Matiə 11:23 - LAWA A BOO SONBORE 2011

²³ Kasɛn Kafaranaamu minin kɛn man taasɛ mà ka n die gole koe yǎa Lawa ganaa? Ka n die gisĩ yǎa bɔ̀nbaa ǹ tɛ gole kɛ nɛ. A giala kaãbaa ǹ siin mɛnɛn bɛ́ ǹ nə́ n zɛnaa kaa piɛ, bɛ̀ bɛn man nə́ n zɛnaa Sodɔmu, kiwi kɛ lɛ Lawa ziziɛ̃ ka tɛ nɛ, bɛ̀ a tá tɔn a tan haalɛ pelo.

LAWA A BOO SONBORE

²³ Kasɛn Kafaranaamu minin kɛn man taasɛ mà ka n die gole koe yǎa Lawa ganaa? Ka n die gisĩ yǎa bɔ̀nbaa ǹ tɛ gole kɛ nɛ. A giala kaãbaa ǹ siin mɛnɛn bɛ́ ǹ nə́ n zɛnaa kaa piɛ, bɛ̀ bɛn man nə́ n zɛnaa Sodɔmu, kiwi kɛ lɛ Lawa ziziɛ̃ ka tɛ nɛ, bɛ̀ a tá tɔn a tan haalɛ pelo.

Matiə 11:23 ပူးပေါင်းရင်းမြစ်များ

Siin Giala 13:13

Bɛa kiwi lɛ dɔ a minin man nə́ goã we Lawa lon parsiini, ka ǹ zɛnaa ǹ sii babaraan nɛ.

Busii pɛ 2:1

Ebe! Dɛnaa Lawa a foo-busii kɛ taman yii, á *Siɔn da wɔlɔ tì li. A foo bɛ́ á yoo Siɔn li, á n toa lon sɔsɔɔ, á Izirayeli a gugurubaa kɛ zũ tán. A foo-yoo taman yii, a yiri bɔ a kion kɛ din ni, a doamaa bɛ nɛ a giã ǹ mɛn lɛ nɛ.

Ezekieli 26:20

Bɛa biikoo li, lɛlɛ minin kɛn yala-n, ma á re n diɛ kun ka bɛn nɛ. Ma á re tán giulun kɛ biɛ n giã ǹ bǎã lɛa. Min mɛnɛn bɛ́ yala-n, n tá re goɛ̃ kun ka bɛn nɛ, n nə n baa ka kɛbɔlɔ zizi á ke lɔn, màn mɛn bɛ́ toɛ, min din baran giã n nɛ doo wa, n nyan bǎã yɛ yiikoonaan kanaa kɛ-n doo wa.

Ezekieli 31:14

Bɛ na á n zɛnaa, màn mɛn bɛ́ toɛ, da mɛn bɛ́ ǹ nə́ mu kiɛ a ganaa á n boe, bɛ baran n din saa lon, ka a mìi la daa a dɔ labaran ganaa wa. Ka bɛ dɔ nɛ, ta mu na á la a yii ni, a baran n saa din gole kɔ li, a n din soɛ kɔ ǹ miãn man wa. A giala, dan nɛ ka minbuiinin ni, ǹ tumaa n die giɛ̃, ǹ tumaa n die woe tán giulun, minbuiinin woo ǹ bǎã kɛ nɛ yala-n.»

Ezekieli 32:18

– Minbuiin a nɛ, makara bɔ ǹ wuu pɛ Ezipti gána a zaman kɛ la. Wuu pɛ n Ezipti minin lɛn da zii, ǹ wo kun ka tɔrɔ kakan kɛn minin ni tán giulun, geren bǎã nɛ.

Ezekieli 32:24

Elamun kii kɛ dɔ n walan, kun ka a sɔraasin tumaa nɛ. A yala lɛ na a sɔraasin lɛn wɔ bii, ǹ nə ǹ mɛnɛn tumaa dɛ zia la. Soroman lɛn nə́ wɔ tán giulun, ǹsɛn mɛnɛn lɛn nə goã nyɛ́ɛ kiɛ minin ganaa, yiikoonaan kanaa kɛ nɛ. Ǹ dɔn gã n ke ka min gialakunun wɔn bɛ́ lɔn, bɛ n sìi lɛa ǹ mìi ni, ǹ nə́ woe ne.

Abdiasi 1:4

Haalɛ ta ma nə ń piɛ̃, ń woo lon ka giogialatã-a bɛ́ lɔn, á kɔɔ̃nɛ, n wo n kii dɔ lon a leeren bii, man die n boe walan, ma n da tán! Ma din Dɛnaa Lawa a da ǹ boo ne.

Matiə 10:15

Lawa bɛ́ re kiri we Sodɔmu laanka Gomɔɔrɔ kiwi min baraan kɛn ganaa ǹ mɛn pinaa, bɛn dɔlɔ á re goɛ̃ puusə ǹ wɔ ganaa.

Matiə 16:18

Bɛ lɛ taman yii, man pii n dɔ Piɛrɛ nɛ: «Ma n Piɛrɛ lɛa (bɛ giala mà gɛ̀taã). Masɛ n die maa sɔmɔ giala koɛ bɛa gɛtaã lɛ la. Haalɛ gɛ̀ din ba re màn kɔ́n zɛnɛɛ a minin man wa.

Matiə 17:24

Ǹ bɛ́ ǹ nə́ dɔ Kafaranaamu kiwi, min mɛnɛn bɛ́ Lawa a kion a nyin giɔ̀mɔ sii lɛ tunaa nɛ, bɛn nə́ nɔ̀n da Piɛrɛ la: «Kaa Mìinaa lɛ a Lawa a Kion a nyin giɔ̀mɔ sarɛɛ wa ya?»

Matiə 4:13

A golee Nazarɛti kiwi wa. A na á kiɛ̃ á woo giã Kafaranaamu. Bɛ n Galilee tà lɛkoro-a ǹ kiwi goon lɛa, Zabulɔn laanka Nɛfutalii gána nɛ.

Matiə 8:5

Yezu bɛ́ we Kafaranaamu kiwi ǹ mɛn waáraa, Rɔmu minin sɔraasi paabiɛ mìilandɛnaa goon nə́ n zɔ̃ á dɔ a li,

Luku 10:15

Nsɛ Kafaranaamu kiwi ganaa, ma n taasɛ mà n tá re gole koe, yǎa n doe Lawa ganaa? Haayii! N tá re gisĩ yaa bɔ̀nbaa ǹ tɛ gole kɛ nɛ.»

Luku 14:11

A giala min woo min, a tá n din siɛ lon, Lawa á re bɛ gisĩ, min mɛn bɛ́, n din boɛɛn koe, Lawa á re bɛ siɛ lon.

Luku 16:23

Pàãma lɛ bɛ́ yii wɔ̃ ǹ bǎã-n geren piɛ, á n yii saa lon á Abrahamu yɛ sɔsɔɔ, Lazaarɛ ná a genli.

Luku 4:23

Yezu tɔ́n pɛ ǹ nɛ: «Ma á doɛ̃ máa ka ǹ die suusu kɛ lɛ diɛ masɛ ganaa: Dagòã-dali, n din a busu nya bɔrɔ. Siin mɛnɛn yii nə n zɛnaa Kafaranaamu kiwi, wɔ́ ǹ ma, bɛ lɛ miã dɔ zɛnaa n din a piɛ kəni.»

Nya ǹ dín 2:27

máa n ba re ma toɛ geren li wa, ma bɛ́ n din a dí-nyali bɔlɔgoondɛnaa lɛa, n ba re toɛ ma gere bɔɔ̃ wa.

Nya ǹ dín 2:31

Lawa bɛ́ re sii mɛn zɛnɛɛ, Davida na á saa lɛlɛ á bɛ yɛ. Á yɛ mà Lawa á re Minin Nyin-sili yii kiɛ. A na á bɛ lɛ boo da mà «Lawa ba re toɛ geren li wa, a re toɛ a gere bɔɔ̃ wa.»

Zude 1:7

Doo, Sodɔmu laanka Gomɔɔrɔ kiwi babaraan kɛn, ka ǹ lɛ-a ǹ kiwin dɔn nə́ zɛnaa, ka lon a dia dí-a wolen lɛn wɔ bɛ́ lɔn. Ǹ nə́ n dinin kɔ naarɛbaa la, siin mɛnɛn bɛ́ ǹ ba kɔnboe ka zɛnaa-n wa, maǹ nə́ goã giɛ li ǹ bɛn zɛnaa. Pelo, tɛ nyabaã wole nə ǹ mìi-n dɔlɔ lɛa, bɛ n sii lɛa a nə́ n gɔn wɛɛ min tumaa nɛ.

Sii-nyaan 1:18

Ma din nə yiikoonaa lɛa. Má goã má gã, sɛnɛ, kanna man goɛ̃ ma yii n koo yǎa duduu. Gɛ̀ a lɛduə̃ ǹ pàã n masɛ din gɔn, ka geren piɛ tumaa wɔ nɛ.

Sii-nyaan 11:8

Ǹ bɛ́ ǹ nə́ Dɛnaa dere gɔn ganaa kiwi gole mɛn nɛ, ǹ geren tá re goɛ̃ tán-a bɛa kɔn yɛ ǹ bǎã nɛ. A din kiwi kɛ lɛ nɛ ǹ nə́ bíi ka tɔ giməə ne, mà "Sodɔmu", ka "Ezipti".

Sii-nyaan 20:13

Yìsi mu gole ná a geren kɔ. Gɛ̀ laanka geren piɛ dɔ ná a geren kɔ. Ǹ nə́ didie tumaa a kiri kuru a nya ǹ dí li.

Sii-nyaan 6:8

Ma bɛ́ giɛ, má sùi fu kəwuu yɛ. Min mɛn bɛ́ á dii la, maǹ bíi "Gɛ̀", min mɛn bɛ́ a kio, bɛ tɔ n "Geren Piɛ". Ǹ nə́ pàã kɔ ǹ la mà ǹ wo tán talakɔn siibaa ǹ wɔ a minbuiinin dɛ ka gɔya sa nɛ, ka bòo ne, ka busu ni ka don siĩ baraan mɛnɛn bɛ́ tán la.