Matiə 13:11 - LAWA A BOO SONBORE 2011

¹¹ Yezu tɔ́n pɛ ǹ nɛ: – Lon a kiibaa a sii-duriin kɛn, Lawa na á bɛn nyaa kasɛn manɛ. Sɛnɛ, a nyaa ǹsɛn man wa.

LAWA A BOO SONBORE

¹¹ Yezu tɔ́n pɛ ǹ nɛ: – Lon a kiibaa a sii-duriin kɛn, Lawa na á bɛn nyaa kasɛn manɛ. Sɛnɛ, a nyaa ǹsɛn man wa.

Matiə 13:11 ပူးပေါင်းရင်းမြစ်များ

Loen 25:14

Min mɛnɛn bɛ́ nyɛ́ɛ biɛ Dɛnaa Lawa nɛ, a nə n gɔ́ɔ̃ pii bɛn manɛ, a na a lɛ kɔ kɔn la ǹ boo lɛ giala pii bɛn manɛ.

Izayii 29:10

A giala, Dɛnaa Lawa ka yiri tã, á kaa Lawa a boo gii-dalin sàabaa sii-yɛn ganaa, á màn kɔ kaa gɔn-nɔɔlin yɔrɔ lɛ.

Izayii 29:11

Bɛa boon kɛn man nə́ goã ka sɛ́wɔ gɔ́ɔ̃ nɛ ǹ boo bɛ́ lɔn, ǹ ná a lɛ tã, ǹ nə́ tɔrɔ. Ǹ nə́ kɔ sɛ́wɔ-dɔ̃li la, ǹ nə́ pɛ nɛ: «Bǐɛ̃ kɔ n si n pɛ!» Sɛnɛ á ǹ lɛ si: «Ma a boe la wa. Sɛ́wɔ lɛ lɛ tiɛ̃maa nɛ.»

Izayii 35:8

Zii gole á re yii walan ǹ bíi "sonborebaa ǹ zii". Gɔ̀dɛnaa kɔn ba re boe walan wa, a n die goɛ̃ Lawa a zaman dinsɔɔ̃ wɔ lɛa. Baãnaan ba re die n dinin daɛ walan wa.

Matiə 13:10

Bɛ kio, Yezu a kialandɛnan nə́ n zɔ̃ ǹ nə́ dɔ a li, ǹ nə́ nɔ̀n da la: «Wàa na á baa n tá boo diɛ minin lɛn manɛ ka boo giməə ne?»

Matiə 16:17

Yezu tɔ́n pɛ a dɔ nɛ: – Zonaasi a nɛgiĩ Simɔn ganaa, n wɔ na á bǐɛ̃ kɔ. A giala minbuiin nɛ bie á kɛ nyaa n nɛ wa, ma Di Lawa na á nyaa n nɛ.

Matiə 19:11

Yezu tɔ́n pɛ ǹ nɛ: «Min tumaa a boe bɛ la wa. Lawa na a boomala ǹ pàã kɔ min mɛnɛn la, bɛn dininsɔɔ̃nɔn man boe la.

Matiə 20:23

Yezu tɔ́n pɛ ǹ nɛ: «Ka tá re masɛ a là-paparɛɛ kɛ tɔrɔ yii sɛn. Sɛnɛ, min mɛn bɛ́ re giɛ̃ ma gusin hinlaa ma gɔsɛ, masɛ bie bɛ yɔrɔ boe wa. Maa Díi Lawa bǎãn lɛn zɛnaa min mɛnɛn manɛ, bɛa dɛnan wɔn manɛ.»

Marki 10:40

Sɛnɛ min mɛn bɛ́ re giɛ̃ masɛ gusin hinlaa masɛ gɔsɛ, masɛ bie bɛ yɔrɔ boe wa, Lawa bǎãn lɛn zɛnaa min mɛnɛn manɛ, bɛa dɛnan wɔn manɛ.»

Marki 4:11

Yezu tɔ́n pɛ ǹ nɛ: – Lawa bɛ́ a kiibaa ǹ dí lɛ nyɛɛ lɔn lɛlɛ, a n sii-durii lɛa. Sɛnɛ, bɛ lɛ na á n nyaa kasɛn manɛ sisia. Sɛnɛ, min gialakunun kɛn, sii din tumaa nə n nyɛɛ bɛn manɛ ka boo giməə ne,

Luku 8:10

Á n toa ǹ ganaa kɛnɛn: «Lawa bɛ́ a kiibaa ǹ dí mɛn nyɛɛ kanaa, bɛ n sii-durii lɛa á nyaa kasɛn manɛ. Sɛnɛ, a na á nyaa min gialakunun kɛn manɛ ka boo giməə ne, màn mɛn bɛ́ toɛ, ǹ ga, sɛnɛ, ǹ yii baran wɔlɔ yɛ wa, ǹ boo ma, sɛnɛ, ǹ baran a giala ma wa.»

Zaã a sɛ́wɔ 6:65

Á tɔ́n wusoo á pɛ: «Bɛ lɛ na á toa má pɛ ka-n lɛn, máa min kɔ́n ba boe la a da masɛ li, bɛ̀ maa Díi na a pàã kɔ ǹ dɛnaa la wa.»

Zaã a sɛ́wɔ 7:17

Bɛ̀ min mɛn tá li a Lawa foo sii zɛnaa, bɛa dɛnaa á die doɛ̃ bɛ̀ maa doɛ̃ lɛ n boe Lawa li, hinlaa masɛ dinmaa li.

Nya ǹ dín 16:14

Ǹ goon ne, a tɔ n Lidi, a n mɔnaa tɔnaa tɔrɔ kɔn siɛ̃, Tiatiiri kiwi min ni, á nyɛ́ɛ biɛ Lawa nɛ. Asɛ na á goã n too koe parsiini, a giala, Dɛnaa na á ná a foo lɛ bũ, a ná a taasiɛ din tumaa doa Pooli a boon kɛn ganaa.

Rɔmu minin 11:25

Ma dɔɔ̃nɔn lɛn, man giɛ li ma sii-durii goon nyaa ka nɛ, màn mɛn bɛ́ toɛ, ka baran ka dinin baa sii-dɔ̃lin lɛa wa. Sonbore ne, Zuifun gigiã yiri tã, ǹ ba boe la ǹ tá màn kɔ́n giala miɛ wa. Sɛnɛ, bɛa re beleboe wa. A n die goɛ̃ miɛ̃, yǎa Lawa din a bíi wolen kɛn tumaa tɔrɔn kɔsɔn bii, bɛn nə die a ganaa ǹ nyɛɛ.

Rɔmu minin 16:25

Ka daa wɔ barka da Lawa nɛ! Á boe la a wɔ pàã gole kɔ golee a din li gɔ́ɔ̃ nɛ. Bɛ nə n zɛnɛɛ a Boo Tii Kɔɔ̃n kɛ barka nɛ man pii. Man bɛa Boo Tii Kɔɔ̃n kɛ lɛ pii, Yezu Krita wɔ gɔn la. Bɛa boo lɛ n sonbore durii kɔ́n nyɛɛ wɔ nɛ, sonbore mɛn bɛ́ á goã durii ni haalɛ lɛlɛ-lɛlɛ.

Korɛnti1 13:2

Ta má Lawa a boo gii-dali baa, ta má màn-doɛ̃ tumaa yɛ, man sii-duriin tumaa doɛ̃, goleemali mɛn bɛ́ boe la a kelen goa a ǹ bɔ ǹ bǎã nɛ, ta má bɛ yɛ, bɛ̀ kɔn-narɛɛ ba ma lon wa, ma a màn kɔ́n lɛa wa.

Korɛnti1 15:51

Man die sii-durii kɔ́n nyɛɛ ka nɛ: wɔ tumaa bie re giɛ̃ wa, sɛnɛ, maǹ die wɔ tumaa bɔyɛɛ.

Korɛnti1 2:14

Lawa a Yiri Fu bɛ́ a ba min mɛn lon wa, bɛa boe la a lɛ kɔ Yiri Fu a boo taãnan ganaa wa. A n gàãnaabaa lɛa ǹ dɛnaa yii li, a boe la a tá a giala miɛ wa, a giala, Yiri Fu dinsɔɔ̃ n boe la á sii a bɔkɔnlɛ doɛ̃.

Korɛnti1 2:7

Haayii, Lawa a sii-doɛ̃ mɛn bɛ́ durii-n minbuiinin la, man bɛ yɔrɔ pii ka nɛ. Kanaa bɛ́ a tɔn nə n giala kɔ wa, Lawa din sii-doɛ̃ mɛn yɔrɔ bɔ, a n zoɛ̃ mà a na a tɔ golebaa gii kɔn ka wɔ nɛ, bɛ nɛ. Sɛnɛ, a na á toa durii ni.

Korɛnti1 4:1

A bɛ́ miɛ̃, wɔsɛn man dien lɛa ka yii li? Ka ǹ kɔnboe ka ga wɔ ganaa *Krita a dí-nyalin lɛa, Lawa a sonbore duriin kɛn man tamaa-n wɔ li.

Korɛnti1 4:7

Wàa nə n laanka n miãn bɔ kɔn lɛ lɛa? Màn mɛn tumaa bɛ́ yii n lon, Lawa bie á kɔ n la wa? Bɛ̀ á miɛ̃, wàa na á baa n tá n din koɛ nɛ, ka n pɛ mà ǹ bie ǹ nə́ kɔ n dɔ la wa?

Efɛɛzi minin 1:18

A die a ka yiin bũ, a din bɛ́ ka bíi mìi mɛn ganaa, ka boo la ka bɛ yɛ. A bɛ́ bǐɛ̃ sonboren mɛnɛn dɔn koɛ ka nɛ, kun ka a zaman tumaa nɛ, a die a toa ka bɛn là dɔ̃.

Efɛɛzi minin 1:9

Lawa dinmaa na á saa lɛlɛ á bɛa sii lɛ yɔrɔ bɔ á koa, á n die zɛnɛɛ ka Krita nɛ. A din foo sii ni, á goã durii-n lɛlɛ. Sɛnɛ kanna, á nyaa wɔ nɛ.

Efɛɛzi minin 5:32

Sii-durii gole n ka kɛ nɛ. Man pii Krita laanka Lawa a sɔmɔ kɛ wɔ paǹ li.

Efɛɛzi minin 6:19

Ka Lawa nyankɔ masɛ dɔ a lɛa, bɛ̀ ma á boo diɛ, Lawa boo peperen wɔ ma lɛ-n, man bɔlɔ pɛ ka foo tãbaa nɛ, minin nə boo la, ǹ Boo Tii Kɔɔ̃n a sii-durii kɛ dɔ̃.

Kolɔɔsi minin 2:2

Man giɛ li máa ka foo tãbaa yɛ, ka kaa kun taãn-taãnɛ kɔn-narɛɛ gɔ́ɔ̃ nɛ. Man giɛ li máa ka sii-doɛ̃ sonbore yɛ parsiini, là bɛ́ sii-doɛ̃ mɛn nɛ, Lawa din duru á daa dɔ pelo ganaa, bɛ giala, mà *Krita din.

Timote1 3:16

Sonbore ne, sii-durii mɛn bɛ́ wɔa golee Yezu li ǹ sii lɛa, á n nyaa, bɛ á gole á la yii ni: Á n din baa minbuiin nɛ lɛa, á daa, Lawa Yiri ná a peperebaa nyaa, Lon a dia dí-a wolen nə́ yɛ miɛ̃. A boo nə́ n kalaa tɔrɔn bii, kanaa minin nə́ golee li, Lawa tɔ́n saa á woo-n lon.

Timote1 3:9

Sonbore mɛn nə n nyaa goleemali gɔ́ɔ̃ nɛ, ǹ doamaa nɛ ǹ bɛ tamaa ka gɔ́ɔ̃ fubaa nɛ.

Zaaki 1:5

Bɛ̀ sii-doɛ̃ nyaabaa min mɛn ganaa, ǹ dɛnaa na a nyankɔ Lawa la, á die koe la. A giala, Lawa n boe a din ni, bɛ̀ a bǐɛ̃ baa min tumaa la miɛ̃, a min sɔ̀n pii a tɔn gɔ wa.

Zaã1 2:20

Kasɛn wɔ paǹ li, Krita Yiri Fu mɛn kɔ ka la, bɛ lɛ n toɛ ka tumaa á sonbore doɛ̃.

Zaã1 2:27

Sɛnɛ, Krita na á ná a Yiri kaa kasɛn la. A Yiri bɛ́ ka nɛ, ka laadoo ba min a daraa ganaa wa. A Yiri lɛ din nə ka darɛɛ màn tumaa ganaa. A bɛ́ ka darɛɛ màn mɛn ganaa, sonbore ne, soɛ bie wa. Bɛ lɛ a lɛa, ka a daraa lɛ lɛ si, ka goã kun ka Krita nɛ.