Matiə 4:23 - LAWA A BOO SONBORE 2011

²³ Yezu na á goã n bibiĩ Galilee gána din tumaa nɛ, bɛ̀ a minin daraa Zuifun lɛsɔkɔn kionən ne. Á goã lon a kiibaa ǹ Boo Tii Kɔɔ̃n lɛ pii. A na á goã minin busu tɔrɔ din tumaa nyɛɛ bɛ̀ a bɔ ǹ ganaa.

LAWA A BOO SONBORE

²³ Yezu na á goã n bibiĩ Galilee gána din tumaa nɛ, bɛ̀ a minin daraa Zuifun lɛsɔkɔn kionən ne. Á goã lon a kiibaa ǹ Boo Tii Kɔɔ̃n lɛ pii. A na á goã minin busu tɔrɔ din tumaa nyɛɛ bɛ̀ a bɔ ǹ ganaa.

Matiə 4:23 ပူးပေါင်းရင်းမြစ်များ

Loen 103:3

A din nə maa sã ǹ siin tumaa toɛ ma nɛ, a din nə maa busun tumaa nyɛɛ.

Loen 74:8

Maǹ nə́ goã pii kɔn nɛ kɛnɛn, wɔa wɔ paǹ li: Wɔ n die ǹ tumaa yɔyɔrɛ, wɔ tɛ da gána lɛ a Lawa guguru kɔ ǹ bǎãn tumaa ganaa.

Matiə 11:5

Yii tere-an yii n wɔlɔ yii, bɔlɔkan man tɔ we, gɔ̀nɔn busu babaraa dɛnan busu n nyɛɛ, too tere-an man boo miɛ, geren yii n kiɛ, Boo Tii Kɔɔ̃n nə n pii doobaan manɛ.

Matiə 12:9

Yezu kiɛ̃ walan á woo wɔ ǹ lɛsɔkɔn kion goon ne.

Matiə 13:19

Min mɛnɛn bɛ́ *Lawa a kiibaa ǹ boo kɛ lɛ miɛ, ǹ nə́ ǹ ba a giala miɛ wa, bɛa dɛnan man kɔnboe ka zii para nɛ, màn tɔrɔ lɛ mɛnaa a nɛ. Zɔ́ɔ babaraa lɛ n die, ǹ boo mɛn lɛ ma, á bɛ lɛ bɔ a bɔ ǹ foo ne.

Matiə 13:54

A bɛ́ á gole kɔ kiwi mɛn nɛ, á woo walan. A ná a giala kɔ á minin darɛɛ bɛn lɛsɔkɔn kion. Min mɛnɛn bɛ́ walan, bɛn nə́ n kaãbaa parsiini. Maǹ nə́ goã pii: «He! Asɛ n boe ka bɛa yiridɛnaabaa kɛ-n maa? A n bɛa kaãbaa ǹ siin kɛn zɛnɛɛ lɔn?

Matiə 14:14

Yezu bɛ́ á soo tà kuru ǹ goo lɛ nɛ, á zaman gigiã yɛ. Bɛa minin lɛn makara bɔ a ganaa, á yoo á ǹ busulən kaka kɔ.

Matiə 24:14

Boo Tii Kɔɔ̃n kɛ á die n pii kanaa paǹ tumaa nɛ, màn mɛn bɛ́ toɛ, Lawa bɛ́ a kanaa dii a wɔ ma nɛ ǹ lɛ-dia mɛn we, tɔrɔ tumaa bɛ ma. Bɛ kio kanaa tɔn nya.

Matiə 3:2

A na á goã pii: «Ka n taasɛ ka wusoo kaa sii baraan kio, a giala, Lawa n die a kiibaa ǹ dí lɛ nyɛɛ wɔ bii sisia.»

Matiə 9:35

Yezu goã n bibiĩ kiwi dadaran laanka kiwi bisinin ni; a na á goã minin darɛɛ ǹ lɛsɔkɔn kionən ne, bɛ̀ a lon a kiibaa ǹ Boo Tii Kɔɔ̃n pɛ, bɛ̀ a busu tɔrɔ din tumaa nya bɛ̀ a bɔ minin ganaa.

Marki 1:14

Zaã kũ a da kòso-n kio, Yezu woo Galilee gána nɛ, á goã Lawa a Boo Tii Kɔɔ̃n laakalɛɛ,

Marki 1:21

Yezu laanka a kialandɛnan nə́ woo Kafaranaamu kiwi. *Susu ǹ pii pinaa Yezu woo Zuifun lɛsɔkɔn kion, a ná a giala kɔ á minin daraa.

Marki 1:39

Bɛ lɛ taman yii, á n bibiə̃ Galilee gána din tumaa nɛ, á goã Lawa a boo pii Zuifun lɛsɔkɔn kionən ne, bɛ̀ a nɔ̀ɔnɔn loo a ǹ bɔ minin ganaa.

Marki 3:10

Yezu busulə gigiã kaka kɔ lɛlɛ, bɛ lɛ na á toa min mɛnɛn dinin tumaa bɛ́ ǹ nə́ goã nɔmaa-n busu gɔn, bɛn nə́ goã n nanaɛ woe Yezu li, màn mɛn bɛ́ toɛ, ǹ boo la ǹ nə n gɔn da a ganaa.

Marki 6:2

*Susu ǹ pii pinaa, á yoo á minin daraa Zuifun lɛsɔkɔn kion. Min gigiã mɛn tumaa na a lɛ ma, bɛn nə́ n kaãbaa parsiini, ǹ nə́ goã pii: «Eebe, a n boe ka kɛ-n maa? Die na á yiridɛnaabaa kɛ kɔ la? Wàa ǹ kaãbaa ǹ siin man kɛn nɛ a tá ǹ zɛnɛɛ?

Marki 6:6

Ǹ dinin golee Yezu li baã kɛ lɛ-n á kaãbaa da Yezu ganaa. Bɛ kio, Yezu goã n bibiĩ lɛ-a ǹ kiwin ni á n minin darɛɛ.

Luku 10:9

Ka bɛa kiwi lɛ a busulən kaka kɔ, ka pɛ ǹ nɛ mà *Lawa a kiibaa lɛ dɔ ǹ li.

Luku 13:10

Yezu na á goã minin darɛɛ lɛsɔkɔn kion Zuifun *susu ǹ pii pinaa.

Luku 16:16

A kũ lɛlɛ-lɛlɛ ganaa a da Zaã a biikoo yaa, Lawa a dí-pɛn laanka a boo gii-dalin sɛ́wɔn dininsɔɔ̃nɔn man nə́ goã. Sɛnɛ sisia, Boo Tii Kɔɔ̃n kɛ tá n pii, mà Lawa n kii lɛa. Didie nə n doɛ a tá n wen woɛ, màn mɛn bɛ́ toɛ, a wɔ *Lawa a kiibaa ǹ bǎã nɛ.

Luku 20:1

Ǹ kɔ́n pinaa Yezu na á goã minin darɛɛ Lawa a kion. A na á goã Boo Tii Kɔɔ̃n kɛ pii. Wúlu-bɔlen goledɛnan nə́ daa ka landa sii-daraalin ni ka min golen ne,

Luku 4:14

Yezu bɛ́ ka Yiri Fu pàã lɛ ná a nɛ, á wusoo á daa Galilee gána nɛ. A tɔ bɔ bɛa bǎã lɛ a wɔlɔ yii ni.

Luku 5:17

N kɔ́n pinaa Yezu na á goã minin darɛɛ. *Fariziɛ̃n laanka landa sii-daraalin kɔnɔn nə́ goã giã-n tán-a a li, maǹ nə́ bɔ Galilee laanka Zudee kiwin ni, ka Zeruzalɛmu kiwi dɔ nɛ, ǹ nə́ daa. Dɛnaa din pàã na á goã dí nyɛɛ, á n busulən kaka koe.

Luku 6:17

Yezu gisĩ á n bɔ kele lɛ la kun ka a kialandɛnan nɛ, á golee bǎã panparan nɛ. Zaman gigiã goã a li, a kiodɛnaa gigiã nɛ, ka min gigiã mɛn bɔ Zudee gána din tumaa nɛ, ka Zeruzalɛmu kiwi ni, ka Tiiri laanka Sidɔn nɛ, bɛa kiwi paa kɛ n mu lɛ-a.

Luku 6:6

Susu ǹ pii kɔ́n pinaa doo, Yezu wɔ Zuifun lɛsɔkɔn kion, á minin daraa. Giĩ goon dɔ na á goã kion lɛ nɛ, a gusin a gɔn na á gã.

Luku 7:21

A din biikoo lɛ gɔ́ɔ̃ nɛ Yezu min gigiã a busu nya, á bɔlɔkan kaka kɔ, á nɔ̀ɔn baraan loo, á yii tere-a gigiã yii bũ.

Luku 7:22

Á tɔ́n pɛ dia dí-a wolen lɛn manɛ: «Ka woo, ka yii bɛ́ á màn mɛn yɛ, ka too bɛ́ á ǹ mɛn ma, ka bɛ lɛ pɛ Zaã nɛ. Yii tere-an yii wusoo á wɔlɔ yii, siməə wolen tá tɔ we tele ne, gɔ̀nɔn busu babaraa dɛnan nə́ kaka kɔ ǹ sìi nya, too tere-an too á boo miɛ, geren yii á kiɛ. Ka pɛ-n dɔn mà Lawa a Boo Tii Kɔɔ̃n kɛ tá n pii doobaan manɛ.»

Luku 8:1

Bɛ kio, Yezu woo kiwi dadaran laanka a bɔnboɛɛnɛn nɛ. A na á goã *Lawa a kiibaa ǹ Boo Tii Kɔɔ̃n pii. A min fulupaa mɛn bɔ, bɛn nə́ goã kun ni,

Luku 9:11

Zaman lɛ bɛ́ á bɔ a woo siére-a, ǹ nə́ kɔ a kio lɛ. Yezu nə́ n da ǹ lɛ sɔnbɔraanɛ. A na á goã Lawa a kiibaa kɛ boo diɛ ǹ nɛ. Á goã busulən dɔn kaka koe.

Luku 9:60

Sɛnɛ, Yezu pɛ nɛ: «A toa geren nə ǹ gere bĩ. Sɛnɛ, nsɛ wo Lawa a kiibaa lɛ boo da.»

Zaã a sɛ́wɔ 18:20

Yezu tɔ́n pɛ-n kɛnɛn: «Má boo da min tumaa-n foaãnɛ; biikoo woo biikoo, lɛsɔkɔn kionən mɛnɛn laanka Lawa a kion mɛn bɛ́ kaa lɛsɔkɔn bǎãn lɛa, má minin daraa bɛn nɛ. Ma boo kɔ́n da má duru ka la wa.

Zaã a sɛ́wɔ 6:59

Yezu doroon mɛnɛn kɔ minin la lɛsɔkɔn kion Kafaranaamu kiwi, bɛn lɛn man ka kɛn nɛ.

Zaã a sɛ́wɔ 7:1

Bɛ kio, Yezu goã n bibiĩ Galilee gána nɛ. Bibiə̃ Zudee gána-n goã kɔɔ̃n a ganaa wa, a giala, Zuifun pàãdɛnan man nə́ goã giɛ li mà ǹ dɛ.

Nya ǹ dín 10:38

Ka á doɛ̃, mà Yezu mɛn bɛ́ boe Nazarɛti, mà Lawa na á bɔ, á Yiri Fu kɔ la parsiini, ka pàã dɔ nɛ. Á woo bǎã tumaa nɛ, á bǐɛ̃ zɛnaa. *Sɛtaan goã min mɛnɛn tumaa nɔmiɛ, á bɛn yii kaka kɔ, a giala, Lawa na á goã kun ni.

Nya ǹ dín 18:4

*Susu ǹ pii tumaa li, á goã boo diɛ lɛsɔkɔn kion, á n giɛ li mà Zuifun laanka Grɛkin nə golee Yezu li.

Nya ǹ dín 20:25

Ma á doɛ̃, má a kũ sisia ganaa, kasɛn mɛnɛn tumaa bɛ́ má *Lawa a kiibaa ǹ dí kɛ boo da ka nɛ, ka yii a re ma yii doo wa.

Nya ǹ dín 28:31

A na á goã Lawa a kiibaa ǹ dí kɛ a nyɛɛ boo diɛ, a n minin darɛɛ wɔa Dɛnaa Yezu *Krita a boo ganaa. A na á goã bɛa sii lɛ zɛnɛɛ a din gɔn wìi a lɛa, min ná a ba kurii a ganaa wa.

Rɔmu minin 10:15

A boo nə n diɛ lɔn, bɛ̀ á daa yaa min kɔ́n nə n dia bɛa dí lɛ tɔ ganaa wa? Ka a bɛ́ kiɛ̃-n lɔn: «Kɛ n foo kɔɔ̃n lɛa, dia dí-a wole mɛn bɛ́ die ka Boo Tii Kɔɔ̃n nɛ.»