Malakii 2:6 - LAWA A BOO SONBORE 2011

⁶ Bɛa minin kɛn lɛn daraa ǹ boo tumaa na á goã pepere, ǹ soɛ boo kɔn da wa. Maǹ nə́ goã giã-n kũ ka masɛ nɛ yii-nyɛɛ gɔ́ɔ̃ nɛ ka peperebaa nɛ, ǹ nə́ min gigiã kurəə sii baraa zɛnaa ganaa.

LAWA A BOO SONBORE

⁶ Bɛa minin kɛn lɛn daraa ǹ boo tumaa na á goã pepere, ǹ soɛ boo kɔn da wa. Maǹ nə́ goã giã-n kũ ka masɛ nɛ yii-nyɛɛ gɔ́ɔ̃ nɛ ka peperebaa nɛ, ǹ nə́ min gigiã kurəə sii baraa zɛnaa ganaa.

Malakii 2:6 ပူးပေါင်းရင်းမြစ်များ

Siin Giala 17:1

Abramu lɛ̀ pɔmanangɔrɔwenmanangɔrɔ, Dɛnaa nə́ n din nyaa nɛ, á pɛ nɛ kɛnɛn: «Ma din nə Lawa Pàãyiidɛnaa lɛa. Tɔ wɔ masɛ yɔrɔ-a pepere, zɛ̀rɛ baran goã n ganaa wa.

Siin Giala 6:9

Nowee boo á ke: Nowee na á goã min pepere lɛa. A goã kanaa kun ka min mɛnɛn nɛ, a dinsɔɔ̃ a sii lɛ na á goã piɛ̃-n bɛn bii, Lawa wɔ paǹ li. Á goã koe Lawa a zii lɛ.

Loen 119:142

N peperebaa lɛ n goɛ̃ yǎa duduu, n landa boon lɛn man taãn lɛa.

Loen 119:151

Nsɛ Dɛnaa Lawa, n wɔlɔ á kunu, n dí-pɛn lɛn tumaa n taãn lɛa.

Loen 37:30

Min sonbore n sii-doɛ̃ boo diɛ, peperebaa ǹ boon n soe a lɛwɔn la.

Loen 37:37

Min mɛn gɔ́ɔ̃ bɛ́ fu, a n min pepere lɛa, min mɛn bɛ́ giɛ là nyantoro li, bɛa dɛnaa tɔrɔn tá re goɛ̃.

Suusun 5:2

Ń tá re yiridɛnaa biɛ, ka bɛ dɔ nɛ, n da ǹ boon tá re yiridɛnan wɔ biɛ.

Zeremii 23:22

Bɛ̀ maǹ maa sii yɔrɔ bɔn kɛn siére-a, bɛ̀ ǹ ná a boo da maa zaman nɛ. Ǹ giã ǹ gɔn baraa laanka ǹ sii baraan kɛn, bɛ̀ ǹ nə́ bɛn toa walan.

Danayeli sɛ́wɔ 12:3

Min mɛnɛn bɛ́ sii doɛ̃, bɛn tá re tɛ pii ka lon gɔ̀nɔn kɛ bɛ́ lɔn. Min mɛnɛn nə zaman damata daraa peperebaa ganaa, bɛn tá re tɛ pii ka leeren bɛ́ lɔn yǎa duduu.

Ozee 4:6

Maa minin lɛn man giɛ̃, ma doɛ̃baã taman yii. A giala, ka dinin nə́ n piã ka ma doɛ̃ nɛ, ma dɔ á re n piɛ̃ ka ka dɔn nɛ, ka a re maa wúlu-bɔlen biɛ doo wa. Ka yiri bɛ́ á bɔ ka kaa Lawa a dí-pɛn kɛn nɛ, masɛ dɔ yiri á die boe ka kaa nɛnyaanan kɛn nɛ.

Matiə 22:16

Ǹ nə́ ǹ kialandɛnan dia, kun ka min mɛnɛn bɛ́ kii Erɔdi a pàã li, mà ǹ wo pɛ Yezu ni: «Mìinaa, wɔsɛn tá doɛ̃, n tá sonbore pii, n tá minin darɛɛ Lawa a zii ganaa ka a peperebaa nɛ, n ba nyɛ́ɛ biɛ minbuiinin taasiɛ-n wa, a giala n ba minin bɔkɔnlɛ we wa.

Marki 12:14

Ǹ nə́ woo ǹ nə́ nɔ̀n da la kɛnɛn: «Mìinaa, wɔsɛn tá doɛ̃, wáa n tá sonbore pii, minbuiinin bɛ́ màn mɛn taasɛ, n ba nyɛ́ɛ biɛ bɛ-n wa, a giala, n ba minin bɔkɔnlɛ we wa, sɛnɛ, ma n minin darɛɛ Lawa a zii ganaa ka peperebaa nɛ. Á siĩni wɔ nyin giɔ̀mɔ saraa Rɔmun kii gole gole la hinlaa, wɔ baran saraa wa?»

Luku 1:6

Ǹ dinin min paa goã min peperen lɛa Lawa yɔrɔ-a, maǹ nə́ goã Dɛnaa a dí-pɛn lɛn tumaa bɔlɔ sii taãn-taãnɛ.

Luku 20:21

Ǹ nə́ nɔ̀n kɛ da la: «Mìinaa, wɔsɛn tá doɛ̃ wáa n bɛ́ màn mɛn pii, n bɛ minin darɛɛ ǹ mɛn-a, bɛ á pepere. N ba bɔkɔnlɛ we wa. Minin doamaa bɛ́ nɛ ǹ tɔ wɔ pepere lɔn Lawa a zii la, ma n minin darɛɛ bɛ ganaa sɔnbɔraanɛ.

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Timəə dí-pɛn 33:10

Ǹ dinin lɛn man Zakɔba tɔrɔn darɛɛ n sii yɔrɔ bɔ ǹ boon ganaa, ǹ dinin man Izirayeli minin darɛɛ n dí-pɛn ganaa. Ǹ dinin man nyɔɔ gìĩ kɔɔ̃n tiɛ̃ n yɔrɔ-a, ǹ dinin man *wúlu màn tiɛ̃ *wúlu bɔ ǹ bǎã kɛ nɛ.

Timəə dí-pɛn 33:8

*Levii tɔrɔn wɔ paǹ li, a na á kɛ pɛ: «Dɛnaa, ń nə́ n din dùũ dɔ̃ ǹ mànan kɔ ǹ dí-nyali sonboren kɛn la. Ń nə́ n da ǹ gɔ́ɔ̃ li Masaa, ń dɔlɔ bɔ ǹ ganaa Meribaa mu lɛ a boo-a.

Timəə dí-pɛn 33:9

Ǹ nə́ n din narɛ á la ǹ díin laanka ǹ náan manɛ, ǹ nə́ n piã ka ǹ dɔɔ̃nɔn nɛ n din a lɛa, ǹ nə́ ǹ nɛnyaanan tii n din a lɛa. Ǹ nə́ n boo kɛ tamaa, ǹ nə́ n yiri koa n lɛ kɔ kɔn la lɛ li.

Sii-nyaan 14:5

Min kɔ́n nə ǹ yɛ soɛ boe haalɛ pinin goon wa, sɔ̀n baraa kɔ́n goã ǹ ganaa wa.

Samayeli1 2:12

Yiili a nɛgiĩn lɛn man nə́ goã min gɛsɛn lɛa, ǹ goã Dɛnaa Lawa doɛ̃ wa.