Luku 6:8 - LAWA A BOO SONBORE 2011

⁸ Sɛnɛ, Yezu goã ǹ taasiɛn doɛ̃. Á pɛ giĩ gusin a gɔn gere-a lɛ nɛ: «Yoo lon, n da golee kànaa.» Giĩ lɛ yoo, á woo golee a gòãn la.

LAWA A BOO SONBORE

⁸ Sɛnɛ, Yezu goã ǹ taasiɛn doɛ̃. Á pɛ giĩ gusin a gɔn gere-a lɛ nɛ: «Yoo lon, n da golee kànaa.» Giĩ lɛ yoo, á woo golee a gòãn la.

Luku 6:8 ပူးပေါင်းရင်းမြစ်များ

KZS1 28:9

Nsɛ dɔ, maa nɛgiĩ Salomɔn, toa n nə daraa n díi a Lawa doɛ̃ ganaa. Dí nya nɛ n foo ná a talɛɛ-n ma, n yiri n bǎã goon ne. A giala, Dɛnaa n giɛ wɔ gɔ́ɔ̃ ganaa, á minbuiinin taasiɛ din tumaa doɛ̃. Bɛ̀ n ga li á re toɛ n yɛ. Sɛnɛ bɛ̀ n tii, á re n zuĩ bii-a yǎa duduu.

KZS1 29:17

Maa Lawa, máa doɛ̃, máa n tá giɛ̃ wɔ gɔ́ɔ̃ ganaa, màn mɛn bɛ́ pepere bɛ n kɔɔ̃nɛ n ganaa. Man ma bɔ ma din ni má n gɔn mànan kɛn kɔ n la, ka ma foo tumaa nɛ. Ma yii tá a ganaa kanna, ka foo kɔɔ̃n nɛ, n zaman nə́ n sɔkɔn ǹ nə́ zɛnɛɛ ka a din yɔrɔ lɛ nɛ.

Zɔbu 42:2

– Má dɔ̃ máa n tá boe sii din tumaa la, sii kɔn ba piɛ̃ n ganaa wa.

Loen 44:21

Bɛ̀ wɔ yiri na á bɔ ka n tɔ kɛ nɛ, wɔa Lawa, bɛ̀ wɔ n wɔ́ n gɔn dia lawa kɔsɔ la,

Izayii 42:4

A foo a re ziziɛ̃ wa. A gù a re giɛ̃ wa, yǎa peperebaa yii tán tumaa la. Gánan mɛnɛn bɛ́ mu nə́ ǹ da bii, bɛn man giɛ a daraa li.»

Matiə 9:4

Yezu nə́ ǹ taasiɛ dɔ̃, á pɛ ǹ nɛ: – Wàa na á baa ka tá bɛa taasiɛ naarɛn kɛn we?

Marki 3:3

Yezu tɔ́n pɛ giĩ gɔn gere-a lɛ nɛ: «Yoo n da kànaa min din tumaa yɔrɔ-a.»

Luku 13:12

Yezu bɛ́ á yɛ á pɛ: «Lɔ lɛ, á ke n busu lɛ nya sisia.»

Luku 5:22

Sɛnɛ, Yezu bɛ́ ǹ taasiɛn doɛ̃, á pɛ ǹ nɛ: – Wàa nɛ ka tá taasiɛn kɛn we ka gɔ́ɔ̃ nɛ?

Luku 6:9

Yezu pɛ ǹ nɛ: «Man nɔ̀n diɛ ka la, kasɛn landa siin lɛn man lɛ koe wàaǹ sii nə n zɛnaa min ni susu ǹ pii pinaa? Sii bǐɛ̃ hinlaa sii baraa? Min nyin si gɛ̀ la hinlaa a nyin bɔ?»

Zaã a sɛ́wɔ 2:25

a laadoo din ba a ganaa mà min siére pɛ asɛ nɛ minbuiin nɛ wɔ gɔn la wa; taasiɛ mɛn bɛ́ minbuiin nɛ gɔ́ɔ̃ nɛ, asɛ á doɛ̃.

Zaã a sɛ́wɔ 21:17

A sɔɔbaa ǹ wɔ, á wusoo á pɛ nɛ doo: «Zaã a nɛgiĩ Simɔn, n tá masɛ narɛ?» Yezu a wusoo á pɛ Piɛrɛ nɛ kɛ lɛ a gunyin sɔɔbaa ǹ wɔ mà a tá asɛ narɛ ya, bɛ́ Piɛrɛ yɔrɔ kɔsɛ. Á tɔ́n pɛ Yezu ni: «Dɛnaa, n tá sii din tumaa doɛ̃, n tá doɛ̃ mà masɛ tá n narɛ!» Yezu tɔ́n pɛ nɛ: «Ga masɛ a sèren lɛn walan.

Zaã a sɛ́wɔ 9:4

Bɛ̀ lɛ̀ waa lɔn, dí-nyalin man nə ǹ dí nyɛɛ, bɛ̀ wɔlɔ baa tii. Wɔsɛn dɔn doamaa nɛ, wɔ masɛ a dia wole a dín nya miɛ̃. A giala, min kɔ́n ba re boe la a dí nya tèlò-n wa.

Nya ǹ dín 20:24

Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.

Nya ǹ dín 26:26

Ma bɛ́ boo diɛ ka kii Agripaa mɛn nɛ, ma á doɛ̃ taãn-taãnɛ, bɛ tá siin kɛn lɛn tumaa siére-a, ǹ kɔ́n ba durii-n la wa, a giala, bɛa siin kɛn lɛn bɛ́ ǹ bie ǹ nə́ n zɛnaa durii-n wa.

Filipi minin 1:28

Ka baran toa kaa zɔ́ɔn nə nyɛ́ɛ da ka ganaa ka sii kɔ́n nɛ wa. Bɛ á re sii biɛ, a n nyɛɛ ǹ nɛ, mà ǹ dininmaan wɔ na á ziziɛ̃, a n nyɛɛ mà kasɛn man kaa kirisibaa ǹ zii la, a giala, bɛ lɛ n boe Lawa li.

Ebrəə 4:13

Màn kɔ́n din ba durii-n Lawa la wa. Màn din tumaa na a yɔrɔ-a panparaanɛ, a yii nə́ ǹ ganaa. Wɔ tumaa n die n bɔlɔ pii a din yɔrɔ-a.

Piɛrɛ1 4:1

*Krita lɛ bɛ́ á fuu yɛ a din gɔ̀nɔn nɛ, ka dɔn doamaa nɛ ka ka dinin yɔrɔ bɔ bɛa lɛa. A giala, min mɛn bɛ́ fuu yii a din gɔ̀nɔn nɛ, bɛa dɛnaa nə n dɔ̀ɔ̃ we sii baraa nɛ.

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.