Malakii 1:11 - LAWA A BOO SONBORE 2011

¹¹ A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

LAWA A BOO SONBORE

¹¹ A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Malakii 1:11 ပူးပေါင်းရင်းမြစ်များ

KZS1 16:25

Sonbore, Dɛnaa Lawa lɛ n gole. A din lɛ doamaa-n ka tɔ-bɔ nɛ. Á kakaarɛ á la lawan tumaa nɛ.

Loen 111:9

Dɛnaa Lawa din na á ná a minin si sii la, á lɛ kɔ kɔn la wɔ ǹ nɛ yǎa duduu. Dɛnaa Lawa tɔ lɛ n siĩni, a n gole.

Loen 113:3

A kũ wasa a bɔ tán ganaa, a wo a yii-sã yaa, min tumaa Dɛnaa Lawa tɔ bɔ.

Loen 138:5

Ǹ tá re n nya ǹ dín lɛn kalɛɛ ka loe ne: Dɛnaa Lawa a gugurubaa la yii ni.

Loen 141:2

Toa maa nyankɔ dii n din li, ka nyɔɔ gìĩ kɔɔ̃n bɛ́ lɔn. Ma gɔn tá n la, ma gɔn si, ka wasamiɛ̃n a *wúlu màn bɛ́ lɔn.

Loen 45:17

N nɛnyaanan tá re giɛ̃ n digolon kii dankan la, ǹ kɔn pinaa. N tá re ǹ koɛ kii lɛa, gána lɛ paǹ tumaa nɛ.

Loen 48:10

Ee Lawa, n din a kion kɛ nɛ, wɔ nə n taasɛ ka n kɔn-narɛɛ gole kɛ nɛ.

Loen 48:11

Ee Lawa, maǹ nə n tɔ boe kanaa paǹ yii ni, maǹ nə n guguru koe kanaa paǹ yii ni. N zɛnaa ǹ sii tumaa n pepere.

Loen 50:1

Asaafu a loe. Dɛnaa Lawa Pàãyiidɛnaa boo da. Á kanaa minin tumaa bíi wɔ, a saa lɛ̀ nyɛɛnɛ, yǎa lɛ̀giala-n.

Loen 65:9

Kanaa gùrù tumaa a minin nə́ nyɛ́ɛ baa n kaãbaa ǹ sii dadaran kɛn yɛ gɔ́ɔ̃ nɛ. N din nə lɛ̀giala laanka lɛ̀nyɛɛn minin kiɛ nyɛnyɛɛ ganaa.

Loen 67:2

Lawa, makara bɔ wɔ ganaa, n wɔ gɛrɛsiɛ bɔ. N yɔrɔ sonbore da wɔ la. *Doa

Loen 86:9

Dɛnaa, n tɔrɔn mɛnɛn tumaa zɛnaa, bɛn tá re die kiɛ tán-a n yɔrɔ-a, ǹ nə n tɔ guguru kɔ.

Loen 96:8

Ka golee li, mà gugurubaa lɛ na a din tɔ wɔ lɛa. Ka da ka kaa Lawa gɔ ǹ mànan nɛ, ka wɔ a kion lɛ a sumu-n.

Izayii 12:4

Bɛa pinaa kɛ nɛ, ka á re pii: «Ka Dɛnaa Lawa tɔ bɔ. Ka n lɛn saa lon, ka a Lawabaa pɛ. A sii dadaran mɛnɛn zɛnaa ka nɛ, ka bɛn laakalaa tɔrɔn tumaa nɛ.

Izayii 12:5

Ka loe lɔ ka Dɛnaa Lawa tɔ bɔ nɛ, a giala, á sii dadaran zɛnaa. Ka a laakalaa tɔrɔn tumaa bii.»

Izayii 19:21

Bɛa pinaa Dɛnaa Lawa á re n din nyɛɛ Ezipti minin manɛ. Ezipti minin dɔn tá re Dɛnaa Lawa dɔ doɛ̃. Ǹ tá re dí nyɛɛ nɛ, ǹ wúlu mànan laanka gɔn mànan kɔ la. Ǹ tá re lɛ kɔ we Dɛnaa Lawa nɛ, ǹ nà a lɛ pã.

Izayii 30:27

Dɛnaa Lawa á ke, a n boe tìãlɛa die. A foo-yoo n tɛ lɛa ka kurukuru. Foo-yoo nə n daa a lɛ la. A da ǹ boo n ka tɛ bɛ́ lɔn màn kuĩ.

Izayii 45:6

Bɛ lɛ nɛ, a kũ lɛ̀giala ganaa a wo lɛ̀nyɛɛn yaa, min tumaa á re doɛ̃, mà màn kɔn banban á kiɛ̃ masɛ la wa. Ma din ni Dɛnaa Lawa lɛa, kɔsɔ banban.

Izayii 54:5

A giala, min mɛn nə n zɛnaa, a tɔ n Dɛnaa Lawa Pàãyiidɛnaa, bɛ lɛ nə n zuũ lɛa. Min mɛn bɛ́ n kanbiɛ, bɛ n ka Izirayeli a Lawa sonbore kɛ nɛ, ǹ bɛ́ ǹ mɛn lɛ bíi mà «tán tumaa a Lawa.»

Izayii 59:19

A kũ lɛ̀nyɛɛn ganaa min tumaa á re Dɛnaa Lawa tɔ guguru koe, a wo lɛ̀giala yaa, ǹ tumaa á re a tɔ a gugurubaa doɛ̃. Dɛnaa Lawa n die die ka mu tii bɛ́ lɔn nyankɔrɔ basa nɛ, piɛ̃ n noɛ̃ die ne.

Izayii 66:18

Dɛnaa Lawa pɛ: «Ma tá ǹ zɛnaa ǹ siin laanka ǹ taasiɛ doɛ̃. Man die bɔlɔ tumaa a tɔrɔn soekɔn. Ǹ tá re die, ǹ maa gugurubaa yɛ.

Zeremii 10:6

Min kɔn ba ka n bɛ lɔn ma Dɛnaa Lawa. N tá gole, n pàã n tɔ golebaa koe n la.

Zeremii 10:7

N doamaa-n ka gugurubaa nɛ tán tumaa a Dɛnaa. Bɛ lɛ nə n wɔ gii lɛa. Sii-dɔ̃lin tumaa bii tán la, ǹ gánan tumaa bii, min kɔn ba ka n bɛ lɔn wa.

Zeremii 4:2

Bɛ̀ n tá pepere, bɔlɔgoondɛnaa lɛa, n gɔ́ɔ̃ n fu, bɛ̀ n lɛ kɔ wɔ, ń pɛ: «Ma nə n liɛ ka Dɛnaa Lawa Yiikoonaa tɔ nɛ», bɛa waáraa kəni, tɔrɔ kɔsɔn kɛn tá re ma nyankoe mà ma barka da ǹsɛn ganaa. Ǹ tá re gugurubaa yii masɛ taman yii.

Danayeli sɛ́wɔ 2:45

Kɔlɔ lɛ, á bɔ kele lɛ la a din li á daa fɔlɔ lɛ yɔyɔrɛ, zan lɛ nɛ, gì-tiɛ̃ lɛ nɛ, wɔrɔ lɛ laanka sana lɛ nɛ, bɛ n bɛ giala pii. Kii, sii mɛn bɛ́ re n zɛnɛɛ kɛ kio, Lawa gole na á bɛ nyaa n nɛ. N narɛɛ mɛn wɔ, a din taãn lɛ n ke. A binyəə lɛ dɔ, sàabaa ba la wa.»

Amɔɔsi 9:12

Bɛa biikoo li kəni, Edɔmu minin kɛn bǎãn mɛnɛn nə goã, tɔrɔ kɔsɔn mɛnɛn tumaa bɛ́ maa wɔ lɛa lɛlɛ, bɛn tá re Izirayeli tɔrɔn lɛn wɔ biɛ. Dɛnaa Lawa a da ǹ boo ne, a din dɔn die bɛ zɛnɛɛ.

Misee 5:4

A din lɛ n die die ka là nyantoro ne. Bɛ̀ Asiirii minin nə́ daa kɔ wɔa gána kɛ lɛ ǹ mɛn pinaa, bɛ̀ ǹ gòã mɛ wɔa pàãman kɛn kion ǹ mɛn pinaa, wɔ á die zia-baali damata kiɛ ǹ ganaa.

Sofonii 2:11

Dɛnaa Lawa n die kakaarɛ koe ǹ ganaa parsiini. A n die bɔ̀n diɛ ǹ dì kooron kɛn tumaa ganaa tán la. Gána mɛn tumaa wɔlɔ bɛ́ lui ni, bɛn tumaa n die n toɛ ǹ gána nɛ, ǹ nə n kuruməə tán-a a yɔrɔ-a.

Sofonii 3:9

Ma á re tɔrɔn tumaa *yoreen koe, màn mɛn bɛ́ toɛ, ǹ boo la ǹ masɛ Dɛnaa Lawa nyankɔ, ǹ dí nya ma nɛ ka foo goon ne.

Zakarii 8:7

Dɛnaa Lawa bɛ́ boo mɛn pii á ke: Taãn nɛ, má n pii, man die maa zaman lɛ kirisibiɛ ma bɔ-n lɛ̀nyɛɛn laanka lɛ̀giala gánan nɛ.

Malakii 1:14

Koe n die boe koɛɛ̃n-wɔle ganaa, ǹ mɛn bɛ́ tɔɔ kaka ná a tɔɔn bii, a lɛ-kɔ taman yii á tɔɔ wɔ̀lɔ̀dɛnaa kuĩ die koe ma la wúlu màn lɛa. Koe bɔ bɛ-a, a giala mà man kii gole lɛa tɔrɔ tumaa n nyɛ́ɛ biɛ ma pàã nɛ. Masɛ Dɛnaa Lawa Pàãyiidɛnaa n kɛ pii.

Malakii 3:3

A n die die a yisi boe ka *gɔ̀ nɛ, ká ǹ bɛ́ sana laanka wɔrɔ yoe bɛ̀ ǹ na a yoreen kɔ lɔn. *Levii tɔrɔn kɛn Lawa a wúlu-bɔlen lɛa, á re ǹ tumaa yoreen koe. Bɛn tá re ǹ *wúlu mànan koe Dɛnaa Lawa la a zii li.

Matiə 28:19

Bɛ lɛ taman yii, ka woo, ka tɔrɔ tumaa baa maa kialandɛnan lɛa, ka *batɛmu da ǹ ganaa, ka Díi Lawa laanka a Nɛgiĩ ka Yiri Fu tɔ nɛ.

Matiə 8:11

Man pii ka nɛ: Min gigiã tá re boe lɛ̀giala-n ka lɛ̀nyɛɛn nɛ, ǹ giã tán ǹ zɔ́n màn bii lon a kiibaa ǹ bǎã nɛ kun ka Zuifun digolo Abrahamu ni, ka Izaaki ni, ka Zakɔba nɛ.

Luku 1:10

A bɛ́ bɛa nyɔɔ gìĩ kɔɔ̃n kɛ lɛ tiɛ̃, zaman gole na á goã Lawa nyankoe kanaa.

Rɔmu minin 12:1

Dɔɔ̃nɔn lɛn, man ka nyankoe, Lawa a makara-doɛ̃ a lɛa, ka ka dinin kɔ Lawa la, *wúlu màn yiikoonaan lɛa, wúlu mànan mɛnɛn bɛ́ koa nɛ a din ni, ǹ nə́ kɔɔ̃n a ganaa. Bɛ lɛ n die goɛ̃ kaa Lawa guguru kɔ ǹ gɔn sonbore lɛa.

Rɔmu minin 15:16

A giala, Lawa na á ma bíi, mà ma Yezu Krita lɛ boo da tɔrɔ kɔsɔn bii. Mà ma Lawa a Boo Tii Kɔɔ̃n kɛ pɛ ǹ nɛ, màn mɛn bɛ́ toɛ, ma boo la ma ǹ kɔ Lawa la, ǹ nə́ kɔɔ̃n a ganaa. Man bɛa dí lɛ nyɛɛ ka wúlu-bɔle bɛ́ *wúlu màn koe Lawa la lɔn. Yiri Fu lɛ n toɛ, Lawa boo la a lɛ kɔ ǹ ganaa.

Filipi minin 4:18

Ka màn mɛn tumaa dia ma la, má yɛ, á la ma lɛ-n dinin. Epafroditi bɛ́ á daa kaa dɔmalɛn lɛn kɔ ma la, màn kɔ́n wɛɛ ba ma-a doo wa. Kaa bǐɛ̃baa ǹ mànan lɛn man ka wúlu bɔ ǹ màn gìĩ kɔɔ̃n bɛ́ lɔn, ka Lawa bɛ́ lɛ koe wúlu mɛn ganaa, a ń kɔɔ̃n a ganaa.

Tesaloniki2 1:12

Bɛ lɛ n die toɛ wɔa Dɛnaa Yezu tɔ bɔ kaa zɛnaa ǹ sii gɔ́ɔ̃ nɛ, ka dɔn tɔ bɔ a dɔ wɔ gɔ́ɔ̃ nɛ, wɔa Lawa laanka wɔa Dɛnaa Yezu Krita á bǐɛ̃baa kɛ barka nɛ.

Timote1 2:8

Man giɛ li kəni, máa giĩn nə Lawa nyankɔ bǎã tumaa ni, ǹ nə n gɔnɔn dia Lawa la, ǹ gɔ́ɔ̃ n fu, foo-busii ná a banban, zia ná a banban.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»

Sii-nyaan 15:4

Dɛnaa, die na a re nyɛ́ɛ biɛ n nɛ wa? Die na a re n guguru koe wa? A giala mà n dinsɔɔ̃ n sonbore. Tɔrɔ din tumaa á re die n yɔrɔ-a, ǹ tumaa á re n guguru koe. A giala mà n peperebaa nə́ n din nyaa foaã sisia.»

Sii-nyaan 5:8

A bɛ́ á sɛ́wɔ lɛ si biikoo mɛn li, màn yiikoonaa pàãdɛnaa sii kɛ laanka *min gole fuəwensii kɛ kaa tán Sère Nɛ lɛ giulun, tùtu n didie gɔn. Sana donkolon dɔ n didie tumaa gɔn, a piɛ̃maa-n ka màn gìĩ kɔɔ̃n-a nɛ. Bɛa màn gìĩ kɔɔ̃n-a lɛ n Lawa a min sonboren Lawa-nyankɔ giala pii.