Marki 7:34 - LAWA A BOO SONBORE 2011

³⁴ Bɛ kio, á n yɔrɔ dia lon, á piɛ̃ baã ka fɔɔ, á tɔ́n pɛ giĩ lɛ nɛ: «N toon laanka n lɛ nə n bũ, (ǹ dinin bɔlɔ nɛ mà: "Efataa").»

LAWA A BOO SONBORE

³⁴ Bɛ kio, á n yɔrɔ dia lon, á piɛ̃ baã ka fɔɔ, á tɔ́n pɛ giĩ lɛ nɛ: «N toon laanka n lɛ nə n bũ, (ǹ dinin bɔlɔ nɛ mà: "Efataa").»

Marki 7:34 ပူးပေါင်းရင်းမြစ်များ

Bɔ bɛ̀rɛbaa nɛ 2:23

A bɛ́ á belebɔ bɛ kio, Ezipti gána a kii lɛ gã. Izirayeli nɛnyaanan lɛn bɛ́ nɔmaa gɔ́ɔ̃ nɛ, ǹ nə́ gini, ǹ nə́ n lɛ dɛ. Bɛa bɛ̀rɛbaa lɛ gɔ́ɔ̃ nɛ, ǹ nyankɔ dii á dɔ Lawa ganaa.

Izayii 53:3

Ǹ nə́ n la bɔ a ganaa, ǹ nə́ da ǹ gɔn dɔ̀ɔ̃ nɛ. Nɔmaa wole ne, a lɛ mui ka fuu ni. A n ka min mɛn bɛ́ min kɔn ba li mà a ga a ganaa wa. Ǹ nə́ n la bɔ a ganaa, a màn kɔn lɛa wɔ yii li wa.

Marki 1:41

A makara Yezu kũ parsiini. Yezu nə́ n gɔn saa á da a ganaa, á pɛ nɛ: «Ma tá li, máa n busu nya.»

Marki 15:34

Wasa bɛ́ á n lɛ kanaa, Yezu nə́ n lɛ dɛ kɔsɛkɔsɛ á pɛ: «Maa Lawa, maa Lawa, wàa na á baa ń masɛ toa walan?» (ǹ dinin bɔlɔ nɛ: mà "Elowii, Elowii, lema sabakatanii?")

Marki 5:41

Á wɔ kion lɛ nɛ, á nɛ lɛ kũ a gɔn ganaa, á pɛ nɛ: «Nɛnɛn lɛɛ, masɛ n pii ni, máa n yoo lon!» (Ka ǹ dinin bɔlɔ nɛ: mà «Talita kumii.»)

Marki 6:41

Bɛ kio Yezu bɛa buuru sooro lɛ laanka zɔ̀ màn paa lɛ goa, á n yɔrɔ dia lon á barka da Lawa nɛ. Á buuru lɛ yiyiɛ kɔn á kɔ a kialandɛnan lɛn la, mà ǹ gii zaman lɛ nɛ. Á zɔ̀ màn paa lɛ dɔ gii ǹ tumaa bii.

Marki 7:35

Bɛa bǎã-n gɔrɔ, giĩ lɛ toon nə́ n bũ, a lɛwɔn nə́ n fore, a ná a giala kɔ á boo da sɔnbɔraanɛ.

Marki 8:12

Yezu piɛ̃ gole baã ka fɔɔ, á pɛ ǹ nɛ: «Wàa na á baa sisia minin kɛn tá zoɛ̃ kaãbaa ǹ sii li? Masɛ n pii ka nɛ sonbore, kaãbaa ǹ sii kɔ́n din ba re n nyɛɛ ka-n wa!»

Luku 18:42

Yezu tɔ́n pɛ nɛ: «Masɛ máa n yii wɔlɔ yɛ! N din a goleemali na á n kirisibaa.»

Luku 19:41

Yezu bɛ́ á diri kiwi lɛ la á yɛ, á wuu pɛ la.

Luku 7:14

Yezu nə́ ǹ mɔrɔ á n gɔn da gere gũ ǹ piì lɛ ganaa. Min mɛnɛn bɛ́ gere lɛ guĩ, bɛn nə́ golee. Yezu pɛ nɛginin gere lɛ nɛ: «Masɛ n pii n ni, yoo.»

Zaã a sɛ́wɔ 11:33

Yezu bɛ́ á Mariya yɛ wuu pii, Zuifun mɛnɛn dɔn nə da kun ni bɛn dɔn nə́ wuu pii, á foo ziziɛ̃, á busu a ganaa.

Zaã a sɛ́wɔ 11:35

Bɛa biikoo li, Yezu yii mu bɔ.

Zaã a sɛ́wɔ 11:38

Yezu foo wusoo á ziziɛ̃ doo, á kiɛ̃ á woo yala lɛ lɛ-a. Kele kolo yala nɛ, ǹ ná a lɛ tã ka kɔlɔ nɛ.

Zaã a sɛ́wɔ 11:41

Ǹ nə́ kɔlɔ lɛ bɔ ǹ nə́ bɔ lɛ. Bɛ kio, Yezu nə́ n yii saa lon, á pɛ: «Maa Díi, ma á barka diɛ n nɛ, a giala, n masɛ lɛ si.

Zaã a sɛ́wɔ 11:43

Bɛa boo lɛ a diɛ kio, á paraa ka pã á pɛ: «Lazaarɛ, soo!»

Zaã a sɛ́wɔ 17:1

Bɛa boon lɛn diɛ kio, Yezu nə́ n yii saa lon á pɛ: «Maa Díi, biikoo dɔ. Gugurubaa kɔ n Nɛgiĩ lɛ la, màn mɛn bɛ́ toɛ, n Nɛgiĩ lɛ gugurubaa kɔ n dɔ la.

Nya ǹ dín 9:34

Piɛrɛ pɛ nɛ: «Enee ganaa, Yezu *Krita nə n busu nyɛɛ. N din yoo n nə n katara saa.» A din bǎã-n gɔrɔ, giĩ lɛ yoo á golee.

Nya ǹ dín 9:40

Piɛrɛ pɛ mà min tumaa soo. A din nə́ mɛ a musin la, á Lawa nyankɔ. Bɛ kio á n yɔrɔ dia gere lɛ la, á pɛ: «Tabita, yoo lon.» Lɔ lɛ nə́ n yii bũ, á bɛ́ á Piɛrɛ yɛ lɔn gɔrɔ, á yoo á giã a giala la.

Ebrəə 4:15

Wúlu-bɔlen kiã mɛn bɛ́ a ba wɔa pàã wɛɛnaabaa doɛ̃ wa, bɛ bie wɔ lon wa. Wɔa wúlu-bɔlen kiã lɛ damagɔ́ɔ̃li ǹ siin fuu yɛ, yɔrɔ din tumaa la ka wɔ dɔn bɛ́ lɔn, sɛnɛ, asɛ sii baraa zɛnaa wa.