Malakii 3:16 - LAWA A BOO SONBORE 2011

¹⁶ Sɛnɛ, min mɛnɛn bɛ́ Dɛnaa Lawa lɛ sii, bɛn nə́ boo da kɔn ǹ dinin bii ni. Dɛnaa Lawa nə́ n too kɔ ǹ lon, á ǹ boo diɛ ma. Min mɛnɛn bɛ́ a pàã doɛ̃ ǹ ná a lɛ sii, ǹ nə́ bɛn tɔ kiɛ̃ sɛ́wɔ nɛ ǹ nə́ koa a yɔrɔ-a.

LAWA A BOO SONBORE

¹⁶ Sɛnɛ, min mɛnɛn bɛ́ Dɛnaa Lawa lɛ sii, bɛn nə́ boo da kɔn ǹ dinin bii ni. Dɛnaa Lawa nə́ n too kɔ ǹ lon, á ǹ boo diɛ ma. Min mɛnɛn bɛ́ a pàã doɛ̃ ǹ ná a lɛ sii, ǹ nə́ bɛn tɔ kiɛ̃ sɛ́wɔ nɛ ǹ nə́ koa a yɔrɔ-a.

Malakii 3:16 ပူးပေါင်းရင်းမြစ်များ

Siin Giala 22:12

Dɛnaa tɔ́n pɛ nɛ: «N baran n gɔn da nɛginin lɛ ganaa wa. N baran sii kɔ́n zɛnaa-n wa. Ma á doɛ̃ sisia, máa n tá nyɛ́ɛbiɛ masɛ Lawa nɛ. A giala, n nə n piã ka n nɛgiĩ goon toto lɛ a kɔ masɛ la-n wa.»

Samayeli2 7:1

Davida a zɔ́ɔn mɛnɛn tumaa goã a lɛnpɛnɛ, Dɛnaa Lawa ná a kanbaa bɛn tumaa ganaa, á là nyantoro kɔ la. Davida giã a kii kion lɛ nɛ.

Kiin1 18:12

Sɛnɛ, ma bɛ́ re kiɛ̃ man bɔ n li lɔn gɔrɔ, táa Dɛnaa Lawa yiri n die n siɛ a wo n ne n wooǹ bǎã nɛ, bǎã mɛn bɛ́ masɛ n ma ba doɛ̃ wa, bɛ̀ má pɛ Akaabu ni, máa n tá kànaa, yǎa Akaabu kiɛ̃ a da bǎã kooro yaa, a n masɛ nyín boe. A da yaa a kũ maa tenmaa ganaa, man nyɛ́ɛ biɛ Dɛnaa Lawa yii ni.

Kiin1 18:3

Akaabu tɔ́n lɛ dia kii a kion mìilandɛnaa Obadia la. Obadia lɛ goã nyɛ́ɛ biɛ Dɛnaa Lawa yii ni parsiini.

KZS2 6:7

A na á goã ma di Davida yiri ni a Lawa a kion dɔ Dɛnaa Lawa Izirayeli a Lawa wɔ lɛa.

Nehemii 1:11

E, Dɛnaa Lawa, n too da doɛ̃ maa nyankɔ li. Ǹ dí-nyalin mɛnɛn bɛ́ giɛ li ǹ nyɛ́ɛ baa n nɛ, n too da doɛ̃ bɛn dɔn nyankɔ li. Toa maa sii bǐɛ̃ kɔ pelo, n toa dɔn bɛa kii kɛ lɛ makara bɔ ma ganaa! Bɛa biikoo lɛ li, bɛ̀ man kii lɛ a mi ǹ mànan kɔ ma la wole lɛa.

Ɛsit 2:23

Ǹ nə́ sii lɛ gɔsɛ, ǹ nə́ woo yaa miɛ̃. Ǹ nə́ tɔ́n min paa lɛ bɔlɔ yu gɔn ganaa lon. Ǹ bɛ́ kii a siin kiɛ̃ sɛ́wɔ mɛn lɛ nɛ, ǹ nə́ kiɛ̃ walan.

Ɛsit 6:1

Bɛa tèlò lɛ nɛ, kii lɛ boo la á nyuù naa a yii-a wa. A tɔ́n pɛ, mà ǹ da ka sɛ́wɔ kɛ nɛ, min yiri gisĩ lɛlɛ siin ni. Ǹ nə́ tɔ́n daa bɛa sɛ́wɔ lɛ pɛ kii lɛ yɔrɔ-a.

Zɔbu 28:28

Bɛ kio á tɔ́n pɛ minbuiin nɛ nɛ: «N nyɛ́ɛ baa Dɛnaa Lawa nɛ, bɛ lɛ n sii-doɛ̃ lɛa, n nə n nyɛnaa sii baraa nɛ, bɛ n yiridɛnaabaa lɛa.»

Loen 10:4

Min baraa nə n din gole koe, a ba giɛ Lawa li wa. A taasiɛ tumaa n ka kɛ nɛ: mà Lawa banban.

Loen 104:33

Maa yiikoonaabaa biikoo tumaa li, man die loe loe Dɛnaa Lawa nɛ. Maa lɛawaa gialakun mɛn bɛ́ ma á zɛnɛɛ kanaa, man die loe loe, ma Lawa tɔ bɔ.

Loen 111:10

Sii-doɛ̃ nə n giala koe ka nyɛ́ɛ baa Dɛnaa Lawa yii-n ni. Min mɛnɛn tumaa bɛ́ zɛnɛɛ miɛ̃, bɛn man sii-dɔ̃li taãnan lɛa. Gugurubaa n Dɛnaa Lawa wɔ lɛa yǎa duduu.

Loen 115:13

á re barka diɛ a nyɛ́ɛbaama-n wolen ganaa, a bɔnboɛɛnɛn nɛ, ka a dadaran nɛ.

Loen 119:63

Min mɛn tumaa bɛ́ nyɛ́ɛ biɛ n nɛ, ǹ nə́ n minin doroo ǹ boon kɛn tamaɛ, masɛ n kun ka bɛn nɛ.

Loen 139:4

Ma laan bɛ̀ ma boo bɔ ma lɛ-n ma da, bɛ̀ nsɛ din dɔ̃ gɔrɔ, Dɛnaa Lawa.

Loen 147:11

Sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, min mɛnɛn bɛ́ n foo doɛ a kɔn-narɛɛ gole kɛ ganaa, bɛn lɛn sii n kɔɔ̃n a ganaa.

Loen 16:3

Dì mànan tá gána lɛ gɔ́ɔ̃ nɛ, bɛa màn pàãdɛnan lɛn nə́ goã kɔɔ̃n ma ganaa parsiini.

Loen 20:7

Ma á doɛ̃ dinin gɔrɔ, máa Dɛnaa Lawa din kii mɛn bɔ á koa, á re gɔ̀lɔ̀baa koe bɛ la. A nə n toɛ a din a bǎã sonbore kɛ-n lon a tá a lɛ sii, a ná a lɛ sii ka a din a boo sii la pàã nɛ.

Loen 33:18

Sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, ǹ nə́ n foo doɛ a kɔn-narɛɛ gole kɛ ganaa, Dɛnaa Lawa n giɛ bɛn walan.

Loen 34:15

A n bɔ sii baraa zɛnaa wɔlɔ li, a sii bǐɛ̃ zɛnaa. A ga là nyantoro li, a baa si a kio.

Loen 56:8

Bɛa sii kɔkɔrɔ kɛ lɛ tumaa kio, maǹ die wusii ǹ la? Lawa, n foo-busii gɔ́ɔ̃ nɛ, minin kɛn dɛ.

Loen 56:9

Nsɛ á doɛ̃ mà ma gɔ́ɔ̃ wɔ̃. N din ma yii mu si, ń kaa n màn nɛ. Táa n bɛn da sii li.

Loen 66:16

Kasɛn mɛnɛn tumaa bɛ́ Lawa bɔlɔ-silin lɛa, ka da n too kɔ. A màn mɛn zɛnaa masɛ nɛ, ma á re bɛ laakalɛɛ ka nɛ.

Loen 94:19

Bɛ̀ taasiɛ la ma yii ni, n din nə ma foo taɛ̃, n tá ma foo kɔɔ̃n koe.

Bɔ bɛ̀rɛbaa nɛ 32:32

Sɛnɛ kanna, masɛ nə n nyankoe, bɛ̀ ń boe la, n sii baraa gole kɛ toa ǹ nɛ. Dɛnaa, bɛ̀ a ba n zɛnɛɛ miɛ̃ wa, n masɛ tɔ tuturu, n bɔ yiikoonaabaa ǹ sɛ́wɔ kɛ lɛ nɛ, n din kiɛ̃.»

Suusun 13:20

Bɛ̀ n koa kun ka sii-dɔ̃li ni, ma n sii-dɔ̃li biɛ. Bɛ̀ n koa kun baãnaa nɛ, n tá re nɔmaa we.

Izayii 26:3

Min mɛn bɛ́ n foo doɛ Dɛnaa Lawa ganaa bɛa dɛnaa n yii nyɛɛ taãn yii, a giala a foo n doa nɛ a din ganaa.

Izayii 26:8

Sonbore, Dɛnaa Lawa, n bɛ́ ń zii mɛn nyaa wɔ nɛ, wɔ n koe lɛ, wɔ foo n doa nɛ n din ganaa. Sii mɛn bɛ kɔɔ̃n wɔ ganaa, wɔ n tɔ bɔ, wɔ n taasɛ ka n din ni.

Izayii 4:3

Bɛ kio, min mɛn tumaa bɛ́ re goɛ̃ Zeruzalɛmu, yiikoonaan lɛa *Siɔn kiwi, ǹ tá re bɛn bíi mà "Dɛnaa Lawa wɔn". Dɛnaa Lawa min mɛnɛn tɔ kiɛ̃ sɛ́wɔ nɛ, màn mɛn bɛ́ toɛ ǹ yii goã koo, bɛn man ka kɛn nɛ Zeruzalɛmu.

Izayii 50:10

Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

Izayii 65:6

Sɛnɛ, má n yiri koa bɛ tumaa li. Ma a re n lɛ tiɛ̃ doo wa. Ma á re dɔlɔ gole diɛ ǹ mìi ni bɛ taman yii.

Zeremii 31:18

Má Efrayimu minin lɛ-dɛ ma taãn-taãnɛ, Maǹ pii: «Dɛnaa Lawa, ń wɔ doroo ka kakaarɛbaa nɛ, ka ǹ bɛ́ dii ten darɛɛ lɔn. Sɛnɛ, toa wɔ da n li, wɔ wusoo wɔ da n li taãn-taãnɛ. A giala, Dɛnaa Lawa n din ni wɔa Lawa lɛa.

Zeremii 8:6

Má n too kɔ ǹ lon taãn-taãnɛ. Ǹ bɛ́ boo mɛn diɛ mìi ba la wa. Ǹ kɔn ba wusii a sii bɔnɛɛn kio wa. Ǹ kɔn ba nɔ̀n diɛ a din la ka a zɛnaa ǹ sii-n wa. Ǹ tumaa n baa sii ka sùin bɛ́ lɔn ziabaa ǹ bǎã nɛ.

Ezekieli 9:4

á pɛ nɛ: «Kiɛ̃ n nə n bibiə̃ Zeruzalɛmu kiwi lɛ gɔ́ɔ̃ nɛ. Giĩn mɛnɛn bɛ́ gini, ǹ nə́ wuu pii sii bɔbɔnɛɛn kɛn tumaa taman yii minin nə́ zɛnɛɛ kiwi lɛ gɔ́ɔ̃ nɛ, nyaǹ da bɛa giĩn lɛn nyanlɛ ganaa.»

Danayeli sɛ́wɔ 12:1

Lon a dia dí-a wole lɛ wusoo á pɛ kɛnɛn: Bɛa biikoo li, Mikayeli á re yui, lon a dia dí-a wolen goledɛnaa lɛ á re yui, a din nə die n doe n tɔrɔn lɛn lɛ. Bɛa biikoo lɛ n die goɛ̃ nɔmaa gole biikoo lɛa, nɔmaa mɛn miã bɛ́ a tɔn yɛ wa, a saa tɔrɔn tá kanaa biikoo ganaa, a da dɔ bɛa biikoo lɛ ganaa. Bɛa biikoo li, n zaman lɛ á re kirisibiɛ, min mɛnɛn tumaa tɔ bɛ́ kiɛ̃-n sɛ́wɔ kɛ nɛ, bɛn tá re kirisibiɛ.

Danayeli sɛ́wɔ 7:10

Tɛ daa n da wɔlɔ la ka tà mu bɛ́ lɔn, á kũ á daa bɔ a nyɛɛnɛ. Min gigiã na á goã dí nyɛɛ nɛ, min duu damata na á goã golee-n lon a nyɛɛnɛ. Kiri-kurulin nə́ giã tán, ǹ nə́ nya ǹ dín sɛ́wɔn lɛ bũ.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Luku 2:38

A dɔ bɛ́ á soo gɔrɔ á kɔnpɛ ka nɛnyaan lɛ a kɔ Lawa la nɛ, á yoo á n Lawa tɔ boe. Bɛ kio, á nɛ lɛ boo da Zeruzalɛmu kiwi minin manɛ, ǹsɛn mɛnɛn bɛ́ ǹ yii diɛ mà Lawa á die ǹsɛn gána nyin sii.

Nya ǹ dín 1:13

Ǹ bɛ́ ǹ nə́ dɔ kiwi, ǹ nə́ woo ǹ giã ǹ bǎã nɛ, sanabolo-n lon. Dia dí-a wolen lɛn tɔn nə́ ke: Piɛrɛ nɛ ka Zaã nɛ, Zaaki ni ka Andre ne, Filipi ni ka Toomaa nɛ, Bartelemii ni ka Matiə ne, Alfee a nɛ Zaaki ni ka Simɔn nɛ, min mɛn bɛ́ a gána sii n kaka a ganaa parsiini ke, ka Zaaki a nɛ Zude ne.

Nya ǹ dín 10:2

Á goã Lawa a sii kuĩ ka a foo ne, a laanka a kion minin tumaa goã woe Lawa guguru koe lɛsɔkɔn bǎã nɛ. A din goã Zuifu lɛa wa, sɛnɛ, á goã bǐɛ̃ gigiã zɛnɛɛ Zuifun doobaan manɛ, á goã Lawa nyankoe dɔn biikoo tumaa li.

Nya ǹ dín 2:1

Zɔ́n mɛn bɛ́ n zɛnɛɛ kiɛ̃mala ǹ wɔ kɛ a kiɛ̃ lɛawaa posooro pinaa, a tɔ n *Pantikɔti, bɛ dɔ. Kialandɛnan lɛn tumaa lɛ na á goã soe-n kɔn kun.

Nya ǹ dín 9:31

Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.

Efɛɛzi minin 5:19

Ka kɔn foo taã ka Lawa tɔ bɔ ǹ loen ne, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ. Ka bɛa loen kɛn lɔ Dɛnaa nɛ, ka a tɔ bɔ ka ka foo tumaa nɛ.

Tesaloniki1 5:11

Bɛ lɛ taman yii, ka kɔn foo doa, ka kɔn gù we yii, ka ka bɛ́ zɛnɛɛ lɔn gɔrɔ.

Tesaloniki1 5:14

Min mɛnɛn bɛ́ yoo biɛ, wɔ ǹ ka nyankoe, dɔɔ̃nɔn lɛn, wáa ka bɛn doroo, foo tãbaa bɛ́ a ba min mɛnɛn lon taãn wa, ka bɛn foo taã, min mɛnɛn pàã bɛ́ kiɛɛrɛ, ka n dɔ bɛn lɛ, ka sii si ka ganaa min tumaa wɔ paǹ li.

Ebrəə 10:24

Ka daa wɔ n yiri kɔ kɔn li, wɔ kɔn da kɔn-narɛɛ ganaa ka dí sonboren nyɛɛ nɛ.

Ebrəə 12:15

Ka n yiri kɔ ka dinin li, min kɔ́n baran da ka bɔ Lawa a bǐɛ̃baa kɛ li wa, min kɔ́n baran n baa da kɔɔsɛ lɛa, a bɔ tán a yoo, a minin tumaa lɔlɔkɔn, a ǹ ziziɛ̃ wa.

Ebrəə 3:13

Sɛnɛ, Lawa bɛ́ tɔn boo diɛ ka-n "pelo" ke, a n mà ka kɔ́n baran toa sii baraa sã, a na a too kaka kɔ wa. Ka n gɔn waa kɔn nɛ baraabaraa.

Sii-nyaan 15:4

Dɛnaa, die na a re nyɛ́ɛ biɛ n nɛ wa? Die na a re n guguru koe wa? A giala mà n dinsɔɔ̃ n sonbore. Tɔrɔ din tumaa á re die n yɔrɔ-a, ǹ tumaa á re n guguru koe. A giala mà n peperebaa nə́ n din nyaa foaã sisia.»

Sii-nyaan 20:12

Má geren tumaa yɛ, a bɔnboɛɛnɛn nɛ ka a dadaran nɛ, ǹ nə́ golee kii dankan lɛ yɔrɔ-a. Ǹ nə́ sɛ́wɔn lɛ bũ, geren lɛn sii-zɛnaan nə́ kiɛ̃ nɛ ǹ nɛ. Sɛ́wɔ kɔsɔ dɔ nə́ n lɛ bũ, yiikoonaabaa ǹ sɛ́wɔ n ka bɛ nɛ. Geren lɛn siin mɛnɛn bɛ́ kiɛ̃-n sɛ́wɔn lɛn nɛ, maǹ nə́ kiri kuru ǹ la bɛn lɛn li.