Marki 3:18 - LAWA A BOO SONBORE 2011

¹⁸ Andre ne, Filipi ni, Bartelemii ni, Matiə ne, Toomaa nɛ, Alfee a nɛgiĩ Zaaki ni, ka Taadee ne, ka Simɔn nɛ (min mɛn bɛ́ zia diɛ a gána a lɛa),

LAWA A BOO SONBORE

¹⁸ Andre ne, Filipi ni, Bartelemii ni, Matiə ne, Toomaa nɛ, Alfee a nɛgiĩ Zaaki ni, ka Taadee ne, ka Simɔn nɛ (min mɛn bɛ́ zia diɛ a gána a lɛa),

Marki 3:18 ပူးပေါင်းရင်းမြစ်များ

Matiə 13:55

Da-sɛlɛli lɛ a nɛ lɛ bie ka a din kɛ lɛ-n wa ya? Mariya bie a din dan lɛa wa? A din kɛ lɛ dɔɔ̃ngiĩ bie ka Zaaki ni, ka Zozɛfu ni, ka Simɔn laanka Zudee-n wa ya?

Matiə 9:9

Yezu soo á n bɔ walan. A bɛ́ kiɛ̃, á giĩ goon yɛ giã tán-a wusuru si ǹ kion, á tɔ n Matiə. Á tɔ́n pɛ nɛ: «Kɔ ma lɛ!» Matiə yoo gɔrɔ á kɔ lɛ.

Marki 2:14

A bɛ́ kiɛ̃ kiwi gɔ́ɔ̃ nɛ, á Alfee a nɛgiĩ Levii yɛ, giã-n tán wusuru si ǹ kion. Yezu tɔ́n pɛ nɛ: «Kɔ ma lɛ.» Levii yoo gɔrɔ, á kɔ a kio lɛ.

Marki 3:17

ka Zebedee a nɛgiĩ Zaaki laanka Zaã nɛ (Yezu nə́ ǹ tɔ kɔ mà Foo Fuunaan, ǹ dinin bɔlɔ nɛ mà Boanɛrzɛsi);

Marki 3:19

ka Kariyɔtin Zudaasi ni (min mɛn lɛ Yezu kɔ a zɔ́ɔn la).

Marki 6:3

A din da-sɛlɛli kɛ lɛ bie wa ya? Mariya a nɛ kɛ lɛ bie wa? Ǹ dɔɔ̃ngiĩ bie ka Zaaki ni, ka Zoze ne ka Zude laanka Simɔn nɛ wa? Ǹ miãnɛnɛn bie ke kun ka wɔsɛn nɛ kànaa wa ya?» Bɛ lɛ na á toa, ǹ nə́ n piã nɛ.

Zaã a sɛ́wɔ 1:40

Min paa mɛn nə ǹ too kɔ Zaã a boo ganaa, ǹ nə́ kɔ Yezu kio lɛ, Simɔn Piɛrɛ n dɔɔ̃ngiĩ Andre-n ka goon ne,

Zaã a sɛ́wɔ 11:16

Ǹ bɛ́ Toomaa mɛn bíi "Diidiimu" (bɛ giala mà bɛlɛman), bɛ tɔ́n pɛ kialandɛnaa gialakunun lɛn manɛ, mà ǹ daa ǹsɛn dɔn nə n tan, ǹsɛn dɔn nə gã kun ni.

Zaã a sɛ́wɔ 14:22

Zudaasi, Kariyɔtin Zudaasi kɛ bie wa, bɛ́ tɔ́n pɛ nɛ: «Dɛnaa, ma nə n din nyɛɛ wɔsɛn man lɔn, n nə́ n ba n din nyɛɛ kanaa min gialakunun kɛn man wa?»

Zaã a sɛ́wɔ 21:2

Simɔn Piɛrɛ nɛ, ka Toomaa nɛ, ǹ bɛ́ ǹ mɛn bíi "Bɛlɛman", ka Natanayeli mɛn bɛ́ boe Kaanaa kiwi Galilee gána nɛ, ka Zebedee a nɛgiĩn ni, ka kialandɛnaa min paa kɔsɔ dɔ nɛ, bɛn man nə́ goã kun.

Nya ǹ dín 1:13

Ǹ bɛ́ ǹ nə́ dɔ kiwi, ǹ nə́ woo ǹ giã ǹ bǎã nɛ, sanabolo-n lon. Dia dí-a wolen lɛn tɔn nə́ ke: Piɛrɛ nɛ ka Zaã nɛ, Zaaki ni ka Andre ne, Filipi ni ka Toomaa nɛ, Bartelemii ni ka Matiə ne, Alfee a nɛ Zaaki ni ka Simɔn nɛ, min mɛn bɛ́ a gána sii n kaka a ganaa parsiini ke, ka Zaaki a nɛ Zude ne.

Nya ǹ dín 15:13

Ǹ bɛ́ ǹ nə́ boo da ǹ nə́ nya, Zaaki dɔ tɔ́n nə́ n lɛ bũ á pɛ: – Ma dɔɔ̃nɔn lɛn, ka n too kɔ masɛ lon.

Nya ǹ dín 21:18

A lɛawaa, Pooli woo kun wɔ nɛ Zaaki a piɛ, wɔ́ woo nyɛɛnaandɛnan tumaa yaa walan gɔrɔ.

Korɛnti1 15:7

Bɛ dɔ kio doo, á n din nyaa Zaaki ni, á tɔ́n nə n din nyaa a dia dí-a wolen tumaa nɛ.

Korɛnti1 9:5

Dia dí-a wole gialakunun kɛn bɛ́ zɛnɛɛ lɔn, ka Dɛnaa din dɔɔ̃nɔn kɛn laanka Piɛrɛ nɛ, masɛ dɔ a kɔnboe ma lɔ Lawa-nyankɔle wɔ, a n kun ma-n miɛ̃ wa?

Galaasi minin 1:19

Sɛnɛ, bɛa lɛawaan kɛn lɛn tumaa gɔ́ɔ̃ nɛ, ma kɔn yɛ ka Yezu a dia dí-a wole kɔsɔ-n wa, yǎa Dɛnaa din dɔɔ̃ngiĩ Zaaki kɛ dinsɔɔ̃.

Galaasi minin 2:9

Zaaki ni, Piɛrɛ nɛ, ka Zaã nɛ, bɛn lɛn man nə́ goã nyɛɛnaan-bɔlen lɛa. Ǹ nə́ dɔ̃ mà Lawa na á bɛa bǐɛ̃baa ǹ dí kɛ lɛ kɔ masɛ la. Ǹ nə́ n gɔn wɔ masɛ gɔn ka Barnabaasi ni. Bɛ nə́ n baa wɔa kaa kun mìi lɛa, màn mɛn bɛ́ toɛ, wɔsɛn nə wo tɔrɔ kɔsɔn li, ǹsɛn nə wo Zuifun li.

Zaaki 1:1

Masɛ Zaaki, Lawa laanka Dɛnaa Yezu *Krita a bɛ̀rɛ n sɛ́wɔ kɛ diɛ. Lawa a minin mɛnɛn bɛ́ pɛsiɛ̃-n kanaa paǹ tumaa nɛ, ka Izirayeli tɔrɔ fulupaa kɛ bɛ́ lɔn, ma á fòo diɛ ka tumaa nɛ.

Zude 1:1

Masɛ Zude mɛn bɛ́ Yezu *Krita a bɛ̀rɛ lɛa, man Zaaki ǹ diɛ̃giĩ lɛa, masɛ n sɛ́wɔ kɛ kiɛ̃. Díi Lawa min mɛnɛn bíi, a nə́ ǹ narɛ, Yezu Krita nə́ ǹ tamaɛ, man sɛ́wɔ lɛ diɛ bɛn la.