Matiə 27:54 - LAWA A BOO SONBORE 2011

⁵⁴ Rɔmun sɔraasin goledɛnaa laanka sɔraasin mɛnɛn nə́ goã Yezu lɛduĩ, bɛn nə́ tán a bìn-diɛ lɛ yɛ, kun ka sii mɛn tumaa nə́ n zɛnaa, nyɛ́ɛ nə́ ǹ kũ parsiini, ǹ nə́ tɔ́n pɛ: «A na á goã Lawa a Nɛgiĩ lɛa sonbore!»

LAWA A BOO SONBORE

⁵⁴ Rɔmun sɔraasin goledɛnaa laanka sɔraasin mɛnɛn nə́ goã Yezu lɛduĩ, bɛn nə́ tán a bìn-diɛ lɛ yɛ, kun ka sii mɛn tumaa nə́ n zɛnaa, nyɛ́ɛ nə́ ǹ kũ parsiini, ǹ nə́ tɔ́n pɛ: «A na á goã Lawa a Nɛgiĩ lɛa sonbore!»

Matiə 27:54 ပူးပေါင်းရင်းမြစ်များ

Matiə 26:63

Sɛnɛ, Yezu nə́ n lɛ tã. Wúlu-bɔlen kiã tɔ́n pɛ nɛ: «Ká Lawa yiikoonaa tɔ nɛ, bɛ̀ n din ni Minin Nyin-sili lɛa, bɛ̀ Lawa a Nɛgiĩ n ka n din lɛ nɛ, a pɛ wɔsɛn manɛ.»

Matiə 27:36

Bɛ kio, ǹ nə́ giã tán-a ǹ ná a lɛduə̃.

Matiə 27:40

Maǹ nə́ goã pii ni: «N din mɛn bɛ́ mà nsɛ n die Lawa a Kion wurii, n wusoo n kɔsɔ dɔ lɛawaa sɔɔ gɔ́ɔ̃ nɛ, n din kirisibaa, bɛ̀ ma n Lawa a Nɛgiĩ lɛa sonbore, gisĩ n nə n bɔ dere ǹ gɔn ganaa kəni!»

Matiə 27:43

N foo doa Lawa ganaa n pɛ, mà nsɛ n Lawa a Nɛgiĩ lɛa. Haya! Bɛ̀ Lawa lɛ a n narɛ kəni, a n kirisibaa sisia, wɔsɛn nə yɛ!»

Matiə 27:51

A din biikoo lɛ li, Lawa a kion gɔ́ɔ̃ kuru kɔn-a ǹ mɔnaa toɛ̃ kɔn-a màn paa, a saa a lon ganaa, a daa a tán-a yaa. Tán bìn da, páran nə́ yuyu,

Matiə 4:3

Da minin gɔ́ɔ̃ li wole lɛ tɔ́n nə́ n zɔ̃ á dɔ a li, á pɛ nɛ: «Bɛ̀ ń tá Lawa a Nɛgiĩ lɛa sonbore, a pɛ kɔlɔn kɛn manɛ, mà ǹ nə n bɔyaa ǹ nə n baa màn-bii lɛa.»

Matiə 8:5

Yezu bɛ́ we Kafaranaamu kiwi ǹ mɛn waáraa, Rɔmu minin sɔraasi paabiɛ mìilandɛnaa goon nə́ n zɔ̃ á dɔ a li,

Marki 15:39

Sɔraasin goledɛnaa mɛn bɛ́ golee-n Yezu yɔrɔ-a, a ná a gã ǹ gɔn yɛ, bɛ́ tɔ́n pɛ: «Sonbore pɛ á pɛsã, giĩ kɛ n Lawa a Nɛ lɛa!»

Luku 22:70

Ǹ tumaa pɛ nɛ mà a bɛ́ míɛ̃ mà a n Lawa a Nɛ lɛa? Á ǹ lɛ si mà ǹ dinin dɔn man pii mà asɛ na a lɛa dɔn!

Zaã a sɛ́wɔ 19:7

Zuifun lɛn mà Pilati ganaa mà landa kɔ́n tá ǹsɛn lon, mà a kɔnpɛ ka bɛa landa kɛ lɛ nɛ, mà a doamaa-n ka gɛ̀ nɛ, a giala, mà a na á n din baa Lawa a Nɛgiĩ lɛa!

Nya ǹ dín 10:1

Giĩ goon na á goã Sezaaree kiwi a tɔ n Kɔrnɛyi. A na á goã goledɛnaa lɛa sɔraasin kuru kɔ́n nɛ ǹ nə́ bíi "Italiin wɔ".

Nya ǹ dín 2:37

Ǹ bɛ́ ǹ nə́ bɛa boon kɛn ma, á ǹ foo kũ parsiini, ǹ nə́ nɔ̀n da Piɛrɛ laanka dia dí-a wole gialakunun lɛn la: «Dɔɔ̃nɔn lɛn, wɔsɛn man die wàa zɛnɛɛ kəni?»

Nya ǹ dín 21:32

Bɛ ná a sɔraasin lɛ sɔkɔn gɔrɔ, ǹ nə́ tele zaman lɛ ganaa. Ǹ yii mɛ sɔraasin lɛn-a lɔn gɔrɔ, ǹ nə́ Pooli dɛ toa walan.

Nya ǹ dín 23:17

Pooli lɛ dia sɔraasin kuru mìilandɛnaa goon la, á pɛ nɛ: «Mɛ nɛginin kɛ nyɛɛnɛ n wo ne kaa goledɛnaa li, boo tá a lɛ-n a n die pii ni.»

Nya ǹ dín 23:23

Sɔraasin goledɛnaa lɛ tɔ́n sɔraasin kuru mìilaǹdɛnaa min paa bíi, á pɛ ǹ nɛ: «Ka sɔraasi biɛpaa (200) yɔrɔ bɔ, ka sùi-dabaali pɔsɔbaa nɛ, ka sɛmiɛ̃-gũli biɛpaa nɛ, ka ǹ dia Sezaaree kiwi tèlò a biikoo sɔɔbaa ǹ wɔ li.

Nya ǹ dín 27:1

Ǹ bɛ́ ǹ nə́ pɛ, mà wɔ n die we tà kuru ǹ goo ne wɔ wo Italii gána nɛ, ǹ nə́ Pooli laanka kòso nɛn kɔsɔn kɔ sɔraasin kuru mìilandɛnaa goon la, a tɔ n Zulusu. Sɔraasin kuru mɛn bɛ́ Kii Gole kɛ tɔ ná a ganaa, bɛa goledɛnaa nɛ.

Nya ǹ dín 27:43

Sɛnɛ, sɔraasin kuru mìilandɛnaa lɛ bɛ́ a ba li a Pooli dɛ wa, á n piã ka n miãn lɛn taasiɛ lɛ nɛ. Min mɛnɛn bɛ́ boe mu baa la, á pɛ bɛn manɛ mà ǹ parɛ bibinaa nɛ, ǹ nə n dɔ mu li ǹ wo tán lɛ ganaa.

Rɔmu minin 1:4

a na á goã Lawa a Nɛgiĩ dɔ lɛa. Lawa a Yiri Fu na á bɛ nyaa, ka pàã gole ne, ka bɛa Yezu lɛ a yii-kaa a bɔ geren bii barka nɛ.

Sii-nyaan 11:13

A din biikoo goon kɛ lɛ li, tán bìn-diɛ bɔbɔnɛɛ goon nə́ n zɛnaa. Á kiwi lɛ a talakɔn fùbaa ǹ wɔ dɛ á kaa. Min duu sɔbaa dɔ́ gã bɛa tán bìn-diɛ kɛ lɛ gɔ́ɔ̃ nɛ. Min mɛnɛn nə n bɔ a nɛ, nyɛ́ɛ gole bɛn kũ, ǹ nə́ lon a Lawa tɔ guguru kɔ.