Matiə 3:9 - LAWA A BOO SONBORE 2011

⁹ Ka n taasɛ mà Abrahamu bɛ́ ka digolo lɛa, mà sii kɔ́n ba boe la a kasɛn yɛ wa. Ka baran n dinin bebele wa dɛ! Masɛ n pii ka nɛ, Lawa á boe la a kɔlɔn kɛn bɔyaa a ǹ baa Abrahamu tɔrɔn lɛa!

LAWA A BOO SONBORE

⁹ Ka n taasɛ mà Abrahamu bɛ́ ka digolo lɛa, mà sii kɔ́n ba boe la a kasɛn yɛ wa. Ka baran n dinin bebele wa dɛ! Masɛ n pii ka nɛ, Lawa á boe la a kɔlɔn kɛn bɔyaa a ǹ baa Abrahamu tɔrɔn lɛa!

Matiə 3:9 ပူးပေါင်းရင်းမြစ်များ

Ezekieli 33:24

– Minbuiin a nɛ, ǹ kiwin mɛnɛn lɛn yu, bɛn minin mɛnɛn bɛ́ Izirayeli gána nɛ, bɛn man pii: «A laanɛ wɔ digolo Abrahamu goã a dinsɔɔ̃, á gána lɛ si á baa a wɔ lɛa. Sanparɛ ka wɔsɛn damata kɛ nɛ. Gána lɛ a dɛnaabaa na á n kɔ wɔsɛn dɔn la.»

Marki 7:21

Taasiɛ naarɛn mɛnɛn bɛ́ boe min gɔ́ɔ̃ nɛ, bɛ giala mà a foo ne, bɛn lɛn man diɛ kɔrɔbaa ganaa, wurumabaa nɛ, gɛ̀-dɛ nɛ,

Luku 12:17

A na á goã pii a din ni kɛnɛn: «Masɛ n die wàa zɛnɛɛ? A giala, bǎã ba masɛ lon, ma tá maa màn kuri, ma á kiɛ a-n wa.»

Luku 16:24

Á tɔ́n nə n lɛ dɛ á pɛ: «Abrahamu, masɛ din a díi, makara bɔ ma ganaa, n Lazaarɛ dia a wo n gòon nyin sã mu li a da da masɛ lɛwɔn la, màn mɛn bɛ́ toɛ, ma bɔlɔ yala basã. A giala, ma á nɔmaa-n tɛ kɛ nɛ á la yii ni.»

Luku 19:40

Yezu nə́ ǹ lɛ si kɛnɛn: «Masɛ n pii ka nɛ, bɛ̀ ǹ nə́ n lɛ tã, kɔlɔn tá re n lɛ dii!»

Luku 3:8

Ka zɛnaa ǹ siin zɛnaa, ǹ mɛnɛn bɛ́ nyɛɛ mà ka kaa giã ǹ gɔn bɔyaa. Ka ǹ taasɛ mà Abrahamu bɛ́ ka digolo lɛa, mà sii kɔ́n ba boe la a ka yɛ wa. Ka baran n dinin bebele wa! Masɛ n pii ka nɛ, Lawa á boe la a kɔlɔn kɛn bɔyaa a ǹ baa Abrahamu tɔrɔn lɛa!

Luku 5:22

Sɛnɛ, Yezu bɛ́ ǹ taasiɛn doɛ̃, á pɛ ǹ nɛ: – Wàa nɛ ka tá taasiɛn kɛn we ka gɔ́ɔ̃ nɛ?

Luku 7:39

Fariziɛ̃n giĩ lɛ á Yezu bíi màn bii-a, a bɛ́ á sii kɛ yɛ, á pɛ a din gɔ́ɔ̃-n kɛnɛn: «Bɛ̀ giĩ kɛ n Lawa a boo gii-dali lɛa sonbore, lɔ ke n gɔn diɛ a ganaa, bɛ̀ á dɔ̃ a bɛ́ màn mɛn lɛa, bɛa lɔ kɔrɔ kɛ lɛɛ!»

Zaã a sɛ́wɔ 8:33

Ǹ nə́ tɔ́n pɛ Yezu ni: «Wɔsɛn man Abrahamu tɔrɔn lɛa, min kɔ́n bin wɔsɛn baa bɛ̀rɛ lɛa wa. A n siɛ lɔn n tá pii mà wɔ á re goɛ̃ wɔ dinin gɔn wìi a lɛa?»

Zaã a sɛ́wɔ 8:37

Ka n Abrahamu tɔrɔn lɛa, ma á bɛ doɛ̃. Sɛnɛ, ka n giɛ li ka tá masɛ dii, a giala, maa boo lɛ na a ba ka foo sii wa.

Zaã a sɛ́wɔ 8:53

Wɔsɛn digolo Abrahamu mɛn bɛ́ á gã, nsɛ n gole n la bɛ-n kən le? Lawa a boo gii-dalin dinin nə́ gã. Nsɛ nə n din biɛ wàa lɛa bɔrɔ?»

Nya ǹ dín 13:26

Pooli pɛ doo: – Dɔɔ̃nɔn lɛn, ta ka n Abrahamu tɔrɔn lɛa hinlaa ta ka n tɔrɔ kɔsɔn lɛa, ka n nyɛ́ɛ biɛ Lawa nɛ, kirisibaa ǹ boo kɛ na á n dia wɔsɛn tumaa wɔ lɛa.

Nya ǹ dín 15:14

Lawa din nə saa lɔn a giala koe li, á minin bɔ tɔrɔ kɔsɔn bii, á ǹ baa a din wɔn lɛa, Simɔn na á wusoo á wɔsɛn yiri da bɛ lɛ nɛ.

Rɔmu minin 4:1

Wɔ n die pii mà wàa kəni, wɔ digolo Abrahamu wɔ paǹ li? A na á wàa yɛ a minbuiin nɛbaa gɔ́ɔ̃ nɛ?