Luku 21:21 - LAWA A BOO SONBORE 2011

²¹ Haya, bɛa biikoo li, min mɛnɛn bɛ́ re goɛ̃ Zudee gána nɛ, bɛn nə baa si ǹ wo kelen la. Ǹ mɛnɛn bɛ́ re goɛ̃ kiwi gɔ́ɔ̃ nɛ, bɛn nə soo ǹ nə n bɔ kiwi. Ǹ mɛnɛn bɛ́ re goɛ̃ lalaa lɛ-an nɛ, bɛn baran wɔ kiwi wa.

LAWA A BOO SONBORE

²¹ Haya, bɛa biikoo li, min mɛnɛn bɛ́ re goɛ̃ Zudee gána nɛ, bɛn nə baa si ǹ wo kelen la. Ǹ mɛnɛn bɛ́ re goɛ̃ kiwi gɔ́ɔ̃ nɛ, bɛn nə soo ǹ nə n bɔ kiwi. Ǹ mɛnɛn bɛ́ re goɛ̃ lalaa lɛ-an nɛ, bɛn baran wɔ kiwi wa.

Luku 21:21 ပူးပေါင်းရင်းမြစ်များ

Siin Giala 19:17

Ǹ bɛ́ Lɔti baɛ̃ soe-n kiwi lɛ nɛ ǹ mɛn waáraa, ǹ nə́ pɛ nɛ kɛnɛn: «Baa si n la koe! N baran ga n kio wa, n baran golee bǎã lɛ a paǹ kɔ́n nɛ wa. Baa si n wo kele la, màn mɛn bɛ́ toɛ, n baran bɔ̀n baa wa.»

Siin Giala 19:26

Lɔti a lɔ nə́ n yii bɔyaa á ga a kio, á n bɔyaa á n baa yìsi kuturu lɛa kɔn lalan.

Suusun 22:3

Bɛ̀ koe á die, yiridɛnaa nə n mìi duri. Yiriwɛɛnaa sɛ na a zii tɔ we yǎa sii yii.

Zeremii 35:11

Sɛnɛ, Baabiloniin kii Nebukadenezɔɔrɔ bɛ́ á yoo gána lɛ gialaa, wɔ́ taasiɛ wɔ kɛnɛn: Á soɛ wɔ ganaa wɔ wo Zeruzalɛmu màn mɛn bɛ́ toɛ wɔ kanbaa *Baabilonii gána a sɔraasin laanka Siirii gána wɔn ganaa. Sisia, wɔ n giã-n kiwi lɛ gɔ́ɔ̃ nɛ.»

Zeremii 37:12

Zeremii goã li a soo a kiwi lɛ nɛ a wo Bɛnzamɛn minin gána nɛ, sumu boo ganaa ǹ dɔɔ̃nɔn li.

Zeremii 6:1

Bɛnzamɛn tɔrɔn lɛn, ka soo ka n bɔ Zeruzalɛmu! Ka n duru bǎã kɔsɔ nɛ. Ka sère gɔ̀lɔ̀ bɛn pɛ Tekoa, ka sii giala pɛ ǹ màn doa tán Bɛti-kerɛmu. A giala, koe n die, koe taãn-taãn lɛa, boe gɔsɛ a lɛ̀gɔn la.

Minin nimi 16:26

Muizu pɛ zaman lɛ nɛ: «Ka n zɔ̃ ka n bɔ bɛa min baraan kɛn lɛn mɔnaa zìãn ganaa, ka baran toa ka n gɔn da ǹ màn kɔn ganaa wa. Bɛ bie wa, ka dɔn man die giɛ̃ bɛa min baraan kɛn lɛn sii baraan lɛn tumaa taman yii.»

Matiə 2:1

Yezu na á yɛ Bɛtlehɛmu kiwi, Zudee gána nɛ, Erɔdi a kiibaa biikoo li. A yɛ kio, leere-dɔ̃lin nə́ n toa lɛ̀giala-n ǹ nə́ daa Zeruzalɛmu.

Matiə 24:16

Bɛa biikoo li, min mɛnɛn bɛ́ re goɛ̃ Zudee gána nɛ, bɛn doamaa nɛ ǹ baa si ǹ wo kelen la.

Marki 13:15

Min mɛn bɛ́ kala-n, bɛ̀ á gisĩ, a doamaa bie a wɔ kion mà asɛ na a mànan goɛ wa.

Sii-nyaan 18:4

Má lɛn kɔsɔ ma boe lon pii: – Lawa a minin lɛn, ka soo ka n bɔ kiwi kɛ nɛ, ń giɛ koe mɛn bɛ́ re ǹ yii, ka gii baran yɛ bɛ laanka ǹ sii baraan kɛn nɛ wa.