Matiə 2:13 - LAWA A BOO SONBORE 2011

¹³ Doɛ̃ wolen lɛn woo kio, Dɛnaa a dia dí-a wole goon nə́ bɔ lon á daa n din nyaa Zozɛfu ni ka narɛɛ nɛ, á pɛ nɛ: «Yoo, n nɛ lɛ laanka ǹ dan saa n baa si n wo Ezipti gána nɛ. Giã walan, yǎa ma wusii pii ni máa n nə n bɔyaa n daa. A giala, Erɔdi á re giɛ nɛ lɛ li mà yǎa asɛ dii.»

LAWA A BOO SONBORE

¹³ Doɛ̃ wolen lɛn woo kio, Dɛnaa a dia dí-a wole goon nə́ bɔ lon á daa n din nyaa Zozɛfu ni ka narɛɛ nɛ, á pɛ nɛ: «Yoo, n nɛ lɛ laanka ǹ dan saa n baa si n wo Ezipti gána nɛ. Giã walan, yǎa ma wusii pii ni máa n nə n bɔyaa n daa. A giala, Erɔdi á re giɛ nɛ lɛ li mà yǎa asɛ dii.»

Matiə 2:13 ပူးပေါင်းရင်းမြစ်များ

Kiin1 11:17

Adaadi na á goã á baa si kun ka ǹ di a dí-nyalin Edɔmu minin lɛn nɛ, á woo Ezipti gána nɛ. A na á goã nɛginin ten lɛa taãn-taãnɛ a waáraa.

Kiin1 3:5

Gabawɔ̃ lɛ nɛ, Dɛnaa Lawa nə́ n din nyaa Salomɔn nɛ ka narɛɛ nɛ tèlò-n. Lawa pɛ nɛ: «Ma n giɛ li ma wàa n màn kɔ n la?»

Zɔbu 33:15

Lawa á boo diɛ min ni ka narɛɛ nɛ, á sii nyɛɛ min ni tèlò-n, bɛ̀ nyuù la-n biikoo mɛn li, bɛ̀ a tá waa-n tán biikoo mɛn li.

Zɔbu 33:17

Lawa n bɛ zɛnɛɛ, màn mɛn bɛ́ toɛ, a ǹ kanbaa ǹ nya ǹ dín lɛn ganaa, a ǹ kanbaa din gole kɔ ganaa.

Bɔ bɛ̀rɛbaa nɛ 1:22

Bɛ lɛ nɛ, Faarahɔn pɛ a gána a zaman tumaa nɛ: «Ka Ebrəən lɛn nɛnyaan tiɛɛ̃n giĩdɛnaa tumaa zũ tà mu li, ka toa ǹ nɛlɔdɛnan yii goã koo.»

Matiə 1:20

A bɛ́ bɛ lɛ a taasiɛ we, Dɛnaa a dia dí-a wole goon nə́ bɔ lon á n din nyaa nɛ ka narɛɛ nɛ, á pɛ nɛ: «Davida tɔrɔ Zozɛfu ganaa, n baran nyɛ́ɛ baa, n nə n piã ka Mariya a lɔbaa-n wa, a giala, Lawa a Yiri Fu pàã na á toa nɛ kɛ lɛ tá a gɔ́ɔ̃ nɛ.

Matiə 10:23

Bɛ̀ minin nə́ fuu nyaa ka nɛ kiwi mɛn nɛ, ka baa si ka wo kiwi kɔsɔ nɛ. Man pii ka nɛ, sonbore: Ka laan bɛ̀ ka Izirayeli kiwin kɛn tumaa kaa kɔn la ka nya, bɛ̀ masɛ Min a Nɛgiĩ wusoo má daa.

Matiə 2:12

Bɛ kio, Lawa nə́ n gɔn waa ǹ nɛ ka narɛɛ nɛ, mà ǹ baran wusoo ǹ wo Erɔdi li doo wa. Ǹ nə́ nɔmaa ǹ nə́ zii kɔsɔ saa ǹ nə́ woo ǹ gána nɛ.

Matiə 2:14

Bɛ kio Zozɛfu nɛ lɛ saa, a laanka ǹ dan nɛ, á woo ǹ ne Ezipti tèlò-n.

Matiə 2:16

Erɔdi bɛ́ á dɔ̃ mà doɛ̃ wolen lɛn ná asɛ bebele, a foo yoo parsiini. Á tɔ́n pɛ minin manɛ, mà ǹ wo Bɛtlehɛmu laanka a lɛkoro-an kiwin ni. Mà nɛginin mɛn din tumaa bɛ́ á dɔ lɛ̀ paa, hinlaa ta a na nyaabaa lɛ̀ paa ganaa, mà ǹ bɛ tumaa dɛ, a giala doɛ̃ wolen lɛn boo lɛ a diɛ lɛ̀ paa n ke Erɔdi ni.

Matiə 2:22

A bɛ́ á ma mà Arkelawusu nə ǹ di Erɔdi bǎã nɛ, Zudee gána a kii lɛa, bɛa bǎã lɛ a wo giãmanɛ a nyɛ́ɛ kũ. Lawa bɛ́ á wusoo á n gɔn waa nɛ ka narɛɛ kɔsɔ nɛ, á nɔmaa á dɛ a gòã nɛ yǎa Galilee gána nɛ,

Nya ǹ dín 10:22

Minin lɛn ná a lɛ si: «Wɔsɛn lɛn man wɔ́ daa Kɔrnɛyi a dí ganaa, Kɔrnɛyi mɛn bɛ́ sɔraasin goledɛnaa lɛa, a n pepere, a n Lawa guguru koe kun ka Zuifun ni, a tɔ sonbore dɔ n boe ne ǹ tumaa bii. Lawa a lon a dia dí-a wole goon na á nyaa Kɔrnɛyi ni, mà a doamaa nɛ a lɛ dia Piɛrɛ la a kion, siin mɛnɛn nə n zɛnaa, á die n too koe bɛn li Piɛrɛ lɛ lon.»

Nya ǹ dín 10:7

Lon a dia dí-a wole mɛn goã boo diɛ nɛ, bɛ bɛ́ á papaã lɔn gɔrɔ, Kɔrnɛyi lɛ dia a kion minin min paa la, ka sɔraasi nyɛ́ɛbaa Lawa yii-n wole goon ne, min mɛn bɛ́ a dinmaa a dí yɔrɔ-bɔle lɛa haalɛ bibi.

Nya ǹ dín 12:11

A yiri daa a din li yǎa á tɔ́n pɛ: «Má a giala ma sisia kəni. Dɛnaa din na á ná a lon a dia dí-a wole dia taãn-taãnɛ, á daa masɛ si Erɔdi laanka Zuifun la, Zuifun mɛnɛn bɛ́ n yii diɛ masɛ a kiri-kurii la.»

Nya ǹ dín 12:7

Sɛnɛ, bǎã goon ne gɔrɔ, Dɛnaa a lon a dia dí-a wole daa, á kion lɛ gɔ́ɔ̃ fulu ka foaãnɛ. Lon a dia dí-a wole lɛ nə́ n gɔn tɔ Piɛrɛ kolo ne, a ná a yii kaa, á pɛ nɛ: «Yoo lon.» Fɔlɔ biɛn mɛnɛn bɛ́ Piɛrɛ gɔn-a, bɛn nə́ fore.

Nya ǹ dín 16:36

Kòso-lɛduə̃li lɛ bɛa boo kɛ lɛ pɛ Pooli ni: «Rɔmu kiri sii yɔrɔ-bɔlen lɛn mà wɔ ka kaa. Bɛ̀ bɛ nɛ, ka soo ka wo ka bǐɛ̃ nɛ.»

Nya ǹ dín 5:19

Sɛnɛ, tèlò-n, Dɛnaa a lon a dia dí-a wole goon nə́ kòso kion lɛ a kiɛnlɛ bũ, á ǹ waa á ǹ kaa, á pɛ ǹ nɛ:

Nya ǹ dín 7:19

Bɛa kii kɛ lɛ yiri baraa bɔ, mà a n wɔsɛn tɔrɔ papaɛ̃ nɛ. Á baa pàã lɛa wɔsɛn digolon ganaa, mà ǹ nə ǹ nɛnyaan tintiɛ̃nɛn zũ, màn mɛn bɛ́ toɛ, ǹ baran la wa.

Zozoe 3:13

Dɛnaa Lawa lɛ, kanaa tumaa a Dɛnaa lɛa, wúlu-bɔlen mɛnɛn bɛ́ bɛa lɛ kɔ kɔn la ǹ goo lɛ guĩ, bɛ̀ bɛn gòã tisi mɛ Zurdɛ̃ tà mu lɛ li lɔn gɔrɔ, mu mɛn bɛ́ gisĩ die ka pàã nɛ, bɛ á die n lɛ kuri, a golee bǎã goon ne ka maǹ nə́ bèlèn dɔ nɛ.»

Zozoe 3:17

Wúlu-bɔlen mɛnɛn bɛ́ Dɛnaa Lawa a lɛ kɔ kɔn la ǹ goo lɛ guĩ, bɛn nə́ golee Zurdɛ̃ tà lɛ bii tán gere la. Wúlu-bɔlen lɛn nə́ golee bǎã goon ne, bɛ̀ Izirayeli minin lɛn tumaa á tɔ we kiɛ̃. Ǹ nə́ golee miɛ̃, yǎa zaman lɛ tumaa soo ǹ nə́ n bɔ Zurdɛ̃ tà lɛ gɔ́ɔ̃ nɛ.

Zozoe 4:10

Wúlu-bɔlen mɛnɛn nə goã goo lɛ guĩ, bɛn nə́ golee Zurdɛ̃ tà lɛ bii. Dɛnaa Lawa goã á boo mɛn tumaa pɛ Zozoe ne mà a pɛ zaman lɛ nɛ, ǹ nə́ golee yǎa bɛ tumaa a sii nə́ n zɛnaa lenlen á nya. Muizu goã á boo mɛn tumaa pɛ Zozoe ne, Zozoe na á zɛnaa á kɔnpɛ ka bɛ nɛ. Bɛ kio, Zaman lɛ nə́ n nanaa á kiɛ̃.

Zozoe 4:18

Wúlu-bɔlen mɛnɛn bɛ́ Dɛnaa Lawa a lɛ kɔ kɔn la ǹ goo lɛ guĩ, bɛn bɛ́ soe n boe Zurdɛ̃ tà lɛ gɔ́ɔ̃ nɛ ǹ mɛn waáraa, ǹ gòã tisi n die miɛ̃ tán gere la, Zurdɛ̃ tà lɛ a mu wusoo á daa a bǎã nɛ, á baa si a lɛkoro tumaa li ka a lɛlɛn bɛ́ lɔn.

Sii-nyaan 12:14

Sɛnɛ, ǹ nə́ giogialatã-a gole kɛ nyàan kɔ lɔ lɛ la, mà a yoo a wo a giã ǹ bǎã lɛ-n don gɔ́ɔ̃ nɛ, maǹ die toe walan, yǎa lɛ̀ sɔɔ ka talɛɛ, a wɔlɔ á re sɔsɔɔ koe miɛ̃ kɛ ganaa.

Sii-nyaan 12:4

Á leere talakɔn sɔɔbaa ǹ wɔ nɔɔ ka a mui ni, á kaa tán. Á daa golee lɔ nɛ-yɛle lɛ yɔrɔ-a, bɛ̀ a ná a nɛ lɛ yɛ lɔn gɔrɔ, a kũ a sɔ̃.

Sii-nyaan 12:6

Lɔ lɛ baa si á woo don gɔ́ɔ̃ nɛ, Lawa din na á bɛa bǎã lɛ yɔrɔ bɔ á koa nɛ, mà ǹ die ǹ too walan, yǎa lɛawaa duu goon biɛpaa ka pɔsɔrɔ (1 260).