Luku 6:28 - LAWA A BOO SONBORE 2011

²⁸ Min mɛnɛn bɛ́ n liɛ ka li, ǹ mɛnɛn dɔn bɛ́ boe ka yii ni, ka Lawa nyankɔ bɛn lɛa Lawa bǐɛ̃ zɛnaa ǹ nɛ.

LAWA A BOO SONBORE

²⁸ Min mɛnɛn bɛ́ n liɛ ka li, ǹ mɛnɛn dɔn bɛ́ boe ka yii ni, ka Lawa nyankɔ bɛn lɛa Lawa bǐɛ̃ zɛnaa ǹ nɛ.

Luku 6:28 ပူးပေါင်းရင်းမြစ်များ

Kiin1 13:6

Kii Zeroboamu lɛ tɔ́n pɛ Lawa a boo gii-dali lɛ nɛ mà a bǐɛ̃ kɔ a na a Lawa, Dɛnaa Lawa lɛ gòã kũ asɛ a lɛa, màn mɛn bɛ́ toɛ a foo basã, asɛ gɔn lɛ boo la a n mɔrɔ asɛ ganaa doɛ̃. Lawa a boo gii-dali lɛ Dɛnaa Lawa gòã kũ, a foo basã, kii lɛ gɔn lɛ tɔ́n boo la, á n mɔrɔ a ganaa doɛ̃, a ná a lɛlɛ ǹ bǎã saa.

Ezekieli 25:15

Masɛ Dɛnaa Lawa bɛ́ màn mɛn pii, bɛ n ka kɛ nɛ: – Filisiti minin man nə́ sii zɛnaa, ǹ nə́ ǹ gɛ̀ dòo bɔ nɛ. Ǹ min puusə kɔ ǹ sii gole mɛn zɛnaa ǹ nə́ ǹ gɛ̀ dòo bɔ nɛ, basaã-kɔ dinsɔɔ̃ a lɛa, lɛlɛ a zɔ́ɔbaa taman yii,

Ezekieli 36:5

Bɛ lɛ na á toa, masɛ Dɛnaa Lawa á kɛ pii: Bɛ̀ ma foo kɛ yoo, a n ka tɛ bɛ́ lɔn. Man ma foo pii tɔrɔ kɔsɔn kɛn tumaa nɛ, sanparɛ Edɔmu minin kɛn dinin. A giala, ǹ nə́ maa gána lɛ baa ǹ dinin wɔ lɛa. Ǹ foo yii na á goã kɔɔ̃nɛ, busii nə́ ǹ gɔ́ɔ̃ nɛ, maa gána lɛ wɔ paǹ li. Maǹ nə́ goã giɛ li, ǹ na a mànan goa, ǹ na a gɔ́ɔ̃ kooro toa.

Matiə 5:44

Sɛnɛ masɛ n pii ka nɛ, ka kaa zɔ́ɔn narɛ. Min mɛnɛn bɛ́ fuu nyɛɛ ka nɛ, ka Lawa nyankɔ bɛn manɛ.

Luku 23:34

Yezu pɛ: «Maa Díi, ǹ sã toa ǹ nɛ, a giala, ǹ bɛ́ màn mɛn zɛnɛɛ ǹ ba bɛ doɛ̃ wa.» Ǹ bɛ́ re Yezu a mɔnaan gii kɔn, maǹ nə́ n pã.

Luku 6:27

Yezu pɛ: «Sɛnɛ, masɛ n pii ka nɛ, kasɛn mɛnɛn bɛ́ n too koe ma lon, ka kaa zɔ́ɔn narɛ, ka bǐɛ̃ zɛnaa kaa baa zɔ́ɔbaa wolen manɛ.

Luku 6:35

Sɛnɛ, bɛ̀ ka tá li ka n baa Lon a Lawa Gole a nɛnyaanan lɛa sonbore, ka saraa gole yɛ, ka siin kɛn zɛnaa: Ka kaa zɔ́ɔn narɛ, ka bǐɛ̃ zɛnaa, min mɛnɛn bɛ́ pàã ba ǹ lon ǹ giɔ̀mɔ dòo saraa wa, ka giɔ̀mɔ da bɛn-a, a giala Lawa lɛ sɛ n bǐɛ̃ zɛnɛɛ bǐɛ̃-doɛ̃ baãnaan laanka min baraan manɛ.

Nya ǹ dín 14:5

Zuifun laanka tɔrɔ kɔsɔn nɛ, ka kiwi lɛ a nyɛɛnaandɛnan nɛ, bɛn nə́ ga li mà ǹ yoo dia dí-a wolen lɛn gialaa, ǹ nə ǹ dɛ ka kɔlɔ nɛ.

Nya ǹ dín 7:60

Bɛ kio, á n musin kurumaa tán, á n lɛn gole bɔ á pɛ: «Dɛnaa, sii baraa kɛ toa ǹ nɛ.» A bɛ́ á bɛ da á nya, á gã.

Rɔmu minin 12:14

Min mɛnɛn bɛ́ boe ka yii ni, ka Lawa nyankɔ bɛn lɛa, mà Lawa bǐɛ̃ zɛnaa ǹ nɛ. Ka Lawa nyankɔ ǹ lɛa, ka baran dì bíi ǹ li wa.

Korɛnti1 4:12

Wɔ dinin man dí nyɛɛ wɔ nɔmaa, wɔ tɔn màn-bii yɛ. Bɛ̀ ǹ tá sɔ koe wɔ ganaa, wɔ ǹ barka diɛ ǹ ganaa. Bɛ̀ ǹ tá boe wɔ yii ni, wɔ n sii wɔ ganaa.

Zaaki 3:10

Boo bǐɛ̃ laanka a baraa nɛ, ǹ tumaa n boe a din lɛ goon kɛ lɛ nɛ. Ma dɔɔ̃nɔn lɛn, a siĩni a n baa miɛ̃ wa.

Piɛrɛ1 3:9

Bɛ̀ min sii baraa zɛnaa ka nɛ ka baran a dòo saraa ka baraa-n wa. Bɛ̀ min sɔ kɔ ka ganaa, ka baran a dòo saraa ka sɔ-n wa. Sɛnɛ, Lawa na á ka bíi, mà ka Lawa bǐɛ̃ bíi ǹ li, bɛ kio kəni, a din tá re bǐɛ̃ zɛnɛɛ ka nɛ.