Matiə 10:23 - LAWA A BOO SONBORE 2011

²³ Bɛ̀ minin nə́ fuu nyaa ka nɛ kiwi mɛn nɛ, ka baa si ka wo kiwi kɔsɔ nɛ. Man pii ka nɛ, sonbore: Ka laan bɛ̀ ka Izirayeli kiwin kɛn tumaa kaa kɔn la ka nya, bɛ̀ masɛ Min a Nɛgiĩ wusoo má daa.

LAWA A BOO SONBORE

²³ Bɛ̀ minin nə́ fuu nyaa ka nɛ kiwi mɛn nɛ, ka baa si ka wo kiwi kɔsɔ nɛ. Man pii ka nɛ, sonbore: Ka laan bɛ̀ ka Izirayeli kiwin kɛn tumaa kaa kɔn la ka nya, bɛ̀ masɛ Min a Nɛgiĩ wusoo má daa.

Matiə 10:23 ပူးပေါင်းရင်းမြစ်များ

Zeremii 26:21

Uria boo mɛn da, kii Zozakimu laanka a sɔraasin goledɛnan tumaa, ka a gána nyɛɛnaandɛnan nə́ bɛ ma. Kii lɛ tɔ́n zɔɔ̃ li, mà a Uria nyin bɔ. Uria bɛ́ á bɛ ma, nyɛ́ɛ kũ, á baa si á woo Ezipti gána nɛ.

Matiə 16:27

A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Matiə 16:28

Masɛ n pii ka nɛ, sonbore, kasɛn mɛnɛn bɛ́ kànaa, ka tɛnɛn yii á die Min a Nɛgiĩ yii die kii lɛa ka tɔn gã.»

Matiə 2:13

Doɛ̃ wolen lɛn woo kio, Dɛnaa a dia dí-a wole goon nə́ bɔ lon á daa n din nyaa Zozɛfu ni ka narɛɛ nɛ, á pɛ nɛ: «Yoo, n nɛ lɛ laanka ǹ dan saa n baa si n wo Ezipti gána nɛ. Giã walan, yǎa ma wusii pii ni máa n nə n bɔyaa n daa. A giala, Erɔdi á re giɛ nɛ lɛ li mà yǎa asɛ dii.»

Matiə 23:34

Bɛ lɛ na á toa, ka n too kɔ: Man die Lawa a boo gii-dalin laanka yiridɛnan diɛ ka la ka Lawa a boo-dɔ̃lin ni. Ka tá re ǹ tɛn dii ǹ gã, ka ǹ tɛn dere gɔn ganaa, ka á re ǹ tɛn duduwii ka sɔsɔrɔ nɛ kaa lɛsɔkɔn kionən ne, ka ǹ tɛn loo ka kiwin kakaa kɔn la ǹ nɛ, ka fuu nyaa ǹ yii ni.

Matiə 23:36

Man taãn pii ka nɛ: Bɛa gɛ̀-dɛn kɛn lɛn tumaa a dɔlɔ á die pelo minbuiinin lɛn kuĩ!

Matiə 24:27

La a tɛ pɛ bɛ́ n toɛ lɛ̀nyɛɛn lɔn bɛa wo yǎa lɛ̀giala-n, bɛ̀ minin yii yɛ, Min a Nɛgiĩ a wusoo a daa n die n biɛ miɛ̃.

Matiə 24:30

Bɛa biikoo li, Min a Nɛgiĩ a daa a sii a kɔnbɔ á die soe lon. Kanaa a tɔrɔn tumaa á re n lala diɛ. N tá re Min a Nɛgiĩ yii labaran la, ka pàã gole laanka gugurubaa gole ne.

Matiə 24:34

Man pii ka nɛ, sonbore: Pelo minin kɛn ba re giɛ̃ ǹ nya, bɛ̀ bɛa sii kɛ tumaa ná a n zɛnaa wa.

Matiə 24:48

Sɛnɛ, bɛ̀ dí-nyali baraa mɛn nɛ, a n pii a din gɔ́ɔ̃ nɛ, maa dɛnaagiĩ a die wusii sisia wa,

Matiə 25:13

Yezu tɔ́n pɛ ǹ nɛ: – Ka n yii toa koo, a giala, ka a bɛa pinaa doɛ̃ wa, ka ba a biikoo dɔ doɛ̃ wa.

Matiə 26:64

Yezu tɔ́n pɛ nɛ: «Ka n pɛ lɔn. Sɛnɛ, masɛ n pii ka nɛ: A saa sisia ganaa, ka á re Min a Nɛgiĩ yii giã-n tán Lawa Pàãyiidɛnaa gusin, ka á re masɛ yii dɔn die lon a labaran la.»

Matiə 4:12

Yezu bɛ́ á ma mà ǹ nə́ Zaã kũ ǹ nə́ da kòso-n, á n zɔ̃ á woo Galilee gána nɛ.

Marki 13:26

Bɛa biikoo li, ka á re Min a Nɛgiĩ yii die labaran bii, ka pàã gole ne, ka gugurubaa nɛ.

Luku 18:8

Ma n pii ka nɛ, a n die bǐɛ̃ zɛnɛɛ ka nɛ fufuu. Sɛnɛ, Min a Nɛgiĩ bɛ́ re die ǹ mɛn waáraa, á re die yiɛ bɛ̀ kanaa minin nə́ tɔn golee-n li, ǹ nə́ n yii diɛ a daa la?»

Luku 21:27

Bɛ kio kəni, ka á re Min a Nɛgiĩ yii die labara la, ka pàã gole laanka gugurubaa gole ne.

Zaã a sɛ́wɔ 7:1

Bɛ kio, Yezu goã n bibiĩ Galilee gána nɛ. Bibiə̃ Zudee gána-n goã kɔɔ̃n a ganaa wa, a giala, Zuifun pàãdɛnan man nə́ goã giɛ li mà ǹ dɛ.

Nya ǹ dín 17:10

Tèlò bɛ́ á kɔ, dɔɔ̃n Lawa-nyankɔlen lɛn nə́ Pooli laanka Silaasi bɔ ǹ nə́ ǹ da zii, ǹ nə́ woo Beere kiwi. Ǹ bɛ́ ǹ nə́ dɔ walan, ǹ nə́ woo Zuifun lɛsɔkɔn kion.

Nya ǹ dín 17:14

Fufuu fufuu gɔrɔ, dɔɔ̃n Lawa-nyankɔlen lɛn nə́ Pooli bɔ ǹ nə́ dia yaa tà lɛ-a, sɛnɛ, Silaasi laanka Timote sɛ goã.

Nya ǹ dín 20:1

Sii lɔlɔkɔn lɛ bɛ́ á kiɛ̃, Pooli lɛ dia Lawa-nyankɔlen lɛn la á ǹ foo taã. Bɛ kio, á fòo da ǹ nɛ, á zii kũ á woo Masedoanɛ gána nɛ.

Nya ǹ dín 8:1

Itian dɛ a gã kɛ lɛ kɔɔ̃n kɔ Sooli dɔ ganaa. A din pinaa kɛ lɛ nɛ, fuu gole yoo Lawa a sɔmɔ gialaa Zeruzalɛmu kiwi. Bɛ̀ á n bɔ dia dí-a wolen kɛn nɛ, Lawa-nyankɔlen lɛn tumaa sasawaa, ǹ nə́ woo Zudee gána bǎã gialakunun ni ka Samarii gána nɛ.