Marki 15:19 - LAWA A BOO SONBORE 2011

¹⁹ Ǹ nə́ duwəə ka bàbàlan nɛ a mìi ganaa, ǹ nə́ sɛ̀ kaa a ganaa, bɛ̀ ǹ kaa tán a giulun ka maǹ a guguru koe.

LAWA A BOO SONBORE

¹⁹ Ǹ nə́ duwəə ka bàbàlan nɛ a mìi ganaa, ǹ nə́ sɛ̀ kaa a ganaa, bɛ̀ ǹ kaa tán a giulun ka maǹ a guguru koe.

Marki 15:19 ပူးပေါင်းရင်းမြစ်များ

Siin Giala 24:52

Abrahamu a bɛ̀rɛgiĩ lɛ bɛa boon lɛn ma lɔn, á kaa tán Dɛnaa yɔrɔ-a, a ná a guguru kɔ.

Siin Giala 43:28

Ǹ ná a lɛ si kɛnɛn: «N Bɛ̀rɛgiĩ, wɔ di lɛ á kaka. Á tɔn a tan.» Ǹ nə́ n kuməə, ǹ nə́ kaa tán a giulun.

Kiin1 19:18

Sɛnɛ man die min duu sɔbaa (7 000) yii toɛ koo Izirayeli gána nɛ, ǹ mɛnɛn lɛn tumaa á ke, ǹ lɛ kɔ, ǹ nə́ ǹ musin kuruməə tán Baali yɔrɔ-a, ǹ ná a guguru kɔ wa.»

Zɔbu 13:9

Bɛ̀ a n ka dininmaan kɛn lɛn sii gɔsiɛ, táa á re bǐɛ̃ koe? Ka á boe la ka Lawa yiri sã, ka ǹ bɛ́ minbuiin nɛ yiri siɛ̃ lɔn?

Loen 69:12

Má maa foo-ziziɛ̃ nyaa, ka ń pɛ, mà man gɛ̀ koɛ, bɛ lɛ dɔ a lɛa, ǹ nə́ ma tɔ da wɔlɔ la.

Izayii 45:23

Ma nə n liɛ ka maa Lawa baa nɛ, boo mɛn bɛ́ soe ma lɛ-n sonbore ne, boo lɛa a ná a ba n bɔyɛɛ wa: Minbuiin nɛ tumaa n die kiɛ tán ǹ musin la ma yɔrɔ-a, ǹ nə n liɛ ǹ pɛ:

Izayii 49:7

Dɛnaa Lawa pɛ, asɛ mɛn bɛ́ Izirayeli si sii la wole lɛa, a n Izirayeli a Lawa sonbore lɛa. A n kɛ pii n ni, nsɛ mɛn bɛ́ ǹ nə́ n pɔpɔsɛ, n tìĩ n boe-n zaman nɛ, nsɛ mɛn bɛ́ kii kakaarɛn bɛ̀rɛ lɛa: «Bɛ̀ kiin nə́ n yɛ, ǹ tá re yui lon n nyɛɛnɛ. Bɛ̀ kiãn yii mɛ n ganaa, ǹ tá re kiɛ tán ǹ lɛ la n yɔrɔ-a.» Bɛ n die n zɛnɛɛ Dɛnaa Lawa a bɔlɔgoondɛnaabaa taman yii, Izirayeli a Lawa sonbore kɛ taman yii, a din mɛn lɛ nə n bɔ á n koa.

Izayii 50:6

Min mɛnɛn bɛ́ ǹ nə́ goã ma duwii, má n dɔ̀ɔ̃ dia ǹ la. Má n lɛtoro dia ma lɛtoro ka woɛ̃ wolen la. Min mɛnɛn bɛ́ ǹ nə́ goã sɔ kiɛ ma la, ǹ nə́ sɛ̀ kiɛ ma ganaa, man yɔrɔ duru bɛn la wa.

Izayii 52:14

Min mɛn tumaa yɛ, nyɛ́ɛ nə́ ǹ tumaa kũ. A giala, a yɔrɔ nə́ n bɔyaa á la yii ni. A minbuiin nɛ a kɔnboe lɛa doo wa.

Misee 5:1

Dɛnaa Lawa pɛ: Kasɛn Bɛtlehɛmu Efrataa minin lɛn, Zudaa tɔrɔn kiwi damata kɛ bii, ka dinin kiwi lɛ n kiɛɛrɛ sɛn. Sɛnɛ, min nə die boe bɛ lɛ nɛ maa wɔ lɛa, a giã Izirayeli minin kɛn mìi la. A boo tá bii-a, á belebɔ, haalɛ bibi sii ni.

Matiə 27:30

Ǹ nə́ sɛ̀ kaa a ganaa, ǹ nə́ bàbàla lɛ saa bɛ̀ ǹ duwəə ne a mìi ganaa.

Marki 10:34

Ǹ tá re yaa we a ganaa, ǹ sɛ̀ kaa a ganaa, ǹ duwəə ka sɛ̌n nɛ, ǹ dɛ a gã. Lɛawaa sɔɔ bɛ kio, a yii á die kiɛ.»

Marki 14:65

Ǹ kɔnɔn ná a giala kɔ ǹ nə́ sɛ̀ kaa Yezu ganaa, ǹ nə́ màn yii a yii ganaa, bɛ̀ ǹ nə n gɔn munu ǹ dɛ, ǹ nɔ̀n da la: «Min mɛn bɛ́ á n dɛ, bɛa dɛnaa pɛ wɔsɛn man kən le!» Bɛ kio, garadin nə́ Yezu kũ ǹ nə́ n gɔn tɔtɔ a para-n.

Marki 15:18

Bɛ kio, ǹ ná a giala kɔ ǹ nə́ fòo da nɛ: mà a foo le, Zuifun kii lɛ!

Marki 15:20

Ǹ bɛ́ ǹ nə́ yaa wɔ a ganaa ǹ nə́ nya ǹ mɛn waáraa, ǹ nə́ mɔnaa tã lɛ sɔlɔ ǹ nə́ bɔ a ganaa, ǹ ná a din a mɔnaan goa ǹ nə́ ǹ wɔ a ganaa. Bɛ kio, ǹ nə́ soo-n kanaa, mà maǹ woe dere gɔn ganaa.

Marki 9:12

Á tɔ́n pɛ ǹ nɛ: «Sonbore ne, Yilii doamaa nɛ a daa bɔrɔ, a sii din tumaa yɔrɔ bɔ sɔnbɔraanɛ. Sɛnɛ, wàa na á baa a kiɛ̃maa tá Lawa a boo ne, mà Min a Nɛgiĩ tá re nɔmiɛ parsiini, mà minin tá re n piɛ̃-n dɔn?

Luku 22:63

Min mɛnɛn nə goã Yezu lɛduĩ, bɛn nə́ màn yii a yii ganaa. Maǹ nə́ goã yaa we a ganaa, ǹ nə́ dii bɛ̀ ǹ nə́ pii ni: «Haya, min mɛn bɛ́ á n dɛ, bɛa dɛnaa pɛ kəni!»

Luku 23:11

Erɔdi laanka a sɔraasin ná a kiɛɛrɛ kɔ, ǹ nə́ yaa wɔ a ganaa. Erɔdi mɔnaa sonbore kɔ́n wɔ a ganaa, á wusoo á dia Pilati la.

Luku 23:36

Sɔraasin lɛn dɔn nə́ goã yaa we a ganaa. Ǹ nə́ n mɔrɔ a ganaa mà maǹ yɔ pipiã koe la.

Rɔmu minin 11:4

Sɛnɛ, Lawa na á pɛ nɛ mà wàa? Mà asɛ min duu sɔbaa (7 000) bɔ, á ǹ koa a wɔn lɛa, ǹ kɔ́n ná a tɔn nə n musin kuruməə tán *Baali dì kɛ yɔrɔ-a wa.

Filipi minin 2:10

ń giɛ màn mɛn tumaa bɛ́ lon, ka tán nɛ, ka tán giulun ni, ǹ tumaa kaa tán, ǹ Yezu tɔ lɛ guguru kɔ.

Ebrəə 13:13

Ka daa wɔ dɔn nə soo, wɔ wo a li kiwi lɛ kio, wɔ dɔn na a din sìi kɛ lɛ si wɔ ganaa.