Marki 2:2 - LAWA A BOO SONBORE 2011

² Zaman gigiã daa n lɛ sɔkɔn, kion gɔ́ɔ̃ pã, a kiɛnlɛ-a pã, yǎa min kɔsɔ a wɔ ǹ bǎã banban. Yezu goã ǹ darɛɛ Lawa a boo ganaa.

LAWA A BOO SONBORE

² Zaman gigiã daa n lɛ sɔkɔn, kion gɔ́ɔ̃ pã, a kiɛnlɛ-a pã, yǎa min kɔsɔ a wɔ ǹ bǎã banban. Yezu goã ǹ darɛɛ Lawa a boo ganaa.

Marki 2:2 ပူးပေါင်းရင်းမြစ်များ

Loen 40:9

man die die, man foo sii zɛnaa a kɔnpɛ ka bɛ nɛ. Maa Lawa, ma tá li ma n dí-pɛ kɛ tamaa ma foo ne.

Matiə 5:2

a ná a giala kɔ á ǹ daraa, á pɛ ǹ nɛ:

Marki 1:14

Zaã kũ a da kòso-n kio, Yezu woo Galilee gána nɛ, á goã Lawa a Boo Tii Kɔɔ̃n laakalɛɛ,

Marki 1:33

Kiwi minin tumaa dan ǹ lɛ sɔkɔn kiɛnlɛ-a.

Marki 1:37

Ǹ bɛ́ ǹ nə́ yɛ biikoo mɛn li, ǹ nə́ pɛ nɛ: «Min din tumaa tá giɛ n li.»

Marki 1:45

Sɛnɛ, sii mɛn bɛ́ á n zɛnaa giĩ lɛ nɛ, a bɛ́ á woo, á bɔ á mɛ la a ná a laakalaa bǎã yii ni. Bɛ lɛ n ke Yezu boo la á wɔ kiwi kɔ́n nɛ doo wa, a na á goã giɛ̃ don. Minin nə́ bɔ bǎã yii ni, bɛ̀ ǹ wo a li walan.

Marki 2:1

Lɛawaa paa bɛ kio, Yezu wusoo á daa Kafaranaamu kiwi. Minin nə́ ma mà a tá piɛ.

Marki 2:13

Yezu wusoo á woo Galilee tà lɛ-a. Min gigiã daa a li walan, á goã ǹ darɛɛ.

Marki 6:34

Yezu bɛ́ á soo á n bɔ goo lɛ nɛ ǹ mɛn waáraa, á zaman gole yɛ. Minbuiinin lɛn makara kũ parsiini, a giala mà ǹ nə́ goã goon ka sèren mɛnɛn bɛ́ lɛduə̃li ná a ba ǹ la wa. A ná a giala kɔ á ǹ daraa sii gigiã ganaa.

Luku 12:1

Bɛa biikoo kɛ lɛ li, min gigigã nə́ n lɛ sɔkɔn ka ǹ daa ǹ tɔ wɔ kɔn gòã la. Yezu ná a giala kɔ á pɛ a kialandɛnan man bɔrɔ: «Ka n parabaa *Fariziɛ̃n yɔ bù kɛ nɛ, bɛ giala mà ǹ boo da ka ǹ lɛ-n ke, a ná a ba ǹ gɔ́ɔ̃-n wa.

Luku 5:17

N kɔ́n pinaa Yezu na á goã minin darɛɛ. *Fariziɛ̃n laanka landa sii-daraalin kɔnɔn nə́ goã giã-n tán-a a li, maǹ nə́ bɔ Galilee laanka Zudee kiwin ni, ka Zeruzalɛmu kiwi dɔ nɛ, ǹ nə́ daa. Dɛnaa din pàã na á goã dí nyɛɛ, á n busulən kaka koe.

Luku 8:1

Bɛ kio, Yezu woo kiwi dadaran laanka a bɔnboɛɛnɛn nɛ. A na á goã *Lawa a kiibaa ǹ Boo Tii Kɔɔ̃n pii. A min fulupaa mɛn bɔ, bɛn nə́ goã kun ni,

Luku 8:11

Yezu mà boo giməə lɛ giala n ka kɛ nɛ: «Màn tɔrɔ lɛ, Lawa a boo kɛ n ka bɛ nɛ.

Nya ǹ dín 11:19

Fuu gole mɛn da Itian a gɛ̀ waáraa, á Lawa-nyankɔlen sasawaa. Bɛa minin kɛn lɛn tɛn nə́ woo yǎa Fenisii gána nɛ, ǹ nə́ wɔ Siipri gána laanka Antiɔsi kiwi. Ǹ Lawa a boo pɛ min kɔsɔ kɔ́n nɛ duduu wa, yǎa Zuifun.

Nya ǹ dín 14:25

Ǹ nə́ Lawa a boo pɛ Pɛrɛgi kiwi, bɛ kio, ǹ nə́ woo Atalia kiwi.

Nya ǹ dín 16:6

Pooli laanka Silaasi Frizii laanka Galaasi gána wɔsɔ, a giala, Yiri Fu lɛ kɔ ǹ la mà ǹ Lawa a boo pɛ Azii gána-n wa.

Nya ǹ dín 8:25

Piɛrɛ laanka Zaã tɔ́n nyaa ka Lawa a boo ne, siin mɛnɛn nə n zɛnaa Dɛnaa Yezu lɛ nɛ, mà bɛn tá kiɛ̃-n sɛ́wɔ-n gɔrɔ. Bɛ kio, ǹ nə́ wusoo ǹ nə́ woo Zeruzalɛmu. Ǹ nə́ goã Boo Tii Kɔɔ̃n kɛ pii Samarii gána kiwi gigiã nɛ.

Rɔmu minin 10:8

A na á n pɛ mà wàa dɔn? «Lawa a boo lɛ tá n li foɛɛ̃nɛ, a tá n lɛ-n, a tá n gɔ́ɔ̃ nɛ.» Wɔ bɛ́ boo mɛn laakalɛɛ, bɛ giala n ka kɛ nɛ: Lawa yɔrɔ-a, barka na a goleemali dinsɔɔ̃ nɛ.

Timote2 4:2

Bɛ lɛ taman yii, n doa n Lawa a boo lɛ laakalaa, ta biikoo sonbore ne, ta biikoo sonbore bie wa. Minin sã nyaa ǹ nɛ, n sɛ̀ pɛ ǹ ganaa, n nə ǹ foo taã, n nə ǹ daraa ka sii simaa lɛ piɛ̃ nɛ.