Marki 10:24 - LAWA A BOO SONBORE 2011

²⁴ Bɛa boo lɛ kaãbaa da a kialandɛnan lɛn ganaa parsiini. Sɛnɛ Yezu wusoo á pɛ ǹ nɛ doo: «Ma dɔɔ̃nɔn lɛn, a wɔ á kaka dɛ!

LAWA A BOO SONBORE

²⁴ Bɛa boo lɛ kaãbaa da a kialandɛnan lɛn ganaa parsiini. Sɛnɛ Yezu wusoo á pɛ ǹ nɛ doo: «Ma dɔɔ̃nɔn lɛn, a wɔ á kaka dɛ!

Marki 10:24 ပူးပေါင်းရင်းမြစ်များ

Loen 17:14

Dɛnaa Lawa, n din gɔn ma kirisibaa kanaa minbuiinin kɛn ganaa! Ǹsɛn wɔ gii n ka kanaa kɛ nɛ. N màn mɛn koa, maǹ nə n nɔ̀ piɛ̃ ka bɛ lɛ nɛ. Ǹ nɛnyaanan dɔn man kiɛ̃ ka bɛ lɛ nɛ, man a gialakun din koɛ ǹ nɔ̀ɔnɔn manɛ.

Loen 52:7

Bɛ lɛ n ke, Lawa á re n dii a n da tán, á re n kuĩ n kion kɛ nɛ, a n giɛraa a soo n ne kanaa, á re n gòɛ̃ boe a bɔ yiikoonaan kanaa kɛ nɛ. Doa

Loen 62:10

Minbuiin nɛ n ka piɛ̃ bɛ́ lɔn. Ta ǹ mɛn nə boɛɛn nɛ, ta ǹ mɛn na á tɔ gole yɛ, ǹ kɔn ba màn kɔn lɛa wa. Bɛ̀ n nə́ ǹ tumaa kaa kun, n nə́ ǹ gugurubaa zɔɔ̃, piɛ̃ din tá soɛ ǹ nɛ.

Suusun 11:28

Min mɛnɛn foo bɛ́ doa nɛ naforo ganaa, ǹ tá re mɛnɛɛ. Sɛnɛ, min mɛnɛn bɛ́ sii sonbore zɛnɛɛ, bɛn tá re gole koe ka da bɛ́ lɔn.

Suusun 18:11

Pàãma foo n doa nɛ a naforo ganaa. A n tamɛɛ ka kungɔn sasa bɛ́ lɔn a lɛnpɛnɛ

Suusun 23:5

Bɛ̀ ń nə n yii saa ń ga-a lɔn gɔrɔ a woo á ke. A nə n nyàan dii doɛ̃ ka sia bɛ́ lɔn yui woe.

Zeremii 9:23

Min mɛn bɛ́ zoɛ̃ li a n din kalaa, a n din kalaa kɛa lɛa: A yiri tan, a n masɛ doɛ̃. A giala, masɛ Dɛnaa Lawa a dí n ka makara-doɛ̃ nɛ, sonborebaa nɛ, ka peperebaa nɛ tán la. Bɛ lɛ n kɔɔ̃n ma ganaa. Dɛnaa Lawa a da ǹ boo ne.

Abakuku 2:9

Kaa wɔ ǹ ka bɔ̀n nɛ! Ka mɛnaa minin la, ka gɔn mànan yɛ, kaa kion minin wɔ lɛa. Ka bàan wɔ bɛ́ lɔn, ka n kaa giãǹ bǎã doe lon, màn mɛn bɛ́ toɛ koe ná a doe ka ganaa wa.

Sofonii 1:18

Dɛnaa Lawa a foo-yoo lɛawaa kɛa pinaa, ǹ wɔrɔ hinlaa ǹ sana á re ǹ boe a-n wa. A giala, Dɛnaa Lawa a foo-yoo baraa a tɛ n die tán din tumaa kukuĩ. Taãn nɛ, minbuiin nɛ tumaa n die bɔ̀n biɛ lenlen.

Matiə 19:25

A kialandɛnan lɛn bɛ̀ ǹ nə́ bɛa boo lɛ ma lɔn, á kaãbaa da ǹ ganaa parsiini, ǹ nə́ tɔ́n pɛ: «Bɛ á miɛ̃, die n boe la a kirisibaa?»

Marki 1:27

Min tumaa nə́ n kaãbaa parsiini, yǎa ǹ nə́ nɔ̀n da kɔn la: «E, wàa sii dɔ n ke? Kɛ n Lawa a zii dii lɛa, á n minin darɛɛ a ganaa koe. A yii n we á sɛ̀ pii nɔ̀ɔnɔn ganaa, ǹ tá a bɔlɔ sii.»

Marki 10:23

Yezu ga a kialandɛnan ganaa a paran li, á tɔ́n pɛ ǹ nɛ kɛnɛn: «Pàãman wɔ Lawa a kiibaa ǹ bǎã tá re kaka koe!»

Luku 16:14

*Fariziɛ̃n mɛnɛn bɛ́ wɔrɔ n kɔɔ̃nɛ ǹ ganaa, bɛn dɔn nə́ goã n too koe bɛa boo kɛ lɛ tumaa ganaa, bɛ̀ ǹ nə́ yaa we a ganaa.

Zaã a sɛ́wɔ 13:33

Maa wɔn lɛn, man kun ka nɛ biikoo boɛɛn dinsɔɔ̃ gɔ́ɔ̃ nɛ. Ka tá re giɛ masɛ li; sɛnɛ, ma màn mɛn pɛ Zuifun manɛ, man bɛ lɛ pii ka dɔn man sisia: Ma bɛ́ woe bǎã mɛn nɛ, ka a boe la ka wo walan wa.

Zaã a sɛ́wɔ 21:5

Á n toa ǹ ganaa: «E, maa minin lɛn, ka zɔ̀ kɔ́n kũ wa ya?» Ǹ ná a lɛ si mà haayii.

Zaã a sɛ́wɔ 6:60

Yezu a kialandɛnaa gigiã ná a boo lɛ ma, bɛ kio, ǹ ná a giala kɔ ǹ nə́ goã pii mà bɛa boo kɛ á kaka dɛ! Mà die n boe la a lɛ kɔ kɛ ganaa?

Galaasi minin 4:19

Maa giaáran lɛn, ma bɛ́ fuu mɛn yii kaa lɛa kanna, a n goon ka lɔ nɛ-yɛle a fuu ni, yǎa Krita yii ka nɛ.

Timote1 6:17

A pɛ n laa kanaa kɛ a pàãman ganaa, mà ǹ baran n dinin gole kɔ wa. A pɛ ǹ nɛ dɔn, mà ǹ baran n foo doa naforo nya wolen kɛn ganaa wa, sɛnɛ, mà ǹ nə n foo doa Lawa ganaa. Asɛ lɛ n bǐɛ̃ màn tumaa koe wɔ la gigiã, màn mɛn bɛ́ toɛ, ǹ là yɛ wɔ ganaa.

Zaã1 2:1

Maa nɛnyaanan lɛn, man sɛ́wɔ kɛ diɛ ka la, máa ka baran sii baraa zɛnaa wa. Sɛnɛ, ta min mɛn na á sii baraa zɛnaa dinin, min mɛn bɛ́ boo diɛ wɔ a lɛa wɔ Di Lawa li, bɛ tan, Yezu *Krita pepere kɛ nɛ.

Zaã1 4:4

Sɛnɛ, maa nɛnyaanan lɛn, kasɛn mɛnɛn bɛ́ Lawa wɔn lɛa, kasɛn nə́ boo Lawa a boo gii-dali soɛ-bɔlen kɛn la. A giala, Yiri mɛn bɛ́ ka lon, a pàã la kanaa kɛ a minin wɔ nɛ.

Zaã1 5:21

Maa nɛnyaanan lɛn, ka n dinin kũ dì mànan ganaa.

Sii-nyaan 3:17

Ma n pii mà ma n pàãma lɛa, mà ń gɔn màn-dɛnaa baa, mà n laadoo ba màn kɔ́n ganaa doo wa. N ba doɛ̃ mà ma n yii koe-yɛle lɛa, makara-bɔle lɛa, ma n doobaa lɛa, n nə́ yii tere-a lɛa, n nə́ gɔ̀nɔn kooro-an dɔ lɛa wa.