Luku 15:28 - LAWA A BOO SONBORE 2011

²⁸ Nɛgiĩ goledɛnaa lɛ foo yoo, á n piã mà asɛ a we kion wa. Ǹ di soo a ná a nyankɔ.

LAWA A BOO SONBORE

²⁸ Nɛgiĩ goledɛnaa lɛ foo yoo, á n piã mà asɛ a we kion wa. Ǹ di soo a ná a nyankɔ.

Luku 15:28 ပူးပေါင်းရင်းမြစ်များ

Izayii 65:5

Maǹ pii minin manɛ: «Ka nyan nə n mɔrɔ ma ganaa wa, ka nyan nə n gɔn da ma ganaa wa. A giala, man Dɛnaa Lawa a bɔ a koa wole lɛa.» Ka bɛ sii mɛn tumaa zɛnɛɛ, a n ma foo yui, a n ma kuĩ baraabaraa ka tɛ bɛ́ lɔn.

Izayii 66:5

Ka n too kɔ Dɛnaa Lawa a boon li, kasɛn mɛnɛn bɛ́ nyɛ́ɛ biɛ a yii ni. Ka dɔɔ̃nɔn man ka biɛ zɔ́ɔ, ǹ tá ka lui masɛ taman yii. Maǹ pii: «Dɛnaa Lawa na a gugurubaa lɛ nyaa kəni, ka bɛ nɛ, wɔ á re kaa foo kɔɔ̃nbaa yii.» Sɛnɛ, sìi n die ǹ dinin kuĩ.

Zeremii 35:16

Rekabu tɔrɔn sɛn nə kɔ ǹ digolo Zonaadaabu a gɔn waa lɛ. Sɛnɛ, kasɛn Zudaa minin, ka n too kɔ ma lon wa!

Zonaasi 4:9

Lawa tɔn pɛ nɛ: «Sonbore tá n lon n foo yoo da kɛ lɛ a gɛ̀ taman yii?» Zonaasi ná a lɛ si: «Sonbore tá ma lon ma foo yoo taãn-taãnɛ, yǎa a doe gɛ̀ ganaa.»

Matiə 20:11

Maǹ nə́ bɛa wɔrɔ lɛ si, bɛ̀ ǹ tá sɛ̀ bisin pii wurudɛnaa lɛ ganaa ǹ lɛ giulun:

Marki 1:40

Giĩ goon ne, gɔ̀nɔn busu babaraa goã a ganaa, á daa Yezu li, á kaa tán a giulun, a ná a nyankɔ parsiini á pɛ: «Bɛ̀ n tá li, n tá boe la n maa busu nya.»

Luku 13:34

Yezu pɛ: – Zeruzalɛmu kiwi, nsɛ lɛ n Lawa a boo gii-dalin dii ǹ nə́ giɛ̃. Lawa bɛ́ min mɛnɛn diɛ n nɛ dí ganaa, ma n bɛn dii ka kɔlɔn nɛ. Masɛ gunyin damata ke man giɛ li, ma tá minin lɛ soekɔn, ka koo dan bɛ́ a nɛn soekɔn a nyàa kan giulun lɔn. Ǹ bɛ́ ǹ lɛ kɔ wa.

Luku 15:2

*Fariziɛ̃n laanka landa sii-daraalin nə́ goã zùzùũ sii. Maǹ nə́ goã pii: Giĩ kɛ n lɛ koe sii baraa-zɛnaalin-a, a n màn dɔ din bii kunun ǹ ni.

Luku 15:27

Bɛ dɔ ná a lɛ si mà ǹ diɛ̃giĩ lɛ na á daa. Mà ǹ di diin nɛ kurunkurun kɛ lɛ dɛ, a giala mà á yɛ, nɛ lɛ wusoo á daa ka gɔ̀nɔn nyantoro ne.

Luku 15:29

Sɛnɛ, nɛ lɛ mà ǹ di ganaa kaa mà a lɛ̀ damatan ke asɛ n dí nyɛɛ nɛ, mà asɛ bin ná a bɔlɔ tii duduu wa. Sɛnɛ, mà a bin bòe nɛ din kɔ asɛ la mà asɛ zɔ́n zɛnaa-n kun a giaáran nɛ wa.

Luku 24:47

Maǹ die a giala koe Zeruzalɛmu ganaa, ǹ Lawa a boo pɛ ka a din tɔ nɛ tɔrɔn tumaa nɛ, mà ǹ wusoo ǹ sii baraan kio, ǹ golee Lawa li, màn mɛn bɛ́ toɛ, Lawa nə ǹ sii baraan toa ǹ nɛ.

Luku 5:30

Fariziɛ̃n lɛn, sanparɛ a landa sii-daraalin kɛn nə́ goã boo zuzuũ diɛ, bɛ̀ ǹ nə́ pii Yezu a kialandɛnan manɛ: «Wàa na á baa ka á màn bii, ka n màn mii kun ka wusuru-silin ni, ka sii baraa-zɛnaalin gialakunun kɛn nɛ?»

Luku 7:39

Fariziɛ̃n giĩ lɛ á Yezu bíi màn bii-a, a bɛ́ á sii kɛ yɛ, á pɛ a din gɔ́ɔ̃-n kɛnɛn: «Bɛ̀ giĩ kɛ n Lawa a boo gii-dali lɛa sonbore, lɔ ke n gɔn diɛ a ganaa, bɛ̀ á dɔ̃ a bɛ́ màn mɛn lɛa, bɛa lɔ kɔrɔ kɛ lɛɛ!»

Nya ǹ dín 13:45

Zuifun bɛ́ ǹ nə́ bɛa zaman kɛ lɛ yɛ, busii wɔ ǹ foo-n parsiini, ǹ ná a giala kɔ ǹ tá Pooli a boo tumaa lɛ sii ka sɔ nɛ.

Nya ǹ dín 13:50

Sɛnɛ, lɔ yii guguru-an mɛnɛn bɛ́ nyɛ́ɛ biɛ Lawa nɛ, Zuifun nə́ bɛn sɔsɔmɔ, ka kiwi a min yii guguru-an nɛ, ǹ nə́ ǹ kaa a ganaa mà ǹ yoo Pooli laanka Barnabaasi gialaa. Ǹ nə́ ǹ loo ǹ nə́ ǹ bɔ ǹ gána nɛ.

Nya ǹ dín 14:19

Sɛnɛ, Zuifun kɔnɔn nə́ bɔ Antiɔsi kiwi Pisidii gána nɛ ka Ikoniɔmu kiwi ni, ǹ nə́ zaman lɛ baã, ǹ nə́ kaa kunun ǹ dinin ni. Ǹ nə́ Pooli dɛ ka kɔlɔ nɛ mà a gã, bɛ kio, ǹ nə́ giɛraa ǹ nə́ woo daa kiwi lɛ lɛkoro-a, a giala maǹ nə́ goã taasɛ mà á gã.

Nya ǹ dín 14:2

Sɛnɛ, Zuifu kɔsɔn mɛnɛn bɛ́ ǹ lɛ kɔ boo lɛ a sonborebaa ganaa wa, bɛn nə́ tɔrɔ kɔsɔn lɛn gòãn sɔsɔmɔ, ǹ nə́ ǹ kaa Lawa-nyankɔlen lɛn ganaa.

Rɔmu minin 10:19

Man nɔ̀n diɛ dɔn: Izirayeli minin manə ǹ bɛ giala ma wa? Muizu pɛ dinin gɔrɔ: «Tɔrɔ mɛn bɛ́ a tɔrɔ lɛa wa, ma dɔ n die ka dɔn kiɛ kɔn ka bɛ nɛ. Tɔrɔ mɛn nə́ ke baãnaa lɛa, man die ka foo yui ka bɛ nɛ.»

Korɛnti2 5:20

Man boo kɛ diɛ ka nɛ Krita bǎã nɛ, ka n pɛ mà Lawa dinmaa lɛ lɛ n boe ka bíi ka masɛ lɛ nɛ: Man ka gòã kuĩ ka Krita tɔ nɛ, ka lɛ kɔ ka n dinin kaa kun ka Lawa nɛ.

Tesaloniki1 2:16

Min mɛnɛn bɛ́ ǹ ba Zuifun lɛa wa maǹ wɔ kurii, mà wɔ baran kirisibaa ǹ boo kɛ pɛ bɛn man wa. Maǹ màn diɛ ǹ dinin sii baraa li miɛ̃ biikoo tumaa li, ǹ tá a lɛ piɛ̃. Sɛnɛ, a giala-nyɔmiɛ li, Lawa a foo-busii yu ǹ mìi ni.

Samayeli1 17:28

Eliabu lɛ, ǹ golon lɛn gole lɛa, Davida boo mɛn pɛ minin lɛn manɛ, á ma. A foo yoo Davida li, á pɛ nɛ: «Ma nə n daa wàa pɛ kànaa? Ma nə n die koa n sèren lɛn li don? Ma nə n yii we sii la, n taasiɛ a siĩn wa, zia lɛ a gamaa lɛa nɛ, ń daa.»

Samayeli1 18:8

Boo lɛ kɔɔ̃n kɔ Sayulu ganaa wa. A foo yoo parsiini, á tɔ́n pɛ: «Minin lɛ n boe pii mà masɛ n má min gigiã dɛ, sɛnɛ mà Davida na á min duu damata dɛ? A n giɛ wàa li kɛ kio, bɛ̀ kiibaa bie wa.»