Matiə 26:10 - LAWA A BOO SONBORE 2011

¹⁰ Yezu bɛ́ á dɔ̃ mà maǹ boo diɛ miɛ̃, á tɔ́n pɛ ǹ nɛ: «Wàa na á baa ka tá lɔ kɛ lɛ nɔmiɛ? Dí taãn nɛ ka kɛ nɛ á nya masɛ nɛ.

LAWA A BOO SONBORE

¹⁰ Yezu bɛ́ á dɔ̃ mà maǹ boo diɛ miɛ̃, á tɔ́n pɛ ǹ nɛ: «Wàa na á baa ka tá lɔ kɛ lɛ nɔmiɛ? Dí taãn nɛ ka kɛ nɛ á nya masɛ nɛ.

Matiə 26:10 ပူးပေါင်းရင်းမြစ်များ

Nehemii 2:18

Maa Lawa lɛ bɛ́ á goã kun ma nɛ ka yɔrɔ mɛn nɛ, má tɔn bɛ laakalaa ǹ nɛ. Kii lɛ goã á boon mɛnɛn dɔn da ma nɛ, má bɛn dɔn laakalaa ǹ nɛ. Ǹ nə́ tɔ́n nə n toa: «Ka yoo wɔ kion lɛ dɔ!» Ǹ yoo n ka bɛ nɛ, ǹ nə́ n we bɔ bɛa dí sonbore kɛ lɛ li.

Zɔbu 13:7

Lawa a lɛa nɛ, ka tá minin yiri sã ǹ boon kɛn diɛ? Ka nə n doe Lawa lɛ ka soɛ nɛ?

Matiə 26:11

A giala, doobaan tá kun ka nɛ biikoo tumaa li, sɛnɛ, ka a re masɛ yii kun ka nɛ biikoo tumaa li wa.

Matiə 26:9

Toa bɛ̀ wɔ n wɔ́ nyɔɔ kɛ lɛ sã giɔ̀mɔ kaka ganaa, wɔ́ a wɔrɔ kɔ doobaan la!»

Marki 14:6

Sɛnɛ, Yezu pɛ ǹ nɛ kɛnɛn: «Ka toa kiĩni. Wàa na á baa ka á lɔ lɛ nɔmiɛ? Dí taãn nɛ ka kɛ nɛ á nya masɛ nɛ.

Luku 8:49

Yezu bɛ́ boo diɛ ka lɔ lɛ-n miɛ̃, dia dí-a wole goon bɔ goledɛnaa Zayirusu lɛ a piɛ, á daa pɛ nɛ: mà a nɛlɔ lɛ gã, mà a baran Mìinaa lɛ nɔmaa wa.

Korɛnti2 9:8

Pàã tá Lawa lon, á boe la a toa ka bǐɛ̃ tɔrɔ gigiã yɛ, ń giɛ ka á boe la ka n laadoo màn tumaa yɛ, ka a laman yɛ, ka bǐɛ̃baa ǹ dí sonbore tumaa nya nɛ.

Galaasi minin 1:7

Sonbore, a bie ka Boo Tii Kɔɔ̃n kɔsɔ na a tan wa. Sɛnɛ, man pii ka-n miɛ̃, a giala, minin tan, ǹ nə́ ka yiri lɔlɛkɔn. Boo Tii Kɔɔ̃n mɛn nə n da Krita wɔ paǹ li, maǹ zoɛ̃ mà ǹ bɛ bɔyaa.

Galaasi minin 5:12

Bɛ̀ masɛ wɔ a lɛa nɛ, min mɛnɛn bɛ́ ka yiri lɔlɛkɔn, bɛn nə ǹ dí-pɛ siin lɛn zɛnaa ǹ wo nyɛɛnɛ, ǹ nə ǹ giĩbaa dɔ din bɔ duduu.

Galaasi minin 6:17

Kɛ kio, kɛ nyɛɛnɛ, min kɔ́n nyan nɔmaa ǹ sii zɛnaa ma-n doo wa. A giala, nyaǹan mɛnɛn bɛ́ ma gɔ̀nɔn ganaa, bɛn man nyɛɛ mà Yezu a bɛ̀rɛ n ka ma nɛ.

Efɛɛzi minin 2:10

A giala, mà Lawa din na á wɔ yɔrɔ bɔ, á wɔ zɛnaa wɔa tá kun ka Yezu Krita-n kɛ gɔ́ɔ̃ nɛ, mà wɔ boo la wɔ nya ǹ dí sonboren nya. Lawa din na á saa lɛlɛ, á bɛa nya ǹ dín kɛn lɛn yɔrɔ bɔ, ń giɛ wɔ tá ǹ siin zɛnɛɛ.

Kolɔɔsi minin 1:10

Bɛa yɔrɔ kɛ lɛ la, ka á re boe la ka tɔ wɔ, ka Dɛnaa tɔ bɔ, ka á re boe la dɔn ka a dùũ siin zɛnaa biikoo tumaa li. Ka á re bǐɛ̃ tɔrɔ tumaa zɛnɛɛ, kaa dí á re bǐɛ̃ koe, ka á re woe nyɛɛnɛ Lawa doɛ̃ gɔ́ɔ̃ nɛ.

Tesaloniki2 2:17

A din laanka wɔa Dɛnaa Yezu Krita die ǹ foo tãbaa kɔ ka la, ǹ pàã dɔ kɔ ka la ka sii sonbore zɛnaa, ka boo sonbore da biikoo tumaa li.

Timote1 3:1

Kɛ n boo lɛa, min doamaa bɛ́ a boo mɛn si taãn lɛa. Bɛ̀ min mɛn tá li a ga Lawa a sɔmɔ walan, dí taãn nɛ bɛa dɛnaa á giɛ li.

Timote1 5:10

Yǎa a tɔ goɛ̃ boe-n sii sonbore zɛnaa gɔ́ɔ̃ nɛ, a goã a ná a nɛnyaanan too sɔnbɔraanɛ. Min mɛnɛn bɛ́ die a piɛ a bɛn kũ doɛ̃, á n din gisĩ ǹ dí nyɛɛ Lawa a minin manɛ, a nə́ n doe nɔmaa-wɔlen lɛ, á n sii sonbore tɔrɔ tumaa zɛnɛɛ.

Timote2 2:21

Bɛ̀ min mɛn nə n din kũ, bɛa boo kooron lɛn ganaa, bɛa dɛnaa á die dí nya ǹ màn sonbore biɛ. A giala, a n Dɛnaa wɔ lɛa, á n sii bǐɛ̃ koe Dɛnaa nɛ, á n boe la a zɛnaa ǹ sii sonbore tumaa zɛnaa.

Tiitii 1:16

Maǹ pii mà ǹsɛn tá Lawa doɛ̃, sɛnɛ, ǹ sii-zɛnaan man piã ka Lawa nɛ ǹ siin lɛa. Ǹ tìĩ n boe ne, maǹ piã-wɔlen lɛa, ǹ ba boe la ǹ tá sii sonbore kɔ́n zɛnɛɛ wa.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Tiitii 3:1

Lawa-nyankɔlen tumaa yiri da a nɛ, mà ǹ doamaa nɛ, ǹ nə n doroo nyɛɛnaan-bɔlen laanka pàãdɛnan manɛ. Mà ǹ doamaa nɛ ǹ nə ǹ lɛ si, ǹ goã dí sonbore tumaa nya a lɛa.

Tiitii 3:14

Wɔ dɔn Lawa-nyankɔlen lɛn doamaa nɛ ǹ nə n daraa dí sonbore nyali taãnbaa lɛ ganaa. Màn mɛn bɛ́ toɛ, ǹ boo la ǹ laadoo taãnan saa ǹ bɔ kɔn la. Bɛa yɔrɔ kɛ la, ǹ tá kanaa ba re goɛ̃ là ná a ba a ganaa wa.

Tiitii 3:8

Bɛ lɛ n boo taãn lɛa, min nə́ boe la, a n foo doa a ganaa. Man giɛ li, máa n bɛ lɛ pɛ n laa parsiini, ń giɛ golee Lawa li wolen tá n tele, ǹ dí sonboren nyali taãnan baa. Màn mɛn bɛ́ siĩni, a là n minbuiinin ganaa, bɛ lɛ n ka bɛ nɛ.

Ebrəə 13:21

máa a die a pàã kɔ ka la, ka boo la ka a din dùũ sii sonbore kɛ yii zɛnaa. A din die a na a din dùũ siin zɛnaa wɔsɛn ganaa, ka Yezu Krita barka nɛ. Gugurubaa goã a din wɔ lɛa yǎa duduu! A n miɛ̃.

Piɛrɛ1 2:12

Ka toa kaa tɔ wɔ ǹ gɔn siĩn kɔ Lawa-nyankɔle baãnaan bii, màn mɛn bɛ́ toɛ, tà maǹ ka tɔ ziziɛ̃, mà ka n baraa-zɛnaalin lɛa ka sii mɛn nɛ, kaa nya ǹ dí sonboren kɛn doɛ̃ nə n baa pàã lɛa ǹ ganaa, ǹ boo la ǹ Lawa guguru kɔ a din nyaa ǹ nɛ pinaa.