Matiə 1:1 - LAWA A BOO SONBORE 2011

¹ Yezu *Krita n kii Davida laanka Abrahamu tɔrɔ lɛa. Ǹ digolon tɔn nə́ ke:

LAWA A BOO SONBORE

¹ Yezu *Krita n kii Davida laanka Abrahamu tɔrɔ lɛa. Ǹ digolon tɔn nə́ ke:

Matiə 1:1 ပူးပေါင်းရင်းမြစ်များ

Siin Giala 12:3

Bɛ̀ min mɛnɛn nə́ lɛn bǐɛ̃ bíi n li, ma á re lɛn bǐɛ̃ bíi bɛa dɛnan li. Bɛ̀ min mɛnɛn nə́ lɛn pipiã bíi n li, ma á re lɛn pipiã bíi bɛa dɛnan li. Kanaa a tɔrɔn tumaa wɔ á re bǐɛ̃ koe n wɔ gɔ́ɔ̃ nɛ.»

Siin Giala 2:4

Lawa lon laanka tán da lɔn, bɛ lɛa boo n ka bɛ nɛ. Dɛnaa Lawa bɛ́ á tán laanka lon zɛnaa ǹ mɛn waáraa,

Siin Giala 22:18

Kanaa a tɔrɔn dinin tumaa á die lɛn bǐɛ̃ bíi kɔn li ǹ pɛ: «Lawa barka wɔ n nɛ ka Abrahamu tɔrɔn wɔ bɛ́ lɔn.» A giala, ń masɛ bɔlɔ si.

Siin Giala 5:1

Aadã a kɛdɛnan sɛ́wɔ á ke: Lawa bɛ́ á minbuiin nɛ zɛnaa ǹ mɛn pinaa, a na á zɛnaa a din a kɔnboe lɛa.

Loen 132:11

Dɛnaa Lawa nə́ n liɛ Davida nɛ, taãn dɔ nɛ, a die n lɛ boe wa. A liɛ mɛn wɔ, á ke: N din gɔ́ɔ̃gɔ́ɔ̃ ǹ nɛ nɛ, ma á re koɛ n kii dankan lɛ la.

Loen 89:3

Hiĩ, man pii: N bǐɛ̃ duduu kɛ n goɛ̃ miɛ̃. Lon gɔ́ɔ̃ nɛ, ń nə́ n peperebaa koa. N kɔn-narɛɛ gole kɛ dɔ giala n we-n ka kaka, ka lon bɛ́ lɔn.

Loen 89:36

Man má bɛa liɛ kɛ lɛ wɔ, gunyin goon toto, má koa ma din Lawa a siĩnbaa kɛ la. A na a tan yǎa duduu, ma a re Davida bebele wa.

Izayii 11:1

Nɛgiĩ á re yii Zesee tɔrɔ basa nɛ, ka da giala piri zizi bɛ́ lɔn gɔn ten boe. A gòonən tá re gɔn dii boe.

Izayii 53:8

Ǹ nə́ kũ, ǹ nə́ kiri wɔ a ganaa, ǹ nə́ dɛ. Sɛnɛ, a din a waáraa minin bii, die na á n yiri kɔ bɛ li. Sonbore, maǹ nə́ dɛ ǹ nə́ bɔ yiikoonaan bii. Ǹ nə́ dɛ á gã, a zaman a sii baraan taman yii.

Zeremii 23:5

Á ke, lɛawaan tá re doe, Dɛnaa Lawa a da ǹ boo ne, Davida tɔrɔ taãn tá re yii, a kiibaa zɛnaa, ka yiridɛnaabaa nɛ. Á re peperebaa laanka sonborebaa zɛnɛɛ gána lɛ nɛ.

Zeremii 33:26

Bɛa yɔrɔ lɛ la ma á boe la ma Zakɔba a sumu kɛ toa walan ka maa dí-nyali Davida wɔ kɛ nɛ? Ma á boe la man piã máa maa kiãn boe ǹ bii, ǹ mɛnɛn lɛn bɛ́ re Abrahamu laanka Izaaki ka Zakɔba a nɛnyaanan nyɛɛnaan boe wa? Haayii! Ǹ makara n boe ma ganaa, man die ǹ lɛlɛ ǹ giã ǹ gɔn koe ǹ la.»

Amɔɔsi 9:11

Dɛnaa Lawa n kɛ pii: "Davida a kiwi" kɛ n ka mɔnaa zìã bɛ́ lɔn, á ziziɛ̃. Sɛnɛ bɛa pinaa kɛ lɛ nɛ, yala bɛ́ a kungɔn kɛa paǹan mɛnɛn ganaa, ma á re bɛn titiɛ̃. A bǎãn mɛnɛn nə kaa, ma á re wusii ma bɛn dɔ. Ma á re goɛ ma koa lon, a goã ka a bɛ́ lɔn lɛlɛ.

Zakarii 12:8

Bɛa waáraa kəni, Dɛnaa Lawa á re Zeruzalɛmu minin tamɛɛ: Pàã n die goɛ̃ ǹ pàãwɛɛnaan lon ka Davida bɛ́ lɔn. Davida a sumu minin man die goɛ̃ ka Lawa bɛ́ lɔn, ka Dɛnaa Lawa a lon a dia dí-a wole bɛ́ lɔn.

Matiə 1:18

Yezu Krita a yɛ ǹ gɔn nə ka kɛ nɛ: Ǹ dan Mariya lɛ na á goã Zozɛfu a lɔ wɔsiɛ lɛa. Ǹ laan bɛ̀ ǹ giã kun, á daa yaa bɛ̀ Mariya nɔ̀ si ka Lawa a Yiri Fu pàã nɛ.

Matiə 1:2

Abrahamu na á Izaaki yɛ, Izaaki na á Zakɔba yɛ, Zakɔba na á Zudaa laanka ǹ dɔɔ̃nɔn yɛ,

Matiə 15:22

Kanaan lɔ goon dɔ goã giã-n walan, á daa Yezu li á n lɛ dɛ a ganaa: «Mìinaa, kii Davida tɔrɔ, makara bɔ masɛ ganaa! Nɔ̀ɔnɔn man maa nɛlɔ ganaa, a giã ǹ gɔn ba siĩn duduu wa!»

Matiə 3:16

A bɛ́ á batɛmu da a ganaa, Yezu soo á n bɔ mu li. A din bǎã-n gɔrɔ, lon nə́ n lɛ bũ, Yezu Lawa a Yiri Fu yɛ ka zɛrɛkantoan bɛ́ lɔn gisĩ die a din la.

Matiə 9:27

Yezu soo á n bɔ walan. A bɛ́ kiɛ̃ bǎã kɔ́n nɛ, yii tere-a min paa yoo, ǹ nə́ kɔ lɛ ka lɛ-dɛ nɛ, ǹ nə́ pii: «Kii Davida tɔrɔ, makara bɔ wɔsɛn ganaa!»

Luku 1:33

A n die giɛ̃ Izirayeli tɔrɔ minin mìi la yǎa duduu, a kiibaa a re nyɛɛ wa.»

Zaã a sɛ́wɔ 7:42

Mà Lawa a boo bie pii mà a n die kii Davida tɔrɔ biɛ, a yɛ Davida a kiwi Bɛtlehɛmu, wa ya?

Nya ǹ dín 2:30

Sɛnɛ, Davida na á goã Lawa a boo gii-dali lɛa, á dɔ̃ mà Lawa nə́ n liɛ asɛ nɛ ka sonbore tumaa nɛ, mà á re a tɔrɔ min boe a nɛnyaanan bii, a koa a kii dankan la.

Rɔmu minin 1:3

Bɛa Boo Tii Kɔɔ̃n lɛ n boo diɛ a din a Nɛgiĩ Yezu Krita wɔ gɔn la. Wɔa Dɛnaa Yezu kɛ lɛ kii Davida tɔrɔ lɛa, gɔ̀nɔn siĩ wɔ gɔn la,

Rɔmu minin 4:13

Sonbore, Lawa na á n lɛ kɔ Abrahamu la, mà asɛ n die kanaa din tumaa koe a nɛnyaanan la ǹ wɔ lɛa. Lawa na á n lɛ kɔ Abrahamu la kɛnɛn, Abrahamu a kɔ Lawa a dí-pɛn lɛ a lɛa bie wa. Sɛnɛ, Lawa din bɛ́ á ga a ganaa min pepere lɛa, a golee Lawa li mɛn a lɛa ke, bɛ taman yii ni.

Rɔmu minin 9:5

Ǹ dinin lɛn man wɔ digolo Abrahamu laanka Izaaki ka Zakɔba a nɛnyaanan lɛa. Haalɛ wɔ Nyin-sili Yezu Krita dɔ dinmaa lɛ nə ǹ dinin tɔrɔ min lɛa, gɔ̀nɔn siĩ wɔ gɔn la. Krita lɛ n Lawa lɛa, a din nə màn tumaa mìi la. Gugurubaa na a wɔ lɛa yǎa duduu. A n miɛ̃!

Galaasi minin 3:16

Lawa na á lɛ-kɔ ǹ boon da Abrahamu ni ka a tɔrɔ nɛ. A bie á pɛ mà "ka a tɔrɔn nɛ", ka n pɛ mà a n min gigiã ganaa wa. Sɛnɛ, mà "ka a tɔrɔ nɛ". A n min goon toto nyɛɛ, bɛ n ka Krita nɛ.

Timote1 2:5

A giala, Lawa goon toto na a tan, zɛlɛ goon toto dɔ na a tan Lawa laanka minbuiinin bii ni, minbuiin nɛ lɛa: Yezu *Krita nɛ.

Timote2 2:8

N yiri nyan bɔ ka Yezu Krita-n wa. A kɔnpɛ ka Boo Tii Kɔɔ̃n kɛ-n ma á pii, a din lɛ yii na á kaa á n bɔ geren bii, a din lɛ n kii Davida tɔrɔ lɛa.

Sii-nyaan 22:16

Ma din Yezu má lon a dia dí-a wole dia máa a da bɛ lɛ tumaa pɛ Lawa a sɔmɔn minin manɛ. Masɛ n Davida tɔrɔ lɛa, ma ń baayɛlɛ a leere tɛ-pɛle lɛa.