Matiə 26:56 - LAWA A BOO SONBORE 2011

⁵⁶ Sɛnɛ, kɛ din tumaa na á n zɛnaa, màn mɛn bɛ́ toɛ, Lawa a boo gii-dalin nə́ màn mɛn kiɛ̃ Lawa a boo ne, bɛ lɛ lɛ pã.» Bɛa biikoo li, a kialandɛnan tumaa baa si ǹ nə́ toa walan.

LAWA A BOO SONBORE

⁵⁶ Sɛnɛ, kɛ din tumaa na á n zɛnaa, màn mɛn bɛ́ toɛ, Lawa a boo gii-dalin nə́ màn mɛn kiɛ̃ Lawa a boo ne, bɛ lɛ lɛ pã.» Bɛa biikoo li, a kialandɛnan tumaa baa si ǹ nə́ toa walan.

Matiə 26:56 ပူးပေါင်းရင်းမြစ်များ

Siin Giala 3:15

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Izayii 44:26

Sɛnɛ, man toɛ maa dí-nyalin boon nə yɔrɔ yɛ. Maa dia dí-a wolen nə boo mɛn da, man toɛ bɛ yɔrɔ yɛ. Man kɛ pii Zeruzalɛmu a paǹ li: «Ǹ tá re wusii ǹ giã n nɛ doo.» Man kɛ pii Zudaa kiwin wɔ paǹ li: «Ǹ tá re wusii ǹ ka dɔ.» Hiĩ, ǹ tá re wusii ǹ kaa kɛbɔlɔn dɔ doo.

Busii pɛ 4:20

Dɛnaa Lawa kii mɛn bɔ á kɔ wɔ la, a din kɛ lɛ n wɔ nyin lɛa, a din lɛ nɛ ǹ kan kũ. A da yaa wɔ goã taasɛ, wáa bɛ̀ a tá wɔ mìi la, wɔ á re bǎã yii tɔrɔ kɔsɔn bii.

Danayeli sɛ́wɔ 9:24

Lɛ̀ sɔbaa wɔlɔ pɔsɔbaa nə́ n koa, n zaman laanka n kiwi sonbore kɛ wɔ lɛa. Màn mɛn bɛ́ toɛ, Lawa bɔlɔ tii ǹ siin kɛn nə nya, sii baraa zɛnaa lɛ nə n da, Lawa minin sãn toa ǹ nɛ. Peperebaa mɛn bɛ́ a nyɛɛ wa, bɛ á re die, sii-yɛ laanka Lawa a boo gii mɛn nə n da, bɛn lɛ á re piɛ̃, Lawa a kion sonbore kɛ á re wusii a na a wɔ baa.

Danayeli sɛ́wɔ 9:26

Lɛ̀ sɔbaa wɔlɔ pɔsɔrɔwenpaa lɛ kio, Lawa min mɛn lɛ bɔ á koa, ǹ tá re bɛ dii, min kɔn ná a sii a da wa. Bɛ kio, goledɛnaa goon tá re die ka a zaman nɛ ǹ kiwi lɛ laanka Lawa a kion lɛ ziziɛ̃. Sɛnɛ, a giala-nyɔmiɛ̃ li, Lawa a foo-yoo á re bɛa goledɛnaa lɛ bii. A wo kaa zia lɛ a nya lɛ, basaã n die goɛ̃ a tan miɛ̃ ká a bɛ́ á n pɛ lɔn.

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Matiə 21:42

Yezu tɔ́n pɛ ǹ nɛ: – Lawa a boo bɛ́ màn mɛn diɛ, ka tɔn bɛ pɛ wa? «Kion-dɔlen bɛ́ ǹ nə́ n piã ka kɔlɔ mɛn nɛ, bɛ lɛ na á kɛ gùrù dɔ ǹ kɔlɔ baa. Dɛnaa Lawa na á bɛa kaãbaa ǹ dí kɛ nya, wɔsɛn yii na á bɛ lɛ yɛ.»

Matiə 26:24

Min a Nɛgiĩ á re giɛ̃, ka a bɛ́ á n kiɛ̃ a wɔ gɔn la Lawa a boo-n lɔn. Sɛnɛ, min mɛn bɛ́ re Min a Nɛgiĩ we a zɔ́ɔn gɔn, bɛa dɛnaa wɔ n ka bɔ̀n nɛ! Bɛ̀ n dɛnaa din na a yɛ wa, bɛ á soɛ a ganaa!»

Matiə 26:31

Bɛa biikoo li, Yezu pɛ a kialandɛnan manɛ: – Sii mɛn bɛ́ re n zɛnɛɛ masɛ-n pelo tèlò-n dinin, bɛ lɛ n die ka dinin tumaa a mɛnaa ǹ giala biɛ. A giala, a kiɛ̃maa tá Lawa a boo-n kɛnɛn: «Man die sèren-lɛduə̃li lɛ dii, sèren lɛn tá re sawɛɛ.»

Matiə 26:54

Sɛnɛ, bɛ̀ masɛ zɛnaa miɛ̃, Lawa a boo lɛ lɛ n siɛ lɔn a tɔn pã doo? A n zɛnaa lɔn, Lawa a boo na á pɛ mà a doamaa nɛ a n zɛnaa miɛ̃.»

Zaã a sɛ́wɔ 16:32

Á ke, biikoo kɔ́n tá re doe, á dɔ dinin, ka á re sawɛɛ, didie wo a piɛ, ka masɛ dinsɔɔ̃ toa walan. Sɛnɛ, ma bie ma dinsɔɔ̃ wa, maa Díi tá kun ka ma nɛ.

Nya ǹ dín 1:16

– Ma dɔɔ̃nɔn lɛn, Lawa a boo saa lɛlɛ á màn mɛn da Zudaasi wɔ gɔn la, a na á n baa pàã lɛa bɛ lɛ pã. Zudaasi mɛn Yezu kũlin nyɛɛnaan bɔ, Yiri Fu na á wɔ Davida lɛ-n, á bɛ lɛ boo da.

Nya ǹ dín 2:23

sɛnɛ, ká n tã, ká toa Lawa doɛ̃ baãnaan nə́ dere gɔn ganaa ǹ nə́ dɛ. Sɛnɛ, Lawa din na á saa lɛlɛ á bɛ yɔrɔ bɔ á koa.

Timote2 4:16

Ma bɛ́ n bɔlɔ pii kiri wɔ ǹ bǎã-n bibinaanɛ, min kɔ́n bɔ ma lɛ-a wa, ǹ tumaa ma toa. Lawa baran ǹ kũ bɛ li wa.