Malakii 2:17 - LAWA A BOO SONBORE 2011

¹⁷ Ka n Dɛnaa Lawa nɔmɛɛ ka kaa boo gigiãn kɛn nɛ. Sɛnɛ ka n nɔ̀n diɛ: Wɔ n nɔmɛɛ ka yɔrɔ mɛn nɛ? Ka n pii: Min mɛn bɛ́ sii baraa zɛnɛɛ bɛ n siĩni Dɛnaa Lawa yii li, a n bɛ miã minin lɛn narɛ. Ka n pii dɔn: Lawa kɛ lɛ toɛ peperebaa n yii, á maa?

LAWA A BOO SONBORE

¹⁷ Ka n Dɛnaa Lawa nɔmɛɛ ka kaa boo gigiãn kɛn nɛ. Sɛnɛ ka n nɔ̀n diɛ: Wɔ n nɔmɛɛ ka yɔrɔ mɛn nɛ? Ka n pii: Min mɛn bɛ́ sii baraa zɛnɛɛ bɛ n siĩni Dɛnaa Lawa yii li, a n bɛ miã minin lɛn narɛ. Ka n pii dɔn: Lawa kɛ lɛ toɛ peperebaa n yii, á maa?

Malakii 2:17 ပူးပေါင်းရင်းမြစ်များ

Zɔbu 34:17

Man Lawa zɛ̀rɛ biɛ? A din lɛ n gole, á n pepere. Peperebaa bɛ́ a kɔɔ̃n min mɛn ganaa wa bɛ á boe la a nyɛɛnaan bɔ?

Zɔbu 34:36

Zɔbu a yii-koe-yɛ kɛ wo miɛ̃, a giala a n ma lɛ sii ka min baraan wɔ bɛ́ lɔn.

Zɔbu 36:17

Sɛnɛ, bɛ̀ n kiri wɔ ka min baraa bɛ́ lɔn, kiri á re mɛnɛɛ n la.

Zɔbu 9:24

Kanaa lɛ n min baraan gɔn. Lawa din nə n gɔn koe kiri-kurulin yii lɛ. Bɛ̀ a din bie wa, die kɔsɔ nɛ?

Boo-laakalaali 8:11

Nya ǹ dí baraan lɛn dɔlɔ bɛ́ a ba n boe a bǎã-n wa, bɛ lɛ n ke toɛ, sii baraa zɛnaa ǹ foo n minbuiin nɛ-n taãn-taãnɛ.

Izayii 1:14

Kaa mui dii zɔ́nɔn kɛn tìĩ bɔ ma nyin ni, ka kaa zɔ́n dadaraan kɛn nɛ. Maǹ guguru ma ganaa, má ǹ si ma ganaa ma nɔmaa ǹ nɛ.

Izayii 29:15

Min mɛnɛn bɛ́ sii zɛnɛɛ ka durii ni, ǹ nə́ ǹ taasiɛn duri Dɛnaa Lawa la, ǹ nə́ ǹ siin yɔrɔ boe tèlò basa li, bɔ̀n nə bɛn wɔ lɛa. Maǹ pii: «Die yii n wɔa sii zɛnaan ganaa, die n wɔ doɛ̃?»

Izayii 30:18

A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.

Izayii 43:22

Dɛnaa Lawa pɛ: Zakɔba, n lɛ dia ma la wa. Izirayeli, ma nə n nɔmaa ka ma nɛ.

Izayii 43:24

Masɛ a lɛa bie, ń wɔrɔ ziziɛ̃ ń da yon gìĩ kɔɔ̃n pii wa. N ma kã ka n wúlu màn siĩ nyɔɔn-an kɛn nɛ wa. Sɛnɛ, n sãn taman yii, ń ma baa bɛ̀rɛ lɛa. Ń ma nɔmaa ka n sii baraan nɛ.

Izayii 7:13

Izayii tɔ́n pɛ kəni: «Davida tɔrɔn lɛn, ka bǐɛ̃ kɔ ka n too kɔ! Ka n kaa zaman nɔmɛɛ, bɛa doe ka yii li wa ka n zoɛ̃ li ka maa Lawa dɔ nɔmaa?

Zeremii 12:1

Nsɛ Dɛnaa Lawa, n tá pepere. Sɛnɛ, man die kiri we kɔn ka n nɛ, man li ma boo da n nɛ peperebaa a paǹ li: A n siɛ lɔn min baraan sii á bǐɛ̃ koe kanaa, bɔlɔgoonbǎãdɛnan tá yii-nyɛɛ la? Bɛ n siɛ lɔn?

Zeremii 15:6

N din nə n ma toa walan, Dɛnaa Lawa a da ǹ boo ne, n nə n dɔ̀ɔ̃ wɔ ma nɛ. Bɛ lɛ nɛ, ma yoo n gialaa, ma n ziziɛ̃. Má makara bɔ n ganaa ma nɔmaa.

Zeremii 17:15

Á ke, minin man pii: «Dɛnaa Lawa a dɔlɔ lɛ dɔ? Á maa ke? A zɛnaa wɔ ga a ganaa!»

Zeremii 44:22

Sɛnɛ, Dɛnaa Lawa boo la á kaa giã ǹ gɔn babaraan laanka kaa sii bɔbɔnɛɛn kɛn si a din ganaa wa. Bɛ lɛ nɛ kaa gána lɛ kɛbɔlɔ baa, bǎã bɔbɔnɛɛ lɛa, min goon din ná a ba a-n wa. A n sii a kɔnboe lɛa lɛn baraa bíi a paǹ li ka min tumaa yii bɛa ganaa lɔn pelo.

Ezekieli 16:43

A giala, n nə n taasɛ n lɛlɛ ǹ kɛ-n wa. Bɛ lɛ nɛ, n sii kɛ lɛ tumaa zɛnaa n masɛ foo yoo ne. Bɛ lɛ nɛ, má n zɛnaa ǹ sii kɛ lɛ a dɔlɔ da n din mìi ni. Ma din Dɛnaa Lawa a da ǹ boo ne. Táa ma nə n bɛa sii gɔgɔrɛ kɛ lɛ zɛnaa n da n zɛnaa ǹ sii bɔbɔnɛɛn kɛn lɛn la.

Ezekieli 18:25

Sɛnɛ, kaa da ǹ boo á ke: «Dɛnaa Lawa a zɛnaa ǹ sii ba a yɔrɔ li wa.» Izirayeli tɔrɔn lɛn, ka n too kɔ. Masɛ a zɛnaa ǹ sii na a ba a yɔrɔ li wa? Ka dininmaan lɛn zɛnaa ǹ sii na a ba a yɔrɔ li wa.

Ezekieli 8:12

Dɛnaa Lawa tɔ́n pɛ ma nɛ: «Nsɛ minbuiin a nɛ, Izirayeli tɔrɔn lɛn min golen bɛ́ sii mɛn zɛnɛɛ wɔlɔ tì li, n yii tá a ganaa ke? Didie na a dì kion. A giala, maǹ pii mà Dɛnaa Lawa yii ba ǹsɛn ganaa wa, mà Dɛnaa Lawa gána lɛ din toa walan.»

Ezekieli 9:9

Á tɔ́n pɛ ma nɛ: – Izirayeli minin laanka Zudaa minin sii baraa lɛ gole kɔ á la yii ni. Kakaarɛbaa gána lɛ pã, mɛnaa kɔn la kiwi lɛ pã. A giala, maǹ pii: «Dɛnaa Lawa gána lɛ toa walan, a yii a màn kɔn ganaa wa.»

Amɔɔsi 2:13

Á ke masɛ n die ka yɔyɔrɛ, ka wotoro piɛ̃maa á ke á bɔ màn la lɔn.

Sofonii 1:12

Bɛa biikoo li, man die bolon diɛ ma Zeruzalɛmu kiwi guusi. Min mɛnɛn bɛ́ n dinin narɛ, ma á re dɔlɔ boe bɛn ganaa. Maǹ taasɛ ǹ gɔ́ɔ̃ nɛ: «Dɛnaa Lawa a boe màn kɔn la a zɛnaa wa, sii bǐɛ̃ lɛa hinlaa sii baraa lɛa.»

Malakii 2:14

Ka n nɔ́n diɛ ma wàa na a baa a ba ǹ li wa? A giala, Dɛnaa Lawa na á siére baa ka bii ka kaa tɔntɔraabaa waáraa lɔ kɛ nɛ, ka sã ka tii. A din lɛ-n ka gòã li ǹ lɔ lɛa, ka n doa n kɔn nɛ.

Malakii 3:8

Man ka lɛ sii kɛnɛn: «Minbuiin nɛ á boe la a Lawa sã?» Sɛnɛ, kasɛn man masɛ siɛ̃. Ka n nɔ̀n diɛ ma la: «Wɔ wɔ́ n sã ka wàa nɛ: kaa tán dí nya ǹ màn a talɛɛ a fùbaa ǹ wɔ a kɔmala gɔ́ɔ̃ nɛ, ka kaa wúlu màn a kɔmala nɛ.

Timəə dí-pɛn 32:4

A din nə wɔ tamaɛ, a sii tumaa lɛ n piɛ̃ nɛ. A n sii tumaa siɛ a zii li, Lawa bɔlɔgoondɛnaa nɛ, kɔkɔrɔbaa ba a li wa, a n pepere, telee ne.

Samayeli1 2:3

Ka baran din golee kɔ ǹ boo mɔnaa wa. Ka baran din koa ǹ boo da wa. Lawa mɛn bɛ́ sii-dɔɛ̃, bɛ n ka Dɛnaa Lawa nɛ. A din ni minbuiinin zɛnaa ǹ sii tumaa a kiri kuri.