Matiə 19:9 - LAWA A BOO SONBORE 2011

⁹ Masɛ n pii ka nɛ, bɛ̀ giĩ ná a lɔ loo, a da yaa, a n toa li á giĩ kɔsɔ si wa, bɛ̀ á kɔsɔ saa, a na á naarɛbaa zɛnaa.»

LAWA A BOO SONBORE

⁹ Masɛ n pii ka nɛ, bɛ̀ giĩ ná a lɔ loo, a da yaa, a n toa li á giĩ kɔsɔ si wa, bɛ̀ á kɔsɔ saa, a na á naarɛbaa zɛnaa.»

Matiə 19:9 ပူးပေါင်းရင်းမြစ်များ

Siin Giala 20:3

Sɛnɛ, Lawa daa Abimelɛki la ka narɛɛ nɛ, á pɛ nɛ kɛnɛn: «Lɔ ke ń bɔ, n tá re giɛ̃ bɛ lɛ taman yii, a giala, a n zuũ li.»

KZS2 21:11

Zoraamu lɛ wúlu bɔ ǹ bǎãn dɔ Zudaa kelen la, á Zeruzalɛmu minin laanka Zudaa min kɔsɔn kɛn kaa lawa kɔsɔn guguru kɔ ganaa.

Zeremii 3:1

Dɛnaa Lawa pɛ: «Bɛ̀ giĩ ná a lɔ loo, lɔ lɛ soo li, yǎa giĩ kɔsɔ saa lɔ lɛa, ǹ zuũ zizi lɛ á boe la a wusoo a saa lɔ lɛa? Haayii, a giala, *gɔ̀ n die gána lɛ kuĩ bɛ lɛ taman yii. Sɛnɛ nsɛ Izirayeli, ń kɔrɔbaa zɛnaa ka giĩ gigiã nɛ. Ma n giɛ li n wusoo n da masɛ li?» Dɛnaa Lawa a da ǹ boo ne.

Zeremii 3:8

Má Izirayeli bɔyaa wole lɛ loo. A giala, á naarɛbaa zɛnaa. Má kɔn-wɔ toɛ̃ ǹ sɛ́wɔ kɔ la. Sɛnɛ, má yɛ máa ǹ miãnɛn Zudaa bɔlɔgoonbaãdɛnaa lɛ sɛ nyɛ́ɛ baa wa. A dɔ wusoo á woo naarɛbaa zɛnaa.

Ezekieli 16:15

Ma n nə́ n saa n siĩnbaa kɛ li, n tɔ a bɔ kɛ taman yii, n kɔrɔbaa zɛnaa. N nə́ n din kɔ kiɛ̃ wolen tumaa la, ń kɔrɔbaa zɛnaa kunun ǹ ni, n nə́ n goã bɛn lɛn wɔ lɛa.

Ezekieli 16:29

N kɔrɔbaa lɛ a gigiã zɛnaa *Baabilonii, pii-kɔlen gána kɛ nɛ. Sɛnɛ, bɛn lɛn dɔn dinin wɔ lɛ bɛ́ a n bɔ wa.

Ezekieli 16:8

Bɛ kio, ma bɛ́ má wusoo má bɔ walan doo, má n yɛ. Bɛa biikoo li, bɛ̀ ń dɔ lɔbaa ganaa. Ma tɔ́n maa mɔnaa lɛkoro lɛ bɔ má kɔ n lɛ, má n sìi duru ni. Bɛ kio má n lɛ kɔ n la, má n liɛ n nɛ. Máa n masɛ wɔ baa ka bɛa yɔrɔ lɛ nɛ. Ma din Dɛnaa Lawa a da ǹ boo ne.

Matiə 19:10

A kialandɛnan nə́ tɔ́n pɛ nɛ: «Bɛ̀ giĩ laanka a lɔ bii gɔ́ɔ̃ ǹ sii n miɛ̃, bɛ̀ n lɔ wɔ wa bɛ á pɛsã.»

Matiə 19:8

Yezu tɔ́n pɛ ǹ nɛ: «Ka dinin foo a kakabaa na á toa, Muizu tɔ́n lɛ kɔ mà ka kaa lɔn loo. Bɛ̀ bɛ bie wa, a bie miɛ̃ kanaa a giala kɔ waáraa wa.

Matiə 5:32

Sɛnɛ, masɛ n pii ka nɛ, bɛ̀ giĩ mɛn ná a lɔ loo, a da yaa a ná a naarɛbaa zɛnaa wa, yǎa lɔ lɛ wusoo a wo wɔ gìĩ kɔsɔ li, bɛa dɛnaa din na á ná a lɔ da naarɛbaa zɛnaa ganaa. Ǹ bɛ́ ǹ nə́ lɔ mɛn loo, bɛ̀ giĩ mɛn nə́ bɛ saa, ǹ dɛnaa na á naarɛbaa zɛnaa.

Luku 16:18

Min woo min ná a lɔ loo, á kɔsɔ saa, bɛa dɛnaa na á naarɛbaa zɛnaa. Lɔ mɛn dɔ bɛ́ ǹ zuũ loo, bɛ̀ min mɛn bɛ dɔ saa, ǹ dɛnaa na á naarɛbaa zɛnaa.

Korɛnti1 5:1

Ǹ tá pii, mà din kũ doɛ̃baã sii-zɛnaali tá ka bii. Haalɛ min kooron dinin ba lɛ koe ǹ bɛ miã zɛnaa wa. Maǹ pii mà min goon tá ka bii, á n kun ka ǹ di a lɔ nɛ!

Korɛnti1 7:39

Lɔ n doa-n kɔn ka ǹ zuũ ni, ta maǹ beleboe kanaa lɔn. Sɛnɛ, bɛ̀ ǹ zuũ gã, min mɛn bɛ́ kɔɔ̃n a ganaa, á boe la a kɔn wɔ ka bɛ nɛ. Sɛnɛ, giĩ lɛ goã Lawa-nyankɔle lɛa.

Korɛnti1 7:4

Lɔ a boe la, a n din foo sii zɛnaa ka a gɔ̀nɔn nɛ wa, a giala, a gɔ̀nɔn lɛ nə ǹ zuũ wɔ lɛa; a din yii goon ne, giĩ dɔ a boe la, a n din foo sii zɛnaa ka a gɔ̀nɔn nɛ wa, a giala, mà a gɔ̀nɔn lɛ na a lɔ wɔ lɛa.