Marki 9:47 - LAWA A BOO SONBORE 2011

⁴⁷ Bɛ̀ n yii goon tá n diɛ sii baraa nɛ, a gɔsɛ n bɔ n yɔrɔ nɛ. A giala, n wo giã Lawa a kiibaa ǹ bǎã nɛ ka n yii goon ne, bɛ á sóɛ, n nə n yiin paanan toa ǹ yɔrɔ nɛ n wo ǹ ne tɛ-n.

LAWA A BOO SONBORE

⁴⁷ Bɛ̀ n yii goon tá n diɛ sii baraa nɛ, a gɔsɛ n bɔ n yɔrɔ nɛ. A giala, n wo giã Lawa a kiibaa ǹ bǎã nɛ ka n yii goon ne, bɛ á sóɛ, n nə n yiin paanan toa ǹ yɔrɔ nɛ n wo ǹ ne tɛ-n.

Marki 9:47 ပူးပေါင်းရင်းမြစ်များ

Siin Giala 3:6

Lɔ lɛ yɛ, mà da nɛ lɛ á siĩn yɔrɔ-a á la yii ni, mà a bii doamaa nɛ a goã kɔɔ̃n lɛ-n, mà min yii á boe li, mà á boe la a min yiri bũ. A ná a nɛ goon na, á bii, á ǹ kɔ́n kɔ ǹ zuũ la a li, a dɔ́ bii.

Zɔbu 31:1

Masɛ n má n liɛ, máa ma a re giɛ nɛniɛ ganaa, ma yii bɔ li wa.

Loen 119:37

Ma yii saa n bɔ sii kooron kɛn la. Tɔ wɔ ǹ gɔn mɛn bɛ́ kɔɔ̃nɛ n ganaa, toa ma bɛ saa.

Matiə 18:9

Bɛ̀ n yii goon tá n diɛ sii baraa nɛ, n gɔsɛ n bɔ n yɔrɔ nɛ n zũ sɔsɔɔ. N goã n yii n koo Lawa a piɛ n yii n goon, bɛ á soɛ n nə n yiin paanan toa n ganaa, n wusoo n wo ǹ ne tɛ-n, tɛ mɛn bɛ́ a nimi wa.

Matiə 5:22

Sɛnɛ, masɛ n pii ka nɛ, bɛ̀ min mɛn foo yoo ǹ miã li, ka doamaa nɛ ka dɔlɔ bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «N là banban,» ka doamaa nɛ ka dɔlɔ gole bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «Gàãnaa nə n nɛ!» ka doamaa nɛ ka bɛa dɛnaa da bɔ̀nbaa ǹ tɛ gole ne.

Marki 9:43

Bɛ̀ n gɔn goon tá n diɛ sii baraa nɛ, a kuru n bɔ n ganaa. A giala, n goã n yii n koo ka n gɔn goon ne Lawa a piɛ, bɛ á soɛ n nə n gɔnɔn paanan toa n ganaa n wo ǹ ne tɛ-n, nɔmaa ǹ tɛ mɛn bɛ́ a nimi wa. [

Marki 9:46

«Nyuunun mɛnɛn bɛ́ fuu nyɛɛ minin man walan, ǹ ba giɛ̃ wa, a tɛ dɔ a nimi wa.»]

Luku 14:26

«Bɛ̀ min mɛn daa kɔ masɛ lɛ, bɛ̀ a masɛ soɛ kɔ ǹ di-n wa, ka ǹ dan nɛ, ka a lɔ nɛ, ka a nɛnyaanan nɛ, ka ǹ dɔɔ̃ngiĩn ni ka ǹ dɔɔ̃nlɔn nɛ wa, haalɛ a dinmaa, ǹ dɛnaa ba boe la a masɛ a kialandɛnaa baa wa.

Zaã a sɛ́wɔ 3:3

Yezu tɔ́n pɛ nɛ: «Masɛ n pii n ni, sonbore ne: Bɛ̀ min mɛn bie a wusoo a yɛ wa, ǹ dɛnaa a boe la a *Lawa a kiibaa yɛ wa.»

Zaã a sɛ́wɔ 3:5

Yezu tɔ́n pɛ nɛ: «Masɛ n pii n ni, sonbore ne: Bɛ̀ min mɛn bie a wusoo a yɛ Lawa wɔ baa-n ka mu laanka Yiri Fu pàã-n wa, ǹ dɛnaa a boe la a wɔ Lawa a kiibaa-n wa.

Galaasi minin 4:15

Nyɛnyaa mɛn goã ka-n lɛlɛ, bɛ á maa kəni? Ma á boe la ma siére kɛ sɛ pɛ kaa lɛa. Bɛ̀ ka ǹ ká boo la, bɛ̀ ka n yii nànan waa ka ǹ kɔ ma la.