Yilii dɔ tɔ́n yoo, á màn bii, á mu mi. Bɛa màn-bii lɛ bɛ́ á Yilii gù kaa, á tɔ wɔ lɛawaa pusi laanka tèlò pusi gɔ́ɔ̃ nɛ, yǎa á dɔ Lawa a kele kɛ li, ǹ nə́ bíi Orɛbu.
Muizu na á goã kun ka Dɛnaa-n walan yǎa lɛawaa pusi ka tèlò pusi. A màn bii wa, a mu dɔ mi wa. Muizu lɛ kɔ kɔn la ǹ boo fù lɛ kiɛ̃ kɔlɔ sɛlɛɛn lɛn ganaa.
Masɛ n die Lawa a boo gii-dali goon diɛ ka ma din bɛ́ lɔn, ka dinin tɔrɔn lɛn min goon lɛa. Ma á re maa boo we a lɛ-n. Ma bɛ́ re n gɔn wɛɛ nɛ ka sii woo sii ni, a tá re a tumaa pii ka nɛ.
Má tɔ́n na má kaa tán Dɛnaa Lawa yɔrɔ-a, ma lɛawaa pusi ka tèlò pusi, ka bibinaa wɔ lɛ bɛ́ lɔn. Ma màn-bii wɔ ma lɛ-n wa, ma mu wɔ ma lɛ-n wa, kaa sii baraa kɛ lɛ tumaa a lɛa ká zɛnaa. Sii mɛn bɛ́ baraa Dɛnaa Lawa yii li, ka n ká bɛ lɛ zɛnaa, ká a foo yoo ne.
Dɛnaa Lawa lɛ kɔ kɔn la mɛn wɔ kɔn ka nɛ, a bɛ lɛ a boo kiɛ̃ kɔlɔ-sɛlɛɛn mɛnɛn ganaa, man má goã má dii kele lɛ la, má woo bɛn lɛn si. Ma lɛawaa pusi ka tèlò pusi n kele lɛ la, ma a màn bii wa, ma a mu mii wa.