Luku 6:45 - LAWA A BOO SONBORE 2011

⁴⁵ Min sonbore n bǐɛ̃ zɛnɛɛ, a giala a gɔ́ɔ̃ n fu, min baraa dɔ n baraa zɛnɛɛ, a giala a gɔ́ɔ̃ n tì. Min gɔ́ɔ̃ bɛ́ á pã ka boo mɛn nɛ, a lɛ n bɛ lɛ diɛ.»

LAWA A BOO SONBORE

⁴⁵ Min sonbore n bǐɛ̃ zɛnɛɛ, a giala a gɔ́ɔ̃ n fu, min baraa dɔ n baraa zɛnɛɛ, a giala a gɔ́ɔ̃ n tì. Min gɔ́ɔ̃ bɛ́ á pã ka boo mɛn nɛ, a lɛ n bɛ lɛ diɛ.»

Luku 6:45 ပူးပေါင်းရင်းမြစ်များ

Loen 140:5

Dɛnaa Lawa, n nyan toa min baraan kɛn gɔn dɔ ma-a wa. Ma kanbaa min kakaarɛn kɛn ganaa, bɛn mɛnɛn bɛ́ giɛ maa bɔ a daa ǹ gɔn li.

Loen 59:12

N baran ǹ dɛ n nə ǹ yɔyɔrɛ sisia wa. Bɛ bie wa, ma tɔrɔ minin kɛn yiri á re boe n gɔ̀lɔ̀baa kɛ nɛ. Dɛnaa, n din nə wɔa goóro lɛa. Bìn da ǹ ganaa ka pàã gole ne, n toa ǹ mɛnaa.

Loen 59:7

Wasamiɛ̃-n lɛn li, maǹ die ka ginin bɛ́ lɔn. Maǹ nə n lɛ dii, ǹ nə́ kiwi lɛ lɛnpɛnɛ.

Suusun 12:18

Min mɛn bɛ́ boo diɛ a mìi gialaa, a n goon ka gɔya sa nɛ busu diɛ. Sɛnɛ min mɛn bɛ́ boo diɛ ka sii-doɛ̃ nɛ, a n dagòã lɛa busu nyɛɛ.

Suusun 15:23

Lɛ si ǹ boo sonbore n foo kɔɔ̃n koe. Bɛ̀ boo nə n da á kɔnpɛ a biikoo ne, bɛ n sii bǐɛ̃ lɛa.

Suusun 4:23

Bɛ tumaa a kiɛ̃ kio, boo n foo la a giala yiikoonaabaa a bɔ ǹ bǎã nɛ.

Zaã a sɛ́wɔ 7:38

Bɛ̀ min mɛn golee masɛ li, yiikoonaabaa kɔ ǹ mu á die bɛa dɛnaa foo basɛ̃, min kɔsɔ dɔ wɔ bǐɛ̃ kɔ a gɔ́ɔ̃ nɛ, ka mu bɛ́ n toɛ tà nɛ, a baa si a wo bǎã kɔsɔ dɔ bǐɛ̃ kɔ lɔn. Lawa a boo na á pɛ miɛ̃.»

Nya ǹ dín 5:3

Sɛnɛ, Piɛrɛ pɛ nɛ: «Ananiasi, wàa na á baa ń toa *Sɛtaan nə́ n gɔ́ɔ̃ tii kɛnɛn, á n diɛ soɛ bɔ ganaa Lawa a Yiri Fu ni? Táa ma nə n tán giɔ̀mɔ lɛ kɔ́n bɔ.

Efɛɛzi minin 3:8

Masɛ n Lawa a zaman kɛ a min bɔnboɛɛnɛn tumaa a boɛɛndɛnaa lɛa. Bɛ tumaa kio, Lawa nə́ n tã la, á lɛ kɔ ma la, ka bɛa bǐɛ̃ kɛ nɛ. Mà ma Krita a màndɛnaa gole gole baa ǹ Boo Tii Kɔɔ̃n kɛ pɛ tɔrɔ kɔsɔn manɛ.

Efɛɛzi minin 4:29

A kɔnboe boo baraa kɔ́n bɔ ka lɛ-n wa. Sɛnɛ, bɛ̀ ka á boo diɛ, a goã boo sonbore lɛa, á n boe la á n doe min kɔsɔ lɛ, á n bǐɛ̃ zɛnɛɛ a ma wolen ne.

Efɛɛzi minin 5:19

Ka kɔn foo taã ka Lawa tɔ bɔ ǹ loen ne, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ. Ka bɛa loen kɛn lɔ Dɛnaa nɛ, ka a tɔ bɔ ka ka foo tumaa nɛ.

Kolɔɔsi minin 3:16

Ka toa Krita a boo kɛ goã ka bii, a na a bǐɛ̃ kɛ tumaa zɛnaa ka foo ne. Ka kɔn daraa ka yiri sonbore ne, ka n dan da kɔn nɛ sɔnbɔraanɛ. Ka Lawa tɔ bɔ, ka barka da nɛ ka ka foo din tumaa nɛ. Ka Lawa tɔ bɔ ǹ loen lɔ, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ.

Kolɔɔsi minin 4:6

Ka toa kaa boo goã boo sonbore lɛa biikoo tumaa li, á n kɔɔ̃nɛ, ka bɛ dɔ nɛ, ka min gogoonmaa lɛ si sɔnbɔraanɛ.

Ebrəə 8:10

Ma bɛ́ re lɛ kɔ kɔn la dii mɛn we ka Izirayeli tɔrɔ minin kɛn nɛ, bɛ á ke: Ma din Dɛnaa n pii, máa bɛa lɛawaan kɛn lɛn kiɛ̃ kio, man die maa dí-pɛn we ǹ yiri ni, man die ǹ kiɛ̃ ǹ foo ganaa. Ma á re goɛ̃ ǹ Lawa lɛa, ǹ dɔn tá re goɛ̃ ma din a tɔrɔ lɛa.

Zude 1:15

màn mɛn bɛ́ toɛ, a kiri kuru min tumaa la. Á die dɔlɔ diɛ piã-wɔlen mìi ni, ǹ gɔ́ɔ̃ tii Lawa ganaa siin kɛn lɛa, ka ǹ boo bɔnɛɛn kɛn tumaa nɛ, ǹ nə́ ǹ da Lawa gana.»