Luku 5:35 - LAWA A BOO SONBORE 2011

³⁵ Sɛnɛ, lɛawaan tá re die, ǹ tá re lɔ tii ǹ zuũ boe ǹ bii. Bɛa biikoo li ǹ tá re n lɛ soɛ.»

LAWA A BOO SONBORE

³⁵ Sɛnɛ, lɛawaan tá re die, ǹ tá re lɔ tii ǹ zuũ boe ǹ bii. Bɛa biikoo li ǹ tá re n lɛ soɛ.»

Luku 5:35 ပူးပေါင်းရင်းမြစ်များ

Izayii 22:12

Bɛa pinaa kɛ nɛ, Dɛnaa Lawa Pàãyiidɛnaa na á goã li mà ka wuu pɛ, ka n lɛ dɛ, ka n mìi kɔɔ̃, ka gɛ̀ koa ǹ mɔnaan wɔ.

Danayeli sɛ́wɔ 9:26

Lɛ̀ sɔbaa wɔlɔ pɔsɔrɔwenpaa lɛ kio, Lawa min mɛn lɛ bɔ á koa, ǹ tá re bɛ dii, min kɔn ná a sii a da wa. Bɛ kio, goledɛnaa goon tá re die ka a zaman nɛ ǹ kiwi lɛ laanka Lawa a kion lɛ ziziɛ̃. Sɛnɛ, a giala-nyɔmiɛ̃ li, Lawa a foo-yoo á re bɛa goledɛnaa lɛ bii. A wo kaa zia lɛ a nya lɛ, basaã n die goɛ̃ a tan miɛ̃ ká a bɛ́ á n pɛ lɔn.

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Matiə 9:15

Yezu tɔ́n boo giməə da ǹ nɛ a din wɔ gɔn la á pɛ: «Lɔ tii ǹ zuũ a giaáran tá boe la ǹ nə n yɔrɔ kɔsɛ n lɔ tii ǹ zuũ din toa kunun ǹ ni ya? Haayii. Sɛnɛ, lɛawaa tá re die, ǹ tá re lɔ tii ǹ zuũ boe ǹ bii, ǹ tá re n lɛ soɛ bɛa biikoo li.»

Marki 2:20

Sɛnɛ lɛawaan tá re die, ǹ tá re lɔ tii ǹ zuũ boe ǹ bii, bɛ̀ bɛa biikoo lɛ dɔ, ǹ tá re n lɛ soɛ.»

Luku 17:22

Yezu tɔ́n pɛ kialandɛnan lɛn nɛ: «Biikoo á re die, minin tá re giɛ li mà ǹ goã Min a Nɛgiĩ a kiibaa giulun, haalɛ tá lɛawaa goon toto ne, sɛnɛ, ǹ ba re yii wa.

Luku 5:34

Yezu tɔ́n boo giməə da ǹ nɛ a din wɔ gɔn la: «Ǹ tá boe la, ǹ lɔ tii ǹ zuũ a giaáran kaa lɛ sɔɔ ganaa, bɛ̀ lɔ tii ǹ zuũ dinmaa n kunun ǹ ni?

Luku 5:36

Yezu boo giməə kɔsɔn da ǹ nɛ a din a daraa dii kɛ wɔ gɔn la, á pɛ: «Min kɔ́n ba mɔnaa dii lɛkoro toɛ̃ a dɔ mɔnaa zizi lɛ wa. A giala bɛa mɔnaa dii lɛ n die mɔnaa zizi lɛ nyɔsɛ̃, a na a ziziɛ̃ ǹ gòã baa, ka bɛ dɔ nɛ, bɛa mɔnaa dii lɛkoro dɔ mɔnaa zizi lɛ lɛ a bǐɛ̃ koe wa, a giala ǹ ba goon wa.

Zaã a sɛ́wɔ 12:8

Mà doobaan kɛn, mà bɛn tá kunun ǹ ni biikoo tumaa li, sɛnɛ, mà asɛ bie re goɛ̃ kunun ǹ ni miɛ̃ wa.

Zaã a sɛ́wɔ 13:33

Maa wɔn lɛn, man kun ka nɛ biikoo boɛɛn dinsɔɔ̃ gɔ́ɔ̃ nɛ. Ka tá re giɛ masɛ li; sɛnɛ, ma màn mɛn pɛ Zuifun manɛ, man bɛ lɛ pii ka dɔn man sisia: Ma bɛ́ woe bǎã mɛn nɛ, ka a boe la ka wo walan wa.

Zaã a sɛ́wɔ 16:28

Man má bɔ maa Díi li má daa kanaa gɔ́ɔ̃ nɛ. Sisia, ma nə n boe kanaa gɔ́ɔ̃ nɛ ma á woe maa Díi li.»

Nya ǹ dín 1:9

Bɛa boon kɛn lɛn diɛ kio, Yezu gòãn nə́ yoo ǹ nə́ n bɔ tán, á dii lon bɛ̀ ǹ nə́ giɛ a ganaa. Labara goon nə́ n kɔ lɛ ǹ yɔrɔ-a.

Nya ǹ dín 14:23

Lawa a sɔmɔ gogoonmaa nɛ, ǹ nə́ nyɛɛnaandɛnan bɔ ǹ nə́ ǹ koa minin mìi la, ǹ nə́ Lawa nyankɔ bɛ̀ ǹ nə́ n lɛ soɛ. Ǹ nə́ ǹ sii wɔ Dɛnaa din gɔn, ǹ bɛ́ ǹ nə́ golee Dɛnaa mɛn li.

Nya ǹ dín 3:21

Yezu lɛ doamaa nɛ a goã lon Lawa a piɛ, yǎa Lawa din nə wusii a màn tumaa biɛ dii lɛa, ká a bɛ́ á wɔ a boo gii-dali sonboren lɛ-n, ǹ nə́ saa lɛlɛ ǹ nə́ pɛ haalɛ bibi lɔn.

Korɛnti1 7:5

Ka nyan nə n piã ka kɔn nɛ wa, yǎa bɛ̀ ká pɛ kɔn nɛ, ka ń zoɛ̃ mà ka Lawa nyankɔ biikoo tɛn li. Sɛnɛ bɛ kio, ka ǹ wusii ka kaa kun a giala yii li. Bɛ̀ bɛ bie wa, boo ma din la baã tɔn kiɛ̃ a ka kũ, *Sɛtaan boo la a ka bebere.

Korɛnti2 11:27

Má nɔmaa ǹ dí kakan nya, biikoo gigiã li ma nyuù wɔ wa, bòo ma kũ, mu boro ma kũ. Biikoo gigiã li má n lɛ sɔɔ, má nɔmaa nyan gɔn ka mɔnaa wɛɛ nɛ.