Matiə 3:11 - LAWA A BOO SONBORE 2011

¹¹ Masɛ n má batɛmu da ka ganaa mu li, man nyɛɛ máa ka n taasɛ ka wusoo kaa sii baraan kio. Sɛnɛ min mɛn bɛ́ die masɛ kio, bɛ á die ka kiɛ Lawa a zii ni ka Yiri Fu pàã nɛ, a dɔlɔ bɔ ka tɛ nɛ. A pàã á gole á la masɛ wɔ nɛ. Haalɛ masɛ nə n zuməə ma a kɔsɔ biɛn fore, ma mìi á kiɛɛrɛ bɛ ganaa.

LAWA A BOO SONBORE

¹¹ Masɛ n má batɛmu da ka ganaa mu li, man nyɛɛ máa ka n taasɛ ka wusoo kaa sii baraan kio. Sɛnɛ min mɛn bɛ́ die masɛ kio, bɛ á die ka kiɛ Lawa a zii ni ka Yiri Fu pàã nɛ, a dɔlɔ bɔ ka tɛ nɛ. A pàã á gole á la masɛ wɔ nɛ. Haalɛ masɛ nə n zuməə ma a kɔsɔ biɛn fore, ma mìi á kiɛɛrɛ bɛ ganaa.

Matiə 3:11 ပူးပေါင်းရင်းမြစ်များ

Izayii 4:4

Yiri mɛn bɛ peperebaa ka yoreenbaa koe, Dɛnaa á re Siɔn lɔn *gɔ̀ pii ka bɛ nɛ bibinaa nɛ. Á re Zeruzalɛmu yoreen koe mà kɛa lɛa á kaa a kiwi.

Izayii 44:3

Taãn nɛ, mu boro bɛ́ tán mɛn ganaa, ma á re toɛ mu baa si bɛ la, tà baa si tán gere la. Ma á re ma yiri gisĩ n nɛnyaanan la, ma barka da n nɔ̀ɔ fulupaa ganaa.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Matiə 3:6

Ǹ nə́ goã golee ǹ sii baraan li min tumaa yɔrɔ-a, bɛ̀ Zaã tá batɛmu diɛ ǹ ganaa Zurdɛ̃ tà mu li.

Marki 1:4

Bɛa yɔrɔ kɛ lɛ la, Zaã daa diə gole ne, á goã *batɛmu diɛ minin ganaa, á goã pii ǹ ni: «Ka n taasɛ ka wusoo kaa sii baraan kio, ma batɛmu da ka ganaa, màn mɛn bɛ́ toɛ, Lawa kaa sii baraan toa ka nɛ.»

Luku 1:17

Á re die Dɛnaa nyɛɛnɛ, a na a daa boo pɛ. Á re die ka Lawa a Yiri Fu pàã-n a lon, ka Lawa a boo gii-dali Yilii bɛ́ á goã lɔn. Á die díin laanka nɛn kiɛ kun. Á die toɛ, min mɛnɛn nə n piã lɛlɛ ka Lawa nɛ, bɛn nə wusoo, ǹ da a ganaa, màn mɛn bɛ́ toɛ, Lawa din tɔrɔ mɛn bɔ, bɛ nə n yɔrɔ bɔ, a n yii da Dɛnaa lɛ la.»

Luku 3:16

Zaã na á goã ǹ tumaa lɛ sii kɛnɛn: «Masɛ n má batɛmu da ka ganaa mu li, sɛnɛ, min tá die, bɛa dɛnaa pàã á gole á la masɛ wɔ nɛ, haalɛ masɛ nə n zuməə, ma a kɔsɔ biɛn fore, masɛ mìi á kiɛɛrɛ bɛ ganaa. Bɛa dɛnaa kɛ lɛ n die ka kiɛ Lawa a zii ni, ka Yiri Fu pàã nɛ, a dɔlɔ bɔ ka tɛ nɛ.

Luku 3:3

Bɛ kio gɔrɔ, Zaã yoo a tá n bibiĩ Zurdɛ̃ tà bǎã nɛ. A na á goã lɛ diɛ mà minin nə n taasɛ, ǹ wusoo ǹ sii baraan kio, asɛ *batɛmu da ǹ ganaa, màn mɛn bɛ́ toɛ, Lawa nə ǹ sii baraan toa ǹ nɛ.

Zaã a sɛ́wɔ 1:15

Zaã boo da a wɔ gɔn la bɛ̀ á n parɛɛ a n pii: «Ma min mɛn boo da, máa á re die ma kio, sɛnɛ máa á gole á la masɛ nɛ, a giala masɛ laan bɛ̀ ma yɛ, bɛ̀ a tan, a din lɛ n ka kɛ nɛ.»

Zaã a sɛ́wɔ 1:30

Masɛ n má boo da bɛ lɛ wɔ gɔn la, má pɛ: «Giĩ goon tá re die masɛ kio, sɛnɛ, a tá masɛ nyɛɛnɛ, a giala masɛ laan bɛ̀ ma daa, bɛ̀ a tan.»

Nya ǹ dín 1:5

Zaã na á *batɛmu da minin ganaa mu li, sɛnɛ, kànaa ka boɛɛn nɛ, kasɛn tá re we Lawa a zii ni ka Yiri Fu pàã nɛ.»

Nya ǹ dín 19:4

Pooli wusoo á pɛ ǹ nɛ: «Zaã na á goã wusoo sii baraa kio ǹ batɛmu diɛ minin ganaa, bɛ̀ á pii ǹ ni, mà min mɛn bɛ́ die asɛ kio, mà ǹ golee bɛa dɛnaa li, mà bɛ n ka Yezu ni.»

Nya ǹ dín 8:36

Ǹ bɛ́ zii lɛ la woe, ǹ nə́ woo dɔ mu bǎã goon ne, yǎa Etiopiin giĩ lɛ pɛ: «Mu á ke. Wàa n nə masɛ kurii batɛmu lɛ a yɛ ganaa?»

Nya ǹ dín 8:38

Bɛ kio, giĩ lɛ pɛ mà ǹ wotoro lɛ kurəə. A din dí-nyali gole kɛ lɛ, a laanka Filipi wɔ mu lɛ li, ǹ dinin min paa, yǎa Filipi batɛmu lɛ da a ganaa.

Korɛnti1 12:13

A giala, *batɛmu na á n da wɔ tumaa ganaa ka Yiri Fu goon ne. Bɛ na á toa wɔ́ tɔ́n gɔ̀nɔn goon baa, ta Zuifu ni, ta Grɛki ni, ta bɛ̀rɛ nɛ, ta tá ma din gɔn wìi a lɛa wole ne. Wɔ tumaa-n wɔ́ wɔa wɔ gii yɛ a din Yiri Fu goon kɛ lɛ nɛ.

Efɛɛzi minin 3:8

Masɛ n Lawa a zaman kɛ a min bɔnboɛɛnɛn tumaa a boɛɛndɛnaa lɛa. Bɛ tumaa kio, Lawa nə́ n tã la, á lɛ kɔ ma la, ka bɛa bǐɛ̃ kɛ nɛ. Mà ma Krita a màndɛnaa gole gole baa ǹ Boo Tii Kɔɔ̃n kɛ pɛ tɔrɔ kɔsɔn manɛ.

Tiitii 3:5

a na á wɔ kirisibaa ka bɛ nɛ. A bie á zɛnaa mà wɔ ǹ wɔ́ dí peperen nya wa, sɛnɛ, a na á zɛnaa a giala, mà wɔ makara na á bɔ a ganaa. Wɔ bɛ́ wɔ́ *batɛmu mɛn yɛ, Lawa a Yiri Fu bɛ́ n toɛ bɛ gɔ́ɔ̃ nɛ, a wusoo a yɛ ka nyin dii-n mɛn kɔ wɔ la, a na á wɔ kirisibaa bɛa lɛa.

Piɛrɛ1 5:5

A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»