Luku 24:44 - LAWA A BOO SONBORE 2011

⁴⁴ Bɛ kio á pɛ ǹ nɛ: «Á ke man má goã má boon kɛn pɛ ka nɛ, bɛ̀ ma bɛ́ kun ka nɛ. Màn mɛn tumaa nə n kiɛ̃ masɛ wɔ gɔn la Muizu a dí-pɛn sɛ́wɔ nɛ, Lawa a boo gii-dalin wɔn nɛ, ka Loen sɛ́wɔ nɛ, yǎa bɛ lɛ tumaa lɛ piɛ̃.»

LAWA A BOO SONBORE

⁴⁴ Bɛ kio á pɛ ǹ nɛ: «Á ke man má goã má boon kɛn pɛ ka nɛ, bɛ̀ ma bɛ́ kun ka nɛ. Màn mɛn tumaa nə n kiɛ̃ masɛ wɔ gɔn la Muizu a dí-pɛn sɛ́wɔ nɛ, Lawa a boo gii-dalin wɔn nɛ, ka Loen sɛ́wɔ nɛ, yǎa bɛ lɛ tumaa lɛ piɛ̃.»

Luku 24:44 ပူးပေါင်းရင်းမြစ်များ

Siin Giala 14:18

Mɛlkizedɛki mɛn bɛ́ á goã Salɛmu kiwi a kii lɛa, Lon a Lawa a wúlu-bɔle dɔ lɛa, bɛ́ daa màn-bii laanka yɔ nɛ.

Siin Giala 22:18

Kanaa a tɔrɔn dinin tumaa á die lɛn bǐɛ̃ bíi kɔn li ǹ pɛ: «Lawa barka wɔ n nɛ ka Abrahamu tɔrɔn wɔ bɛ́ lɔn.» A giala, ń masɛ bɔlɔ si.

Siin Giala 3:15

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Loen 118:22

Kion-dɔlen nə n piã ka kɔlɔ mɛn nɛ, a din na á wusoo á kɛ gùrù dɔ ǹ kɔlɔ baa.

Izayii 28:16

Bɛ lɛ nɛ, Dɛnaa Lawa a boo á pii: «Man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n tiləə a ganaa, bɛa dɛnaa a re bìn diɛ wa.

Izayii 52:13

Dɛnaa Lawa pɛ: Á ke, maa dí-nyali n die bǐɛ̃ koe. Ǹ tá re a guguru koe, ǹ na a laakalaa gugurubaa n die n koe la.

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Zeremii 23:5

Á ke, lɛawaan tá re doe, Dɛnaa Lawa a da ǹ boo ne, Davida tɔrɔ taãn tá re yii, a kiibaa zɛnaa, ka yiridɛnaabaa nɛ. Á re peperebaa laanka sonborebaa zɛnɛɛ gána lɛ nɛ.

Zeremii 33:14

Á ke, lɛawaa á die, Dɛnaa Lawa a da ǹ boo ne, man lɛ kɔ ka sii mɛn nɛ Izirayeli zaman la ka Zudaa minin ni, ma á re bɛ zɛnɛɛ.

Ezekieli 17:22

Masɛ din Dɛnaa Lawa n kɛ pii: Ma á re da kaka kɛa gùrù ten boe a mìi ni, ma á re yiɛ ma bɔ a gùrù lɛwɔn ganaa lon, ma dinmaa n die zumi kele sasa goon mìi ni lon.

Ezekieli 34:23

Man die tɔɔn-lɛduə̃li goon toto boe ma da maa tɔɔn lɛn mìi la, bɛ ga ǹ walan: Bɛ n ka maa dí-nyali Davida nɛ. Bɛ lɛ á re giɛ ǹ walan, bɛ lɛ á re ǹ lɛduə̃li biɛ.

Danayeli sɛ́wɔ 2:44

Bɛa kiin kɛn lɛn wasa nɛ, lon a Lawa á re kiibaa lɛ kɔn koɛ, bɛ ná a re ziziɛ̃ duduu wa. Bɛa kiibaa lɛ dɔ á re n sii a n kɔ tɔrɔ kɔsɔ la wa. Bɛ lɛ n die kiibaa gialakun kɛ tumaa yɔyɔrɛ, a ǹ ziziɛ̃ lenlen, sɛnɛ, a din nə die goɛ̃ yàa duduu.

Danayeli sɛ́wɔ 7:13

Ma bɛ́ tɔn giɛ, ma màn mɛn yɛ maa tèlò a narɛɛ lɛ gɔ́ɔ̃-n doo, bɛ á ke: Má min yɛ ka min a nɛgiĩ bɛ́ lɔn, a n lon a labaran la die. Á daa yǎa giĩ zizi lɛ li, ǹ nə́ kũ ǹ nə́ daa nɛ a yɔrɔ-a.

Ozee 3:5

Bɛ kio, Izirayeli minin lɛn tá re wusii ǹ ga ǹ Lawa, Dɛnaa Lawa li, ka ǹ kii lɛ nɛ, Davida tɔrɔ lɛa. Ǹ kɔn pinaa, ǹ tá re wusii ǹ wo Lawa li ǹ gɔ̀nɔn nə́ bìn diɛ, mà a bǐɛ̃ kɔ ǹsɛn ganaa.

Amɔɔsi 9:11

Dɛnaa Lawa n kɛ pii: "Davida a kiwi" kɛ n ka mɔnaa zìã bɛ́ lɔn, á ziziɛ̃. Sɛnɛ bɛa pinaa kɛ lɛ nɛ, yala bɛ́ a kungɔn kɛa paǹan mɛnɛn ganaa, ma á re bɛn titiɛ̃. A bǎãn mɛnɛn nə kaa, ma á re wusii ma bɛn dɔ. Ma á re goɛ ma koa lon, a goã ka a bɛ́ lɔn lɛlɛ.

Zakarii 12:10

Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Zakarii 14:4

Bɛa pinaa, a n die gisĩ Olivə kele la, kunu Zeruzalɛmu kiwi ganaa, a lɛ̀giala gɔn la. Olivə kele lɛ n die wɔsɛ a bii ni, a nyankɔrɔ gole goon bɔ, a kũ lɛ̀giala ganaa a wo lɛ̀nyɛɛn yaa. Kele lɛ paǹ goon nə woe gɔsɛ a lɛ̀gɔn la, goon dɔ wo gusin a lɛ̀gɔn la.

Zakarii 6:12

N pɛ-n kɛnɛn mà Dɛnaa Lawa Pàãyiidɛnaa n kɛ pii: Giĩ goon tan kanaa a tɔ n "Da ten". Á re gole koe. A din nə die wusii a maa kion lɛ dɔ.

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Minin nimi 21:8

Dɛnaa Lawa tɔ́n pɛ nɛ: «Miɛ̃ babaraa nyín zɛnaa n pɛnɛ bàlà sasa ganaa lon. Bɛ̀ miɛ̃ min woo min kũ, yǎa ǹ dɛnaa nə n yii saa a ga bɛa miɛ̃ nyín lɛ ganaa, ǹ dɛnaa á die liɛ.»

Minin nimi 35:25

Zaman lɛ die a gɛ̀-dɛle lɛ si gɛ̀ dòo-bɔle lɛ la ǹ da. Gɛ̀-dɛli lɛ goã á woo n mìi duru duru ǹ kiwi mɛn nɛ, zaman lɛ die ǹ kũ ǹ wo-n walan doo. A die a goã walan yǎa Lawa a wúlu-bɔlen kiã kɛ giɛ̃, ǹ nyɔɔ sonbore lɔ ǹ mɛn lɛ-a, ǹ nə́ koa.

Matiə 1:22

Lawa a boo gii-dali na a boo mɛn da á koa, kɛ din tumaa na á n zɛnaa á kɔnpɛ ka bɛ lɛ nɛ:

Matiə 16:21

A saa bɛa biikoo lɛ ganaa, Yezu ná a giala kɔ á nyaa a kialandɛnan manɛ ka a fubaa nɛ, á pɛ: «Masɛ doamaa nɛ ma wo Zeruzalɛmu, ma nɔmaa Zuifun sii yɔrɔ-bɔlen gɔn parsiini: ǹ goledɛnan nɛ, ǹ Lawa a wúlu-bɔlen goledɛnan nɛ ka ǹ landa sii-daraalin ni. Ǹ tá re ma dii, maa gɛ̀ lɛawaa sɔɔ, ma yii á die kiɛ.»

Matiə 26:54

Sɛnɛ, bɛ̀ masɛ zɛnaa miɛ̃, Lawa a boo lɛ lɛ n siɛ lɔn a tɔn pã doo? A n zɛnaa lɔn, Lawa a boo na á pɛ mà a doamaa nɛ a n zɛnaa miɛ̃.»

Matiə 26:56

Sɛnɛ, kɛ din tumaa na á n zɛnaa, màn mɛn bɛ́ toɛ, Lawa a boo gii-dalin nə́ màn mɛn kiɛ̃ Lawa a boo ne, bɛ lɛ lɛ pã.» Bɛa biikoo li, a kialandɛnan tumaa baa si ǹ nə́ toa walan.

Marki 9:31

A giala, a na á goã a kialandɛnan lɛn darɛɛ, á n pii ǹ ni kɛnɛn: «Min a Nɛgiĩ á re n we min baraan gɔn, ǹ tá re dii a gã. A gɛ̀ lɛawaa sɔɔ, a yii á re kiɛ.»

Luku 21:22

A giala, bɛa biikoo lɛ n die goɛ̃ Lawa a gɛ̀ dòo bɔ ǹ lɛawaan lɛa. Màn mɛn tumaa nə n kiɛ̃ sɛ́wɔ nɛ, bɛ doamaa nɛ a n zɛnaa bɛa lɛawaan kɛn lɛn nɛ.

Luku 22:37

A giala, masɛ n pii ka nɛ, Lawa a boo bɛ́ màn mɛn pii, yǎa bɛ lɛ piɛ̃ masɛ ganaa: «Ǹ nə́ da kun ka basaã-kɔlen ne.» Sonbore dɔ nɛ, màn mɛn bɛ́ á n pɛ masɛ wɔ gɔn la, bɛ n die n zɛnɛɛ a lɛ pã.

Luku 24:46

Á pɛ ǹ nɛ: «Màn mɛn nə n kiɛ̃ bɛ á ke: Minin Nyin-sili lɛ n die fuu yii, sɛnɛ, a gɛ̀ lɛawaa sɔɔbaa ǹ wɔ pinaa, a yii á re kiɛ a n bɔ geren bii.

Luku 9:22

Á pɛ ǹ nɛ mà Min a Nɛgiĩ doamaa nɛ a fuu yɛ parsiini. Mà Zuifun goledɛnan nɛ, ǹ Lawa a kion wúlu-bɔlen goledɛnan nɛ, ka ǹ landa sii-daraalin tá re n piɛ̃ asɛ nɛ, mà ǹ tá re asɛ dii asɛ gã, mà asɛ a gɛ̀ lɛawaa sɔɔ mà asɛ yii á re kiɛ.

Luku 9:44

«Ma bɛ́ die màn mɛn pii ka nɛ, ka n too kɔ bɛ ganaa sɔnbɔraanɛ: Minin tá re Min a Nɛgiĩ we min baraan gɔn.»

Zaã a sɛ́wɔ 3:14

Muizu miɛ̃ nyin da gɔn ganaa lon don lɔn ke, yǎa Min a Nɛgiĩ dɔ nə n diɛ lon miɛ̃,

Zaã a sɛ́wɔ 5:39

Ka ǹ Lawa a boo gɔsiɛ, a giala, ka ǹ taasɛ mà bɛ lɛ n toɛ kasɛn nə nyin nyabaã yɛ. A din Lawa a boo kɛ lɛ n siére lɛa masɛ wɔ gɔn la,

Zaã a sɛ́wɔ 5:46

Bɛ̀ ka n ka waa Muizu la, bɛ̀ ka tá wɛɛ masɛ dɔ la, a giala, Muizu na á masɛ din boo da a sɛ́wɔ lɛ nɛ.

Nya ǹ dín 13:33

a na á bɛa boo kɛ lɛ lɛ pã wɔsɛn manɛ, wɔsɛn mɛnɛn bɛ́ kaa nɛnyaanan lɛa, Lawa na á Yezu yii kaa á bɔ geren bii. A na á bɛ zɛnaa á kɔnpɛ ka Lawa Tɔ Bɔ ǹ Loe paabaa ǹ wɔ kɛ a boo ne: «Ma n maa nɛgiĩ lɛa, a kũ pelo ganaa, masɛ din ni n Díi lɛa.»

Nya ǹ dín 13:40

Bɛ lɛ nɛ, ka yiri bɔ ka dinin li, màn mɛn bɛ́ toɛ, Lawa a boo gii-dalin nə màn mɛn pɛ, bɛ baran ka yɛ wa. Maǹ nə́ goã ǹ nə́ pɛ:

Nya ǹ dín 2:27

máa n ba re ma toɛ geren li wa, ma bɛ́ n din a dí-nyali bɔlɔgoondɛnaa lɛa, n ba re toɛ ma gere bɔɔ̃ wa.

Nya ǹ dín 3:18

Sɛnɛ, Lawa din na á pɛ, mà asɛ lɛ kɔ ka Minin Nyin-sili mɛn nɛ, mà bɛ á re fuu yii. A boo gii-dalin tumaa saa lɛlɛ ǹ nə́ bɛ pɛ, mà Lawa na á toa ǹsɛn kɛn lɛn ná a lɛ pã ǹ sii zɛnaa.

Nya ǹ dín 7:37

A din Muizu lɛ na á pɛ Izirayeli minin lɛn manɛ: «Lawa á re a din a boo gii-dali goon boe ka bii ka masɛ bɛ́ lɔn.»

Ebrəə 10:1

Ǹ goã n yii diɛ bǐɛ̃n mɛnɛn la, di-pɛ lɛ n bɛa kɔnboe nuùnaà nyɛɛ, a bie bɛa sii lɛ din taãn kɛ lɛa wa. Lɛ̀ woo lɛ̀, wúlu mànan manə n boe. Min mɛnɛn bɛ́ n mɔrɛ Lawa ganaa, di-pɛ lɛ n boe la, a bɛn baa min lɛ-piɛ̃n lɛa lɔn ka wúlu mànan kɛn barka nɛ?

Ebrəə 3:5

Muizu sɛ na á dí-nyali bɔlɔgoondɛnaa baa, Lawa a tɔrɔ minin bii, Lawa bɛ́ re boo mɛn diɛ, á bɛ pɛ.

Ebrəə 7:1

Mɛlkizedɛki lɛ na á goã Salɛmu kiwi a kii lɛa, a na á goã Lon a Lawa Gole a wúlu-bɔle lɛa. Abrahamu bɛ́ á woo zia da kiin ganaa á boo ǹ la, a bɛ́ n bɔyɛɛ, Mɛlkizedɛki lɛ na á woo n da lɛ, á Lawa bǐɛ̃ bíi li.

Ebrəə 9:8

Lawa a Yiri Fu n nyɛɛ bɛa yɔrɔ kɛ la, mà bɛ̀ bɛa Mɔnaa Kion bibinaa kɛ lɛ tan, mà Bǎã Sonbore Sonbore kɛ a zii na a tɔn nə n bũ min tumaa-n wa.

Piɛrɛ1 1:11

Krita Yiri mɛn goã Lawa a boo gii-dalin lɛn li, bɛ na á saa lɛlɛ á nyaa ǹ nɛ, mà Krita lɛ á re fuu yii, mà bɛa fuun lɛn kio, mà á re wusii a gugurubaa yɛ. Lawa a boo gii-dalin lɛn man nə́ goã giɛ li ǹ dɔ̃, Krita Yiri bɛ́ á boon mɛnɛn nyaa ǹ nɛ, mà bɛn man die n zɛnɛɛ wàa biikoo laanka wàa siin li.

Sii-nyaan 19:10

Má kaa tán lon a dia dí-a wole lɛ giulun, máa ma na a guguru koe. Sɛnɛ, á pɛ ma nɛ: «N nyan toa n bɛ zɛnaa wa! Lawa din sɔɔ̃ guguru kɔ. Masɛ dɔ n Lawa a dí-nyali lɛa ka n dɔ bɛ́ lɔn, ka n dɔɔ̃nɔn mɛnɛn bɛ́ Yezu boo taãn nyaa ǹ nɛ, a nə́ ǹ gɔn.» Yezu boo taãn mɛn nyaa, a din ni Yiri Fu nyaa Lawa a boo gii-dalin dɔn manɛ.