Matiə 1:16 - LAWA A BOO SONBORE 2011

¹⁶ Zakɔba na á Zozɛfu yɛ. Zozɛfu na á Mariya ǹ zuũ baa. Ǹ bɛ́ Yezu mɛn bíi Krita, Mariya na á bɛ yɛ.

LAWA A BOO SONBORE

¹⁶ Zakɔba na á Zozɛfu yɛ. Zozɛfu na á Mariya ǹ zuũ baa. Ǹ bɛ́ Yezu mɛn bíi Krita, Mariya na á bɛ yɛ.

Matiə 1:16 ပူးပေါင်းရင်းမြစ်များ

Matiə 1:15

Eliwudu na á Eleyazaara yɛ, Eleyazaara na á Matan yɛ, Matan na á Zakɔba yɛ,

Matiə 16:16

Simɔn mɛn tɔ bɛ́ Piɛrɛ, bɛ tɔ́n nə n toa: «Ma n Minin Nyin-sili lɛa, Lawa bɛ́ a pɛ mà asɛ á re ǹ mɛn lɛ diɛ, ma n Lawa yiikoonaa a Nɛ lɛa.»

Matiə 16:20

Bɛ kio, Yezu nə́ n gɔn waa a kialandɛnan manɛ mà ǹ nyan toa ǹ pɛ min kɔ́n yii ni, mà asɛ n Minin Nyin-sili lɛa wa.

Matiə 2:13

Doɛ̃ wolen lɛn woo kio, Dɛnaa a dia dí-a wole goon nə́ bɔ lon á daa n din nyaa Zozɛfu ni ka narɛɛ nɛ, á pɛ nɛ: «Yoo, n nɛ lɛ laanka ǹ dan saa n baa si n wo Ezipti gána nɛ. Giã walan, yǎa ma wusii pii ni máa n nə n bɔyaa n daa. A giala, Erɔdi á re giɛ nɛ lɛ li mà yǎa asɛ dii.»

Matiə 27:17

Zaman lɛ bɛ́ á n lɛ sɔkɔn, Pilati tɔ́n nɔ̀n da ǹ la: «Ka ǹ giɛ li ma die da? Yezu mɛn bɛ́ ka á bíi Barabaasi, hinlaa Yezu mɛn bɛ́ ka á bíi Minin Nyin-sili?»

Matiə 27:22

Pilati tɔ́n nɔ̀n da ǹ la: «Yezu mɛn bɛ́ ǹ tá bíi Minin Nyin-sili, ma wàa zɛnaa bɛ nɛ?» Ǹ dinin tumaa nə́ n toa: «A dere gɔn ganaa!»

Marki 6:3

A din da-sɛlɛli kɛ lɛ bie wa ya? Mariya a nɛ kɛ lɛ bie wa? Ǹ dɔɔ̃ngiĩ bie ka Zaaki ni, ka Zoze ne ka Zude laanka Simɔn nɛ wa? Ǹ miãnɛnɛn bie ke kun ka wɔsɛn nɛ kànaa wa ya?» Bɛ lɛ na á toa, ǹ nə́ n piã nɛ.

Luku 1:27

A na á dia nɛniɛ goon li, a tɔ n Mariya, Mariya lɛ na á goã Zozɛfu a lɔ wɔsiɛ lɛa, bɛa Zozɛfu lɛ na á goã kii Davida tɔrɔ lɛa.

Luku 2:48

Ǹ di laanka ǹ dan bɛ́ ǹ nə́ yɛ, bɛa sii lɛ nə́ ǹ tɔwaa parsiini, ǹ dan nə́ tɔ́n pɛ nɛ: «Maa nɛ, wàa na á baa ń kɛ zɛnaa wɔsɛn manɛ? N di laanka masɛ gɔ́ɔ̃ biimaa nɛ, bɛ̀ wɔ á giɛ n li.»

Luku 2:7

A ná a gɔn binaa nɛ lɛ yɛ, nɛgiĩ lɛa. Á mɔnaa gɔnɔn pɛnɛ a ganaa. Ǹ bɛ́ tɔɔn kion mɛn nɛ, á naa bɛa tɔɔn lɛn màn bii ǹ goo ne, a giala, bǎã yɛ ǹsɛn wɔ lɛa, tiin yu ǹ kion kɔ́n nɛ wa.

Luku 3:23

Yezu bɛ́ a dí giala koe, bɛ̀ a lɛ̀ pɔsɔɔ kɛ miã nɛ. Yezu n digolo bibinaan man ka kɛn nɛ: Aadã nɛ, min mɛn bɛ́ Lawa zɛnaa, bɛ kio Sɛɛti, Enɔɔsi, Kayinamu, Maleleeli, Zarɛdi, Enɔɔki, Matuuselaa, Lamɛki, Nowee, Sɛmu, Arpaksaadi, Kayinamu, Saalaa, Ebɛɛrɛ, Falɛki, Rago, Seruku, Nakɔɔrɔ, Taaraa, Abrahamu, Izaaki, Zakɔba, Zudaa, Farɛsi, Esirɔmu, Arnii, Admɛn, Aminaadaabuu, Naasɔn, Saalaa, Boozi, Obɛdi, Zesee, Davida, Natan, Matataa, Mɛnaa, Meleyaa, Eliakimu, Zonaamu, Zozɛfu, Zudaa, Simiɔn, Levii, Maati, Zorimu, Eliezɛrɛ, Zozoe, Erii, Ɛlmadamu, Kozamu, Adiidi, Mɛlaki, Nɛrii, Salatieli, Zorobabeli, Reza, Zoanan, Zodaa, Zozɛki, Sɛmɛyini, Matatiasi, Matati, Nagayii, Esili, Nahumu, Amɔɔsi, Matatiasi, Zozɛfu, Zanayi, Mɛlaki, Levii, Matati, Yilii, Zozɛfu. Bɛa Zozɛfu lɛ nɛ, minin man nə́ goã biɛ Yezu ǹ di lɛa.

Luku 4:22

Min din tumaa na á goã Yezu laakalɛɛ. Bɛa Lawa a bǐɛ̃baa ǹ boo kɛ kaãbaa da min tumaa ganaa. Sɛnɛ, bɛa boo kɛ a bɔ asɛ lɛ-n kɛ lɛ na á ǹ tɔwaa. Maǹ nə́ goã pii kɔn nɛ mà Zozɛfu a nɛ kɛ lɛ bie wa?

Zaã a sɛ́wɔ 4:25

Lɔ lɛ tɔ́n pɛ Yezu ni: «Ma á doɛ̃ máa Lawa a die Minin Nyin-sili diɛ, ǹ nə́ bíi *Krita. Bɛ̀ bɛ daa ǹ mɛn waáraa, á die sii din tumaa yɔrɔ nyɛɛ wɔsɛn manɛ.»