ nə́ bɛ ma, ǹ nə́ tɔ́n pɛ: «Giĩ kɛ n nɔ̀ɔnɔn lui ǹ boe minin ganaa ka nɔ̀ɔnɔn kiã *Sɛtaan pàã nɛ!»

Matiə 17:5

A bɛ́ bɛa boo lɛ diɛ, labara tɛ-pɛle goon nə́ n kuməə ǹ ganaa. Boo-diɛ lɛ bɔ bɛa labara lɛ gɔ́ɔ̃ nɛ á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ. Ka n too kɔ a lon!»

Matiə 18:21

Piɛrɛ tɔ́n nə n zɔ̃ á dɔ Yezu li, á nɔ̀n da la: «Dɛnaa, masɛ dɔɔ̃n mɛn bɛ́ a ba wɔ masɛ zɛ̀rɛ-n lɛ diɛ wa, ma doamaa nɛ ma bɛa zɛ̀rɛ toa nɛ yǎa gunyin gia? Yǎa gunyin sɔbaa?»

Matiə 18:35

Yezu tɔ́n pɛ ǹ nɛ: «Bɛ̀ min mɛn ba ǹ miã zɛ̀rɛ toɛ nɛ ka a foo din tumaa-n wa, maa Díi Lawa n die bɛa dɛnaa biɛ miɛ̃.»

Matiə 23:15

Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka nə n gɔ̀nɔn diɛ ka dinin ganaa, bɛ̀ ka n bibiə̃ gánan gɔ́ɔ̃ nɛ, mà kasɛn nə min goon dinsɔɔ̃ yɛ ka da Zuifun Lawa a zii ni. Bɛ̀ ka gɔn dɔ a ganaa, ka n wusii ka bɛa dɛnaa baa *Sɛtaan a piɛ min lɛa á la ka dinin manɛ gunyin paa.

Matiə 23:33

Kɔrɔkan tɔrɔn, min babaraan kɛn! Ka n die siɛ lɔn ka tɔn kanbaa Sɛtaan a piɛ a dɔlɔ kɛ ganaa?

Matiə 25:41

Bɛ kio, kii lɛ á die pii a gɔsɛdɛnan lɛn manɛ: «Lawa bɛ́ á barka bɔ kasɛn mɛnɛn nɛ, ka n zɔ̃ ka n bɔ masɛ ganaa! Tɛ mɛn bɛ́ a ba nimi wa, Lawa zɛnaa *Sɛtaan laanka a dia dí-a wolen manɛ, ka wo walan.

Matiə 26:59

Lawa a wúlu-bɔlen goledɛnan laanka kiri-kurulin gialakunun tumaa ga Yezu biɛ kɔ ǹ gɔn li, haalɛ ta a din ni kɔkɔrɔ lɔn, màn mɛn bɛ́ toɛ, ǹ dɛ a gã.

Matiə 3:17

Boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

Matiə 5:34

Sɛnɛ masɛ n pii ka nɛ, ka nyan toa ka n liɛ duduu wa. Ka baran n liɛ ka lon ne wa, a giala, Lawa a kii dankan nɛ.

Matiə 5:44

Sɛnɛ masɛ n pii ka nɛ, ka kaa zɔ́ɔn narɛ. Min mɛnɛn bɛ́ fuu nyɛɛ ka nɛ, ka Lawa nyankɔ bɛn manɛ.

Marki 14:55

Lawa a wúlu-bɔlen goledɛnan laanka kiri-kurulin tumaa ga Yezu biɛ kɔ ǹ gɔn li mà maǹ dii, ǹ nə́ fɔ̃.

Marki 15:1

Baayɛlɛ yiisoon ne, kiri-kurulin tumaa, Lawa a wúlu-bɔlen goledɛnan laanka landa sii-daraalin nə́ kɔn yɛ fufuu, ǹ nə́ n lɛ kaa kun boo goon ganaa. Ǹ nə́ Yezu yii ǹ nə́ woo kɔ gánadɛnaa Pilati la mà a kiri wɔ a ganaa.

Luku 12:5

Masɛ n die min nyɛɛ ka nɛ, ka doamaa bɛ́ nɛ ka nyɛ́ɛ baa min mɛn nɛ. Ka nyɛ́ɛ baa Lawa nɛ. Bɛ̀ Lawa min dɛ, pàã tá a lon a na a telenboen zũ tɛ-n. Bɛ lɛ nɛ, ma á pii ka nɛ, máa ka doamaa nɛ ka nyɛ́ɛ baa Lawa nɛ.

Luku 22:66

Lɛ̀ bɛ́ á waa, Lawa a wúlu-bɔlen goledɛnan laanka landa sii-daraalin mɛnɛn bɛ́ kiri-kurulin kuru lɛa, bɛn nə́ n lɛ sɔkɔn, ǹ nə́ woo ka Yezu ni ǹ kiri wɔ ǹ bǎã nɛ.

Zaã a sɛ́wɔ 11:47

Lawa a wúlu-bɔlen goledɛnan laanka Fariziɛ̃n nə́ woo kɔn yɛ, ǹ nə́ pɛ mà ǹsɛn man die wàa zɛnɛɛ? Mà giĩ lɛ á ke kaãbaa ǹ sii gigiã zɛnɛɛ!

Zaã a sɛ́wɔ 15:25

Boo mɛn nə n kiɛ̃ ǹ landa sɛ́wɔ nɛ, a na á kaa bɛ lɛ: «Ǹ nə́ ma baa zɔ́ɔ kooro.»

Zaã a sɛ́wɔ 7:20

Zaman lɛ tɔ́n pɛ nɛ: «Mànan manə n ganaa koɛ! Die n giɛ li a n dɛ?»

Zaã a sɛ́wɔ 8:48

Zuifun nə́ tɔ́n pɛ Yezu ni mà Sonbore tá ǹsɛn lon ǹsɛn nə pɛ, mà á baraa ka Samarii min bɛ́ lɔn, mà mànan man a ganaa.

Nya ǹ dín 17:18

Yiridɛnan kɔnɔn dɔn dinin tan, ǹ nə́ ǹ bíi mà Sitoyisiɛ̃n ka Epikuriɛ̃n, bɛn nə́ goã sùn biɛ kun ni. Ǹ tɛnɛn man nə́ goã pii: «Kɛa boo gigiã dali kɛ n pii mà wàa sɛn?» Kɔsɔn dɔn man pii: «A n die goɛ̃ dì tiin boo-laakalaali lɛa.» Sonbore, Pooli na á goã Yezu laanka geren yii-kaa boo diɛ.

Nya ǹ dín 22:30

A lɛawaa, sɔraasin goledɛnaa lɛ bɛ́ giɛ li a Pooli zɛ̀rɛbaa ǹ mìi lɛ dɔ̃, á pɛ mà ǹ fɔlɔ biɛn lɛn bɔ a ganaa, mà wúlu-bɔlen goledɛnan laanka kiri-wɔlen kuru lɛ nə n lɛ sɔkɔn. Á pɛ mà ǹ soo ka Pooli ni, a n bɔlɔ pɛ ǹ yɔrɔ-a.

Nya ǹ dín 23:1

Pooli nə́ n yii doa kiri-wɔlen kuru lɛ la, á pɛ: «Dɔɔ̃nɔn lɛn, masɛ bɛ́ má maa tɔ wɔ lɔn Lawa yɔrɔ-a, á daa kaa pelo lɛ, ma foo ba ma din zɛ̀rɛ biɛ ka sii kɔ́n nɛ bɛ wɔ a paǹ li wa.»

Nya ǹ dín 24:20

Ma bɛ́ má pɛ kiri-wɔlen kuru lɛ yɔrɔ-a máa ma á waa-n la máa geren yii á re kiɛ, bɛ lɛ nɛ ǹ tá kiri we ma ganaa, kɔntan bɛa lɛa nɛ. Bɛ̀ bɛ bie wa, ǹ dinin mɛnɛn bɛ́ kànaa, bɛ̀ ǹ tá ma zɛ̀rɛbaa ǹ sii kɔsɔ yii, ǹ pɛ.»

Nya ǹ dín 4:15

Ǹ nə́ tɔ́n pɛ mà ǹ nə ǹ kũ ǹ soo ǹ ne, ǹ nə ǹ bɔ kiri wɔ ǹ bǎã lɛ nɛ. Bɛ kio, ǹ dinin nə́ tɔ́n nɔ̀n da kɔn la:

Nya ǹ dín 5:21

Dia dí-a wolen lɛn ná a bɔlɔ si, bɛ lɛ a lɛa baayɛlɛ yiisoone gɔrɔ, ǹ nə́ woo Lawa a kion lɛ nɛ, ǹ nə́ minin daraa walan. Lawa a Kion wúlu-bɔlen kiã laanka a tá kun wolen nə́ daa, ǹ nə́ kiri-wɔlen kuru lɛ sɔkɔn, ka Izirayeli a min golen ne. Ǹ nə́ minin dia, mà ǹ wo dia dí-a wolen lɛn waa kòso-n, ǹ da ǹ nɛ.

Nya ǹ dín 5:27

Ǹ nə́ daa ka dia dí-a wolen lɛn nɛ, ǹ nə́ ǹ nyaa kiri-wɔlen kuru lɛ nɛ. Lawa a Kion wúlu-bɔlen kiã lɛ tɔ́n nɔ̀n da ǹ la:

Nya ǹ dín 6:12

Ǹ nə́ zaman lɛ sɔmɔ, ka min golen laanka landa sii-daraalin ni. Bɛn nə́ Itian kũ fufuu, ǹ nə́ woo-n kiri-wɔlen bǎã nɛ.

Nya ǹ dín 6:15

Kiri-wɔlen mɛnɛn tumaa goã bǎã lɛ nɛ, bɛn yii na á goã doa nɛ a din la, ǹ ná a yɔrɔ yɛ tɛ pii ka lon a dia dí-a wole wɔ bɛ́ lɔn.

Nya ǹ dín 7:37

A din Muizu lɛ na á pɛ Izirayeli minin lɛn manɛ: «Lawa á re a din a boo gii-dali goon boe ka bii ka masɛ bɛ́ lɔn.»

Rɔmu minin 12:10

Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka n zɔɔ̃ kɔn ka kɔn guguru kɔ nɛ.

Korɛnti1 6:10

wurumun ni ka yii bɔ miã gɔn màn li wolen ne, yɔ-mili baraan nɛ, minin tɔ-ziziɛ̃lin ni, ka waa zii-a wolen ne, bɛa min kɛ kɔ́n ba re bǎã yii Lawa a kiibaa-n wa.

Korɛnti1 6:6

Á siĩni, dɔɔ̃n min paa wo kɔn bíi, golee Lawa li baãnaan yɔrɔ-a?

Timəə dí-pɛn 15:11

Doobaa dɔ bɛ́ a bie re nyɛɛ ka bii gána kɛ-n wa, ma nə n gɔn wɛɛ ka nɛ: ka dɔɔ̃nɔn mɛnɛn bɛ́ kaa gána lɛ nɛ, nɔmaa wolen lɛa, doobaan lɛa, ka n gɔn lɛ bũ bɛn man sɔnbɔraan nɛ.

Timəə dí-pɛn 16:18

Ka die ka sii yɔrɔ-bɔlen laanka zaman-lɛduə̃lin koa kaa tɔrɔn lɛn wɔ lɛa, kiwin lɛn tumaa nɛ, kaa Lawa, Dɛnaa Lawa bɛ́ re kiwin mɛnɛn koe ka la. Bɛn tá re zaman lɛ a sii yɔrɔ boe ka peperebaa nɛ.

Tesaloniki1 4:6

Min kɔ́n baran wɔ ǹ miã lon bɛa sii lɛ gɔ́ɔ̃ nɛ, a pɛ mà a n woe ǹ miã wɔ wɔlɔ li wa. Wɔ́ pɛ ka-n lɛlɛ, wɔ́ n gɔn waa ka-n taãn-taãnɛ, wáa min mɛnɛn bɛ́ bɛa siin lɛn zɛnɛɛ, Dɛnaa á re dɔlɔ boe ǹ ganaa.

Tiitii 3:2

Mà ǹ nyan boo baraa da min kɔ́n ganaa wa, ǹ nə n bɔ zia wɔlɔ li. A pɛ ǹ nɛ, mà ǹ nə n dinin nyaa yiri koa minin li wolen lɛa, ǹ nə ǹ min basiɛ̃baa nyaa min tumaa wɔ paǹ li biikoo tumaa li.

Ebrəə 12:25

Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,

Ebrəə 5:9

A daraa fuu gɔ́ɔ̃-n lɛ bɛ́ á nya, Yezu a sii tumaa lɛ pã, á n baa kirisibaa nyabaã wole kɛ a kɔle lɛa, a bɔlɔ-silin tumaa nɛ.

Zaaki 2:20

Baãnaa nɛɛ! N tá li n dɔ̃ mà bɛ̀ zɛnaa ǹ sii ba goleemali-n wa, mà a là banban?

Zaaki 3:6

Lɛwɔn nə goon ka tɛ nɛ. Màn baraa nɛ. Wɔ gɔ̀nɔn paǹ goon ne, a din lɛ dɔ n gɔ̀nɔn gialakun kɛ tumaa diɛ sii ni, bɛa tɛ lɛ n bɔ̀n da ǹ tɛ gole lɛa.

Piɛrɛ1 2:23

Maǹ nə́ goã sɔ kiɛ la, a ba a dòo koe wa. A bɛ́ fuu yii ke, a boo baraa da min-a wa, sɛnɛ, a na á goã a din a sii toɛ Lawa kiri pepere wɔle kɛ gɔn.

Piɛrɛ1 3:9

Bɛ̀ min sii baraa zɛnaa ka nɛ ka baran a dòo saraa ka baraa-n wa. Bɛ̀ min sɔ kɔ ka ganaa, ka baran a dòo saraa ka sɔ-n wa. Sɛnɛ, Lawa na á ka bíi, mà ka Lawa bǐɛ̃ bíi ǹ li, bɛ kio kəni, a din tá re bǐɛ̃ zɛnɛɛ ka nɛ.

Zaã1 2:9

Min mɛn bɛ́ pii, mà asɛ n wɔlɔ fúlu li, ǹ dɔɔ̃n tìĩ n tɔn boe-n a nyin ni, bɛ n tɔn wɔlɔ tì li.

Zaã1 3:10

Màn mɛn bɛ́ Lawa a nɛnyaanan laanka Sɛtaan a nɛnyaanan boe kɔn lɛ panparaanɛ, bɛ á ke: Min mɛn bɛ́ a ba sii pepere zɛnɛɛ wa, a ná a ba ǹ dɔɔ̃n narɛ wa, bɛ bie Lawa a nɛ lɛa wa.

Zaã1 5:16

Sii baraa mɛn bɛ́ a woe ka min ni gɛ̀-n wa, bɛ̀ min nə́ ǹ dɔɔ̃n yɛ bɛ zɛnɛɛ, a Lawa nyankɔ, Lawa á re yiikoonaabaa koe ǹ dɔɔ̃n kɛ lɛ la, bɛ̀ á daa yaa sonbore, sii baraa kɛ lɛ á zɛnaa, bɛ̀ a ba woe-n gɛ̀-n wa. Sɛnɛ, sii baraa goon tan, a n woe ka min ni gɛ̀ nɛ, ma bie máa ka Lawa nyankɔ bɛa sii baraa kɛ miã a lɛa wa.

Zude 1:9

Lon a dia dí-a wolen goledɛnaa Miseli din bɛ zɛnaa wa. A laanka *Sɛtaan bɛ́ zia diɛ ǹ mɛn waáraa, ǹ nə́ kɔn liere koe Muizu gere ganaa, Miseli lɛ kɔ, á dɔlɔ da Sɛtaan mìi ni, a sɔ kɔ Muizu ganaa kɛ a lɛa wa. A na á pɛ kooro mà «Dɛnaa Lawa die a dɔlɔ bɔ n ganaa!»

Sii-nyaan 20:14

Ǹ nə́ gɛ̀ laanka geren piɛ kũ ǹ nə́ ǹ zũ tɛ panapana kɛ nɛ. Bɛa tɛ panapana kɛ lɛ n gɛ̀ a paabaa ǹ wɔ lɛ lɛa.