Marki 2:20 - LAWA A BOO SONBORE 2011

²⁰ Sɛnɛ lɛawaan tá re die, ǹ tá re lɔ tii ǹ zuũ boe ǹ bii, bɛ̀ bɛa biikoo lɛ dɔ, ǹ tá re n lɛ soɛ.»

LAWA A BOO SONBORE

²⁰ Sɛnɛ lɛawaan tá re die, ǹ tá re lɔ tii ǹ zuũ boe ǹ bii, bɛ̀ bɛa biikoo lɛ dɔ, ǹ tá re n lɛ soɛ.»

Marki 2:20 ပူးပေါင်းရင်းမြစ်များ

Loen 45:11

N too kɔ, maa nɛniɛ! Ga, n nə n too kɔ doɛ̃: N yiri bɔ n bɔ n minin kio, n yiri bɔ n bɔ n dikion kio.

Loe kɔɔ̃n kɔɔ̃n 3:11

*Siɔn nɛlɔn lɛn, ka da soo ka ga! Ka ga kii Salomɔn ganaa, a ná a kɔn wɔ ǹ bafolo wɔ. Ǹ dan nə bafolo mɛn lɛ kɔ la a kɔn-wɔ pinaa, a foo kɔɔ̃nbaa gole pinaa.

Izayii 54:5

A giala, min mɛn nə n zɛnaa, a tɔ n Dɛnaa Lawa Pàãyiidɛnaa, bɛ lɛ nə n zuũ lɛa. Min mɛn bɛ́ n kanbiɛ, bɛ n ka Izirayeli a Lawa sonbore kɛ nɛ, ǹ bɛ́ ǹ mɛn lɛ bíi mà «tán tumaa a Lawa.»

Izayii 62:5

Ká tɔntɔraa bɛ́ kɔn we ka a nɛniɛ-n lɔn, min mɛn bɛ́ n doe, bɛ lɛ n die n zuũ biɛ. Ka lɔ tii bɛ́ n zuũ foo kɔɔ̃n koe lɔn, n dɔ n die Dɛnaa Lawa foo kɔɔ̃n koe miɛ̃.

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Matiə 26:31

Bɛa biikoo li, Yezu pɛ a kialandɛnan manɛ: – Sii mɛn bɛ́ re n zɛnɛɛ masɛ-n pelo tèlò-n dinin, bɛ lɛ n die ka dinin tumaa a mɛnaa ǹ giala biɛ. A giala, a kiɛ̃maa tá Lawa a boo-n kɛnɛn: «Man die sèren-lɛduə̃li lɛ dii, sèren lɛn tá re sawɛɛ.»

Matiə 9:15

Yezu tɔ́n boo giməə da ǹ nɛ a din wɔ gɔn la á pɛ: «Lɔ tii ǹ zuũ a giaáran tá boe la ǹ nə n yɔrɔ kɔsɛ n lɔ tii ǹ zuũ din toa kunun ǹ ni ya? Haayii. Sɛnɛ, lɛawaa tá re die, ǹ tá re lɔ tii ǹ zuũ boe ǹ bii, ǹ tá re n lɛ soɛ bɛa biikoo li.»

Marki 2:19

Yezu tɔ́n boo giməə da ǹ nɛ a din wɔ gɔn la: «Lɔ tii ǹ zuũ a giaáran tá toɛ kunun ǹ ni, ǹ nə n lɛ sɔɔ? Haayii. Bɛ̀ lɔ tii ǹ zuũ lɛ tá kunun ǹ ni, ǹ ba boe la ǹ nə n lɛ sɔɔ wa.

Marki 2:21

Á wusoo á boo giməə kɔsɔ da ǹ nɛ a daraa wɔ gɔn la, á pɛ: «Min kɔ́n ba mɔnaa dii siɛ a mɔnaa zizi koo tã-n wa, a giala, mɔnaa dii lɛ á die n nyɔsɔkɔn, a mɔnaa zizi lɛ baã, a na a toɛ̃ lɛ gole kɔ doo.»

Luku 17:22

Yezu tɔ́n pɛ kialandɛnan lɛn nɛ: «Biikoo á re die, minin tá re giɛ li mà ǹ goã Min a Nɛgiĩ a kiibaa giulun, haalɛ tá lɛawaa goon toto ne, sɛnɛ, ǹ ba re yii wa.

Luku 5:35

Sɛnɛ, lɛawaan tá re die, ǹ tá re lɔ tii ǹ zuũ boe ǹ bii. Bɛa biikoo li ǹ tá re n lɛ soɛ.»

Zaã a sɛ́wɔ 12:8

Mà doobaan kɛn, mà bɛn tá kunun ǹ ni biikoo tumaa li, sɛnɛ, mà asɛ bie re goɛ̃ kunun ǹ ni miɛ̃ wa.

Zaã a sɛ́wɔ 13:33

Maa wɔn lɛn, man kun ka nɛ biikoo boɛɛn dinsɔɔ̃ gɔ́ɔ̃ nɛ. Ka tá re giɛ masɛ li; sɛnɛ, ma màn mɛn pɛ Zuifun manɛ, man bɛ lɛ pii ka dɔn man sisia: Ma bɛ́ woe bǎã mɛn nɛ, ka a boe la ka wo walan wa.

Zaã a sɛ́wɔ 16:28

Man má bɔ maa Díi li má daa kanaa gɔ́ɔ̃ nɛ. Sisia, ma nə n boe kanaa gɔ́ɔ̃ nɛ ma á woe maa Díi li.»

Zaã a sɛ́wɔ 16:7

Bɛ din tumaa kio, man taãn pii ka nɛ: Maa woo á soɛ ka ganaa. A giala, bɛ̀ ma woo wa, Dɔmalɛ Wole lɛ a die ka li wa. Sɛnɛ, bɛ̀ má woo, ma á die diɛ ka la.

Zaã a sɛ́wɔ 17:11

Kɛ kio, masɛ a re goɛ̃ kanaa kɛ-n doo wa; ǹsɛn tá re goɛ̃ kanaa lɛ nɛ, sɛnɛ, man woe n din li. Maa Díi Sonbore, n din pàã mɛn kɔ masɛ la, ǹ tamaa ka bɛ lɛ nɛ, màn mɛn bɛ́ toɛ, ǹ dɔn nə goã goon ka wɔsɛn bɛ́ goon lɔn.

Zaã a sɛ́wɔ 17:13

Sisia, man woe n din li. Ma bɛ́ kanaa bɔrɔ, man boon kɛn pii ǹ ni, màn mɛn bɛ́ toɛ, nyɛnyɛɛ mɛn bɛ́ masɛ lon, bɛ lɛ-piɛ̃ yɛ ǹ dɔn lon.

Zaã a sɛ́wɔ 3:29

Lɔ tii nə ǹ zuũ wɔ lɛa haalɛ. Ǹ zuũ lɛ a giaára ke a li, bɛ̀ ǹ zuũ lɛ foo á kɔɔ̃nɛ, a giaára lɛ dɔ nə n nyɛnyɛɛ kun ni. Masɛ wɔ n miɛ̃, nyɛnyɛɛ lɛ piɛ̃ tá masɛ lon.

Nya ǹ dín 1:9

Bɛa boon kɛn lɛn diɛ kio, Yezu gòãn nə́ yoo ǹ nə́ n bɔ tán, á dii lon bɛ̀ ǹ nə́ giɛ a ganaa. Labara goon nə́ n kɔ lɛ ǹ yɔrɔ-a.

Nya ǹ dín 14:23

Lawa a sɔmɔ gogoonmaa nɛ, ǹ nə́ nyɛɛnaandɛnan bɔ ǹ nə́ ǹ koa minin mìi la, ǹ nə́ Lawa nyankɔ bɛ̀ ǹ nə́ n lɛ soɛ. Ǹ nə́ ǹ sii wɔ Dɛnaa din gɔn, ǹ bɛ́ ǹ nə́ golee Dɛnaa mɛn li.

Nya ǹ dín 3:21

Yezu lɛ doamaa nɛ a goã lon Lawa a piɛ, yǎa Lawa din nə wusii a màn tumaa biɛ dii lɛa, ká a bɛ́ á wɔ a boo gii-dali sonboren lɛ-n, ǹ nə́ saa lɛlɛ ǹ nə́ pɛ haalɛ bibi lɔn.

Korɛnti1 7:5

Ka nyan nə n piã ka kɔn nɛ wa, yǎa bɛ̀ ká pɛ kɔn nɛ, ka ń zoɛ̃ mà ka Lawa nyankɔ biikoo tɛn li. Sɛnɛ bɛ kio, ka ǹ wusii ka kaa kun a giala yii li. Bɛ̀ bɛ bie wa, boo ma din la baã tɔn kiɛ̃ a ka kũ, *Sɛtaan boo la a ka bebere.

Korɛnti2 11:2

Lawa bɛ́ zuu boe ka la lɔn, masɛ dɔ n zuu boe ka la miɛ̃. A giala, ka n goon ka nɛniɛ mɛn bɛ́ a tɔn giĩ dɔ̃ wa, má wɔsɔ giĩ goon toto la, bɛ n ka *Krita nɛ.

Korɛnti2 11:27

Má nɔmaa ǹ dí kakan nya, biikoo gigiã li ma nyuù wɔ wa, bòo ma kũ, mu boro ma kũ. Biikoo gigiã li má n lɛ sɔɔ, má nɔmaa nyan gɔn ka mɔnaa wɛɛ nɛ.

Korɛnti2 6:5

Ǹ nə́ ma dɛ, ǹ nə́ ma da kòso-n. Ǹ nə́ zaman gigiã gɔ́ɔ̃ tii, bɛ̀ ǹ nə ǹ kaa ma ganaa. Má lɛ kɔ dí kakan nyɛɛ ganaa. Má n din kurəə nyuù ganaa, ka màn-bii ni gunyin damata.

Sii-nyaan 19:7

Ka daa wɔ n nyɛnyaa wɔ goã ka foo kɔɔ̃n nɛ, wɔ gugurubaa kɔ la! A giala Sère Nɛ a kɔn-wɔ ǹ zɔ́n dɔ, a bɛ́ kɔn-we ka min mɛn dɔ nɛ, bɛ dɔ nə́ n yɔrɔ bɔ.

Sii-nyaan 21:9

Lon a dia dí-a wole sɔbaa mɛn bɛ́ ka paan sɔbaa nɛ ǹ gɔn, ǹ piɛ̃maa-n ka Lawa a koen giala-nyɔmɔɔ sɔbaa nɛ, bɛn goon daa ma li, á pɛ: «Daa ma Sère Nɛ a lɔ tii lɛ nyaa n nɛ, a lɔ-wɔsiɛ lɛ.»