Matiə 18:3 - LAWA A BOO SONBORE 2011

³ á tɔ́n pɛ: «Man pii ka nɛ, sonbore ne: Bɛ̀ ka kaa tɔ wɔ ǹ gɔn bɔyaa ka n dinin kiɛɛrɛ kɔ ka nɛnyaanan bɛ́ lɔn wa, ka a re we lon a kiibaa-n wa.

LAWA A BOO SONBORE

³ á tɔ́n pɛ: «Man pii ka nɛ, sonbore ne: Bɛ̀ ka kaa tɔ wɔ ǹ gɔn bɔyaa ka n dinin kiɛɛrɛ kɔ ka nɛnyaanan bɛ́ lɔn wa, ka a re we lon a kiibaa-n wa.

Matiə 18:3 ပူးပေါင်းရင်းမြစ်များ

Loen 131:2

Sɛnɛ, má giã kiĩn ma din yiri li. Ka nɛ bɛ́ lɔn ǹ dan dɔ̀ɔ̃ nɛ, a nyɔ mii doo wa, man miɛ̃ kiĩn ka bɛa nɛ lɛ nɛ.

Izayii 6:10

Ǹ yiri lɔlɔkɔn, n nə ǹ too tã, n nə ǹ yii tã màn mɛn bɛ́ toɛ, ǹ yii nyan wɔlɔ yɛ wa, ǹ too nyan boo ma wa, ǹ yiri tã. Ka bɛ-n kəni, ǹ ba re wusii ǹ da ma li wa, ǹ ba re kaka koe wa.

Matiə 13:15

A giala minin kɛn foo laa, ǹ nə́ n too tã, ǹ nə́ n yii tã, bɛ bie wa ǹ yii á die wɔlɔ yii, ǹ too á die boo miɛ, ǹ yiri á die a giala miɛ, ǹ wusoo ǹ da Lawa li, Lawa dɔ á die ǹ busu nyɛɛ ǹ foo ne, sɛnɛ, bɛ bɛ́ a bie ǹ yii li ǹ sii lɛa wa.»

Matiə 18:2

Yezu tɔ́n nɛnyaan goon bíi á koa ǹ yɔrɔ-a,

Matiə 18:4

Min mɛn bɛ́ re n din kiɛɛrɛ koe ka nɛnyaan kɛ bɛ́ lɔn, bɛa dɛnaa lɛ n gole á la ǹ miãn manɛ lon a kiibaa ǹ bǎã nɛ.

Matiə 19:14

Yezu tɔ́n pɛ: «Ka toa nɛnyaanan lɛn nə da masɛ li, ka baran ǹ kurəə wa. A giala min mɛnɛn bɛ́ ka nɛnyaanan bɛ́ lɔn, *Lawa a kiibaa lɛ n bɛn wɔ lɛa.»

Matiə 19:23

Yezu tɔ́n pɛ a kialandɛnan manɛ: «Masɛ n pii ka nɛ, sonbore ne: Pàãma a wɔ lon a kiibaa-n tá re kaka koe!

Matiə 5:18

Man pii ka nɛ, sonbore, bɛ̀ lon laanka tán nə papaã duduu wa, landa sɛ́wɔ gɔ́ɔ̃gɔ́ɔ̃ ǹ dí-pɛn kɛn mɛn din bɛ́ ka a diɛ sii li wa, ǹ ba sàabiɛ wa, a boo kɔ́n dɔ a sàabiɛ wa, yǎa a tumaa lɛ piɛ̃.

Matiə 5:20

Masɛ n pii ka nɛ, bɛ̀ kaa peperebaa la landa sii-daraalin laanka *Fariziɛ̃n kɛn wɔ-n wa, ka a re we lon a kiibaa-n wa.

Matiə 6:16

Bɛ̀ ka n lɛ sɔɔ, ka baran n yɔrɔ kɔsɛ ka gɔ́ɔ̃ tì-an kɛn bɛ́ zɛnɛɛ lɔn wa. Maǹ nə́ n yɔrɔ kɔsɛ, mà min din tumaa dɔ̃ mà ǹsɛn man nə́ n lɛ sɔɔ. Masɛ n pii ka nɛ, sonbore ne, ǹ nə́ ǹ saraa yɛ á nya.

Matiə 6:2

Bɛ̀ ka á doobaan goe ka wɔrɔ nɛ, ka baran n dinin nyaa minin yɔrɔ-a buəbuə, ka gɔ́ɔ̃ tì-an bɛ́ zɛnɛɛ Zuifun lɛsɔkɔn kionən laanka zii giala-an nɛ lɔn wa. Maǹ zɛnɛɛ miɛ̃ mà minin nə ǹsɛn laakalaa. Masɛ n pii ka nɛ, sonbore ne, ká kaa saraa yɛ á nya.

Matiə 6:5

Bɛ̀ ka á Lawa nyankoe, ka nyan nə n baa ka gɔ́ɔ̃ tì-an kɛn bɛ́ lɔn wa. Bɛ̀ ǹ tá lɛsɔkɔn kion hinlaa zii giala-a, golee lon a Lawa nyankɔ lɛ n kɔɔ̃nɛ ǹ ganaa. Maǹ giɛ li mà min din tumaa nə ǹsɛn yɛ. Masɛ n pii ka nɛ, sonbore ne, ǹ nə́ ǹ saraa yɛ á nya.

Marki 4:12

màn mɛn bɛ́ toɛ, a kɔnpɛ ka Lawa a boo kɛ nɛ: «Ǹ tá re giɛ ǹ yii laa, sɛnɛ, ǹ yii a re wɔlɔ yii wa, ǹ tá re n too koe ǹ nɔmaa, sɛnɛ, ǹ ba re boo miɛ wa. Bɛ bie wa, ǹ tá re wusii ǹ da Lawa li, Lawa dɔ á die ǹ sii baraan toɛ ǹ nɛ, sɛnɛ, bɛ bɛ́ a bie ǹ yii li ǹ sii lɛa wa.»

Luku 13:24

– Ka n doa, màn mɛn bɛ́ toɛ, ka wɔ ka kiɛnlɛ boɛɛn kɛ nɛ. A giala, man pii ka nɛ, min gigiã á re giɛ li, mà ǹ wɔ, ǹ ba re boe la wa.

Luku 22:32

Sɛnɛ, masɛ Lawa nyankɔ n lɛa, màn mɛn bɛ́ toɛ, n golee Lawa li baran papaã wa. Bɛ̀ n wusoo ń daa masɛ ganaa ǹ mɛn waáraa, n dɔ n dɔɔ̃nɔn lɛ ǹ pàã yɛ.»

Zaã a sɛ́wɔ 1:51

Á tɔ́n pɛ doo: «Ka boo taãn nɛ, masɛ n pii ka nɛ, ka á re lon lɛ buĩ yii, ka Lawa a lon a dia dí-a wolen yɛ dii bɛ̀ ǹ nə́ gisĩ Min a Nɛgiĩ lalan.»

Zaã a sɛ́wɔ 3:3

Yezu tɔ́n pɛ nɛ: «Masɛ n pii n ni, sonbore ne: Bɛ̀ min mɛn bie a wusoo a yɛ wa, ǹ dɛnaa a boe la a *Lawa a kiibaa yɛ wa.»

Zaã a sɛ́wɔ 3:5

Yezu tɔ́n pɛ nɛ: «Masɛ n pii n ni, sonbore ne: Bɛ̀ min mɛn bie a wusoo a yɛ Lawa wɔ baa-n ka mu laanka Yiri Fu pàã-n wa, ǹ dɛnaa a boe la a wɔ Lawa a kiibaa-n wa.

Nya ǹ dín 14:22

Ǹ nə́ Lawa-nyankɔlen foo taã bɛa kiwin lɛn nɛ, ǹ nə́ ǹ nyankɔ mà ǹ nə n doa ǹ wo nyɛɛnɛ golee Lawa li gɔ́ɔ̃ nɛ. Ǹ nə́ pɛ ǹ nɛ, mà ǹsɛn doamaa nɛ ǹ nɔmaa gigiã bii wɔsɔ ǹ kiɛ̃, ǹ tɔn wɔ Lawa kiibaa ǹ bǎã lɛ nɛ.

Nya ǹ dín 28:27

A giala, tɔrɔ kɛ lɛ a minin nə́ n foo laa, ǹ nə́ n toon tã, ǹ nə́ n yiin tã. Bɛ bie wa ǹ yii á re wɔlɔ yii, ǹ too á re boo miɛ, ǹ yiri á re a giala miɛ, ǹ wusoo ǹ da Lawa li, Lawa dɔ á re ǹ busu nyɛɛ ǹ foo ne, sɛnɛ, bɛ bɛ́ a bie ǹ yii li ǹ sii lɛa wa.»

Nya ǹ dín 3:19

Ka wusoo kaa sii baraan kio ka da Lawa ganaa, màn mɛn bɛ́ toɛ, Lawa kaa sii baraan tuturu.

Korɛnti1 14:20

Ma dɔɔ̃nɔn lɛn, sii-doɛ̃ wɔ paǹ li, ka baran n dinin baa nɛnyaanan lɛa wa. Ka goã nɛnyaanan lɛa sii bɔnɛɛ wɔ paǹ li, sɛnɛ, sii-doɛ̃ wɔ paǹ li, ka toa ka goã min golen lɛa.

Piɛrɛ1 2:2

Ka n baa ka nɛnyaan tiɛɛ̃nɛn bɛ́ lɔn, ǹ bɛ́ giɛ nyɔ li lɔn, ka dɔn nə ga Lawa a boo sonbore kɛ li miɛ̃, màn mɛn bɛ́ toɛ, ka gole kɔ bɛa boo lɛ barka nɛ, ka wo dɔ kirisibaa ganaa.

Piɛrɛ2 1:11

Sonbore, wɔa Dɛnaa laanka wɔ Nyin-sili Yezu Krita a kiibaa ǹ bǎã kɛ a kiɛnlɛ á re n buĩ ka nɛ. Kiibaa ǹ bǎã mɛn bɛ́ a nyɛɛ duduu wa, ka á re we bɛ nɛ, a ka kũ doɛ̃ sɔnbɔraanɛ.