Matiə 5:11 - LAWA A BOO SONBORE 2011

¹¹ Ǹ bɛ́ sɔ kiɛ kasɛn mɛnɛn la, bɛ̀ ǹ ka nɔmaa masɛ a kialandɛnaabaa lɛ taman yii, bɛ̀ ǹ sii baraa tɔrɔ din tumaa zɛnaa ka nɛ, ǹ soɛ da ka la, Lawa á re barka diɛ ka ganaa.

LAWA A BOO SONBORE

¹¹ Ǹ bɛ́ sɔ kiɛ kasɛn mɛnɛn la, bɛ̀ ǹ ka nɔmaa masɛ a kialandɛnaabaa lɛ taman yii, bɛ̀ ǹ sii baraa tɔrɔ din tumaa zɛnaa ka nɛ, ǹ soɛ da ka la, Lawa á re barka diɛ ka ganaa.

Matiə 5:11 ပူးပေါင်းရင်းမြစ်များ

Loen 35:11

Minin man die ǹ nə́ soɛ diɛ ma la, ma bɛ́ ma a sii mɛn doɛ̃ wa, maǹ bɛa nɔ̀n diɛ ma la.

Loen 44:22

bɛ̀ n tá re foɛ̃ a ganaa ya? N din lɛ n minin gɔ́ɔ̃gɔ́ɔ̃ ǹ taasiɛ doɛ̃.

Izayii 25:8

Dɛnaa Lawa á re gɛ̀ papaɛ̃ duduu. Á re min tumaa yii mu tuturi. Á re a zaman tumaa a sìi nyɛɛ a bɔ ǹ ganaa. Dɛnaa Lawa na á pɛ.

Izayii 51:7

Kasɛn mɛnɛn bɛ́ peperebaa doɛ̃, ká n maa dí-pɛ tamɛɛ ka foo ne, ka n too kɔ ma lon. Ka nyan nyɛ́ɛ baa minbuiinin sɔ kɔ-n wa. Ka yiri nyan nə n lɔlɔkɔn ǹ yaa wɔ ma-a kɛ taman yii wa.

Izayii 66:5

Ka n too kɔ Dɛnaa Lawa a boon li, kasɛn mɛnɛn bɛ́ nyɛ́ɛ biɛ a yii ni. Ka dɔɔ̃nɔn man ka biɛ zɔ́ɔ, ǹ tá ka lui masɛ taman yii. Maǹ pii: «Dɛnaa Lawa na a gugurubaa lɛ nyaa kəni, ka bɛ nɛ, wɔ á re kaa foo kɔɔ̃nbaa yii.» Sɛnɛ, sìi n die ǹ dinin kuĩ.

Zeremii 37:14

Zeremii ná a lɛ si kɛnɛn: «Haayii, ma bie woe n kiɛ kun ka Baabilonii minin ni wa!» Sɛnɛ, Iriya nə n too kɔ Zeremii lon wa. Á kũ, á woo ne a goledɛnan li.

Matiə 10:18

Masɛ tɔ taman yii, ǹ tá re woe ka nɛ tɔrɔ kɔsɔn pàãdɛnan laanka kiin yɔrɔ-a ka n bɔlɔ pɛ. Bɛ lɛ n die toɛ ka siére baa bɛn laanka ǹ minin yɔrɔ-a.

Matiə 10:22

Min din tumaa á die ka biɛ zɔ́ɔ masɛ tɔ taman yii. Sɛnɛ, bɛ̀ min mɛn si a ganaa yǎa a woo kaa a lɛ nyɔmiɛ̃ lɛ, Lawa á die bɛa dɛnaa kirisibiɛ.

Matiə 10:25

A dàn nɛ kialandɛnaa nə n baa ka a mìilandɛnaa bɛ́ lɔn, dí-nyali nə n baa ka a mìinaa bɛ́ lɔn. Bɛ̀ n nə́ kɛdɛnaa din bíi mà *Sɛtaan, ǹ bɛ́ re tɔn mɛnɛn koe a kion minin ganaa bɛn tá baraa!

Matiə 10:39

Min mɛn bɛ́ giɛ li a n din nyin tamaa, bɛa dɛnaa wɔ á die bɔ̀n biɛ. Sɛnɛ, min mɛn nyin bɛ́ re bɔ̀n biɛ masɛ taman yii, bɛa dɛnaa á die a wɔ yii.

Matiə 19:29

Bɛ̀ min mɛn ná a kionən toa walan masɛ tɔ taman yii, ǹ dɔɔ̃ngiĩn ni, ǹ miãnɛnɛn nɛ, ǹ di laanka ǹ dan nɛ, a nɛnyaanan nɛ, hinlaa a wuru ni, bɛa dɛnaa á die bɛ din tumaa a laman paabiɛ yii, a wusoo a nyin nyabaã dɔ yɛ.

Matiə 24:9

Bɛa biikoo li, kaa zɔ́ɔn tá re ka koe tɔrɔ kɔsɔn la ǹ fuu nyaa ka yii ni, ǹ tá re ka dii ka gã. Ka tìĩ á re boe min tumaa nyin ni masɛ tɔ a lɛa.

Matiə 27:39

Min mɛnɛn nə́ goã kiɛ̃ walan, bɛn man nə́ goã ǹ mìi papasɛ bɛ̀ ǹ tá sɔ kiɛ la.

Marki 13:13

Ka tìĩ á re boe min tumaa nyin ni masɛ tɔ a lɛa. Sɛnɛ bɛ̀ min mɛn si a ganaa yǎa á woo kaa a giala-nyɔmiɛ lɛ, bɛa dɛnaa á die kirisibiɛ.

Marki 13:9

Sɛnɛ, kasɛn nə yiri bɔ ka dinin li. A giala, minin tá re ka kuĩ ǹ wo kiri wɔ ka ganaa Zuifun lɛsɔkɔn kionən gɔ́ɔ̃ nɛ, ǹ ka duduwəə. Ǹ tá re woe ka nɛ pàãdɛnan laanka kiin yɔrɔ-a masɛ tɔ taman yii, bɛ lɛ n die toɛ ka masɛ boo da ǹ yɔrɔ-a.

Marki 4:17

Sɛnɛ, ǹ ba toɛ a gòon bɔ ǹ nɛ wa, a ba goɛ̃ ǹ nɛ a belebɔ wa. Bɛ lɛ nɛ, bɛ̀ foo-ziziɛ̃ daa, hinlaa bɛ̀ minin man fuu nyɛɛ ǹ nɛ Lawa a boo lɛ taman yii, ǹ mìi n ziziɛ̃ gɔrɔ.

Marki 8:35

A giala, min mɛn bɛ́ giɛ a din nyin li, bɛa dɛnaa nyin tá re nyɛɛ. Sɛnɛ, min mɛn nyin bɛ́ re nyɛɛ masɛ laanka Boo Tii Kɔɔ̃n kɛ taman yii, bɛa dɛnaa nyin tá re goɛ̃.

Luku 21:12

Sɛnɛ, bɛa siin kɛn lɛn laan bɛ̀ maǹ nə́ n zɛnɛɛ, ǹ tá re ka kuĩ, ǹ fuu nyaa ka nɛ. Ǹ tá re ka we kiri-kurulin gɔn lɛsɔkɔn kionən ne, ǹ tá re ka kiɛ kòso-n. Ǹ tá re ka kuĩ, ǹ wo ka-n kiin laanka pàãdɛnan gialakunun yɔrɔ-a masɛ tɔ a lɛa.

Luku 21:17

Ka tìĩ á die boe min tumaa nyin ni masɛ tɔ a lɛa.

Luku 6:22

Bɛ̀ minin tá ka biɛ zɔ́ɔ, ǹ nə́ n nyanɛɛ ka nɛ, ǹ nə́ sɔ koe ka ganaa, ǹ nə́ ka tɔ baraa pii Min a Nɛgiĩ a lɛa, ka dɔ̃ mà Lawa á re barka diɛ ka ganaa.

Luku 9:24

A giala, min mɛn bɛ́ giɛ a din nyin li, bɛa dɛnaa nyin tá re nyɛɛ. Sɛnɛ, min mɛn nyin bɛ́ re nyɛɛ masɛ taman yii, bɛa dɛnaa nyin tá re goɛ̃.

Zaã a sɛ́wɔ 15:21

Maǹ die bɛ din tumaa zɛnɛɛ ka nɛ masɛ tɔ taman yii, a giala, min mɛn masɛ dia, ǹ ba bɛa dɛnaa doɛ̃ wa.

Zaã a sɛ́wɔ 9:28

Fariziɛ̃n nə́ nɔmaa ǹ nə́ sɔ kakaa la, ǹ nə́ goã pii: «N din kɛ lɛ n bɛa giĩ lɛ a kialandɛnaa lɛa! Wɔsɛn man Muizu kio.

Nya ǹ dín 9:16

A bɛ́ re fuu mɛn yii masɛ tɔ kɛ a lɛa, masɛ dinmaa á re bɛn nyɛɛ nɛ.»

Rɔmu minin 8:36

A tá kiɛ̃ nɛ Lawa a boo ne kɛnɛn: «A din a lɛa, maǹ wɔ dii lɛawaa tumu gɔ́ɔ̃ nɛ. Maǹ giɛ wɔ ganaa tɔɔn lɛa, ǹ nə́ woe màn mɛnɛn bɔlɔ kuri.»

Korɛnti1 4:10

Wɔsɛn man gàãnaan lɛa Krita a lɛa; kasɛn man sii-dɔ̃lin lɛa, kaa tá kun ka Krita-n gɔ́ɔ̃ nɛ. Wɔsɛn man pàãwɛɛnaan lɛa, kasɛn man pàãdɛnan lɛa. Wɔsɛn man màn kooron lɛa, maǹ kasɛn guguru koe!

Korɛnti2 4:11

Sonbore, maa yiikoonaabaa gɔ́ɔ̃ nɛ, man we-n gɛ̀ gɔn baraabaraa Yezu a lɛa, ń giɛ Yezu a yiikoonaabaa kɛ tá n din nyɛɛ ma gɔ̀nɔn gɛ̀-wɔle kɛ nɛ.

Filipi minin 1:29

A giala, Krita wɔ paǹ li, Lawa na á bǐɛ̃ zɛnaa ka nɛ mà ka dí nya nɛ goleemali gɔ́ɔ̃ nɛ. Bɛ din sɔɔ̃ bie wa, a n mà ka fuu dɔ yɛ a lɛa.

Piɛrɛ1 2:23

Maǹ nə́ goã sɔ kiɛ la, a ba a dòo koe wa. A bɛ́ fuu yii ke, a boo baraa da min-a wa, sɛnɛ, a na á goã a din a sii toɛ Lawa kiri pepere wɔle kɛ gɔn.

Piɛrɛ1 4:14

Bɛ̀ ǹ tá sɔ koe ka ganaa Krita tɔ kɛ a lɛa, Lawa á re barka diɛ ka ganaa, a giala, Lawa din Yiri kɛ lɛ guguru ke lɛn, bɛ n ka li.

Sii-nyaan 2:3

N tá n foo kuĩ, n fuu yɛ masɛ tɔ a lɛa, a n gù basã wa.