Matiə 5:10 - LAWA A BOO SONBORE 2011

¹⁰ Ǹ bɛ́ min mɛnɛn nɔmiɛ peperebaa taman yii, Lawa á re barka diɛ bɛn ganaa, a giala lon a kiibaa lɛ n bɛn wɔ lɛa.

LAWA A BOO SONBORE

¹⁰ Ǹ bɛ́ min mɛnɛn nɔmiɛ peperebaa taman yii, Lawa á re barka diɛ bɛn ganaa, a giala lon a kiibaa lɛ n bɛn wɔ lɛa.

Matiə 5:10 ပူးပေါင်းရင်းမြစ်များ

Loen 37:12

Min baraa n kuu koe min sonbore ganaa, a nə́ n lɛ sɔsoɛ̃ li.

Izayii 66:5

Ka n too kɔ Dɛnaa Lawa a boon li, kasɛn mɛnɛn bɛ́ nyɛ́ɛ biɛ a yii ni. Ka dɔɔ̃nɔn man ka biɛ zɔ́ɔ, ǹ tá ka lui masɛ taman yii. Maǹ pii: «Dɛnaa Lawa na a gugurubaa lɛ nyaa kəni, ka bɛ nɛ, wɔ á re kaa foo kɔɔ̃nbaa yii.» Sɛnɛ, sìi n die ǹ dinin kuĩ.

Matiə 10:23

Bɛ̀ minin nə́ fuu nyaa ka nɛ kiwi mɛn nɛ, ka baa si ka wo kiwi kɔsɔ nɛ. Man pii ka nɛ, sonbore: Ka laan bɛ̀ ka Izirayeli kiwin kɛn tumaa kaa kɔn la ka nya, bɛ̀ masɛ Min a Nɛgiĩ wusoo má daa.

Matiə 19:14

Yezu tɔ́n pɛ: «Ka toa nɛnyaanan lɛn nə da masɛ li, ka baran ǹ kurəə wa. A giala min mɛnɛn bɛ́ ka nɛnyaanan bɛ́ lɔn, *Lawa a kiibaa lɛ n bɛn wɔ lɛa.»

Matiə 25:34

Kii lɛ á die pii a gusin-dɛnan lɛn manɛ: «Ma Di Lawa barka da kasɛn mɛnɛn ganaa, á kiibaa ǹ bǎã zɛnaa á koa ka nɛ haalɛ kanaa a giala kɔ waáraa, ka da giã kaa bǎã nɛ.

Matiə 5:3

– Min mɛnɛn bɛ́ ndinin doɛ̃ doobaan lɛa Lawa wɔ paǹ li, Lawa á re barka diɛ bɛn ganaa, a giala lon a kiibaa lɛ nə ǹ dinin wɔ lɛa!

Marki 10:14

Yezu bɛ́ á bɛ yɛ, a foo busu ǹ li, á pɛ ǹ nɛ: «Ka toa nɛnyaanan lɛn nə da ma li, ka baran ǹ kurəə wa. A giala, min mɛnɛn bɛ́ ka nɛnyaanan bɛ́ lɔn, *Lawa a kiibaa lɛ n bɛn wɔ lɛa.

Marki 10:30

á die bɛ din tumaa a laman paabiɛ yii: kionən ne, dɔɔ̃nɔn nɛ, náan nɛ, nɛnyaanan nɛ, ka wurun ni. Á die bɛn yii yii, a toa a yii n koo, á die nɔmɛɛ sɛn; biɛ̃, á die nyin nyabaã dɔ yii.

Luku 21:12

Sɛnɛ, bɛa siin kɛn lɛn laan bɛ̀ maǹ nə́ n zɛnɛɛ, ǹ tá re ka kuĩ, ǹ fuu nyaa ka nɛ. Ǹ tá re ka we kiri-kurulin gɔn lɛsɔkɔn kionən ne, ǹ tá re ka kiɛ kòso-n. Ǹ tá re ka kuĩ, ǹ wo ka-n kiin laanka pàãdɛnan gialakunun yɔrɔ-a masɛ tɔ a lɛa.

Luku 22:29

Maa Díi Lawa bɛ́ á kiibaa kɔ ma la lɔn, ma dɔ n die kiibaa koe ka la miɛ̃.

Luku 6:20

Yezu nə́ n yii saa lon á doa a kialandɛnan lɛn la, á pɛ ǹ nɛ: «Kasɛn mɛnɛn bɛ́ doobaan lɛa, Lawa á re barka diɛ ka ganaa, a giala *Lawa a kiibaa lɛ n ka dinin wɔ lɛa.

Luku 6:22

Bɛ̀ minin tá ka biɛ zɔ́ɔ, ǹ nə́ n nyanɛɛ ka nɛ, ǹ nə́ sɔ koe ka ganaa, ǹ nə́ ka tɔ baraa pii Min a Nɛgiĩ a lɛa, ka dɔ̃ mà Lawa á re barka diɛ ka ganaa.

Zaã a sɛ́wɔ 15:20

Ma boo mɛn pɛ ka nɛ, ka n yiri koa a nɛ: «Bɛ̀rɛ a gole á la a dɛnaagiĩ-n wa.» Bɛ̀ ǹ nə́ fuu nyaa masɛ nɛ, maǹ die fuu nyɛɛ ka dɔn man miɛ̃; bɛ̀ maǹ maa boo sii, bɛ̀ ǹ tá re ka dɔn wɔ sii miɛ̃.

Nya ǹ dín 5:40

Ǹ nə́ lɛ dia dia dí-a wolen lɛn la, mà ǹ da wɔ. Ǹ nə́ minin kaa ǹ-a ǹ nə́ ǹ dɛ. Ǹ nə́ tɔ́n nə n gòon pepere ǹ yii li doo, mà ǹ baran toa ǹ Yezu tɔ kɛ pɛ doo wa. Bɛ kio, ǹ nə́ ǹ kaa.

Nya ǹ dín 8:1

Itian dɛ a gã kɛ lɛ kɔɔ̃n kɔ Sooli dɔ ganaa. A din pinaa kɛ lɛ nɛ, fuu gole yoo Lawa a sɔmɔ gialaa Zeruzalɛmu kiwi. Bɛ̀ á n bɔ dia dí-a wolen kɛn nɛ, Lawa-nyankɔlen lɛn tumaa sasawaa, ǹ nə́ woo Zudee gána bǎã gialakunun ni ka Samarii gána nɛ.

Korɛnti2 4:17

Bǎã goon fuu mɛn bɛ́ ma mìi ni, bɛ n gugurubaa gole nyabaã wole yɔrɔ boe koɛ ma nɛ. Fuu kɛ a màn kɔ́n lɛa bɛ li wa.

Filipi minin 1:28

Ka baran toa kaa zɔ́ɔn nə nyɛ́ɛ da ka ganaa ka sii kɔ́n nɛ wa. Bɛ á re sii biɛ, a n nyɛɛ ǹ nɛ, mà ǹ dininmaan wɔ na á ziziɛ̃, a n nyɛɛ mà kasɛn man kaa kirisibaa ǹ zii la, a giala, bɛ lɛ n boe Lawa li.

Timote2 2:12

Bɛ̀ wɔ́ nɔmaa si wɔ ganaa, wɔ á re kii biɛ kun ni. Bɛ̀ wɔ́ n piã nɛ, a dɔ á re n piɛ̃ ka wɔ dɔn nɛ.

Timote2 3:11

Ǹ fuu mɛn nyaa ma nɛ, ma nɔmaa mɛn wɔ, n tá bɛ dɔ doɛ̃. Sii mɛn tumaa ma yɛ Antiɔsi kiwi, Ikoniɔmu ni, ka Listrə ne, n bɛn tumaa yɛ. Bɛ̀ ń pɛ mà fuu, má yɛ. Sɛnɛ, Dɛnaa ma bɔ a din tumaa gɔ́ɔ̃ nɛ.

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Zaaki 5:11

Wɔ nə ǹ laakalɛɛ, a giala, ǹ nə́ sii si ǹ ganaa. Táa ka Zɔbu a sii simaa boo ma. Dɛnaa màn mɛn kɔ la bɛ kio, táa ka á bɛ dɔ doɛ̃. A giala, Dɛnaa a bǐɛ̃baa laanka a makara-doɛ̃ á gole.

Zaã1 3:12

Kanyɛ mɛn bɛ́ á goã Sɛtaan Baraa kɛ wɔ lɛa, wɔ doamaa bie wɔ goã ka bɛ bɛ́ lɔn wa. Asɛ lɛ na á ǹ diɛ̃ dɛ á gã. A na á ǹ diɛ̃ lɛ dɛ wàa mɛn a lɛa? A giala, a din a nya ǹ dín nə́ goã babaraa, ǹ diɛ̃ lɛ wɔn nə́ pepere.

Sii-nyaan 2:10

Boɛɛnɛ, Sɛtaan lɛ á re n diɛ ka gɔ́ɔ̃ li. A n die kaa min tɛnɛn kuĩ a ǹ zũ kòso-n. Ka á re fuu yii lɛawaa fù gɔ́ɔ̃ nɛ. Bɛa fuu kɛ lɛ nyan nyɛ́ɛ da n ganaa wa. Goã bɔlɔgoondɛnaa lɛa haalɛ ta a n doe n gɛ̀ ganaa. Ma á re nyin nyabaã koe n la, ka a gɔ̀lɔ̀baa ǹ kii bafolo lɛa.