Matiə 11:3 - LAWA A BOO SONBORE 2011

³ mà ǹ wo nɔ̀n da la: «Wɔsɛn bɛ́ n yii diɛ Minin Nyin-sili mɛn la, a din lɛ-n hinlaa, wɔ doamaa nɛ wɔ n yii da kɔsɔ la?»

LAWA A BOO SONBORE

³ mà ǹ wo nɔ̀n da la: «Wɔsɛn bɛ́ n yii diɛ Minin Nyin-sili mɛn la, a din lɛ-n hinlaa, wɔ doamaa nɛ wɔ n yii da kɔsɔ la?»

Matiə 11:3 ပူးပေါင်းရင်းမြစ်များ

Siin Giala 12:3

Bɛ̀ min mɛnɛn nə́ lɛn bǐɛ̃ bíi n li, ma á re lɛn bǐɛ̃ bíi bɛa dɛnan li. Bɛ̀ min mɛnɛn nə́ lɛn pipiã bíi n li, ma á re lɛn pipiã bíi bɛa dɛnan li. Kanaa a tɔrɔn tumaa wɔ á re bǐɛ̃ koe n wɔ gɔ́ɔ̃ nɛ.»

Siin Giala 3:15

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Loen 118:26

Min mɛn bɛ́ we kànaa ka Dɛnaa Lawa tɔ nɛ, Lawa die a barka da bɛ ganaa. Wɔ nə n toɛ Dɛnaa Lawa a Kion, wɔ á barka diɛ n nɛ.

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Ozee 3:5

Bɛ kio, Izirayeli minin lɛn tá re wusii ǹ ga ǹ Lawa, Dɛnaa Lawa li, ka ǹ kii lɛ nɛ, Davida tɔrɔ lɛa. Ǹ kɔn pinaa, ǹ tá re wusii ǹ wo Lawa li ǹ gɔ̀nɔn nə́ bìn diɛ, mà a bǐɛ̃ kɔ ǹsɛn ganaa.

Abdiasi 1:21

Min mɛnɛn nə kirisibaa bɛn tá re dii Siɔn kele kɛ la, ǹ giã Ezawu gána mìi la. Kiibaa á die goɛ̃ Dɛnaa Lawa nɛ!

Misee 5:2

Bɛ lɛ na á toa, Lawa á re n gɔn boe a zaman ganaa, yǎa nɔnaa kɛ nɛ yii. Bɛa biikoo li, ǹ dɔɔ̃nɔn lɛn mɛnɛn bɛ́ re n sɔlɛɛ a nɛ, bɛn tá re die kiɛ kun ka Izirayeli minin gialakunun kɛn nɛ.

Azee 2:7

Ma á re bìn diɛ kanaa tɔrɔn ganaa, kanaa gɔn màn tumaa á re die kanna. Lawa a kion kɛ á re piɛ̃ ka gugurubaa nɛ. Dɛnaa Lawa Pàãyiidɛnaa a da ǹ boo n ka kɛ nɛ.

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Malakii 3:1

Dɛnaa Lawa Pàãyiidɛnaa a lɛ si ǹ boo n ka kɛ nɛ: Á ke, má maa dia dí-a wole dia máa a da zii zɛnaa ma nyɛɛnɛ. Ka bɛ́ giɛ dɛnaa mɛn li, á re we Lawa a kion a din bǎã-n gɔrɔ, maa boo gii-dali mɛn bɛ́ ka n duĩ, á re maa lɛ kɔ kɔn la ǹ boo lɛ pii ka nɛ. Á ke yii die, Dɛnaa Lawa Pàãyiidɛnaa na á pɛ.

Minin nimi 24:17

Sii mɛn bɛ́ die, ma yii tá-a, sɛnɛ, pelo sii bie wa. Sii mɛn bɛ́ re n zɛnɛɛ, má n yiin doa la, sɛnɛ, a ba foɛɛ̃n wa. Leere á re boe Zakɔba tɔrɔn bii, kii á re yui tán Izirayeli minin bii, a n die Moabu gána minin para giala wurii, a Sɛɛti tɔrɔn tumaa dɛ.

Matiə 11:10

A giala Lawa a boo na á pɛ a dia dí-a wole Zaã wɔ paǹ li kɛnɛn: «Á ke, masɛ Dɛnaa Lawa n maa dia dí-a wole diɛ n nyɛɛnɛ, a n zii zɛnaa n nyɛɛnɛ.»

Matiə 11:4

Yezu tɔ́n pɛ ǹ nɛ: «Ka too bɛ́ á màn mɛn ma, ka yii yɛ, ka wo bɛ lɛ laakalaa Zaã nɛ.

Matiə 21:5

«Ka pɛ *Siɔn kele minin manɛ Zeruzalɛmu kiwi: Kaa kii á ke die ka li, á n din boɛɛn kɔ, á dii dundun dan la, ka a nɛ banɛɛ nɛ, dundun dan a nɛ lɛa.»

Matiə 21:9

Min mɛnɛn bɛ́ Yezu nyɛɛnɛ, min mɛnɛn bɛ́ a kio, ǹ tumaa na á goã n lɛ dii ǹ nə́ pii: «Kii Davida tɔrɔ da ka n bǐɛ̃ nɛ! Min mɛn bɛ́ die ka wɔa Dɛnaa tɔ nɛ, Lawa die a barka wɔ a nɛ! Wɔsɛn tá fòo diɛ Lon a Lawa nɛ!»

Marki 11:9

Ǹ bɛ́ woe, min mɛnɛn bɛ́ a nyɛɛnɛ, ǹ mɛnɛn dɔn bɛ́ a kio, maǹ nə́ goã ǹ lɛ dii ǹ nə́ pii: «Lawa da ka n bǐɛ̃ nɛ! Min mɛn bɛ́ ke die ka wɔa Dɛnaa tɔ nɛ, Lawa barka wɔ a nɛ!

Luku 19:38

Maǹ nə́ goã pii kɛnɛn: «Kii ke die ka Dɛnaa tɔ nɛ, Lawa barka wɔ bɛ nɛ! Là nyantoro tá lon, gugurubaa goã lon a Lawa gole wɔ lɛa!»

Zaã a sɛ́wɔ 11:27

Marti ná a lɛ si: «Hiĩ, Dɛnaa, má golee li máa n din ni Minin Nyin-sili lɛ lɛa, ma n Lawa a Nɛgiĩ lɛa, min mɛn doamaa bɛ́ nɛ a da kanaa gɔ́ɔ̃ nɛ.»

Zaã a sɛ́wɔ 12:13

Ǹ nə́ sèwo luun goa ǹ nə́ woo n da lɛ, ǹ nə́ goã n lɛ dii: «Lawa da ka n bǐɛ̃ nɛ! Min mɛn bɛ́ die ka Dɛnaa tɔ nɛ, Lawa barka wɔ n nɛ! Lawa barka wɔ Izirayelin kii lɛ nɛ!»

Zaã a sɛ́wɔ 16:14

Á re maa gugurubaa nyɛɛ, a giala, a n die masɛ din wɔ sii a pɛ ka nɛ.

Zaã a sɛ́wɔ 4:21

Yezu tɔ́n pɛ nɛ: «Lɔ lɛɛ, golee masɛ li. Biikoo kɔ́n tá re doe, ka bie re Díi Lawa guguru koe Samarii kele kɛ la wa hinlaa Zeruzalɛmu kiwi wa.

Zaã a sɛ́wɔ 6:14

Minin bɛ́ ǹ nə́ bɛa kaãbaa ǹ sii kɛ lɛ yɛ á n zɛnaa, ǹ nə́ tɔ́n pɛ: «Lawa a boo gii-dali mɛn doamaa bɛ́ a da kanaa gɔ́ɔ̃ nɛ, a din lɛ n ka kɛ-n sonbore!»

Zaã a sɛ́wɔ 7:31

Zaman lɛ bii, min gigiã golee li, ǹ nə́ goã pii: «Bɛ̀ Minin Nyin-sili lɛ daa ǹ mɛn waáraa, Lawa nə n lɛ kɔ ka ǹ mɛn lɛ nɛ, a n die kaãbaa ǹ siin zɛnɛɛ a la giĩ kɛ wɔn manɛ?»

Ebrəə 10:37

A giala, Lawa a boo n pii: «Kànaa ka biikoo boɛɛn nɛ, min mɛn bɛ́ die, bɛ á re doe, a re beleboe wa.