Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Malakii 3:7 - LAWA A BOO SONBORE 2011

7 A kũ ka digolon waáraa ganaa, ka kɔ maa daraan lɛ wa, ka ǹ lɛ si wa. Ka wusoo ka da masɛ li, ma á re wusii ma kaa wɔ baa. Ma din Dɛnaa Lawa Pàãyiidɛnaa n má pɛ. Ka n pii: «Wɔ n siɛ lɔn wɔ wusoo wɔ da n li?»

အခန်းကိုကြည့်ပါ။ ကော်ပီ

LAWA A BOO SONBORE

7 A kũ ka digolon waáraa ganaa, ka kɔ maa daraan lɛ wa, ka ǹ lɛ si wa. Ka wusoo ka da masɛ li, ma á re wusii ma kaa wɔ baa. Ma din Dɛnaa Lawa Pàãyiidɛnaa n má pɛ. Ka n pii: «Wɔ n siɛ lɔn wɔ wusoo wɔ da n li?»

အခန်းကိုကြည့်ပါ။ ကော်ပီ




Malakii 3:7
38 ပူးပေါင်းရင်းမြစ်များ  

Sɛnɛ, ǹ nə́ n kurəə ǹ nə́ n gòãn dii n ganaa, ǹ nə́ n dí-pɛ lɛ da ǹ gɔn dɔ̀ɔ̃ nɛ. N boo gii-dalin mɛnɛn dɔn nə goã miɛ ǹ ganaa mà ǹ wusoo ǹ da n ganaa, ǹ nə́ bɛn dɛ, ǹ nə́ sã dadaran wɔ.


Duduu, má n gɔn dia tɔrɔ bɔlɔgoonbaã wole la. Sɛnɛ maǹ koe zii bɔnɛɛ lɛ ǹ nə́ ǹ dinin foo siin zɛnɛɛ.


N die n nə ǹ lɛ si kɛnɛn: – Dɛnaa Lawa a da ǹ boo á ke: «A giala, ka digolon man nə́ n la bɔ ma ganaa, ǹ nə́ kɔ lawa kɔsɔn lɛ, ǹ nə́ ǹ guguru kɔ, ǹ nə́ kaa tán-a ǹ yɔrɔ-a. Ǹ nə́ n la bɔ masɛ ganaa, ǹ maa dí-pɛn kɛn tamaa wa.


Kasɛn zɛnaa ǹ sii bɔnɛɛ kɔ á la ka digolon wɔ nɛ. Didie tumaa nə n parɛɛ a din a taasiɛ baraan ganaa, a ba n too koe maa da ǹ boo li wa.


Ka wusoo ka da ma li, nɛnyaan bɔyaa wolen lɛn, ma á re kaa bɔlɔgoonbaãdɛnaabaa kɛ nyɛɛ ka ganaa! Wɔ á ke, wɔ ǹ die n din li, a giala, Dɛnaa Lawa, n din ni wɔa Lawa lɛa.


A kũ ka digolon soo Eziptin pinaa ganaa a da pelo yaa, baraabaraa, ma maa dí-nyalin, maa boo gii-dalin dia ka la dí lɛa.


Sɛnɛ, ka n too kɔ ǹ lon wa, ka n too da wa. Ka mìi n laa nɛ, kaa bɔnɛɛbaa la ka digolon wɔ nɛ.


Á tɔ́n pɛ ma-n kɛnɛn: – Nsɛ minbuiin a nɛ, man die n diɛ Izirayeli minin kɛn li, bɛa piã-wɔlen kɛn lɛn ǹ nə́ n gòãn dii masɛ ganaa. Ǹ digolon nə ma bɔlɔ tii lɔn, a din lɛ n ke ǹ dɔn tá la, a da pelo kɛ lɛ yaa.


Sɛnɛ, Izirayeli minin nə́ n gòãn dii ma ganaa diə gole lɛ nɛ. Ǹ kɔ maa landa boon kɛn lɛ wa, ǹ nə́ maa sii yɔrɔ bɔ ǹ boon lɛn tii, ǹ mɛnɛn lɛn kɔmalɛ bɛ́ toɛ min yii goã koo. Ǹ nə́ maa susu ǹ piin kɛn ziziɛ̃ á la yii ni. Ma tɔ́n pɛ máa ma foo mɛn yoo ke, man die dɔlɔ diɛ ǹ mìi ni diə gole lɛ nɛ, ǹ nə ǹ dɛ lenlen.


Sɛnɛ, ǹ nɛnyaanan lɛn dɔn nə́ n gòãn dii ma ganaa. Ǹ tɔ wɔ á kɔnpɛ ka maa landa boon kɛn nɛ wa, ǹ nə́ maa sii yɔrɔ bɔ ǹ boon kɛn tamaa, ǹ nə́ kɔ ǹ lɛ wa. Bɛn lɛn kɔmalɛ dɔ n toɛ min yii goã koo. Ǹ nə́ maa susu ǹ piin kɛn dɔn ziziɛ̃. Bɛ lɛ na á toa má tɔ́n pɛ máa ma foo mɛn yoo ke, man die dɔlɔ diɛ ǹ mìi ni, yǎa man foo nyɛɛ ǹ la diə gole kɛ lɛ nɛ.


Ma goã má n liɛ ǹ nɛ máa ma á re gána mɛn koe ǹ la, má bɛ kɔ ǹ la. Sɛnɛ, ǹ bɛ́ walan, bɛ̀ ǹ nə́ tenten yɛ sasa lon, hinlaa ta da nɛ á luu pã ka kɛkɛ, maǹ nə́ goã wúlu boe walan. Wúlu mànan mɛnɛn bɛ́ ma foo yui, ǹ nə́ bɛn kɔ walan, ǹ nə́ goã woe ka foo basã ǹ nyɔɔ gìĩ kɔɔ̃n kɛ-n walan, ǹ nə́ goã duvɛ̃ zumii walan.


Sɛnɛ, ǹ nə́ n gòãn dii ma ganaa, ǹ lɛ kɔ ǹ nə́ n too kɔ ma lon wa. Màn bɔbɔnɛɛn mɛnɛn bɛ́ ǹ yɔrɔ-a, min kɔn na a wɔn kaa wa, ǹ Ezipti minin dìn kɛn toa walan wa. Má tɔ́n pɛ ma din gɔ́ɔ̃ nɛ, máa ma foo mɛn yoo ǹ li ke, máa yǎa ma dɔlɔ diɛ ǹ mìi ni, yǎa man foo nyɛɛ ǹ la Ezipti gána lɛ din gɔ́ɔ̃ nɛ.


Samarii minin doamaa nɛ ǹ nə n sii baraa giɔ̀mɔ saraa, a giala maǹ nə́ n piã ka ǹ Lawa nɛ. Zia á re ǹ dii ǹ gã, ǹ tá re ǹ nɛ tiɛɛ̃nɛn yɔyɔrɛ, ǹ tá re ǹ lɔ nɔ̀naan nɔ̀ wɔsɛ.


Masɛ Dɛnaa Lawa Pàãyiidɛnaa n kɛ pii Lawa a wúlu-bɔlen manɛ: Nɛ na a díi guguru koe, dí-nyali na a miilandɛnaa guguru koe. Ma din bie kaa díi lɛa man ka miilandɛnaa dɔ lɛa wa? Sɛnɛ wàa na á baa kaa ma lɛ sii, kaa ma guguru koe wa, ka n ma pɔpɔsɛ ka n nɔ̀n diɛ: «Wɔ n wɔ́ n pɔpɔsɛ ka wàa nɛ?»


Dɛnaa Lawa pɛ: – Ka n boo baraa diɛ masɛ ganaa ka n nɔ̀n diɛ: «Wàa boo baraa n wɔ da n ganaa?»


Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Gere yalan mɛnɛn lalan bɛ́ fu, ka n goon ka bɛn nɛ. Ǹ tá siĩn yɔrɔ-a, sɛnɛ, ǹ gɔ́ɔ̃ piɛ̃maa-n ka gere wen laanka màn bɔnɛɛ tɔrɔ din tumaa nɛ.


A na á goã a gɔ́ɔ̃ nɛ, ǹ bɛ́ màn-bii mɛn koe biriin la, a bɛ sɔ̃, sɛnɛ, min kɔ́n goã koe la wa.


Sɛnɛ, Izirayeli wɔ gɔn la, Lawa pɛ: «Duduu, má n gɔn dia tɔrɔ bɔlɔgoonbaã, piã wole la. Sɛnɛ, bɛ din tumaa kio, Izirayeli Lawa bɔlɔ tii, á n piã nɛ.»


Sonbore, Lawa bɛ́ lɛ koe minin-a min peperen lɛa ka yɔrɔ mɛn nɛ, ǹ bɛ dɔ̃ wa. Maǹ nə́ ga ǹ dinin wɔ a yɔrɔ li. Bɛ lɛ na á toa, ǹ lɛ kɔ Lawa wɔ a yɔrɔ kɛ lɛ ganaa wa.


Lɛlɛ-lɛlɛ, dí-pɛ bɛ́ a banban, gɛ̀ goã wɔ mìi-n wa. Sɛnɛ, dí-pɛ lɛ bɛ́ á daa, pàã wɔ sii baraa nɛ, gɛ̀ daa wɔ mìi ni.


Sonbore, gána mɛn lɛ á ke bɔ̀nyaa laanka zoo nyɔɔ n baa sii a nɛ, man die woe ka zaman kɛ lɛ-n walan. Ma din ni má n lɛ kɔ ǹ digolon la, ka bɛa bǎã lɛ a sii ni. Ǹ tá re màn bii walan ǹ kã, ǹ kasã, sɛnɛ, maǹ die n bɔyɛɛ ǹ lawa kɔsɔn guguru kɔ. Maǹ die dí nyɛɛ bɛn lɛn manɛ, ǹ masɛ din puusə kɔ, ǹ maa lɛ kɔ kɔn la kɛ ziziɛ̃.


Ka n mɔrɔ Lawa ganaa, a dɔ á die n mɔrɛ ka dɔn ganaa. Sii baraa-zɛnaalin lɛn, ka n gɔn pii ka bɔ sii baraa nɛ. Gɔ́ɔ̃ paa dɛnan lɛn, ka n gɔ́ɔ̃ kaa dɛ!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ